എന്നാല്‍ ബി.ജെ.പിയോട് സഹകരിക്കേണ്ടെന്ന മുന്‍ തീരുമാനത്തില്‍ മാറ്റമില്ലെന്ന് ശിവസേനയുടെ മുതിര്‍ന്ന നേതാവ് സുഭാഷ് ദേശായ് പറഞ്ഞു. ഇതുവരെ ഒറ്റക്ക് അധികാരത്തില്‍ വരുമെന്ന് പറഞ്ഞിരുന്ന ബി.ജെ.പി ഇപ്പോള്‍ സുഹൃത് പാര്‍ട്ടികളെ കുറിച്ച് ആലോചിക്കുകയാണ്. ഇക്കഴിഞ്ഞ ആറ് മാസത്തിനിടെ അവരുടെ സംസാരിത്തിന്റെ രീതി തന്നെ മാറിയിരിക്കുന്നു. ഇപ്പോള്‍ അവര്‍ എന്‍.ഡി.എയെ കുറിച്ച് വിശാലമായി പറയുന്നു ശിവസേന നേതാവ് സുഭാഷ് ദേശായി താനെയില്‍ പൊതു സമ്മേളനത്തില്‍ സംസാരിക്കവെ ബി.ജെ.പിയെ പരിഹസിച്ചു കൊണ്ട് പറഞ്ഞു. ഉദ്ധവ് താക്കറെയുടെ നേതൃത്വത്തില്‍ സംസ്ഥാനത്ത് ശിവസേന ഒറ്റക്ക് ഭരണം നേടുമെന്നും അദ്ദേഹം അവകാശപ്പെട്ടു.

ബി.ജെ.പിയുമായി നിലവില്‍ സഖ്യമുണ്ടെങ്കിലും ഭാവിയില്‍ സഖ്യത്തിനില്ലെന്ന് ജനുവരിയില്‍ ശിവസേന വ്യക്തമാക്കിയിരുന്നു. മോദി സര്‍ക്കാറിനെതിരെ നിശിത വിമര്‍ശനങ്ങളാണ് ശിവസേന അടുത്ത കാലത്ത് ഉന്നയിച്ചിട്ടുള്ളത്.

മതവും രാഷ്ട്രീയവും ഇന്ന് ഭീകരാക്രമണത്തിന്റെ രൂപത്തിലാണ്. ഭീകരരുടെ കൈവശം ആയുധങ്ങള്‍ക്ക് പകരം പശുമാംസം ആണ് ഉണ്ടായിരുന്നതെങ്കില്‍ ഇവരില്‍ എത്ര പേര്‍ ജീവനോടെയുണ്ടാകുമെന്നും താക്കറെ ചോദിച്ചു. ഭീകരവാദികളെ നേരിടാന്‍ അവരെ എന്തുകൊണ്ട് അയച്ച്കൂടാ എന്നും താക്കറെ ചോദിക്കുന്നു.