ചില മാധ്യമപ്രവർത്തകർ ഇന്ത്യൻ യൂണിയൻ മുസ്ലിം ലീഗ് സംസ്ഥാന ഭാരവാഹി ആയ എന്നെ ബോധപൂർവ്വം അതിലേക്കു വലിച്ചിഴക്കാൻ ശ്രമിക്കുന്നു. ഇത്തരത്തിലുള്ള നടപടി തുടർന്നാൽ ശക്തമായ നിയമനടപടി സ്വീകരിക്കുമെന്ന് മുന്നറിയിപ്പ് നൽകുന്നു. ദളിത് സ്വത്വം ഉയർത്തിപ്പിടിച്ച്, പാർശ്വവത്കരിക്കപ്പെടുന്നവരുടെ ഉന്നമത്തിനായി പ്രവർത്തിക്കുന്ന ഇന്ത്യൻ യൂണിയൻ മുസ്ലിംലീഗിന്റെയും ജനാധിപത്യ മുന്നണിയുടെയും പ്രവർത്തകനായി ഈ ജീവിതകാലം മുഴുവൻ ഞാൻ ഉണ്ടാകും. ഞാൻ എന്തെങ്കിലും സ്ഥാനമാനങ്ങളുടെ മുന്നിലോ കള്ളപ്പണത്തിനും മുന്നിലോ കണ്ണ് മഞ്ഞളിച്ചു പോകുന്നവനല്ല. -യു.സി രാമൻ പറഞ്ഞു. മടിയിൽ കനമില്ലാത്തതുകൊണ്ട് വഴിയിൽ പേടിക്കില്ലെന്നും ഒരന്വേഷണ ഏജൻസിയെയും ഭയപ്പെട്ടു ബിജെപിയിലേക്ക് കാലു മാറേണ്ട ഗതികേടില്ലെന്നും അദ്ദേഹം വ്യക്തമാക്കി.

മുതലക്കുളം മൈതാനിയില്‍ നിന്നാരംഭിച്ച റാലി മിഠായിത്തെരുവ്, മേലെപ്പാളയം, ചിന്താവളപ്പ്, സ്‌റ്റേഡിയം ജങ്ഷന്‍, ബസ് സ്റ്റാന്‍ഡ് പരിസരം വഴി കിഡ്‌സണ്‍ കോര്‍ണറില്‍ സമാപിച്ചു. രാമദാസ് വേങ്ങേരി, ടി.പി. ഭാസ്‌കരന്‍, യു.സി. രാമന്‍, ജിനോഷ്, പി. ശങ്കരന്‍, ടി.വി. ബാലന്‍ പുല്ലാളൂര്‍, ബാബു നെല്ലിക്കുന്ന്, പി. അംബിക, പി.കെ. വേലായുധന്‍ തുടങ്ങിയവര്‍ നേതൃത്വം നല്‍കി. തുടര്‍ന്ന് നടന്ന പൊതുയോഗത്തില്‍ ഷാജി കളത്തില്‍തൊടി അധ്യക്ഷത വഹിച്ചു. കുട്ടി അഹമ്മദ് കുട്ടി, പി.ടി. ജനാര്‍ധനന്‍, രാജേഷ് മൊകവൂര്‍, രമേഷ് നന്മണ്ട, കുമാരന്‍ പടനിലം, മുസ്തഫ പാലാഴി, അഷ്‌റഫ് മാത്തോട്ടം, സി. ബാബു, ഗസാലി വെള്ളയില്‍ തുടങ്ങിയവര്‍ സംസാരിച്ചു