പാര്‍ട്ടി മുഖപത്രമായ സാംനയില്‍ എഴുതിയ മുഖപ്രസംഗത്തിലാണ് കോഷ്യാരിക്കെതിരെ സേന കടന്നാക്രമണം നടത്തിയത്. കഴിഞ്ഞ ദിവസം മുഖ്യമന്ത്രി ഉദ്ധവ് താക്കറെയുമായുള്ള ഗവര്‍ണറുടെ വാക്‌പോരായാണ് സേനയെ ചൊടിപ്പിച്ചത്. സംസ്ഥാനത്തെ ക്ഷേത്രങ്ങള്‍ തുറക്കുന്നതുമായി ബന്ധപ്പെട്ടാണ് ഇരുവരും തമ്മില്‍ വാക്കുതര്‍ക്കമുണ്ടായിരുന്നത്.

ബാറുകളും റെസ്റ്ററന്റുകളും തുറന്നിട്ടും എന്തു കൊണ്ടാണ് ക്ഷേത്രങ്ങള്‍ തുറക്കാത്തത് എന്നാണ് കോഷ്യാരി മുഖ്യമന്ത്രിക്കെഴുതിയ കത്തില്‍ ചോദിച്ചിരുന്നത്. ഉദ്ധവിന്റെ ഹിന്ദുത്വത്തെയും അദ്ദേഹം ചോദ്യം ചെയ്തിരുന്നു. കത്തിന് മറുപടിയായി ആരില്‍ നിന്നെങ്കിലും ഹിന്ദുത്വം പഠിക്കേണ്ട ആവശ്യം തനിക്കില്ലെന്നും തനിക്ക് ആരുടെയും സര്‍ട്ടിഫിക്കറ്റ് വേണ്ടെന്നും ഉദ്ധവ് പറഞ്ഞിരുന്നു.

‘എന്റെ ഹിന്ദുത്വത്തെ കുറിച്ച് നിങ്ങള്‍ കത്തില്‍ ചോദ്യങ്ങള്‍ ഉന്നയിച്ചിരിക്കുന്നു. എന്റെ തത്വശാസ്ത്രത്തിലും ഹിന്ദുത്വയിലും നിങ്ങളുടെ സര്‍ട്ടിഫിക്കറ്റ് എനിക്കാവശ്യമില്ല. മറ്റാരില്‍ നിന്നും ഹിന്ദുത്വം പഠിക്കേണ്ട ആവശ്യം എനിക്കില്ല. മുംബൈയെ പാക് അധീന കശ്മീര്‍ എന്നു വിളിച്ച് അപമാനിച്ച ആരെയെങ്കിലും നിങ്ങള്‍ വീട്ടിലേക്ക് വിളിച്ചുവരുത്തിയെങ്കില്‍, ആ ഹിന്ദുത്വമല്ല ഞാന്‍ പിന്തുടരുന്നത്. നിങ്ങള്‍ വെറുത്തിരുന്ന മതേതരം എന്ന വാക്കിലേക്ക് നിങ്ങള്‍ ഇത്ര പെട്ടെന്ന് തിരിഞ്ഞോ?’ – ഉദ്ധവ് ചോദിച്ചു.

കോവഡ് മാനദണ്ഡങ്ങള്‍ പാലിച്ച് ക്ഷേത്രങ്ങള്‍ തുറക്കാത്തത് എന്തു കൊണ്ടാണ് എന്നാണ് ഗവര്‍ണര്‍ ചോദിച്ചിരുന്നത്. ഇത്ര പെട്ടെന്ന് താങ്കല്‍ ‘മതേതരന്‍’ ആയിപ്പോയോ എന്നും മുഖ്യമന്ത്രിക്കയച്ച കത്തില്‍ കോഷ്യാരി ചോദിച്ചിരുന്നു.

അതിനിടെ, ക്ഷേത്രങ്ങള്‍ തുറക്കാത്ത സര്‍ക്കാര്‍ നടപടിക്കെതിരെ ബിജെപി സമരം ആരംഭിച്ചു. മദ്യക്കടകള്‍ തുറന്നിരിക്കുന്നു. വീട്ടിലേക്കുള്ള വിതരണവുമുണ്ട്. എന്നാല്‍ മനശ്ശാന്തിക്കായി അമ്പലം സന്ദര്‍ശിക്കുന്നവരെ കുറിച്ച് ആര് ചിന്തിക്കാനാണ്. ക്ഷേത്രങ്ങളെ ആശ്രയിച്ച് കഴിയുന്ന ഇടത്തരം കച്ചവടക്കാരെ കുറിച്ച് സര്‍ക്കാര്‍ ഓര്‍ക്കണം. സര്‍ക്കാറിന് ഈഗോയാണ്- ബിജെപി നേതാവ് പ്രവീണ്‍ ദരേകര്‍ ആരോപിച്ചു.

ഗുജറാത്തിലെ രാഷ്ട്രീയ സാഹചര്യവും എക്‌സിറ്റ് പോള്‍ ഫലങ്ങളും തമ്മില്‍ യാതൊരു ബന്ധവുമില്ല. ബിജെപിക്കെതിരെ ഭരണവിരുദ്ധവികാരം വളരെ ശക്തമായിരുന്നു. അതുകൊണ്ടുതന്നെ, എക്‌സിറ്റ്‌പോള്‍ ഫലവും യഥാര്‍ഥ ഫലവും ഒരുപോലെയാകുമെന്നു കരുതാനാകുന്നില്ല. തിങ്കളാഴ്ച്ച പുറത്തുവരാനിരിക്കുന്ന അന്തിമ ഫലത്തിനായി കാത്തിരിക്കുകയാണെന്നും ഉദ്ധവ് താക്കറെ പറഞ്ഞു. രാഹുല്‍ഗാന്ധി ഗുജറാത്തിനായി പരിശ്രമിച്ചിട്ടുണ്ടെന്നും വിജയം നേടുമെന്നാണ് തന്റെ വിശ്വാസമെന്നും താക്കറെ പറഞ്ഞു. കോണ്‍ഗ്രസ് അധ്യക്ഷനായി സ്ഥാനമേറ്റ രാഹുല്‍ഗാന്ധിക്ക് ആശംസകള്‍ നേരരുന്നുവെന്നും താക്കറെ അറിയിച്ചു.

കഴിഞ്ഞ ദിവസം ഒരു വര്‍ഷത്തിനകം ഭരണം വിടുമെന്ന് യുവസേന അധ്യക്ഷന്‍ ആദിത്യ താക്കറെ പറഞ്ഞിരുന്നു. ഇതിനെ വ്യക്തമാക്കുന്ന രീതിയില്‍ തന്നെയായിരുന്നു ഉദ്ധവ് താക്കറെയുടെ പ്രതികരണം.

ഇന്ത്യയില്‍ ആദ്യപരിഗണന ഹിന്ദുക്കള്‍ക്കാണ്. പിന്നീട് മാത്രമേ മറ്റു മതസ്ഥര്‍ക്ക് സ്ഥാനമുള്ളൂവെന്നും സാമ്‌നയില്‍ പറയുന്നു. കാരണം 50ല്‍ അധികം രാഷ്ട്രങ്ങള്‍ മുസ്‌ലിംങ്ങള്‍ക്ക് സ്വന്തമായിട്ടുണ്ട്. ക്രിസ്ത്യാനികള്‍ക്ക് അമേരിക്കയും യൂറോപ്പും പോലുള്ള രാജ്യങ്ങളുണ്ട്. ബുദ്ധമതക്കാര്‍ക്ക് ചൈന, ജപ്പാന്‍, ശ്രീലങ്ക, മ്യാന്‍മര്‍ പോലുള്ളവയും. ഹിന്ദുക്കള്‍ക്ക് വേണ്ടി ഇന്ത്യയെന്ന ഒറ്റ രാഷ്ട്രമേയുള്ളൂ. അല്ലാതെ മറ്റൊരു രാജ്യവുമില്ലെന്നും സാമ്‌നയില്‍ പറയുന്നു. കേന്ദ്രം ഭരിക്കുന്നവര്‍ ഹിന്ദുക്കള്‍ക്ക് അനുകൂലമായിരുന്നിട്ടും അയോധ്യയിലെ രാമക്ഷേത്ര നിര്‍മാണം, കശ്മീരി പണ്ഡിറ്റുകളുടെ ഘര്‍ വാപ്പസി എന്നിവയ്ക്ക് ഇപ്പോഴും പരിഹാരമായിട്ടില്ലെന്നും സാമ്‌നയില്‍ വിമര്‍ശനമുണ്ട്.

നേരത്തെ ഇന്‍ഡോറില്‍ നടത്തിയ പ്രസംഗത്തില്‍ ആര്‍.എസ്.എസ് നേതാവ് മോഹന്‍ ഭാഗവതും ഇത്തരത്തിലൊരു പരാമര്‍ശം നടത്തിയിരുന്നു. ഹിന്ദുക്കളുടെ രാജ്യമാണ് ഇന്ത്യയെന്ന് ഭാഗവത് പറഞ്ഞിരുന്നു. എന്നാല്‍, മറ്റുള്ളവരുടേതല്ല ഇന്ത്യയെന്ന് അര്‍ഥമില്ലെന്നും മോഹന്‍ ഭാഗവത് പറഞ്ഞു.