ടോസ് നേടി ബാറ്റിങ് തെരഞ്ഞെടുത്ത കേരളത്തിന് തുടക്കത്തില്‍ തന്നെ തിരിച്ചടി നേരിട്ടു ഓപ്പണര്‍ അമീറ ബീഗം വെറും നാല് റണ്‍സിന് പുറത്തായി. ശ്രദ്ധ സുമേഷ് (16)യും ശ്രേയ പി. സിജു (5)യും പവലിയനിലേക്ക് മടങ്ങിയതോടെ കേരളം പ്രതിസന്ധിയിലായി.
തുടര്‍ന്ന് ലെക്ഷിത ജയന്‍ (33)യും ഇസബെല്‍ (30)യും മാത്രമാണ് പ്രതിരോധം കാഴ്ചവച്ചത്.

മഹാരാഷ്ട്രയ്ക്കായി ജാന്‍വി വീര്‍കര്‍ മൂന്ന് വിക്കറ്റും അക്ഷയ ജാധവ് രണ്ടും നേടി.

ലക്ഷ്യചേസ് ഏറെ എളുപ്പമാക്കി മഹാരാഷ്ട്രയുടെ ഓപ്പണര്‍ ഈശ്വരി അവസാരെ, 46 പന്തുകളില്‍ 57 റണ്‍സ് നേടി പുറത്താകാതെ നിന്നു. കേരള ബൗളര്‍മാരില്‍ അക്സ എ.ആര്‍., മനസ്വി എന്നിവര്‍ ഓരോ വിക്കറ്റ് വീതം നേടി.

14.2 ഓവറുകള്‍ക്കുള്ളില്‍ ലക്ഷ്യം പൂര്‍ത്തിയാക്കി മഹാരാഷ്ട്ര എളുപ്പ വിജയം നേടി.