95,348 കേസുകളാണ് ഇതുവരെ റിപ്പോര്‍ട്ട് ചെയ്തത്. ഇതുവരെ 9.8 ദശലക്ഷം കോവിഡ് ടെസ്റ്റുകള്‍ നടത്തി. ആഗോള തലത്തില്‍ തന്നെ ജനസംഖ്യാനുപാതികമായി ഏറ്റവും കൂടുതല്‍ പരിശോധനകള്‍ നടത്തിയ രാഷ്ട്രമാണ് യു.എ.ഇ.

ബുധനാഴ്ച 1100 കേസുകളാണ് റിപ്പോര്‍ട്ട് ചെയ്തിരുന്നത്. സെപ്തംബര്‍ 23 ആയിരുന്നു അതിനു മുമ്പുള്ള ഏറ്റവും ഉയര്‍ന്ന നിരക്ക്; 1083. കോവിഡ് വ്യാപന ഭീതി ശക്തമായ സാഹചര്യത്തില്‍ കര്‍ശന പരിശോധനകളാണ് രാജ്യത്തു നടന്നു വരുന്നത്. വ്യാഴാഴ്ച മാത്രം 17 സ്ഥാപനങ്ങള്‍ക്ക ദുബൈ ഇകോണമി മുന്നറിയിപ്പ് നല്‍കി.

അതിനിടെ, കോവിഡ് പൊട്ടോകോള്‍ ലംഘനം കണ്ടെത്തിയ ദുബായിലെ അഞ്ചു കടകള്‍ക്ക് ദുബായ് എകോണമി ഇന്നലെ പിഴ ചുമത്തി. മൂന്നു സ്ഥാപനങ്ങള്‍ക്ക് മുന്നറിയിപ്പ് നല്‍കിയിട്ടുണ്ട്. മൊത്തം 680 സ്ഥാപനങ്ങള്‍ക്കെതിരെയാണ് പരാതി ലഭിച്ചത് എന്ന് അധികൃതര്‍ വെളിപ്പെടുത്തി. പരിശോധന കര്‍ശനമായി തുടരുമെന്നും ലംഘനങ്ങള്‍ വച്ചു പൊറുപ്പിക്കില്ലെന്നും ദുബൈ എകോണമി വക്താവ് അറിയിച്ചു.

കര്‍ശനമായ പരിശോധനയില്‍ പതിനഞ്ചു ദിവസത്തിനിടെ 25000 പ്രോട്ടോകോള്‍ ലംഘനങ്ങള്‍ കണ്ടെത്തിയതായി അധികൃതര്‍ അറിയിച്ചു. മാസ്‌ക് ധരിക്കാത്ത നിയമലംഘനങ്ങളാണ് പട്ടികയില്‍ ഒന്നാമതെന്ന് ദേശീയ അടിയന്തര ദുരന്തനിവാരണ സമിതി ഔദ്യോഗിക വക്താവ് ഡോ. സെയ്ഫ് അല്‍ ദാഹിരി പറഞ്ഞു. വാഹനത്തിനകത്ത് മൂന്നില്‍ കൂടുതല്‍ പേര്‍ യാത്ര ചെയ്ത നിയമലംഘനമാണ് രണ്ടാമത്. ദുബൈയിലാണ് ഏറ്റവും കൂടുതല്‍ നിയമലംഘനങ്ങള്‍ നടന്നത്.

86433 പേര്‍ക്കാണ് ഇതുവരെ കോവിഡ് ബാധിച്ചത്. ഇതില്‍ 72,790 പേര്‍ രോഗമുക്തരായി. 403 പേര്‍ മരണത്തിന് കീഴടങ്ങി. ഇതുവരെ 83 ലക്ഷം കോവിഡ് പരിശോധനയാണ് രാജ്യത്തു നടത്തിയത്. 24 മണിക്കൂറിനിടെ 97,469 പേര്‍ക്കാണ് കോവിഡ് ടെസ്റ്റ് നടത്തിയത്.

ആഗോളതലത്തില്‍ തന്നെ ഏറ്റവും കൂടുതല്‍ ആളോഹരി കോവിഡ് പരിശോധന നടത്തിയ രാഷ്ട്രമാണ് യുഎഇ. കോവിഡ് വാക്‌സിന്റെ മൂന്നാംഘട്ട ക്ലിനിക്കല്‍ പരീക്ഷണവും രാജ്യത്ത് പുരോഗമിക്കുകയാണ്.

78849 പേര്‍ക്കാണ് ഇതുവരെ കോവിഡ് ബാധിച്ചത്. ഇതില്‍ 68983 പേര്‍ രോഗമുക്തരായ. 399 പേരാണ് മരിച്ചത്. 9467 പേര്‍ ചികിത്സയിലാണ്.

95,287 പേരെ പരിശോധന നടത്തിയതില്‍ നിന്നാണ് 1007 പേര്‍ക്ക് രോഗം സ്ഥിരീകരിച്ചത്. ഇതുവരെ 79 ലക്ഷം ടെസ്റ്റുകളാണ് രാജ്യത്ത് നടത്തിയിട്ടുള്ളത്. ആഗോള തലത്തില്‍ തന്നെ ഏറ്റവും കൂടുതല്‍ കോവിഡ് പരിശോധന നടത്തിയ രാഷ്ട്രമാണ് യുഎഇ.

ലോകത്ത് ഏറ്റവും കുറഞ്ഞ മരണനിരക്കുള്ള രാജ്യമാണ് യുഎഇ. 0.5 ശതമാനമാണ് മരണനിരക്ക്. രോഗമുക്തി നിരക്ക് 90 ശതമാനവും.

തുടര്‍ച്ചയായ രണ്ടാം ദിവസമാണ് രാജ്യത്ത് ഉയര്‍ന്ന തോതില്‍ കോവിഡ് റിപ്പോര്‍ട്ട് ചെയ്യുന്നത്. ഇന്നലെ 883 കേസുകളാണ് ഉണ്ടായിരുന്നത്. മെയ് 22നാണ് ഇതിന് മുമ്പ് ഇത്രയും കൂടുതല്‍ കേസുകള്‍ റിപ്പോര്‍ട്ട് ചെയ്തിരുന്നത്. 994 പേര്‍ക്കാണ് അന്ന് കോവിഡ് സ്ഥിരീകരിച്ചത്.

24 മണിക്കൂറിനിടെ 82,076 പേരാണ് കോവിഡ് പരിശോധനയ്ക്ക് വിധേയമായത്. ഇതുവരെ എട്ടു ലക്ഷത്തോളം പേര്‍ പരിശോധനയ്ക്ക് വിധേയരായി. പരിശോധന നടത്തിയവരില്‍ ഒരു ശതമാനം പേര്‍ക്ക് മാത്രമാണ് കോവിഡ് സ്ഥിരീകരിച്ചിട്ടുള്ളത്. കോവിഡ് സ്ഥിരീകരിച്ച മുക്കാല്‍ ലക്ഷത്തിലേറെ പേരില്‍ 90%വും രോഗമുക്തി നേടി ആശുപത്രി വിട്ടവരാണ്. മരണ നിരക്ക് 0.5 ശതമാനമാണ്.

പോസിറ്റീവ് ആകുന്നവര്‍ ഫീല്‍ഡ് ആശുപത്രിയിലെത്തി അഡ്മിറ്റാകണമെന്നാണ് അധികൃതര്‍ അറിയിച്ചിട്ടുള്ളത്. ഓഗസ്റ്റില്‍ പോസിറ്റീവ് കേസുകളുടെ എണ്ണം വര്‍ധിച്ച പശ്ചാത്തലത്തിലാണ് സര്‍ക്കാര്‍ തീരുമാനം. നേരത്തെ, കോവിഡ് നിയന്ത്രിക്കുന്നതിന്റെ ഭാഗമായി അബുദാബിയില്‍ പ്രവേശിക്കുന്നതിന് പിസിആര്‍ പരിശോധന നിര്‍ബന്ധമാക്കിയിരുന്നു.

വിവിധ സ്വകാര്യ ആശുപത്രികളില്‍ പരിശോധനയ്ക്ക് എത്തുന്നവരില്‍ പോസിറ്റീവ് ആകുന്നവരെ പ്രത്യേക നിരീക്ഷണ മുറിയിലേക്കു മാറ്റി വിവരം ആരോഗ്യമന്ത്രാലയത്തിനു കൈമാറണമെന്നും നിര്‍ദേശമുണ്ട്.

9,099 ആക്ടീവ് കേസുകളാണ് ഇപ്പോള്‍ രാജ്യത്തുള്ളത്. മരണം 387. ബുധനാഴ്ച 735 പേര്‍ക്കാണ് രോഗം സ്ഥിരീകരിച്ചിരുന്നത്. 538 പേര്‍ രോഗമുക്തി നേടി. കഴിഞ്ഞ 99 ദിവസത്തിനിടെയുള്ള ഏറ്റവും കൂടിയ പ്രതിദിന കോവിഡ് നിരക്കായിരുന്നു ബുധനാഴ്ചയിലേത്.

മുന്‍കരുതലുകള്‍ സ്വീകരിച്ചില്ലെങ്കില്‍ രാജ്യം രണ്ടാംഘട്ട വ്യാപനത്തിലേക്ക് നീങ്ങുമെന്ന് ഈയിടെ ആരോഗ്യവകുപ്പ് മുറിയിപ്പ് നല്‍കിയിരുന്നു. കേസുകള്‍ വര്‍ദ്ധിച്ചു വരു സാഹചര്യത്തില്‍ രാജ്യത്തുടനീളം ലോക്ക്ഡൗണ്‍ ഉണ്ടാകില്ലെന്ന് ദുരന്തര നിവാരണ അതോറ്റി വക്താവ് ഡോ. സൈഫ് അല്‍ ദഹേരി വ്യക്തമാക്കി.

രാജ്യത്തെ കോവിഡ് പ്രതിരോധത്തിനായി ആത്മസമര്‍പ്പണത്തോടെ നിലകൊള്ളുന്ന ആരോഗ്യ പ്രവര്‍ത്തകര്‍ക്ക് അഭിവാദ്യം അര്‍പ്പിച്ചാണ് സര്‍ക്കാര്‍ തീരുമാനം. ആരോഗ്യപ്രവര്‍ത്തകരുടെ ആത്മവീര്യം ഉയര്‍ത്തുന്ന നടപടിയാണ് ഇതെന്ന് മുസഫയിലെ എല്‍.എല്‍.എച്ച് ആശുപത്രിയിലെ പള്‍മോണജിസ്റ്റ് ഡോ. സജീവ് നായര്‍ പറഞ്ഞു. സര്‍ക്കാറിന്റെ വലിയ ആദമാണ് ഇതെന്ന് എന്നായിരുന്നു ലൈഫ് കെയര്‍ ആശുപത്രിയിലെ കാര്‍ഡിയോളജിസ്റ്റ് ഡോ. ശേഖര്‍ വാര്യരുടെ പ്രതികരണം.

അതിനിടെ, ഓഗസ്റ്റ് 30ന് രാജ്യത്ത് പുതിയ അധ്യയന വര്‍ഷം ആരംഭിക്കും. കര്‍ശന കോവിഡ് മാര്‍ഗനിര്‍ദ്ദേശങ്ങളോടെയാണ് വിദ്യാലയങ്ങള്‍ വീണ്ടും തുറക്കുന്നത്. പത്തു ലക്ഷത്തോളം വിദ്യാര്‍ത്ഥികളാണ് യു.എ.ഇയിലെ വിവിധ സ്‌കൂളുകളില്‍ എത്തുന്നത്.

രാജ്യം രണ്ടാംഘട്ട വൈറസ് വ്യാപനത്തിലേക്ക് പോകുന്നു എന്ന സൂചന നല്‍കുന്നതാണ് കോവിഡ് കണക്കുകള്‍. 24 മണിക്കൂറിനിടെ നൂറോളം കേസുകളുടെ വര്‍ദ്ധനയാണ് രാജ്യത്ത് റിപ്പോര്‍ട്ട് ചെയ്തത്. 399 പേര്‍ക്കാണ് ബുധനാഴ്ച കോവിഡ് സ്ഥിരീകരിച്ചിരുന്നത്. ഓഗസ്റ്റ് ആദ്യവാരം മുതല്‍ ഇതുവരെ കോവിഡ് കേസുകളില്‍ പത്തു ശതമാനം വര്‍ധനയാണ് റിപ്പോര്‍ട്ട് ചെയ്തിട്ടുള്ളത്. കഴിഞ്ഞ രണ്ടാഴ്ചയില്‍ ഇത് ഒമ്പതര മുതല്‍ പന്ത്രണ്ടു ശതമാനം വരെയാണ് എന്ന് ആരോഗ്യമന്ത്രാലയം വക്താവ് ഡോ. ഉമര്‍ ബിന്‍ ഹമ്മാദി വ്യക്തമാക്കി. അതേസമയം, 0.5 ശതമാനം മാത്രമാണ് വൈറസ് ബാധിച്ച് മരണത്തിന് കീഴടങ്ങിയവര്‍.

കേസുകള്‍ വര്‍ദ്ധിച്ചു വരുന്ന സാഹചര്യത്തില്‍ ചിലയിടങ്ങളില്‍ വീണ്ടും നിയന്ത്രണങ്ങള്‍ കൊണ്ടു വരുമെന്ന സൂചനയുണ്ട്. മാര്‍ച്ച് മദ്ധ്യം മുതല്‍ ജൂലൈ 24 വരെ ആയിരുന്നു രാജ്യത്തെ ആദ്യഘട്ട ലോക്ക്ഡൗണ്‍.

67,621 പേര്‍ക്കാണ് രാജ്യത്ത് ഇതുവരെ കോവിഡ് ബാധിച്ചത്. ഇതില്‍ 58,754 പേര്‍ രോഗമുക്തരായി. 377 പേരാണ് മരിച്ചത്. 8490 ആക്ടീവ് കേസുകളാണ് രാജ്യത്തുള്ളത്.

കോവിഡിന്റെ രണ്ടാം വ്യാപനം തടയാനായി സര്‍ക്കാര്‍ നിയന്ത്രണങ്ങള്‍ ശക്തമാക്കുമെന്ന സൂചനയുണ്ട്. സാമൂഹിക നിയന്ത്രണം അടക്കമുള്ള സുരക്ഷാ മാനദണ്ഡങ്ങളില്‍ വിട്ടുവീഴ്ച വരുത്തരുത് എന്ന് ദുരന്ത നിവാരണ വിഭാഗം ആവശ്യപ്പെട്ടിട്ടുണ്ട്.