ഇതോടെ യുജിസി പുറത്തുവിട്ട വ്യാജ യൂണിവേഴ്സിറ്റികളുടെ എണ്ണം 25 ആയി. ഈ യൂണിവേഴ്സിറ്റികളില്‍ പ്രവേശനം നേടി വഞ്ചിതരാവരുത് എന്ന മുന്നറിയിപ്പും യുജിസി നല്‍കിയിട്ടുണ്ട്. ഈ യൂണിവേഴ്സിറ്റികള്‍ നല്‍കുന്ന ബിരുദ, ബിരുദാനന്തര, ഡിപ്ലോമ കോഴ്സുകള്‍ക്ക് അംഗീകരമുണ്ടാവില്ല. ഇവിടത്തെ സര്‍ട്ടിഫിക്കറ്റുകള്‍ തുടര്‍പഠനത്തിനോ ജോലിക്കോ ഉപയോഗിക്കരുത് എന്നും യുജിസി നിര്‍ദേശമുണ്ട്.

22 വ്യാജ യൂണിവേഴ്സിറ്റികളുടെ പട്ടിക മുമ്പ് പുറത്തിറക്കിയിരുന്നു. ഏറ്റവും കൂടുതല്‍ വ്യാജ യൂണിവേഴ്സിറ്റികളുള്ളത് ഡല്‍ഹിയിലാണ്. പത്ത് വ്യാജ യൂണിവേഴ്സിറ്റികളാണ് ഡല്‍ഹിയിലുള്ളത്.

വ്യാജയൂണിവേഴ്സിറ്റികളുടെ എണ്ണത്തില്‍ രണ്ടാം സ്ഥാനത്തുള്ളത് ഉത്തര്‍പ്രദേശാണ് ഉള്ളത്. ഉത്തര്‍പ്രദേശില്‍ നാല് വ്യാജ യൂണിവേഴ്സിറ്റികളുണ്ട്. ആന്ധ്രാപ്രദേശ്, പശ്ചിമബംഗാള്‍, കേരളം എന്നിവിടങ്ങളില്‍ രണ്ട് വ്യാജയൂണിവേഴ്സിറ്റികളാണ് ഉള്ളത്. മഹാരാഷ്ട്രയിലും പുതുച്ചേരിയിലും ഓരോ വ്യാജ യൂണിവേഴ്സിറ്റികളുമുണ്ട്. കുന്ദമംഗലം ആസ്ഥാനമാക്കിയുള്ള ഇന്‍ര്‍നാഷ്ണല്‍ ഇസ്ലാമിക് യൂണിവേഴ്സിറ്റി ഓഫ് പ്രോഫെറ്റിക് മെഡിസിന്‍, സെന്റ് ജോണ്‍സ് യൂണിവേഴ്സിറ്റി എന്നിവയാണ് കേരളത്തില്‍ നിന്ന് വ്യാജ യൂണിവേഴ്സിറ്റികളുടെ പട്ടികയില്‍ ഇടം പിടിച്ചിട്ടുള്ളത്.

ഡല്‍ഹി പ്രസ്സ് ക്ലബ്ബ് ഹാളില്‍ നടന്ന മീറ്റിംഗില്‍ എന്‍ എസ് യു ഐ ദേശീയ പ്രസിഡന്റ് വരുണ്‍ ചൗദരി, എംഎസ്എഫ് ദേശീയ പ്രസിഡണ്ട് പി വി അഹമ്മദ് സാജു, ഐസ ദേശീയ പ്രസിഡന്റ് പ്രസഞ്ജീത് ബാനര്‍ജീ, എസ് എഫ് ഐ സെക്രട്ടറി ഐഷി ഗോഷ്, എ ഐ എസ് എഫ് ദേശീയ പ്രസിഡന്റ് വിരാജ് ദേവാങ്, സമാജ് വാദി ചാത്ര സഭ പ്രസിഡന്റ് രാജേഷ് ബാന്‍സല്‍, സി ആര്‍ ജ ഡി പ്രസിഡന്റ് അക്ഷന്‍ രഞ്ജന്‍ എന്നിവര്‍ പങ്കടുത്തു. മതേതര വിദ്യാര്‍ത്ഥി ചേരിയെ ഒന്നിപ്പിക്കാനുള്ള ഇത്തരം നീക്കങ്ങള്‍ ഇന്ത്യന്‍ കലാലയങ്ങള്‍ക്ക് പുതു പ്രതീക്ഷ നല്‍കുന്നതാണന്നും ഇത് വരാനിരിക്കുന്ന പോരാട്ടത്തിന് ശക്തി പകരുമെന്നും എം എസ് എഫ് ദേശീയ പ്രസിഡന്റ് പി വി അഹമ്മദ് സാജു പറഞ്ഞു.

ജാതി വിവേചനത്തെ തുടര്‍ന്ന് ജീവനൊടുക്കിയ രോഹിത് വെമുലയുടെയും പായല്‍ തദ്‌വിയുടെയും രക്ഷിതാക്കള്‍ സമര്‍പ്പിച്ച ഹരജിയിലാണ് യു.ജി.സി സത്യവാങ്മൂലം നല്‍കിയത്.

2004നും 2024നുമിടക്ക് കോളേജുകളില്‍ 115 ആത്മഹത്യകള്‍ നടന്നിട്ടുണ്ടെന്നും അതില്‍ ഏറെയും ദലിതരാണെന്നും ജനുവരി മൂന്നിന് കേസ് പരിഗണിച്ചപ്പോള്‍ ഹരജിക്കാരുടെ അഭിഭാഷക ഇന്ദിര ജയ്‌സിങ് കോടതിയെ അറിയിച്ചിരുന്നു.

ഇതേത്തുടര്‍ന്ന് സര്‍വകലാശാലകളിലും ഉന്നത വിദ്യാഭ്യാസ സ്ഥാപനങ്ങളിലും 2012ലെ ചട്ടങ്ങള്‍ പ്രകാരം ലഭിച്ച ജാതി വിവേചനത്തെ സംബന്ധിച്ചുള്ള മുഴുവന്‍ പരാതികളും സ്വീകരിച്ച നടപടികളും ആറാഴ്ചക്കകം അറിയിക്കാന്‍ കോടതി യു.ജി.സിക്ക് നിര്‍ദേശം നല്‍കിയിരുന്നു.

ഇതേടെ 1503 ജാതി വിവേചന പരാതികളാണ് ലഭിച്ചിട്ടുള്ളതെന്നും അതില്‍ 1426 പരാതികള്‍ പരിഹരിച്ചതായും യു.ജി.സി അറിയിച്ചു

കൂടുതൽ രാഷ്ട്രീയ ഇടപെടലുകളും അധികാര കേന്ദ്രീകരണവും ഉൾപ്പെടുന്ന വിസി നിയമനങ്ങളെക്കുറിച്ചുള്ള നിർദ്ദിഷ്ട മാർഗ്ഗനിർദ്ദേശങ്ങൾ സർവകലാശാലകളുടെ സ്വാതന്ത്ര്യത്തെ ഇല്ലാതാക്കുന്നു. രാഷ്ട്രീയ പരിഗണനകൾക്ക് അനുകൂലമായി അക്കാദമിക് യോഗ്യതകളും സ്ഥാപനപരമായ ആവശ്യങ്ങളും മാറ്റിവയ്ക്കുന്നതിലൂടെ, അക്കാദമിക് മികവിന് മുൻഗണന നൽകുന്നതിന് പകരം യൂണിവേഴ്‌സിറ്റികളെ ഉദ്യോഗസ്ഥ ശക്തികളുടെ നിയന്ത്രണത്തിലാക്കാൻ സാധ്യതയുണ്ട്.

കൂടാതെ, ഫാക്കൽറ്റി നിയമനങ്ങൾക്കായുള്ള പുതിയ നിയന്ത്രണങ്ങൾ അധ്യാപനത്തിലും ഗവേഷണത്തിലും ചരിത്രപരമായി ഉയർന്ന നിലവാരം ഉറപ്പാക്കിയ മെറിറ്റ്, അക്കാദമിക് യോഗ്യതകൾ, കർശനമായ തിരഞ്ഞെടുപ്പ് പ്രക്രിയകൾ എന്നിവയോടുള്ള വ്യക്തമായ അവഗണന കാണിക്കുന്നു.

ഈ നിർദ്ദേശങ്ങൾ വിദ്യാഭ്യാസത്തിന്റെ ഗുണനിലവാരം കുറയുന്നതിനും, അക്കാദമിക് സമൂഹത്തിന്റെ സ്വയംഭരണത്തിൽ വിട്ടുവീഴ്ച ചെയ്യുന്നതിനും, വിദ്യാഭ്യാസപരമായ കാരണങ്ങളേക്കാൾ രാഷ്ട്രീയ കാരണങ്ങളാൽ തീരുമാനങ്ങൾ എടുക്കുന്ന ഒരു അന്തരീക്ഷം സൃഷ്ടിക്കും.

രാഷ്ട്രീയ ഇടപെടലുകളിൽ നിന്ന് മുക്തമായി ബൗദ്ധിക സ്വാതന്ത്ര്യം, വിമർശനാത്മക ചിന്ത, അക്കാദമിക് പ്രവർത്തനങ്ങൾ എന്നിവയ്ക്കുള്ള ഇടങ്ങളായി സർവകലാശാലകൾ നിലനിൽക്കണം. സർക്കാർ ഈ പിന്തിരിപ്പൻ നയങ്ങൾ പുനഃപരിശോധിക്കുകയും പകരം നമ്മുടെ അക്കാദമിക് സ്ഥാപനങ്ങളുടെ സമഗ്രതയും സ്വയംഭരണവും ശക്തിപ്പെടുത്തുന്നതിന് പ്രവർത്തിക്കുകയും വേണമെന്ന് എം എസ് എഫ് ദേശീയ പ്രസിഡന്റ് പി വി അഹമ്മദ് സാജു ജനറൽ സെക്രട്ടറി എസ് എച്ച് മുഹമ്മദ് അർഷാദ് എന്നിവർ കേന്ദ്ര വിദ്യാഭ്യാസ മന്ത്രിക്ക് നൽകിയ കത്തിൽ ആവിശ്യപ്പെട്ടു.

കഴിഞ്ഞ വര്‍ഷം ഒക്ടോബറിലാണ് അലിഗഡ്‌ മുസ്‌ലിം യൂണിവേഴ്‌സിറ്റിയുടെ പേരില്‍ നിന്ന് ‘മുസ്‌ലിം’ എന്ന പദവും ബനാറസ് ഹിന്ദു യുണിവേഴ്‌സിറ്റിയുടെ പേരില്‍ നിന്ന് ‘ഹിന്ദു’ എന്ന പദവും നീക്കം ചെയ്യണമെന്ന് യു.ജി.സി നിര്‍ദേശിച്ചത്. ഇത് രാജ്യത്തിന്റെ മതേതര സ്വഭാവത്തിന് എതിരാണെന്നായിരുന്നു യു.ജി.സി വാദം.

രാജ്യത്തെ 10 കേന്ദ്രസര്‍വകലാശാലകളുടെ പ്രവര്‍ത്തനങ്ങള്‍ വിലയിരുത്താന്‍ കഴിഞ്ഞ വര്‍ഷം ഒക്ടോബറില്‍ കേന്ദ്രസര്‍ക്കാര്‍ ഒരു കമ്മിറ്റിയെ നിയോഗിച്ചിരുന്നു. ആ കമ്മിറ്റിയാണ് രണ്ട് സര്‍വകലാശാലകളുടേയും പേര് മാറ്റണമെന്ന് നിര്‍ദേശിച്ചത്. അലിഗഡ്‌ മുസ്‌ലിം യൂണിവേഴ്‌സിറ്റിയുടെ പേര് അലിഗഡ്‌ യൂണിവേഴ്‌സിറ്റി എന്നോ സര്‍ സയ്യിദ് അഹമ്മദ് ഖാന്‍ യൂണിവേഴ്‌സിറ്റി എന്നോ മാറ്റണമെന്നായിരുന്നു കമ്മിറ്റിയുടെ നിര്‍ദേശം.

അതേസമയം യൂണിവേഴ്‌സിറ്റികളുടെ പേര് മാറ്റണമെന്ന നിലപാടിനോട് യോജിപ്പില്ലെന്ന് കേന്ദ്രം വ്യക്തമാക്കി. അലിഗഡ്‌ മുസ്‌ലിം യൂണിവേഴ്‌സിറ്റിയും ബനാറസ് ഹിന്ദു യൂണിവേഴ്‌സിറ്റിയും വളരെയധികം പഴക്കമുള്ള സ്ഥാപനങ്ങളാണ്. അവയുടെ പേര് മാറ്റണമെന്ന് സര്‍ക്കാറിന് യാതൊരു താല്‍പര്യവുമില്ല. സര്‍വകലാശാലകളുടെ പ്രവര്‍ത്തനങ്ങള്‍ വിലയിരുത്താന്‍ വേണ്ടി മാത്രമാണ് കമ്മിറ്റിയെ നിയോഗിച്ചതെന്നും കേന്ദ്ര മാനവ വിഭവശേഷി വികസന വകുപ്പ് മന്ത്രി പ്രകാശ് ജാവേദ്കര്‍ വ്യക്തമാക്കി.

അഡിക്ടീവ്‌സ് കലര്‍ന്നിട്ടുള്ള ഇത്തരം പാക്കറ്റ് ഭക്ഷണങ്ങളെ നിരോധിക്കുന്നതോടെ കുട്ടികളിലുണ്ടാകുന്ന ജീവിത ശൈലി രോഗങ്ങള്‍ ഒരു പരിധി വരെ നിയന്ത്രിക്കാനാവുമെന്നാണ് കരുതുന്നത്. കുട്ടികളുടെ പൊണ്ണത്തടി കുറയ്ക്കാനും നന്നായി പഠിക്കാനും അതോടൊപ്പം നന്നായി ജീവിക്കാനും ജങ്ക് ഫുഡ് നിരോധിക്കുമ്പോള്‍ വരുന്ന ആരോഗ്യ ഭക്ഷണക്രമത്തിനാകുമെന്നും നിര്‍ദ്ദേശത്തിലുണ്ട്. രാജ്യത്തെ എല്ലാ സര്‍വ്വകലാശാലകള്‍ക്കും ഇതു സംബന്ധിച്ച സര്‍ക്കുലര്‍ അയച്ചിട്ടുണ്ട്. മാനവ വിഭവശേഷി മന്ത്രാലയത്തില്‍ നിന്നുള്ള നിര്‍ദ്ദേശത്തിന്റെ അടിസ്ഥാനത്തിലാണ് യുജിസി ഇങ്ങനെ ഒരു സര്‍ക്കുലര്‍ അയച്ചിട്ടുള്ളത്. നേരത്തെ സിബിഎസ്ഇ സ്‌കൂളുകളോട് കാന്റീനില്‍ നിന്ന് ജങ്ക് ഫുഡുകള്‍ ഒഴിവാക്കാന്‍ നിര്‍ദ്ദേശം നല്‍കിയിരുന്നു. കുട്ടികളുടെ ലഞ്ച് ബോക്‌സ് പരിശോധിക്കണമെന്നും നല്ല ആഹാരത്തെ കുറിച്ച് അവബോധം നല്‍കണമെന്നും സിബിഎസ്ഇ അന്ന് സ്‌കൂളുകള്‍ക്ക് നിര്‍ദ്ദേശം നല്‍കിയിരുന്നു.