tv ibrahim – Chandrika Daily

വിദ്യാര്‍ത്ഥി ബൈക്ക് ഇടിച്ചു മരിച്ച സംഭവം; ചികിത്സാ പിഴവില്‍ നടപടി ആവശ്യപ്പെട്ട് കത്തു നല്‍കി ടി.വി ഇബ്രാഹിം എം.എല്‍.എ

webdesk14 — Thu, 22 Feb 2024 05:22:18 +0000

കൊണ്ടോട്ടിയില്‍ ബൈക്കിടിച്ചു ഗുരുതര പരുക്കേറ്റ വിദ്യാര്‍ഥി ചികിത്സ ലഭിക്കാതെ മരിച്ചെന്ന ബന്ധുക്കളുടെ പരാതിയില്‍ അന്വേഷണം നടത്തി നടപടി സ്വീകരിക്കണമെന്നാവശ്യപ്പെട്ട് മുഖ്യമന്ത്രി പിണറായി വിജയന്‍, ആരോഗ്യമന്ത്രി വീണ ജോര്‍ജ് എന്നിവര്‍ക്ക് കത്തു നല്‍കിയതായി ടി.വി.ഇ ബ്രാഹിം എംഎല്‍എ.

വിഷയം മുഖ്യമന്ത്രി, ആരോഗ്യമന്ത്രി എന്നിവരുടെ ശ്രദ്ധയില്‍പെടുത്തിയതായി എംഎല്‍എ അറിയിച്ചു. ആരോഗ്യമന്ത്രി വീണാ ജോര്‍ജ്, ഗതാഗത മന്ത്രി കെ.ബി.ഗണേഷ്‌കുമാര്‍, മലപ്പുറം കലക്ടര്‍, മനുഷ്യാവകാശ കമ്മിഷന്‍ തുടങ്ങിയവര്‍ക്കുകൂടി ഇന്നലെ പരാതി അയച്ചതായി മുഹമ്മദ് ഷമ്മാസിന്റെ കുടുംബം അറിയിച്ചു. കഴിഞ്ഞ ദിവസം മുഖ്യമന്ത്രി, ജില്ലാ പൊലീസ് മേധാവി എന്നിവര്‍ക്കു പരാതി നല്‍കിയിരുന്നു.

ജപ്തി നടപടികൾ ഏകപക്ഷീയവും പ്രതിഷേധാർഹവുമാണെന്ന് ടിവി ഇബ്രാഹിം എം.എല്‍.എ

Chandrika Web — Mon, 23 Jan 2023 08:22:08 +0000

പോപ്പുലർ ഫ്രണ്ട് നിരോധനത്തിനെതിരെ അവർ നടത്തിയ ഹർത്താലിനിടയിൽ സംഭവിച്ച അനിഷ്ട സംഭവങ്ങൾക്ക് നഷ്ടപരിഹാരം ഈടാക്കാൻ എന്ന പേരിൽ പിണറായി സർക്കാർ നടത്തിക്കൊണ്ടിരിക്കുന്ന ജപ്തി നടപടികൾ ഏകപക്ഷീയവും പ്രതിഷേധാർഹവുമാണെന്ന് ടിവി ഇബ്രാഹിം എം.എല്‍.എ പറഞ്ഞു.
ഹർത്താലിന്റെ മറവിൽ പൊതുമുതൽ നശിപ്പിച്ച പോപ്പുലർ ഫ്രണ്ടുകാർക്കെതിരെ നിയമാനുസൃതമുള്ള നടപടികൾ സ്വീകരിക്കുന്നതിന് ഇവിടെ ആരും എതിരല്ല. എന്നാൽ, പിണറായി സർക്കാരിന്റെ ജപ്തി നടപടികൾ പോപ്പുലർ ഫ്രണ്ടുകാരിൽ ഒതുങ്ങി നിൽക്കുന്നില്ല. ഈ അവസരം ഉപയോഗിച്ച് നിരപരാധികളായ നിരവധി പൗരൻമാരുടെ സ്വത്തുവകകൾ സർക്കാർ കണ്ടുകെട്ടുന്നുണ്ട്. അവരിൽ വർഷങ്ങൾക്ക് മുമ്പ് മരണമടഞ്ഞവരും വർഷങ്ങളായി വിദേശ രാജ്യങ്ങളിൽ കഴിയുന്നവരുന്നുണ്ട്. മുസ്‌ലിം ലീഗിന്റെയും മറ്റ് പല സംഘടനകളുടെയും പ്രവർത്തകരുണ്ട്. ഇടതുപക്ഷത്തെ പിന്തുണക്കുന്നവർ പോലുമുണ്ട്. പോപ്പുലർ ഫ്രണ്ട് വേട്ട എന്ന പേരിൽ നിരവധി പൗരൻമാരുടെ പട്ടിക തയ്യാറാക്കി സർക്കാർ നടത്തുന്ന ജപ്തി നടപടികൾ യഥാർത്ഥത്തിൽ മോദി സർക്കാരിന്റെ മുസ്‌ലിം വിരുദ്ധ വേട്ടയുടെ അതേ മാതൃകയിൽ ഉള്ളതാണ്.

ഹർത്താലിലെ നാശനഷ്ടങ്ങൾക്ക് പരിഹാരം അതിനുത്തരവാദികളായ പാർട്ടി പ്രവർത്തകരുടെ സ്വത്തുവകകൾ ജപ്തി ചെയ്യലാണെങ്കിൽ, ഉദ്യോഗസ്ഥർ ആദ്യം പോകേണ്ടത് എകെജി സെന്ററിലേക്കാണ്. കാലാകാലങ്ങളായി ഹർത്താലിന്റെ മറവിൽ പൊതുമുതൽ നശിപ്പിച്ച പാരമ്പര്യമുള്ള സിപിഎം പാർട്ടിയുടെ ആസ്ഥാനത്തേക്ക്. അതോടൊപ്പം, ആർഎസ്എസിന്റെ നേതൃത്വത്തിൽ നടന്ന ഹർത്താലുകളുടെ മറവിൽ നശിപ്പിക്കപ്പെട്ട പൊതുമുതലിന് ആരിൽ നിന്നാണ് നഷ്ടപരിഹാരം ഈടാക്കിയതെന്ന് കൂടി പിണറായി സർക്കാർ വെളിപ്പെടുത്തണം. ലോകം ഒന്നാകെ നോക്കിനിൽക്കെ നിയമസഭ അടിച്ചുതകർത്ത വീരവിപ്ലവകാരികളെ സർക്കാരിന്റെയും പാർട്ടിയുടെയും താക്കോൽ സ്ഥാനങ്ങളിൽ കുടിയിരുത്തിയ പിണറായി വിജയന്റെ സർക്കാരാണ് ജപ്തി നടപടികളുമായി നിരപരാധികളെ വേട്ടയാടുന്നത്. ഏകപക്ഷീയമായ ഈ നടപടികൾ നിയമസഭയിലും പൊതുവേദികളിലും ചോദ്യം ചെയ്യും.

എസ്.ഇ.യു ജില്ലാ സമ്മേളനത്തിന് പ്രൗഢോജ്വല തുടക്കം

webdesk12 — Fri, 20 Jan 2023 14:33:22 +0000

ചെമ്മാട്: സ്റ്റേറ്റ് എംപ്ലോയീസ് യൂണിയൻ (എസ്.ഇ.യു) മലപ്പുറം ജില്ലാ സമ്മേളനത്തിന് ചെമ്മാട്ട് തുടക്കമായി. ആദ്യദിവസം ‘മായ്ക്കാനാകില്ല വീരമുദ്രകൾ’ വിഷയത്തിൽ നടന്ന ചരിത്രസെമിനാർ ടി.വി ഇബ്രാഹീം എംഎൽഎ ഉദ്ഘാടനം ചെയ്തു. ചരിത്രയാഥാർത്ഥ്യങ്ങളെ തമസ്കരിക്കാനും തിരുത്തി എഴുതുവാനുമുള്ള നിഗൂഢശ്രമങ്ങൾക്ക് ഭരണകൂടങ്ങൾ തന്നെ നേതൃത്വം നൽകുന്ന ഭീഷണമായ രാജ്യസാഹചര്യത്തിൽ രാജ്യസ്നേഹികൾ അതിജാഗ്രത കൊണ്ട് പ്രതിരോധം തീർക്കേണ്ടതുണ്ടെന്ന് അദ്ദേഹം അഭിപ്രായപ്പെട്ടു. ചരിത്രകാരനും ജില്ലാ പഞ്ചായത്ത് അംഗവുമായ ടി.പി.എം ബഷീർ, സി.എം.പി അസിസ്റ്റന്റ് സെക്രട്ടറി കൃഷ്ണൻ കോട്ടുമല, എ.കെ മുസ്തഫ എന്നിവർ വിഷയം അവതരിപ്പിച്ചു. സംസ്ഥാന സെക്രട്ടറി ഹമീദ് കുന്നുമ്മൽ അധ്യക്ഷനായി. ചരിത്രസത്യങ്ങൾ വളച്ചൊടിക്കുന്നവർക്ക് തിരൂരങ്ങാടിയുടെ വീരോചിതമായ പോരാട്ടസ്മരണകളും സൗഹാർദ്ദ പാരമ്പര്യവും ഉജ്വലമാതൃകകൾ സമ്മാനിക്കുന്നതാണെന്നും, ഈ പ്രദേശത്തിന്റെ ഇതിഹാസതുല്യമായ വീരചരിതങ്ങൾ പാഠപുസ്തകങ്ങളിലൂടെ പകർന്നു നൽകണമെന്നും സെമിനാർ ആഹ്വാനം ചെയ്തു. തിരൂരങ്ങാടി നഗരസഭാ ചെയർമാൻ കെ.പി മുഹമ്മദ് കുട്ടി, ഹനീഫ പുതുപ്പറമ്പ്, യു.കെ മുസ്തഫ മാസ്റ്റർ,സജീർ പന്നിപ്പാറ, കെ.പി അനിൽകുമാർ, സി.എച്ച് അബൂബക്കർ സിദ്ദീഖ്, കെ. മുഈനുൽ ഇസ്‌ലാം എന്നിവർ സംസാരിച്ചു.

മുൻകാല എസ്.ഇ.യു പ്രവർത്തകരെ ഒരുമിപ്പിക്കുന്ന ‘വേര്’ തലമുറ സംഗമം യു.ടി.ഇ.എഫ് ജനറൽ കൺവീനർ എ.എം അബൂബക്കർ ഉദ്ഘാടനം ചെയ്തു. സംസ്ഥാന സെക്രട്ടേറിയറ്റ് അംഗം എൻ കെ അഹമ്മദ് അധ്യക്ഷനായി. മണ്ണിലാഴ്ന്നിറങ്ങിയ വേരുകൾ ഇല്ലാതെ വരുന്ന പക്ഷം ഏതു വൻമരവും പാഴ്മരമായി നിലംപതിച്ചു പോകുമെന്നും, പഴയ തലമുറകൾ പിൻഗാമികൾക്കുള്ള ദിശാസൂചികകളാണെന്നും സംഗമം അഭിപ്രായപ്പെട്ടു. കെ.കെ ഹംസ, നാനാക്കൽ മുഹമ്മദ്, കെ എം റഷീദ്, സി എച്ച് ജലീൽ, മുഹമ്മദ് പുല്ലുപറമ്പൻ, യു.പി അബ്ദുൽ വാഹിദ്, ഉമ്മർ മുല്ലപ്പള്ളി, ബഷീർ പാലത്തിങ്ങൽ, അബ്ദുൽ ഗഫൂർ പാലത്തിങ്ങൽ, കെ. മൊയ്തീൻ കോയ, സി മുഹമ്മദ്, കെ വി പി കുഞ്ഞിപ്പോക്കർ കുട്ടി, ഇ ഒ അബ്ദുൽ ഹമീദ്, സി.പി മുഹമ്മദ് കുട്ടി തുടങ്ങിയവർ പ്രസംഗിച്ചു.
ശനിയാഴ്ച രാവിലെ ഒന്‍പത് മണിക്ക് ജില്ലാ പ്രസിഡന്റ് പതാക ഉയത്തും. പത്ത് മണിക്ക് സംഘടനാ സമ്മേളനം കുറുക്കോളി മൊയ്തീല്‍ എംഎല്‍എ ഉദ്ഘാടനം ചെയ്യും. സംസ്ഥാന സെക്രട്ടറി കെ.അബ്ദുല്‍ ബഷീര്‍, സി ലക്ഷ്മണന്‍, ഇഖ്ബാല്‍ കല്ലുങ്ങല്‍ സംബന്ധിക്കും.
പതിനൊന്ന് മണിക്ക് ഉദ്ഘാടന സമ്മേളനം മുസ്‌ലീം ലീഗ് സംസ്ഥാന ജനറല്‍ സെക്രട്ടറി അഡ്വ.പി.എം.എ സലാം ഉദ്ഘാടനം ചെയ്യും. കെ.പി.എ മജീദ് എം.എല്‍.എ മുഖ്യാതിഥിയായിരിക്കും. ജില്ലയിലെ സര്‍ക്കാര്‍ ജീവനക്കാരുടെ സര്‍ഗകൃതികള്‍ ഉള്‍ക്കൊള്ളിച്ച ‘സ്പാര്‍ക്ക് ‘ സമ്മേളനപ്പതിപ്പിന്റെ പ്രകാശനം പി. അബ്ദുല്‍ ഹമീദ് മാസ്റ്റര്‍ എംഎല്‍എ നിര്‍വഹിക്കും. എസ്.ഇ.യു സംസ്ഥാന ജനറല്‍ സെക്രട്ടറി ആമിര്‍ കോഡൂര്‍ റിപ്പോര്‍ട്ടിംഗ് നടത്തും. എം.കെ ബാവ, പി.എസ്.എച്ച് തങ്ങള്‍, കുഞ്ഞിമരക്കാര്‍, യു.എ റസാഖ്, യു.കെ മുസ്തഫ മാസ്റ്റര്‍, മൂഴിക്കല്‍ ബാവ തുടങ്ങിയവര്‍ സംബന്ധിക്കും.

പ്രതിനിധി സമ്മേളനം പന്ത്രണ്ട് മണിക്ക് എസ്.ഇ.യു സംസ്ഥാന പ്രസിഡന്റ് സിബി മുഹമ്മദ് ഉ്ദ്ഘാടനം ചെയ്യും. സംസ്ഥാന വൈസ് പ്രസിഡന്റ് എം.എ മുഹമ്മദലി പ്രമേയ പ്രഭാഷണം നടത്തും. എസ്.ടി.യു ദേശീയ സെക്രട്ടറി ഉമ്മര്‍ ഒട്ടുമ്മല്‍, ഡോ. ആബിദ ഫാറൂഖി, ഒ. ഷൗക്കത്തലി സംബന്ധിക്കും.
ഉച്ചക്ക് രണ്ടിന് നടക്കുന്ന സാംസ്‌കാരിക സമ്മേളനത്തില്‍ ‘ദേശീയത: പൈതൃകം-പരിണാമം -പ്രത്യാശകള്‍’ സെമിനാര്‍ നടക്കും. മുന്‍ വിദ്യാഭ്യാസ വകുപ്പ് മന്ത്രി പി.കെ അബ്ദുറബ്ബ് ഉദ്ഘാടനം ചെയ്യും. കവി ഡോ. സോമന്‍ കടലൂര്‍, യങ് ആക്ടിവിസ്റ്റ് അഡ്വ. നജ്മ തബ്ഷീറ, യുവ എഴുത്തുകാരന്‍ കെ.എം ശാഫി എന്നിവര്‍ പ്രസംഗിക്കും. പി.ഒ ഹംസ മാസ്റ്റര്‍, ഡോ അഹമ്മദ് കോയ, ഡോ എം.സി അബ്ദുറഹിമാന്‍, മുന്‍ കേരള സന്തോഷ് ട്രോഫി ക്യാപ്റ്റന്‍ ഉസ്മാന്‍, ചിത്രകാരി സി.എച്ച് മാരിയത്ത് എന്നിവരെ ആദരിക്കും.
വൈകീട്ട് നാലിന് ചെമ്മാട് ടൗണില്‍ ജീവനക്കാരുടെ ശക്തിപ്രകടനം നടക്കും. തുടർന്ന് നടക്കുന്ന പൊതുസമ്മേളനം മുസ്‌ലിം ലീഗ് ജില്ലാ ട്രഷറര്‍ അരിമ്പ്ര മുഹമ്മദ് മാസ്റ്റര്‍ ഉദ്ഘാടനം ചെയ്യും. സ്വാഗതസംഘം ചെയർമാൻ സി.എച്ച് മഹ്‌മൂദ് ഹാജി അധ്യക്ഷത വഹിക്കും. പ്രവാസി ലീഗ് സംസ്ഥാന പ്രസിഡണ്ട് ഹനീഫ മൂന്നിയൂര്‍, വി.കെ മുനീര്‍ റഹ്‌മാന്‍, പരപ്പനങ്ങാടി നഗരസഭാധ്യക്ഷൻ എം ഉസ്മാന്‍, എം. അബ്ദുറഹിമാന്‍ കുട്ടി, നാസര്‍ എടരിക്കോട്, പി.കെ അലി അക്ബര്‍ തുടങ്ങിയവർ സംബന്ധിക്കും. സംഘടനാ ചർച്ചകൾക്കും ഭാരവാഹി തെരഞ്ഞെടുപ്പിനും ശേഷം സമ്മേളനം നാളെ സമാപിക്കും