യുഎസ് പ്രസിഡണ്ട് ഡൊണാള്‍ഡ് ട്രംപിന്റെ സന്ദര്‍ശനത്തിനിടെ രാജ്യത്തിന്റെ യശസ്സ് കളങ്കപ്പെടുത്താനാണ് ഉമര്‍ ഖാലിദ് അടക്കമുള്ള ഠുക്‌ടെ ഠുക്‌ടെ ഗ്യാങ് ശ്രമിച്ചതെന്ന് നേരത്തെ ബിജെപി ആരോപിച്ചിരുന്നു.

ക്രിമിനല്‍ ഗൂഢാലോചനാ കുറ്റമാണ് ഉമര്‍ ഖാലിദിനെതിരെ ചുമത്തിയിട്ടുള്ളത്. വിവാദമായ പൗരത്വ ഭേദഗതി നിയമത്തിനും ദേശീയ പോപുലേഷന്‍ രജിസ്റ്ററിനുമെതിരെ ജനങ്ങളെ അണിനിരത്താന്‍ വിദ്യാര്‍ത്ഥി നേതാവ് മുമ്പില്‍ നിന്നു എന്നാണ് ഡല്‍ഹി പൊലീസ് പറയുന്നത്.

അതിനിടെ, കപില്‍ മിശ്ര, അനുരാഗ് ഠാക്കൂര്‍ തുടങ്ങി ഡല്‍ഹി കലാപത്തില്‍ തീവ്രഹിന്ദുത്വ സംഘടനകള്‍ക്ക് ഊര്‍ജം പകര്‍ന്ന ബിജെപി നേതാക്കള്‍ക്കെതിരെയുള്ള കേസുകള്‍ ഇനിയും എവിടെയുമെത്തിയിട്ടില്ല.

ന്യൂഡല്‍ഹി: വടക്കു കിഴക്കന്‍ ഡല്‍ഹിയിലുണ്ടായ വംശീയ ആക്രമണവുമായി ബന്ധപ്പെട്ട് യുഎപിഎ നിയമപ്രകാരം അറസ്റ്റിലായ ജെഎന്‍യു മുന്‍ വിദ്യാര്‍ഥി ഉമര്‍ ഖാലിദിനെ ഒക്ടോബര്‍ 22 വരെ ഡല്‍ഹി കോടതി ജുഡീഷ്യല്‍ കസ്റ്റഡിയില്‍ വിട്ടു. കസ്റ്റഡി കാലാവധി അവസാനിച്ചതിനെ തുടര്‍ന്നാണ് പുതിയ നടപടി. വീഡിയോ കോണ്‍ഫറന്‍സ് വഴിയാണ് ഉമര്‍ഖാലിദിനെ കോടതിയില്‍ ഹാജരാക്കിയത്.

വടക്കുകിഴക്കന്‍ ഡല്‍ഹിയിലുണ്ടായ വംശീയ അതിക്രമത്തില്‍ ഗൂഢാലോചന നടത്തിയെന്ന് ആരോപിച്ച് ഈ മാസം 14നാണ് ഉമര്‍ ഖാലിദിനെ അറസ്റ്റ് ചെയ്തത്. തുടര്‍ന്ന് സെപ്തംബര്‍ 24 വരെ പത്തു ദിവസത്തേക്ക്് ഉമര്‍ഖാലിദിനെ പൊലീസ് കസ്റ്റഡിയില്‍ വിട്ടിരുന്നു. അതിനിടെ കുടുംബത്തെ കാണാന്‍ അനുവദിക്കണമെന്ന് ആവശ്യപ്പെട്ട് ഉമര്‍ ഖാലിദ് സമര്‍പിച്ച ഹര്‍ജി ഡല്‍ഹി ഹൈക്കോടതി തള്ളിയിരുന്നു.

കലാപം നടത്തുന്നതിനായുള്ള ഗൂഢാലോചന നടത്തിയെന്നാണ് ഉമര്‍ ഖാലിദിനെതിരുള്ള കുറ്റം. ഡല്‍ഹി കലാപത്തിന്റെ പേരില്‍ തന്നെ കള്ളക്കേസില്‍ കുടുക്കാന്‍ കള്ളസാക്ഷി മൊഴി നല്‍കാന്‍ പലരെയും നിര്‍ബന്ധിക്കുന്നതായി ആരോപിച്ച് ഉമര്‍ ഖാലിദ് നേരത്തെ ഡല്‍ഹി പൊലീസ് കമ്മീഷണര്‍ക്ക് പരാതി നല്‍കിയിരുന്നു.

കുടുംബാംഗങ്ങളെ കാണാന്‍ ഉമര്‍ ഖാലിദിനെ അനുവദിച്ചാല്‍ അത് ചോദ്യം ചെയ്യലിനെ ബാധിക്കുമെന്ന് സ്‌പെഷ്യല്‍ പബ്ലിക് പ്രോസിക്യൂട്ടര്‍ അമിത് പ്രസാദ് കോടതിയെ അറിയിച്ചതിനെ തുടര്‍ന്നാണ് കോടതിയുടെ നടപടി.

വടക്ക് കിഴക്കന്‍ ഡല്‍ഹിയിലുണ്ടായ കലാപവുമായി ബന്ധപ്പെട്ട് സെപ്തംബര്‍ 13 നാണ് യുഎപിഎ ചുമത്തി ജെഎന്‍യു മുന്‍ വിദ്യാര്‍ത്ഥി അറസ്റ്റ് ചെയ്യുന്നത്. ശനിയാഴ്ച ഡല്‍ഹി പൊലീസ് വിളിച്ചുവരുത്തിയ ശേഷം ലോധി കോളനിയിലെ സ്‌പെഷ്യല്‍ സെല്‍ ഓഫീസില്‍ ഞായറാഴ്ച എത്താന്‍ നിര്‍ദ്ദേശിക്കുകയായിരുന്ന. ഞായറാഴ്ച ഉച്ചയ്ക്ക് ഒരു മണിയോടെ അന്വേഷണ സംഘത്തിന് മുന്നിലെത്തിയ ഉമര്‍ ഖാലിദിനെ രാത്രിയോടെ കലാപത്തിന് ഗൂഢാലോചന നടത്തിയെന്ന ആരോപിച്ച് അറസ്റ്റ് ചെയ്യുകയായിരുന്നു.

കുടുംബാംഗങ്ങളെ കാണാന്‍ അനുമതി നല്‍കാമെന്ന് ഡല്‍ഹി പൊലീസ് വാക്കാല്‍ ഉറപ്പു തന്നിരുന്നെന്നും എന്നാല്‍ പിന്നീട് പൊലീസ് നിഷേധിക്കുകയായിരുന്നെന്നും ഉമര്‍ ഖാലിദ് ഹരജിയില്‍ പറഞ്ഞു. കലാപവുമായി ബന്ധപ്പെട്ട് കുറ്റാരോപിതനായ മുന്‍ ആം ആദ്മി പാര്‍ട്ടി കൗണ്‍സിലര്‍ താഹിര്‍ ഹുസൈനുമായി ഉമറിന് ബന്ധമുണ്ടെന്നും കലാപം നടക്കുന്നതിന് ഒരു മാസം മുന്‍പ് ഇവര്‍ രണ്ടുപേരും, ഷഹീന്‍ ബാഗിലെ സി.എ.എ വിരുദ്ധ പ്രക്ഷോഭത്തിന് പിന്നില്‍ പ്രവര്‍ത്തിച്ച യുണൈറ്റ് എഗെന്‍സ്റ്റ് ഹെയ്റ്റ് സ്ഥാപകനായ ഖാലിദ് സൈഫിയുമായി കൂടിക്കാഴ്ച നടത്തിയിരുന്നുവെന്നുമാണ് പൊലീസ് ഉമര്‍ ഖാലിദിനെതിരെ ഉന്നയിക്കുന്ന ആരോപണം.

‘ശനിയാഴ്ചയാണ് ഡല്‍ഹി പൊലീസിലെ സ്‌പെഷ്യല്‍ സെല്ലിന്റെ സമന്‍സ് കിട്ടിയത്. അന്നു രാത്രി തന്നെ യുഎസിലും യുകെയിലുമുള്ള സഹോദരിമാരെ വിളിച്ചു. യുഎസില്‍ അത് അര്‍ധരാത്രിയായിരിക്കും. എന്നാല്‍ ഉമര്‍ വിൡക്കുമ്പോള്‍ അവള്‍ ഫോണ്‍ എടുക്കും എന്നറിയാമായിരുന്നു. അറസ്റ്റുണ്ടാകുമെന്ന് എനിക്ക് തോന്നിയിരുന്നു. ഞാന്‍ ഉമറിനോട് പറഞ്ഞു. ഡര്‍നാ നഹീ (ഭയക്കരുത്), അവര്‍ തിരിച്ചു പറഞ്ഞു, അമ്മി ആപ് ഗഭ്‌റായേന്‍ഗി നഹീ (ഉമ്മാ, നിങ്ങള്‍ പേടിക്കരുത്’ – 53 കാരിയായ സബീഹ പറഞ്ഞു.

ശനിയാഴ്ച സമന്‍സ് കിട്ടി അടുത്ത ദിവസം തന്നെ ഹാജരാകാന്‍ പറയുകയായിരുന്നു. എന്താണ് ഇത്ര അടിയന്തരമായത് എന്ന് ചിന്തിച്ചു. എന്തോ പ്രശ്‌നമുണ്ടെന്ന് അപ്പോള്‍ തന്നെ തോന്നിയിരുന്നു. അവര്‍ ഒരു ആഖ്യാനം ഉണ്ടാക്കുകയാണ് വേണ്ടത്. എന്നാല്‍ ഈ അറസ്റ്റുകള്‍ പൗരത്വ വിരുദ്ധ പ്രക്ഷോഭകരുടെ ആത്മവീര്യം കെടുത്താന്‍ പ്രാപ്തമല്ല. അവര്‍ ജയിക്കുമെന്നാണ് കരുതുന്നത് എങ്കില്‍ അവര്‍ക്ക് തെറ്റി- അവര്‍ കൂട്ടിച്ചേര്‍ത്തു.

‘ഉമറിന് പോപുലര്‍ ഫ്രണ്ടുമായി ബന്ധമുണ്ടെന്ന വാര്‍ത്തകള്‍ അവര്‍ തള്ളി. ഞങ്ങള്‍ മാതാപിതാക്കള്‍ക്ക് അവനുമായി ആശയപരമായ അഭിപ്രായ വ്യത്യാസങ്ങള്‍ ഉണ്ട്. സ്വയം നിരീശ്വരവാദിയാണ് എന്നാണ് അവന്‍ പറയുക. എന്നാലും ഞങ്ങള്‍ അവന് പിന്നില്‍ ഉറച്ചു തന്നെയുണ്ട്. പീഡിപ്പിക്കപ്പെട്ടവരെ സഹായിക്കണം എന്നതു മാത്രമാണ് അവന്റെ ആവശ്യം’ – അവര്‍ പറഞ്ഞു.

തങ്ങള്‍ തെറ്റൊന്നും ചെയ്തിട്ടില്ലെന്നും ഈ അറസ്റ്റ് ഭയപ്പെടുത്തുന്നില്ലെന്നും ഉമറിന്റെ 17കാരിയായ സഹോദരി സാറ ഫാത്തിമയും പറയുന്നു. അറസ്റ്റില്‍ ഞെട്ടിയില്ല. ഉമറിന്റെ മതപരമായ അസ്തിത്വമാണ് അവര്‍ക്ക് പ്രശ്‌നം. അല്ലെങ്കില്‍ എന്തു കൊണ്ടാണ് എഫ്‌ഐറില്‍ കപില്‍ മിശ്രയുടെ പേരില്ലാത്തത്? – സാറ ചോദിച്ചു.

11 ലക്ഷം വരുന്ന വന്‍ സാങ്കേതിക വിവരങ്ങളെയാണ് ഉമര്‍ ഖാലിദിന് അഭിമുഖീകരിക്കാന്‍ ഉള്ളതെന്ന് കഴിഞ്ഞ ദിവസം കോടതിയില്‍ നടന്ന വാദത്തില്‍ സ്‌പെഷ്യല്‍ പബ്ലിക് പ്രോസിക്യൂട്ടര്‍ അമിത് പ്രസാദ് പറഞ്ഞു. കര്‍കര്‍ദൂമ കോടതിയില്‍ അഡീഷണല്‍ സെഷന്‍സ് ജഡ്ജ് അമിതാഭ് റാവതിന് മുമ്പാകെ വിര്‍ച്വല്‍ ഹിയറിങ്ങിലാണ് ഉമര്‍ ഖാലിദിനെ തിങ്കളാഴ്ച ഹാജരാക്കിയത്.

ഉമറിന് വേണ്ടി ഹാജരായ അഭിഭാഷകന്‍ ത്രിദീപ് പൈസ് ഡല്‍ഹി കലാപം നടന്ന ഫെബ്രുവരി 23 മുതല്‍ 26 വരെ തന്റെ കക്ഷി ഡല്‍ഹിയില്‍ തന്നെ ഉണ്ടായിരുന്നില്ല എന്നു വാദിച്ചു. പൗരത്വ ഭേദഗതി വിരുദ്ധ സമരങ്ങളില്‍ പങ്കെടുത്തതിന്റെ പേരില്‍ ഉമറിനെ വേട്ടയാടുകയാണ് എന്നും പൈസ് ആരോപിച്ചു.

എന്നാല്‍ സാങ്കേതിക വിവരങ്ങളില്‍ ഉമറില്‍ നിന്ന് വിവരങ്ങള്‍ തേടേണ്ടതുണ്ട് എന്ന പൊലീസിന്റെ വാദം അംഗീകരിച്ച് കോടതി അദ്ദേഹത്തെ കസ്റ്റഡിയില്‍ വിടുകയായിരുന്നു. ഉമറിന്റെ അറസ്റ്റിനെതിരെ നിരവധി സാമൂഹ്യ പ്രവര്‍ത്തകര്‍ രംഗത്തെത്തിയിട്ടുണ്ട്.

ശനിയാഴ്ച ഖാലിദിനെ ഡൽഹി പൊലീസ് വിളിച്ചുവരുത്തിയിരുന്നു. ശേഷം  ലോധി കോളനിയിലെ സ്‌പെഷ്യൽ സെൽ ഓഫീസിൽ ഞായറാഴ്ച എത്താന്‍ നിര്‍ദ്ദേശിച്ചു.  ഞായറാഴ്ച ഉച്ചയ്ക്ക് ഒരു മണിയോടെ അന്വേഷണ സംഘത്തിന് മുന്നിലെത്തിയ ഉമര്‍ ഖാലിദിനെ രാത്രിയോടെ അറസ്റ്റ് ചെയ്യുകയായിരുന്നു. ഖാലിദിനെതിരെ ഉടന്‍ പൊലീസ് കുറ്റപത്രം സമർപ്പിക്കുമെന്നും തിങ്കളാഴ്ച ഡൽഹി കോടതിയിൽ ഹാജരാക്കുമെന്നും റിപ്പോർട്ടുണ്ട്.

Umar Khalid has been booked under the Unlawful Activities Prevention Act (UAPA). https://t.co/EaA7fKLd6g

— ANI (@ANI) September 13, 2020

കലാപവുമായി ബന്ധപ്പെട്ട് കുറ്റാരോപിതനായ മുൻ ആം ആദ്മി പാർട്ടി കൗൺസിലർ താഹിർ ഹുസൈനുമായി ഉമറിന് ബന്ധമുണ്ടെന്നും കലാപം നടക്കുന്നതിന് ഒരു മാസം മുൻപ് ഇവർ രണ്ടുപേരും, ഷഹീൻ ബാഗിലെ സിഎഎ വിരുദ്ധ പ്രക്ഷോഭത്തിന്‌ പിന്നിൽ പ്രവർത്തിച്ച യുണൈറ്റ് എഗെൻസ്റ്റ് ഹെയ്റ്റ് സ്ഥാപകനായ ഖാലിദ് സൈഫിയുമായി കൂടിക്കാഴ്ച നടത്തിയിരുന്നുവെന്നും പൊലീസ് പറയുന്നു. കലാപവുമായി ബന്ധപ്പെട്ട മറ്റൊരു കേസില്‍ സ്ട്രിങ്ങെന്റ് അണ്‍ലോഫുള്‍ ആക്ടിവിറ്റീസ് ആക്ട് പ്രകാരം ഉമര്‍ ഖാലിദിനെതിരെ നേരത്തെ കുറ്റം ചുമത്തിയിരുന്നു.

’11 മണിക്കൂര്‍ നീണ്ട ചോദ്യം ചെയ്യലിന് ശേഷം ഡല്‍ഹി കലാപക്കേസില്‍ ഗൂഢാലോചനക്കാരനായി ഉമര്‍ ഖാലിദിനെ ഡല്‍ഹി പോലീസിന്റെ പ്രത്യേക സെല്‍ അറസ്റ്റ് ചെയ്തു. കലാപത്തെ കുറിച്ചുള്ള അന്വേഷണത്തില്‍ ഡല്‍ഹി പോലീസ് പ്രതിഷേധം വളച്ചൊടിക്കുകയും കുറ്റവാളിയാക്കുകയും ചെയ്ത് കെട്ടുകഥ മെനഞ്ഞ് മറ്റൊരു ഇരയെ കണ്ടെത്തുകയാണ്’ ഉമര്‍ ഖാലിദ് അംഗമായ യുണൈറ്റഡ് എഗെയ്ന്‍സ്റ്റ് ഹേറ്റ് എന്ന ആക്ടിവിസ്റ്റ് ഗ്രൂപ്പ് പ്രസ്താവനയില്‍ പ്രതികരിച്ചു.

അതേസമയം, ഇന്നലെ സമാന കേസിലെ അനുബന്ധ കുറ്റപത്രത്തില്‍ സിപിഎം ജനറല്‍സെക്രട്ടറി സീതാറാം യെച്ചൂരിയും യോഗേന്ദ്ര യാദവുമടക്കം ഒന്‍പത് പ്രമുഖരുടെ പേരുകള്‍ ഉള്‍പ്പെടുത്തിയത് വലിയ വിവാദമായിരുന്നു. ജനുവരി 15 ന് സീലംപൂരിലെ പ്രതിഷേധ സ്ഥലത്ത് എത്തിയ സീതാറാം യെച്ചൂരി, യോഗേന്ദ്രയാദവ്, ഉമര്‍ഖാലിദ് എന്നിവര്‍ ജനക്കൂട്ടത്തെ പ്രകോപിപ്പിച്ചെന്ന് പ്രതികളുടെ മൊഴിയെ ഉദ്ധരിച്ച് കുറ്റപത്രത്തില്‍ പൊലീസ് രേഖപ്പെടുത്തിയിട്ടുണ്ട്.

കഴിഞ്ഞ തിങ്കളാഴ്ച്ചയാണ് ഉമര്‍ഖാലിദിനു നേരെ വധശ്രമമുണ്ടായത്. തലസ്ഥാനത്തെ അതീവ സുരക്ഷാമേഖലയോട് ഏറ്റവും അടുത്തുനില്‍ക്കുന്ന റഫി മാര്‍ഗിലെ കോണ്‍സ്റ്റിറ്റിയൂഷന്‍ ക്ലബ്ബിന് മുന്നില്‍വെച്ചാണ് തോക്കുമായെത്തിയ അക്രമി ഉമര്‍ഖാലിദിനെ അപായപ്പെടുത്താന്‍ ശ്രമിച്ചത്. നിരന്തരം പൊലീസ്, സൈനിക സാന്നിധ്യമുള്ള റഫി മാര്‍ഗില്‍ പട്ടാപ്പകല്‍ തോക്കുമായെത്തിയ അക്രമി ഒരു പോറല്‍ പോലുമേല്‍ക്കാതെ ഓടി രക്ഷപ്പെടുകയായിരുന്നു.

ജെ.എന്‍.യു സമരവുമായി ബന്ധപ്പെട്ട് കനയ്യകുമാറിനൊപ്പം രാജദ്രോഹക്കുറ്റം ചുമത്തി അറസ്റ്റ് ചെയ്യപ്പെട്ടവരില്‍ ഒരാളാണ് ഉമര്‍ഖാലിദ്. ഈ സംഭവത്തിനുശേഷം ഉമര്‍ഖാലിദ് ഉള്‍പ്പെട്ട വിദ്യാര്‍ഥി നേതാക്കള്‍ക്ക് നേരെ വധഭീഷണികള്‍ ഉയര്‍ന്നിരുന്നു.

അയാള്‍ തോക്ക് ചൂണ്ടിയപ്പോള്‍ ഞാന്‍ പേടിച്ചുപോയി. ആ സമയത്ത് ഗൗരി ലങ്കേഷിന് സംഭവിച്ചതാണ് ഓര്‍മ്മ വന്നത്. എനിക്കും അങ്ങനെ വരുമെന്ന് തോന്നി. അയാളെ കീഴ്പ്പെടുത്തി ജീവന്‍ രക്ഷിച്ചതിന് എന്റെ സുഹൃത്തുക്കള്‍ക്ക് നന്ദി. കഴിഞ്ഞ രണ്ടു വര്‍ഷമായി ചില മാധ്യമങ്ങളും ഭരണകൂടത്തിന്റെ ട്രോള്‍ സൈന്യങ്ങളും ചേര്‍ന്ന് വിദ്വേഷ പ്രചരണം നടത്തിക്കൊണ്ടിരിക്കുകയാണ്. ആരെങ്കിലും സര്‍ക്കാറിനെയോ അതിന്റെ നയങ്ങളെയോ എതിര്‍ക്കുകയാണെങ്കില്‍ ദേശവിരുദ്ധരായി മുദ്രകുത്തുകയാണ്.വിദ്വേഷ പ്രചരണങ്ങള്‍ക്കെതിരായ പരിപാടിയില്‍ പങ്കെടുക്കാനെത്തിയ സമയത്ത് തന്നെ കൊലപാതക ശ്രമമുണ്ടായത് വിരോധാഭാസമാണെന്നും പക്ഷെ ആക്രമണത്തില്‍ അദ്ഭുതപ്പെടാനില്ലെന്നും ഉമര്‍ഖാലിദ് പ്രതികരിച്ചു.

ദല്‍ഹി കോണ്‍സ്റ്റിറ്റിയൂഷന്‍ ക്ലബ്ബിന് സമീപത്ത് വെച്ചാണ് ജവഹര്‍ലാല്‍ നെഹ്റു യൂണിവേഴ്സിറ്റിയിലെ ഗവേഷണ വിദ്യാര്‍ത്ഥിയായ ഉമര്‍ഖാലിദിന് നേരെ വെടിവെയ്പുണ്ടായത്. ആള്‍ക്കൂട്ടക്കൊലകള്‍ക്കെതിരെയുള്ള പ്രതിഷേധങ്ങളുടെ ഭാഗമായി ‘റ്റുവേര്‍ഡ്സ് എ ഫ്രീഡം വിത്തൗട്ട് ഫിയര്‍’ എന്ന പരിപാടിയില്‍ സംസാരിച്ച് പുറത്തിറങ്ങിയതായിരുന്നു ഖാലിദ്. അതീവ സുരക്ഷാ മേഖലയായ പാര്‍ലമെന്റിനു ഏതാനും മീറ്റര്‍ അകലെയായാണ് കോണ്‍സ്റ്റിറ്റിയൂഷന്‍ സ്ഥിതി ചെയ്യുന്നത്.

2016 ഫെബ്രുവരി 9 ന് സര്‍വകലാശാല ക്യാംപസില്‍ ഇന്ത്യാ വിരുദ്ധ മുദ്രാവാക്യം മുഴക്കിയെന്നാരോപിച്ചാണ് കനയ്യ കുമാറും ഉമര്‍ ഖാലിദും അടക്കമുള്ളവര്‍ക്കെതിരെ കേസെടുത്തിരുന്നു. ജെ.എന്‍.യുവില്‍ നടന്ന സമരങ്ങളുടെ പേരില്‍ പലകുറി വേട്ടയാടപ്പെട്ട ആളാണ് ഉമര്‍ ഖാലിദ്. വിദ്യാര്‍ത്ഥി സംഘടനയായ ഡെമോക്രാറ്റിക് സ്റ്റുഡന്റ്സ് യൂണിയന്‍ മുന്‍ അംഗവുമായിരുന്ന ഉമറിനെ തീവ്രവാദിയെന്ന് ആരോപിച്ച് പൊലീസ് ജയിലില്‍ അടച്ചിരുന്നു.