യൂണിവേഴ്‌സിറ്റി കോളജില്‍ നടന്ന കുത്തു കേസില്‍ ജയിലില്‍ കഴിയുന്ന പ്രതികളായ ശിവരഞ്ജിതിനെയും നസീമിനെയും കസ്റ്റഡിയില്‍ വാങ്ങി ക്രൈംബ്രാഞ്ച് ചോദ്യം ചെയ്തപ്പോഴാണ് നിര്‍ണായക വിവരങ്ങള്‍ പ്രതികളില്‍ നിന്നു ലഭിച്ചത്.

ജയിലില്‍ വെച്ച് ചോദ്യം ചെയ്തപ്പോള്‍ പ്രതികള്‍ കോപ്പിയടിച്ചുവെന്ന് സമ്മതിച്ചുവെന്നല്ലാതെ എങ്ങനെയെന്ന് വെളിപ്പെടുത്തിയിരുന്നില്ല. എന്നാല്‍ ക്രൈംബ്രാഞ്ച് ചോദ്യം ചെയ്തതോടെ സ്മാര്‍ട്ട് വാച്ച് ഉപയോഗിച്ചാണ് കോപ്പിയടിച്ചതെന്ന് തുറന്നു പറയുകയായിരുന്നു.

കോപ്പിയടിക്കുന്നതിനു വേണ്ടി ഓണ്‍ലൈന്‍ വഴി വാച്ചുകള്‍ വാങ്ങി എന്നാണ് സംശയിക്കുന്നത്.

തിരുവനന്തപുരം: പി.എസ്.സി പരീക്ഷയില്‍ ഉയര്‍ന്ന റാങ്കുകള്‍ നേടിയ കുത്തുകേസ് പ്രതികള്‍ക്കു പി.ജി പരീക്ഷയില്‍ പൂജ്യവും പത്തില്‍ താഴെയും മാര്‍ക്കുകള്‍. യൂണിവേഴ്‌സിറ്റി കോളജ് കുത്തുകേസിലെ ഒന്നാം പ്രതിയും പി.എസ്.സി സിവില്‍ പൊലീസ് ഓഫീസര്‍ പരീക്ഷയിലെ ഒന്നാം റാങ്കുകാരനുമായ ആര്‍.ശിവരഞ്ജിത്, കേരള സര്‍വകലാശാല എം.എ ഫിലോസഫി ആദ്യ സെമസ്റ്റര്‍ പരീക്ഷ രണ്ടു തവണ എഴുതിയിട്ടും ജയിച്ചില്ല. പൊലീസ് റാങ്ക് പട്ടികയിലെ 28ാം റാങ്കുകാരനായ രണ്ടാം പ്രതി എ.എന്‍ നസീമിനും എം.എ ഫിലോസഫി ആദ്യ സെമസ്റ്ററില്‍ രണ്ടു ശ്രമം നടത്തിയിട്ടും തോല്‍വിയായിരുന്നു. ഇരുവരും കഴിഞ്ഞ മൂന്നു സെമസ്റ്ററുകളിലും പാസായിട്ടില്ല. പി.എസ്.സി റാങ്ക് പട്ടികയെ സംബന്ധിച്ചുള്ള സംശയങ്ങള്‍ക്ക് ആക്കം കൂട്ടിയിരിക്കുകയാണ് ഇരുവരുടെയും പി.ജി മാര്‍ക്കുകള്‍.

കഴിഞ്ഞ വര്‍ഷമാണ് ശിവരഞ്ജിത് ഒന്നാം സെമസ്റ്റര്‍ പരീക്ഷ സപ്ലിമെന്ററിയായി എഴുതിയത്. ഇതില്‍ നാലു പേപ്പറും തോറ്റ് ഈ വര്‍ഷം വീണ്ടും പരീക്ഷയെഴുതി. ആദ്യ തവണ ഇന്ത്യന്‍ ഫിലോസഫി പേപ്പറില്‍ നാലു മാര്‍ക്ക് മാത്രമാണ് ഇയാള്‍ നേടിയത്. രണ്ടാം തവണ പന്ത്രണ്ട് മാര്‍ക്ക്. വെസ്റ്റേണ്‍ ഫിലോസഫിക്ക് മാര്‍ക്ക് മൂന്നര. മറ്റു രണ്ടു പേപ്പറിലും തോറ്റു.

നസീമിന്റെ അവസ്ഥയും സ്ഥിതി വ്യത്യസ്തമല്ല. ഇന്ത്യന്‍ ഫിലോസഫിക്കു ഒന്‍പത് മാര്‍ക്ക് നേടിയ ഇയാള്‍ മോഡേണ്‍ ഇന്ത്യന്‍ തോട്ട്‌സിനും ഫിലോസഫി ഓഫ് സയന്‍സിനും നേടിയത് പൂജ്യം മാര്‍ക്ക് വീതം. പ്രകടനം മോശമായതോടെ വളഞ്ഞ വഴിയില്‍ പരീക്ഷാ കടമ്പ കടക്കാന്‍ സര്‍വകലാശാല ഉത്തരക്കടലാസുകള്‍ മോഷ്ടിക്കുകയായിരുന്നെന്നാണ് സൂചന.

തിരുവനന്തപുരം: യൂണിവേഴ്‌സിറ്റി കോളജ് വിഷയത്തില്‍ സംസ്ഥാന സര്‍ക്കാരിനെതിരെയുള്ള പ്രതിഷേധങ്ങളുടെ ഭാഗമായി യു.ഡി.എഫ് നടത്തുന്ന സെക്രട്ടേറിയറ്റ് ഉപരോധം പുരോഗമിക്കുന്നു. രാവിലെ ആറിന് തുടങ്ങിയ ഉപരോധം ഉച്ചക്ക് ഒരു മണി വരെ നീണ്ടു നില്‍ക്കും. യൂണിവേഴ്‌സിറ്റി കോളജ് ഉള്‍പ്പെടെയുള്ള വിഷയങ്ങളെ മുന്‍ നിര്‍ത്തിയാണ് ഉപരോധം.

കോളജിലെ അക്രമ സംഭവങ്ങളില്‍ സി.ബി.ഐ അന്വേഷണം നടത്തുക, മത്സര പരീക്ഷകളുടെ വിശ്വാസ്യത സംരക്ഷിക്കുന്നതിനായി ഇതു സംബന്ധിച്ച നടപടിക്രമങ്ങളില്‍ അന്വേഷണം പ്രഖ്യാപിക്കുക, കാരുണ്യ ഇന്‍ഷൂറന്‍സ് പദ്ധതി പുന:സ്ഥാപിക്കുക, വിലക്കയറ്റം തടയുക, വര്‍ധിച്ച വൈദ്യുതി ചാര്‍ജ് കുറക്കുക, തദ്ദേശ ഭരണ സ്ഥാപനങ്ങളുടെ പദ്ധതി വിഹിതം വെട്ടിക്കുറച്ച സംസ്ഥാന സര്‍ക്കാരിന്റെ നടപടി പുന: പരിശോധിക്കുക തുടങ്ങി നിരവധി ആവശ്യങ്ങള്‍ യു.ഡി. എഫ് ഉന്നയിക്കുന്നുണ്ട്.

എ.ഐ.സി.സി ജനറല്‍ സെക്രട്ടറി കെ.സി വേണുഗോപാല്‍, പ്രതിപക്ഷ നേതാവ് രമേശ് ചെന്നിത്തല, മുസ്ലിംലീഗ് നേതാവ് കെ.പി.എ മജീദ്, ജോണി നെല്ലൂര്‍ ഉപരോധത്തില്‍ പങ്കെടുത്തു.

തിരുവനന്തപുരം: യൂണിവേഴ്‌സിറ്റി കോളജ് സംഘര്‍ഷവുമായി ബന്ധപ്പെട്ട വധശ്രമക്കേസില്‍ പ്രതികളായ എസ്.എഫ്.ഐ പ്രവര്‍ത്തകരെ കോളജിലെത്തിച്ച് തെളിവെടുപ്പ് നടത്തി. അഖിലിനെ കുത്താന്‍ ഉപയോഗിച്ച കത്തി കോളജിനുള്ളില്‍ വെച്ചു തന്നെ കണ്ടെത്തി. മുഖ്യപ്രതികളായ ശിവരഞ്ജിതും നസീമും ആണ് കത്തി പൊലീസിന് എടുത്തു കൊടുത്തത്. ക്യാമ്പസിന് അകത്തു തന്നെയായിരുന്നു പ്രതികള്‍ ആയുധം ഒളിപ്പിച്ചുവച്ചിരുന്നത്. അഖിലിനെ കുത്തിയ സ്ഥലത്തിനു സമീപത്തെ ചവറ്റുകൂനക്കിടയില്‍ നിന്നാണ് കത്തി കണ്ടെത്തിയത്.

ഏറെ പണിപ്പെട്ടാണ് പ്രതികള്‍ കത്തി ഒളിപ്പിച്ചുവച്ച ഇടത്തെ പറ്റി പറഞ്ഞതെന്ന് പൊലീസ് പറഞ്ഞു. കോളജിലെ യൂണിയന്‍ മുറിയില്‍ അടക്കം പൊലീസ് പരിശോധന നടത്തി.

യൂണിവേഴ്!സിറ്റി കോളേജ് വധശ്രമക്കേസില്‍ പതിനാറ് പ്രതികളെ തിരിച്ചറിഞ്ഞിട്ടുണ്ടെങ്കിലും ആറ് പേരെ മാത്രമാണ് ഇതുവരെ പൊലീസ് പിടികൂടിയത്. ബാക്കി പത്ത് പ്രതികള്‍ക്കായി തെരച്ചില്‍ തുടരുകയാണ്. അതേസമയം, യൂണിവേഴ്‌സിറ്റി കോളേജിനും പിഎസ്!സിക്കും എതിരെ ഉയര്‍ന്ന ആരോപണങ്ങളില്‍ അടിയന്തര നടപടി ആവശ്യപ്പെട്ട് പ്രതിപക്ഷ നേതാക്കള്‍ ഇന്ന് വീണ്ടും ഗവര്‍ണറെ കാണും.

തൃശൂര്‍: യൂണിവേഴ്‌സിറ്റി കോളജിലുണ്ടായ സംഭവങ്ങള്‍ അസ്വസ്ഥതയുണ്ടാക്കുന്നതാണെന്ന് ഗവര്‍ണര്‍ പി.സദാശിവം. പ്രതിപക്ഷ നേതാവ്, വിദ്യാഭ്യാസ മന്ത്രി ഉള്‍പ്പെടെയുള്ളവര്‍ പ്രശ്‌ന പരിഹാരത്തിനായി തന്നെ സമീപിച്ചിരുന്നെന്നും ഗവര്‍ണര്‍ വ്യക്തമാക്കി.

കാലതാമസം കൂടാതെ പ്രശ്‌നങ്ങള്‍ക്ക് പരിഹാരമുണ്ടാകുമെന്നാണ് പ്രതീക്ഷയെന്നും ഗവര്‍ണര്‍ കാഞ്ഞിരപ്പള്ളിയില്‍ പറഞ്ഞു. കാഞ്ഞിരപ്പള്ളിയിലെ അമല്‍ ജ്യോതി കോളജിലെ പൊതു ചടങ്ങില്‍ സംസാരിക്കുകയായിരുന്നു അദ്ദേഹം.

തിരുവനന്തപുരം: യൂണിവേഴ്‌സിറ്റി കോളജ് പ്രിന്‍സിപ്പാളിനും എസ്.എഫ്.ഐക്കുമെതിരെ വെളിപ്പെടുത്തലുമായി മുന്‍വിദ്യാര്‍ത്ഥിനി നിഖില രംഗത്ത്. പ്രിന്‍സിപ്പാള്‍ എസ്.എഫ്.ഐയുടെ കയ്യിലെ പാവയാണെന്ന് ശ്രമിച്ച നിഖില പറഞ്ഞു. നേരത്തെ ആത്മഹത്യക്ക് ശ്രമിച്ച വിദ്യാര്‍ഥിനിയാണ് നിഖില.

കോളജില്‍ എസ്.എഫ്.ഐക്ക് എല്ലാ ഒത്താശയും ചെയ്തുകൊടുക്കുന്നത് പ്രിന്‍സിപ്പാളാണ്. അഖിലിനെ കുത്തിയ കേസിലെ പ്രതിയായ നസീം മുമ്പ് ഒളിവില്‍ കഴിഞ്ഞത് കോളജില്‍ തന്നെയായിരുന്നു. പൊലീസുകാരനെ ആക്രമിച്ച സംഭവവുമായി ബന്ധപ്പെട്ടാണ് നസീം കോളജിലെ എസ്.എഫ്.ഐ യൂണിറ്റ് മുറിയില്‍ ഒളിവില്‍ കഴിഞ്ഞത്-നിഖില വ്യക്തമാക്കുന്നു.

ഒന്നാം വര്‍ഷ വിദ്യാര്‍ത്ഥികളെ കോളജ് കാന്റീനില്‍ പ്രവേശിക്കാന്‍ എസ്.എഫ്.ഐക്കാര്‍ അനുവദിക്കാറില്ല. അതിനെ ചോദ്യം ചെയ്താല്‍ പഠിക്കാന്‍ അനുവദിക്കില്ലെന്ന് ഭീഷണിപ്പെടുത്തും. എല്ലാവരും എസ്.എഫ്.ഐയില്‍ ചേര്‍ന്നേ പറ്റൂ എന്നാണ് അവരുടെ നിലപാട്. എതിര്‍ത്തു നിന്ന പലരെയും കോളജില്‍ നിന്ന് പറഞ്ഞുവിട്ടിട്ടുണ്ട് എന്ന് പറഞ്ഞാണ് ഭീഷണിപ്പെടുത്തിയിരുന്നതെന്നും നിഖില പറഞ്ഞു.

പാട്ടു പാടിയതിന് യൂണിവേഴ്‌സിറ്റി കോളജിലെ മൂന്നാം വര്‍ഷ ബിരുദ വിദ്യാര്‍ഥിയായ അഖിലിനെ എസ്.എഫ്.ഐക്കാര്‍ കുത്തി മലര്‍ത്തിയതിനെ പ്രതിയുള്ള പ്രതിഷേധം ഇനിയും കെട്ടടങ്ങിയിട്ടില്ല. വിഷയത്തില്‍ എസ്.എഫ്.ഐക്കെതിരെ രംഗത്തെത്തിയിരിക്കുകയാണ് മുന്‍ എസ്.എഫ്.ഐക്കാരി തന്നെയായ ടി.എസ് മിനി. കോളജ് മുന്‍ ചെയര്‍പേഴ്‌സണ്‍ കൂടിയായ ടി.എസ് മിനിയുടെ ഫെയ്‌സ്ബുക് കുറിപ്പിന്റെ പൂര്‍ണ രൂപം:

യൂണിവേഴ്‌സിറ്റി കോളജ് എന്താ പാര്‍ട്ടി ഗ്രാമമോ?

യുണിവേഴ്‌സിറ്റി കോളേജിന്റെ അവസ്ഥയോര്‍ത്ത് ലജ്ജിക്കുന്നു…..
ഹേ! എസ്.എഫ്.ഐ എന്നു സ്വയം ഞെളിയുന്ന ഞാഞ്ഞൂലുകളെ…… നിങ്ങള്‍ക്ക് നാണമില്ലേ പരിപാവനമായ ഈ കലാലയത്തെ ഇങ്ങനെ നശിപ്പിക്കാന്‍ ….അകടഎ കാരായ കൂട്ടികളെ അടികൊടുത്ത് ടഎക യില്‍ ചേര്‍ക്കാന്‍ പാകത്തിന് അധഃപതിച്ചു പോയോ? ഞാന്‍ വിശ്വസിക്കുന്ന കമ്മ്യൂണിസം…

കമ്മ്യൂണിസ്റ്റ് പാര്‍ട്ടി കേരളത്തില്‍ മാത്രമായി ഒതുങ്ങി കൂടിയിട്ടും പഠിച്ചില്ലേ പിള്ളാരെ നിങ്ങള്‍? ഇപ്പോള്‍ ആര്‍ക്കുവേണം ഈ പാര്‍ട്ടിയെ. ആര്‍ക്കും വേണ്ടാത്തതുകൊണ്ടല്ലേ, പാര്‍ട്ടി ഗുണ്ടകള്‍ പഠിക്കാന്‍ വരുന്ന കുട്ടികളെ കുത്തിയും വെട്ടിയും കശാപ്പുചെയ്യുന്നത്.

ദയവുചെയ്ത് ചരിത്രമുറങ്ങുന്ന ഈ കലാലയത്തെ കശാപ്പുശാല ആക്കാതിരിക്കൂ…….. കുട്ടികള്‍ അവര്‍ക്കിഷ്ടമുള്ള പാര്‍ട്ടിയില്‍ പ്രവര്‍ത്തിക്കട്ടെ…..അതിനനുവദിക്കൂ…..
വീട്ടിനും നാട്ടിനും വേണ്ടാത്ത ഗുണ്ടകളെ കോളേജില്‍ നിന്നും തുരത്താന്‍ വേണ്ട നടപടിയെടുക്കൂ..സര്‍ക്കാരെ…… അങ്ങനെയെങ്കിലും ശൈലിയൊന്നു മാറ്റൂ….

മാറ്റങ്ങള്‍സംഭവിക്കട്ടെ എന്ന് പ്രാര്‍ത്ഥിച്ചു കൊണ്ട്

റ്റി.എസ്.മിനി
യൂണിവേഴ്‌സിറ്റി കോളേജിലെ പഴയ ഒരു എസ്.എഫ്.ഐ കാരിയായ വൈസ്‌ചെയര്‍മാന്‍

യൂണിവേഴ്‌സിറ്റി കോളജ് കാമ്പസില്‍ ഓഫീസ് പ്രവര്‍ത്തിപ്പിച്ച് ആയുധങ്ങള്‍ ശേഖരിക്കുകയാണ് . തിരുവനന്തപുരം യൂണിവേഴ്‌സിറ്റി കോളജില്‍ മറ്റ് വിദ്യാര്‍ത്ഥി സംഘടനകള്‍ക്ക് പ്രവര്‍ത്തന സ്വാതന്ത്ര്യമില്ല. സ്വന്തം ഘടക കക്ഷിയായ എ.ഐ.എസ്.എഫിന് പോലും എസ്.എഫ.ഐ പ്രവര്‍ത്തന സ്വാതന്ത്ര്യം നിഷേധിക്കുകയാണെന്നും ഇപ്പോഴുണ്ടായ തെറ്റ് സി.പി.എം തന്നെ ഇടപെട്ട് തിരുത്തണമെന്നും അദ്ദേഹം കണ്ണൂര്‍ ബക്കളത്ത് പറഞ്ഞു.