ആദ്യ ഘട്ടത്തിൽ മണ്ഡലത്തിലെ മുഴുവൻ കോളേജിലെയും വിദ്യാർത്ഥിനികൾക്ക് പി.എസ്.സി വൺ ടൈം രജിസ്ട്രേഷൻ നടത്തുകയം, തുടർന്ന് മണ്ഡലത്തിന് പുറത്ത് പഠനം നടത്തുന്ന കുട്ടികളുടെയും 18 വയസ്സ് പൂർത്തിയായവരുടെയും വൺ ടൈം രജിസ്ട്രേഷൻ പൂർത്ഥികരിക്കുവാനുമാണ് പദ്ധതിയിട്ടിരിക്കുന്നത്. രജിസ്ട്രേഷൻ പൂർത്തിയാക്കിയവർക്ക് ഓറിയെന്റേഷൻ നല്കിയ ശേഷം തെരഞ്ഞെടുക്കപ്പെട്ടവർക്ക് ഓഫ്‌ലൈനായും, ഓണ്ലൈന്നായും സൗജന്യ പി.എസ്.സി പരിശീലനം നല്കി ജോലി നേടിയെടുക്കാൻ പ്രാപ്തരാക്കലാണ് ഈ പദ്ധതിയിലൂടെ ലക്ഷ്യമിടുന്നത്. സൈലത്തിൻ്റെ സഹായ സഹകരണത്തോടുകൂടിയാണ് പരിശീലനം നല്കുന്നത്.

പദ്ധതിയുടെ ഉദ്ഘാടനവും വൺ ടൈം രജിസ്ട്രേഷൻ്റെ തുടക്കവും നാളെ 10 മണിക്ക് കൊണ്ടോട്ടി ഗവർമെന്റ്കോളേജിൽ കോളേജ് യൂണിയന്റെ സഹകരണത്തോടെ ടി. വി.ഇബ്രാഹിം എം.എൽ.എ നിർവഹിക്കും. മണ്ഡലത്തിലെ രാഷ്ട്രീയ സാമൂഹിക രംഗത്തെ പ്രമുഖ വ്യക്തിത്വങ്ങൾ ചടങ്ങിൽ സംബന്ധിക്കും. അക്ഷരശ്രീ വിദ്യാഭ്യാസ പദ്ധതിയുടെ ഭാഗമായുള്ള കെ-സ്റ്റാർ പദ്ധതി,ടാലന്റ് എന്ററിച്മെന്റ് പ്രോഗ്രാം, എവറസ്റ്റ് സ്കോളർഷിപ്പ്, വിജയാരവം, എൽ എസ് എസ്, യു എസ് എസ് പരിശീലനം,വിദ്യാലയങ്ങളിലെ അടിസ്ഥാന സൗകര്യ വികസനം, വിദ്യാർത്ഥികൾക്ക് യാത്രാ സൗകര്യമൊരുക്കൽ, സമഗ്ര ഗുണമേൻമ ഉറപ്പുവരുത്തൽ, പരിശീലന പരിപാടികള്‍ തുടങ്ങിയവ അക്ഷരീ പദ്ധതിയുടെ ഭാഗമായി നിലവിൽ മണ്ഡലത്തിൽ നടന്നു വരുന്നുണ്ട്.

നേരത്തെ സെപ്റ്റംബര്‍ 27നാണ് പ്രഖ്യാപിച്ചിട്ടുള്ളത്. മാസപ്പിറവി കാണാത്തതിനാല്‍ നബി ദിനം സെപ്റ്റംബര്‍ 28 ന് തീരുമാനിച്ച സാഹചര്യത്തില്‍ പൊതു അവധി ഈ ദിവസത്തിലേക്ക് മാറ്റണമെന്നാണ് എം.എല്‍.എ കത്തില്‍ ആവശ്യപ്പെട്ടിട്ടുള്ളത്.

കുറിപ്പിന്റെ പൂര്‍ണ്ണരൂപം

പതിറ്റാണ്ടുകളോളം ഒരു സമൂഹത്തിന് വഴി കാണിച്ച ഏത് പ്രായക്കാരേയും ആകര്‍ഷിക്കുന്ന എഴുത്തുവിദ്യയുടെ കുലപതിയായിരുന്ന റഹീം മേച്ചേരി എന്ന സാത്വികന്‍ കര്‍മ്മ വീഥിയില്‍ പിടഞ്ഞു വീണ ആ ദിനം. തെളിഞ്ഞൊഴുകിയിരുന്ന തൂലിക പാതി വഴിയില്‍ നിശ്ചലമായ ദിനം ! കേട്ട വാര്‍ത്ത ശരിയാവരുതേയെന്ന് പ്രാര്‍ത്ഥിച്ചത് അനേകായിരങ്ങളാണ്.കണ്ണീര്‍ക്കണങ്ങളൊഴുക്കി ശുഭ വാര്‍ത്തക്ക് വേണ്ടി കാത്തിരുന്നത് ജന ലക്ഷങ്ങളാണ്.പക്ഷേ ,ഏകനായ നാഥന്റെ തീരുമാനം മറ്റൊന്നായിരുന്നു .അന്ന് ഹൃദയം നുറുങ്ങുന്ന വേദനയാല്‍ സജലങ്ങളായ മിഴികള്‍ ആ മഹാന്റെ ഓര്‍മ്മകളില്‍ മുഴുകുമ്പോള്‍ വീണ്ടും,വീണ്ടും സജലമാവുകയാണ്. കാലം മായ്ക്കാത്ത മുറിപ്പാടുകളാണ് മേച്ചേരിയുടെ വേര്‍പാട് സമുദായത്തിന് സമ്മാനിച്ചത്.

വിദ്യാര്‍ഥി രാഷ്ട്രീയത്തിലൂടെ പൊതുരംഗത്തെത്തിയ അദ്ദേഹം പ്രഭാഷകന്‍, കോളമിസ്റ്റ്, പത്രപ്രവര്‍ത്തകന്‍, ഓര്‍മയിലും നിരീക്ഷണത്തിലും കൃത്യതയുളള കേരളത്തിലെ ഏറ്റവും കരുത്തനായ രാഷ്ട്രീയ ലേഖകന്‍ എന്നീ നിലകളില്‍ കഴിവുകള്‍ തെളിയിച്ചു.മുസ്ലിംലീഗും അതിന്റെ പ്രവര്‍ത്തകരുമായിരുന്നു മേച്ചേരിയിലെ ഹൃദയ വൈകാരികതയെ ജ്വലിപ്പിച്ചു നിര്‍ത്തിയ ഘടകങ്ങള്‍ എം.എല്‍.എ പറഞ്ഞു.

ഫെയ്‌സ്ബുക്ക് കുറിപ്പ്

സര്‍ക്കാരിന്റെയും അധികൃതരുടെയും പിടിവാശി കാരണം കൊണ്ടോട്ടി മണ്ഡലത്തിലെ തവനൂര്‍ സ്വദേശി എന്‍.സി ഷെരീഫിന്റെ ഇരട്ടകുഞ്ഞുങ്ങള്‍ക്ക് ചികിത്സ ലഭിക്കാത്ത കാരണത്താല്‍ ജീവന്‍ നഷ്ട്ടപ്പെട്ട സംഭവത്തില്‍ അതിയായി ദു:ഖിക്കുന്നു. ഇനി ഒരാള്‍ക്കും ഈ ദുരവസ്ഥ ഇല്ലാതിരിക്കാന്‍ ഇതിന് കാരണക്കാരായ സര്‍ക്കാര്‍ ,സ്വാകാര്യ ആശുപത്രിയിലെ
ഉദ്യോഗസ്ഥര്‍ക്കും ജീവനക്കാര്‍ക്കും എതിരെ മാതൃകാപരമായ ശിക്ഷാനടപടികള്‍ സ്വീകരിക്കണം.
ഷെരീഫിന്റെ ഭാര്യയെ നേരത്തെ പതിവ് ചെക്കപ്പിന് വിധേയയാക്കിയപ്പോള്‍ കൊവിഡ് പൊസിറ്റിവ് ആയിരുന്നു. പക്ഷേ ലക്ഷണങ്ങളൊന്നും കണ്ടിരുന്നില്ല. രണ്ടാഴ്ചയ്ക്ക് ശേഷം നെഗറ്റിവ് ആവുകയുംചെയ്തു. ഇതിനിടെ ശനിയാഴ്ച പുലര്‍ച്ചെ നാലുമണിക്ക് പ്രസവ വേദനവന്നു ആശുത്രിയിലേക്ക് കൊണ്ടുപോയി.

കൊവിഡ് രോഗികള്‍ക്കു മാത്രമെ ചികിത്സയുള്ളൂവെന്ന് മഞ്ചേരി മെഡിക്കല്‍ കോളജും നേരത്തെ കൊവിഡ് ഉണ്ടായിരുന്നതിനാല്‍ ഇവിടെ പറ്റില്ലെന്ന് സ്വകാര്യ ആശുപത്രികളും പറഞ്ഞ് കൈയൊഴിയുകയായിരുന്നു. പൂര്‍ണ ഗര്‍ഭിണിയായ ഭാര്യയെയും കൊണ്ട് 14 മണിക്കൂര്‍ 3 ആശുപത്രി അതികൃതരോട് കരഞ്ഞ് പറഞ്ഞിട്ടും ആശുപത്രി ജീവനക്കാരോ,ഡോക്ടര്‍മാരോ ഗൗനിച്ചത് പോലുമില്ല . ഡി.എം.ഒ ഉള്‍പ്പെടെയുള്ളവരുമായും മെഡിക്കല്‍ കോളജ് സൂപ്രണ്ടുമായും സ്വകാര്യ ആശുപത്രിക്കാരോടും വീണ്ടും വീണ്ടും മണിക്കൂറുകള്‍ കാത്ത് നിന്ന് കെഞ്ചിപറഞ്ഞിട്ടും ഒരു രക്ഷയും ഉണ്ടായില്ല. ഈ സംഭവം സാക്ഷര കേരളത്തിന് അങ്ങേയറ്റം അപമാനകരമാണ്.

ആരോഗ്യരംഗത്തിനും ആരോഗ്യ മന്ത്രിക്കും പേരും പ്രശസ്തിയും അവാര്‍ഡും കിട്ടിയ കേരളത്തില്‍ ആരോഗ്യ മന്ത്രി ഉള്‍പ്പെടെയുള്ളവര്‍ ഇത്തരം സംഭവം ഗൗരവമായി കാണുന്നു പോലുമില്ല . ഈ നീതി നിഷേധത്തിനെതിരെ ശക്തമായ പ്രതിഷേധവുമായി മുന്നോട്ട് പോകുമെന്നും ഇതിന്റെ കുറ്റക്കാര്‍ക്കെതിരെ ശക്തമായ നടപടി സ്വീകരിക്കണമെന്ന് ആവശ്യപ്പെട്ട് മുഖ്യമന്ത്രിയുമായും ആരോഗ്യ മന്ത്രിയുമായും കളക്ടര്‍ ,ഡി.എം.ഒ എന്നിവരുമായും സംസാരിച്ചു. മനുഷ്യന്റെ ജീവന്‍ കൊണ്ടുള്ള ഇത്തരം പ്രശ്‌നങ്ങള്‍ നിരന്തരമായി അതികൃതരുടെ ശ്രദ്ധയില്‍ കൊണ്ടു വന്നിട്ടും അവര്‍ ഗൗരവമായി എടുക്കുന്നില്ല .നിലക്കാത്ത പ്രതിഷേധങ്ങള്‍ ഇത്തരം അനീതികളെ എന്നന്നേക്കുമായി ഇല്ലാതാക്കട്ടെ …..

ഉള്ളിക്ക് പൊന്നുവില, മനുഷ്യന്റെ തലക്ക് പുല്ലുവില എന്നതാണ് കേരളത്തിലെ അവസ്ഥ. വിലവര്‍ധിക്കുമ്പോള്‍ വിപണിയിടപെടല്‍ നടത്താതെ സര്‍ക്കാര്‍ കയ്യും കെട്ടി നോക്കിനില്‍ക്കുന്നു. മുമ്പ് വിലക്കയറ്റമുണ്ടാകുമ്പോള്‍ ആഗോളവല്‍ക്കരണം, ഉദാരവല്‍ക്കരണമെന്ന് പറഞ്ഞ് കേന്ദ്രസര്‍ക്കാറിനെ പഴിചാരിയിരുന്ന എല്‍.ഡി.എഫ് സര്‍ക്കാര്‍ ഇപ്പോള്‍ മോദിയെ പേടിച്ചിട്ടാണോയെന്ന് അറിയില്ല, മിണ്ടുന്നേയില്ല. കരിഞ്ചന്തക്കാര്‍ക്കും പൂഴ്ത്തിവെപ്പുകാര്‍ക്കും കൂട്ടുനില്‍ക്കുന്ന സര്‍ക്കാറിന്റെ മുദ്രാവാക്യം വിലകൂട്ടിക്കോ, സര്‍ക്കാര്‍ ഒപ്പമുണ്ട് എന്നാണ്. സപ്ലൈകോപോലുള്ള സര്‍ക്കാര്‍ സ്ഥാപനങ്ങളില്‍ പോലും വിപണിവിലയേക്കാള്‍ കൂടുതല്‍ നല്‍കേണ്ടി വരികയാണ്. ലഭിക്കുന്നതാകട്ടെ ഗുണമേന്മയില്ലാത്ത സാധനങ്ങളാണെന്നും മാവേലിസ്റ്റോറില്‍ നിന്നും വാങ്ങിയ ഗുണംകുറഞ്ഞ ഗോതമ്പ്‌പൊടി സഭക്ക് മുമ്പാതെ പ്രദര്‍ശിപ്പിച്ച് ഇബ്രാഹിം പറഞ്ഞു.
വിലക്കയറ്റമില്ലെന്നാണ് അടിയന്തരപ്രമേയത്തിന് മറുപടി നല്‍കിയ ഭക്ഷ്യമന്ത്രി പറയുന്നത്. എന്നാല്‍ ചൊവ്വാഴ്ച സഭയില്‍ അംഗങ്ങളുടെ ചോദ്യത്തിന് നല്‍കിയ മറുപടിയില്‍ വിലക്കയറ്റമുണ്ടെന്ന് പറഞ്ഞ മന്ത്രി സഭയെ തെറ്റിദ്ധരിപ്പിക്കുകയാണ്. അരിയും പച്ചക്കറിയും ഉള്‍പ്പെടെയുള്ള നിത്യോപയോഗ സാധനങ്ങള്‍ക്കും തൊട്ടാല്‍പ്പൊള്ളുന്ന വിലയാണ്. ഇതൊന്നും സര്‍ക്കാര്‍ അറിഞ്ഞ ഭാവം നടിക്കുന്നില്ല. ഓരോ മാര്‍ക്കറ്റിലും അരിക്ക് ഓരോ വിലയാണ്. ചാലയിലെ വിലയല്ല, മലബാറിലേത്. കേരളീയര്‍ പൊതുവെ ഉപയോഗിക്കുന്ന സുരേഖ, ജയ അരിക്ക് ഈ സര്‍ക്കാര്‍ അധികാരമേല്‍ക്കുമ്പോള്‍ 32-34 രൂപയായിരുന്നത് ഇപ്പോള്‍ 50 രൂപയോളമായി. പച്ചരിക്ക് 30 രൂപയായിരുന്നത് ഇപ്പോള്‍ 46 രൂപയാണ്. പച്ചക്കറികള്‍ക്ക് മിക്കതിനും ഇരട്ടി വിലയാണ്. മലബാറില്‍ തക്കാളിയുടെ വില 120 രൂപയാണ്- ഇബ്രാഹിം ചൂണ്ടിക്കാട്ടി.