https://www.facebook.com/watch/?v=699832205196664

മുന്‍മുഖ്യമന്ത്രിയുടെ ആരോഗ്യനില സംബന്ധിച്ച്‌ പലതരത്തിലുള്ള വാര്‍ത്തകള്‍ പ്രചരിക്കുന്നതിനിടയിലാണ് വിശദീകരണവുമായി അദ്ദേഹം നേരിട്ടെത്തിയത്. മകന്‍ ചാണ്ടി ഉമ്മന്‍റെയും പാര്‍ട്ടി പ്രവര്‍ത്തകരുടെയും കുടുംബാംഗങ്ങളുടെയും സാന്നിദ്ധ്യത്തിലാണ് ഉമ്മന്‍ചാണ്ടി ഇക്കാര്യം വ്യക്തമാക്കിയത്.

2013 ഒക്‌ടോബര്‍ 27- കണ്ണൂരില്‍ എല്‍.ഡി.എഫ് പ്രതിഷേധത്തിനിടെ മുഖ്യമന്ത്രിയായിരുന്ന ഉമ്മന്‍ചാണ്ടിക്ക് സി.പി.എം പ്രവര്‍ത്തകന്റെ കല്ലേറ്. നെറ്റിയില്‍ ആഴത്തിലുള്ള മുറിവേറ്റു. ഒരു മുഖ്യമന്ത്രിയെ കായികമായി പോലും ആക്രമിക്കാന്‍ ശ്രമിച്ച സംഭവം (പിടിയിലായ സി.പി.എം പ്രവര്‍ത്തകന് പിന്നീട് ഉമ്മന്‍ചാണ്ടി തന്നെ മാപ്പുനല്‍കിയത് ചരിത്രം).

2013 ആഗസ്റ്റ് 12, 13 ഉമ്മന്‍ചാണ്ടിയുടെ രാജി ആവശ്യപ്പെട്ട് എല്‍.ഡി.എഫിന്റെ സെക്രട്ടറിയേറ്റ് വളയല്‍ സമരം. മുഖ്യമന്ത്രിയെയും മന്ത്രിമാരെയും പുറത്തിറങ്ങാന്‍ അനുവദിക്കാതെ തലസ്ഥാന നഗരം കൈപ്പിടിയിലാക്കി ഇടതുമുന്നണിയുടെ താണ്ഡവം. 2013 ഡിസംബര്‍ 10- മുഖ്യമന്ത്രിയുടെ രാജി ആവശ്യപ്പെട്ട് എല്‍.ഡി.എഫ് ക്ലിഫ് ഹൗസ് വളയല്‍. 2015 ഡിസംബര്‍ 10- പരാതിക്കാരിക്കൊപ്പമുള്ള സി.ഡി ഉണ്ടെന്ന ബിജുരാധാകൃഷ്ന്‍ പറഞ്ഞതനുസരിച്ച് സി.ഡി കണ്ടെടുക്കാന്‍ പൊലീസ് സംഘം കോയമ്പത്തൂരിലേക്ക്. കൂടെ ലൈവ് ടെലികാസ്റ്റുമായി മാധ്യമപ്പടയും- ഉമ്മന്‍ചാണ്ടിയെന്ന രാഷ്ട്രീയ നേതാവിന്റെ ജീവിതത്തില്‍ ഏറ്റവും സംഘര്‍ഷഭരിതമായ നാളുകളാണ് സോളാര്‍ കേസും സോളാര്‍ നായികയുടെ പീഡനപരാതിയും സമ്മാനിച്ചത്.

ജനസമ്പര്‍ക്കപരിപാടിയിലൂടെയും വികസനപദ്ധതികളിലൂടെയും തിളങ്ങിനിന്ന യു.ഡി.എഫ് സര്‍ക്കാരിനെയും മുഖ്യമന്ത്രിയെയും അധികാരത്തില്‍ നിന്നിറക്കാന്‍ സി.പി.എം ആയുധമാക്കിയ സോളാര്‍ പീഡന പരാതിയില്‍ കേരള പോലീസിനും ക്രൈംബ്രാഞ്ചിനും പിന്നാലെ സി.ബി.ഐ കൂടി കഴമ്പില്ലെന്ന് കണ്ടെത്തുമ്പോള്‍ ഇത് രാഷ്ട്രീയ കേരളത്തിന് എന്നും ഓര്‍ത്തുവെക്കാന്‍ ഒരു പാഠം. കേസില്‍ കാര്യമായതൊന്നുമില്ലെന്ന് അറിഞ്ഞിട്ടും കോണ്‍ഗ്രസിനെ നിരന്തരം വേട്ടയാടുന്നതിനായിരുന്നു സി.പി.എം കൃത്യമായ ഇടവേളകളില്‍ സോളാര്‍ കേസിനെ ഉപയോഗപ്പെടുത്തിയത്. നിയമസഭക്ക് അകത്തും പുറത്തും ഉമ്മന്‍ചാണ്ടിയുടെ കുടുംബത്തെ പോലും ആക്ഷേപിച്ച് സംസാരിച്ചത് സി.പി.എമ്മിന്റെ മുതിര്‍ന്ന നേതാക്കളായിരുന്നു.

ഭരണത്തിലെത്തിയതോടെ സര്‍വശക്തിയും ഉപയോഗിച്ച് അന്വേഷിക്കുകയും നിരവധി പ്രാവശ്യം ഉമ്മന്‍ചാണ്ടിയെയും കുടുംബത്തെയും അപമാനിക്കാന്‍ ആയുധമാക്കിയിരുന്നു സോളര്‍ പീഡന ആരോപണത്തെ. സി.ബി.ഐ റിപ്പോര്‍ട്ട് നല്‍കിയതോടെ ഇത് നനഞ്ഞ പടക്കമായി മാറി. ഉമ്മന്‍ചാണ്ടി അടക്കമുള്ള നേതാക്കള്‍ക്കെതിരെ തെളിവു കണ്ടെത്താന്‍ കഴിഞ്ഞില്ലെന്ന പൊലീസിന്റെയും ക്രൈംബ്രാഞ്ചിന്റെയും റിപ്പോര്‍ട്ട് സി.ബി.ഐയും ആവര്‍ത്തിച്ചു. പൊതുപ്രവര്‍ത്തന രംഗത്ത് ഒരിക്കലും അഭിമുഖീകരിക്കേണ്ടി വന്നിട്ടില്ലാത്ത ആരോപണങ്ങള്‍ നേരിട്ട ഉമ്മന്‍ചാണ്ടിക്ക് വര്‍ഷങ്ങള്‍ക്കുശേഷം ആരോപണങ്ങളുടെ മറനീക്കി പുറത്തുവരാനായി.

ഉമ്മന്‍ചാണ്ടി സര്‍ക്കാര്‍ രണ്ടുവര്‍ഷം പിന്നിടുമ്പോള്‍ എല്‍.ഡി.എഫിനു വീണുകിട്ടിയ ആയുധമായിരുന്നു സോളര്‍ കേസ്. പ്രതിയുടെ വെളിപ്പെടുത്തലുകളിലൂടെ കേസ് ഓരോ ദിവസവും സജീവമായി. മുഖ്യമന്ത്രിക്കും മന്ത്രിമാരും പഴ്‌സനല്‍ സ്റ്റാഫ് അംഗങ്ങളും യു.ഡി.എഫ് നേതാക്കളുമെല്ലാം ആരോപണ വിധേയരായി. അന്വേഷണത്തിനായി ജസ്റ്റിസ് ജി.ശിവരാജന്‍ കമ്മിഷനെ നിയമിക്കാന്‍ ഉമ്മന്‍ചാണ്ടി തന്നെയാണ് തീരുമാനിച്ചത്. കമ്മിഷന്‍ റിപ്പോര്‍ട്ടിനെ ആയുധമാക്കി മുന്നോട്ടുപോകാമെന്നായിരുന്നു പിന്നീട് എല്‍.ഡി.എഫ് നേതൃത്വത്തിന്റെ കണക്കു കൂട്ടല്‍. എല്‍.ഡി.എഫ് സര്‍ക്കാര്‍ അധികാരത്തിലെത്തിയശേഷം 2017ലാണ് കമ്മിഷന്‍ റിപ്പോര്‍ട്ട് സമര്‍പ്പിക്കുന്നത്. റിപ്പോര്‍ട്ട് സര്‍ക്കാര്‍ നിയമസഭയുടെ മേശപ്പുറത്തുവച്ചു.

ഉമ്മന്‍ചാണ്ടിയും പഴ്‌സനല്‍ സ്റ്റാഫ് അംഗങ്ങളും തട്ടിപ്പുകള്‍ക്ക് കൂട്ടുനിന്നെന്നായിരുന്നു ശിവരാജന്‍ കമ്മിഷന്റെ കണ്ടെത്തല്‍. ലൈംഗിക സംതൃപ്തി നേടുന്നത് അഴിമതി നിരോധന നിയമത്തിന്റെ നിര്‍വചനത്തില്‍ ഉള്‍പെടുമെന്നും അതുപ്രകാരവും ആരോപണ വിധേയര്‍ക്കെതിരെ അന്വേഷണം നടത്തണമെന്നും കമ്മിഷന്‍ ശുപാര്‍ശ ചെയ്തു. 2013 ജൂലൈ 19ന് പരാതിക്കാരി എഴുതിയ കത്തില്‍ പരാമര്‍ശിക്കുന്ന എല്ലാവര്‍ക്കുമെതിരെ അഴിമതി നിരോധന നിയമപ്രകാരം അന്വേഷണം നടത്തണമെന്നും കമ്മിഷന്‍ ശുപാര്‍ശ ചെയ്തു.

എല്‍.ഡി.എഫ് സര്‍ക്കാര്‍ പ്രത്യേക അന്വേഷണ സംഘത്തെ നിയമിച്ചു. ആരോപണങ്ങള്‍ നിലനില്‍ക്കുന്നതല്ലെന്നായിരുന്നു ഉന്നതപൊലീസ് ഉദ്യോഗസ്ഥരുടെ നിലപാട്. പീഡനക്കേസ് നിലനില്‍ക്കില്ലെന്ന് സുപ്രീം കോടതിയില്‍ നിന്നു വിരമിച്ച ജസ്റ്റിസ് അരിജിത് പസായം നിയമോപദേശം നല്‍കിയതോടെ പ്രത്യേക അന്വേഷണസംഘം പ്രാഥമിക പരിശോധന നടത്തി തെളിവു ലഭിക്കുന്നവര്‍ക്കെതിരെ മാത്രം കേസെടുത്ത് അന്വേഷിച്ചാല്‍ മതിയെന്ന് മന്ത്രിസഭായോഗം തീരുമാനിച്ചു.

കോണ്‍ഗ്രസ് നേതാക്കള്‍ ലൈംഗികമായി പീഡിപ്പിച്ചെന്നു പരാതിക്കാരി മുഖ്യമന്ത്രിക്കു പരാതി നല്‍കിയെങ്കിലും കേസ് എടുക്കാന്‍ പൊലീസ് താല്‍പര്യമെടുത്തില്ല. ഒരു പരാതിയില്‍ ഒട്ടേറെ പേര്‍ക്കെതിരെ ബലാത്സംഗത്തിനു കേസ് എടുക്കാനാവില്ലെന്നായിരുന്നു അന്വേഷണ സംഘത്തലവനായിരുന്ന ഡി.ജി.പി രാജേഷ് ദിവാന്‍ ഉള്‍പെടെയുള്ളവരുടെ നിലപാട്. എന്നാല്‍ ഓരോരുത്തര്‍ക്കുമെതിരെ പ്രത്യേകം പരാതികളാണെങ്കില്‍ കേസെടുക്കാമെന്നു പൊലീസിന് നിയമോപദേശം ലഭിച്ചതിന്റെ അടിസ്ഥാനത്തില്‍ 2018 ഒക്‌ടോബറില്‍ ഉമ്മന്‍ ചാണ്ടിക്കെതിരെ ക്രൈംബ്രാഞ്ച് കേസെടുക്കുകയായിരുന്നു.
എന്നാല്‍ ഉമ്മന്‍ചാണ്ടിക്കെതിരെ തെളിവില്ലെന്നു 2021ല്‍ ക്രൈംബ്രാഞ്ച് റിപ്പോര്‍ട്ട് നല്‍കി. സംഭവം നടന്നെന്നു പരാതിക്കാരി പറയുന്ന ദിവസം ഉമ്മന്‍ചാണ്ടി ക്ലിഫ് ഹൗസില്‍ ഉണ്ടായിരുന്നില്ലെന്നു ക്രൈംബ്രാഞ്ച് റിപ്പോര്‍ട്ടില്‍ വ്യക്തമാക്കി. ഈ ഘട്ടത്തിലാണു പരാതിക്കാരി സി.ബി.ഐ അന്വേഷണം ആവശ്യപ്പെട്ടു മുഖ്യമന്ത്രിയെ സമീപിച്ചത്. 2021 ജനുവരിയില്‍ കേസ് സി.ബി.ഐക്കു കൈമാറിയ കേസിലാണ് തെളിവില്ലെന്ന് കണ്ടെത്തി സി.ബി.ഐയും കോടതിയില്‍ റിപ്പോര്‍ട്ട് നല്‍കിയത്.

തന്റെ തന്നെ സര്‍ക്കാര്‍ പ്രഖ്യാപിച്ച അന്വേഷണ കമ്മീഷനു മുന്നില്‍ യാതൊരു സങ്കോചവും കൂടാതെ മണിക്കൂറുകളോളം ചിലവഴിച്ച മുഖ്യമന്ത്രി ഉമ്മന്‍ചാണ്ടി യഥാര്‍ത്ഥത്തില്‍ രാഷ്ട്രീയകേരളത്തെ അമ്പരപ്പിച്ചുകളയുകയായിരുന്നു. രോഗി ഇച്ഛിച്ചതും വൈദ്യന്‍ കല്‍പിച്ചതും പാല്‍ എന്ന നിലയില്‍, ഉമ്മന്‍ചാണ്ടി സരിതയുടെ തട്ടിപ്പുകള്‍ക്ക് കൂട്ടുനിന്നുവെന്നും സരിതയുടെ കത്തില്‍ പരാമര്‍ശിക്കപ്പെട്ട മുഴുവന്‍ പേര്‍ക്കെതിരെയും കേസ് രജിസറ്റര്‍ ചെയ്യാമെന്നുമുള്ള ഉള്ളടക്കമാണ് ജസ്റ്റിസ് ശിവരാമന്‍ കമ്മീഷന്‍ റിപ്പോര്‍ട്ടിലുണ്ടായിരുന്നത്. എല്‍.ഡി.എഫ് ഗവണ്‍മെന്റിന്റെ കാലത്ത് നിയമസഭയുടെ മേശപ്പുറത്ത് വെച്ച റിപ്പോര്‍ട്ടിന്റെ അടിസ്ഥാനത്തില്‍ ഇടംവലം നോക്കാതെയുള്ള നടപടികളുമായാണ് സര്‍ക്കാര്‍ മുന്നോട്ടുപോയത്. പ്രത്യേക അന്വേഷണ സംഘം രൂപീകരിക്കുകയും അന്വേഷണം ത്വരിതഗതിയില്‍ മുന്നോട്ടുപോവുകയും ചെയ്‌തെങ്കിലും കേസ് നിലനില്‍ക്കില്ലെന്ന നിഗമനത്തിലാണ് അവര്‍ എത്തിച്ചേര്‍ന്നത്.

ആരോപണങ്ങള്‍ക്ക് തെളിവില്ലെന്നും സംഭവദിവസം ഉമ്മന്‍ചാണ്ടി ക്ലിഫ് ഹൗസില്‍പോലും ഇല്ലെന്നുമായിരുന്നു ക്രൈംബ്രാഞ്ച് അന്വേഷണ റിപ്പോര്‍ട്ട്. ഒടുവില്‍ സി.ബി.ഐ അന്വേഷണം ആവശ്യവുമായി പരാതിക്കാരി രംഗത്തെത്തിയപ്പോള്‍ അതു വകവെച്ചുകൊടുക്കുന്നതിലും ഇടതു സര്‍ക്കാറിന്റെ അത്യാവേശം പ്രകടമായിരുന്നു. അരിയില്‍ ഷുക്കൂര്‍ വധം, പെരിയ ഇരട്ടക്കൊലപാതകം തുടങ്ങിയ കേസുകളില്‍ സി.ബി.ഐ വരാതിരിക്കാന്‍ കോടിക്കണക്കിന് രൂപ ചിലവഴിച്ച അതേ സര്‍ക്കാറാണ് സോളാര്‍ കേസില്‍ സി.ബി.ഐ യെ ക്ഷണിച്ചുവരുത്തിയത്. എന്നാല്‍ പ്രത്യേക അന്വേഷണ സംഘത്തിന്റെയും ക്രൈംബ്രാഞ്ചിന്റെയും റിപ്പോര്‍ട്ടുകള്‍ക്ക് പുല്ലു വിലകല്‍പ്പിച്ച് പ്രഖ്യാപിക്കപ്പെട്ട സി.ബി.ഐ അന്വേഷണത്തിന്റെയും ഫലം തഥൈവയായിരിക്കുകയാണ്.

ക്രൈംബ്രാഞ്ചിന്റെ അന്വേഷണ ഘട്ടത്തില്‍ അറസ്റ്റിന് സാധ്യതയുണ്ടെന്നും മുന്‍കൂര്‍ ജാമ്യാപേക്ഷ നല്‍കണമെന്നും നിയമോപദേശം ലഭിച്ചപ്പോള്‍ അതെല്ലാം നിരാകരിച്ച് കുറ്റംചെയ്താല്‍ മാത്രമേ ശിക്ഷഭയപ്പെടേണ്ടതുള്ളൂ എന്ന നിലപാടെടുത്ത ഉമ്മന്‍ചാണ്ടിയും സഹപ്രവര്‍ത്തകരും സി.ബി.ഐ റിപ്പോര്‍ട്ടിന്റെ പശ്ചാത്തലത്തില്‍ അഗ്നിശുദ്ധിവരുത്തി ശിരസുയര്‍ത്തിനില്‍ക്കുമ്പോള്‍ സാമാന്യ നീതിയെ വലിച്ചുകീറി എന്തുവിലകൊടുത്തും പ്രതിയോഗികളെ സമൂഹത്തിനുമുന്നില്‍ അപകീര്‍ത്തിപ്പെടുത്താന്‍ ശ്രമിച്ച പിണറായിയും കൂട്ടരും തുറന്നുകാട്ടപ്പെട്ടിരിക്കുകയാണ്.

സരിതാ നായര്‍ ഓരോ ദിവസവും പറഞ്ഞുകൊണ്ടിരുന്ന അപസര്‍പ്പക കഥകളെ വേദവാക്യമായെടുത്ത് നാടിന്റെ ക്രമസമാധാനം തകര്‍ക്കുകയും വികസന പ്രവര്‍ത്തനങ്ങള്‍ക്ക് തടയിടാന്‍ ശ്രമിക്കുകയും ചെയ്ത ആ കറുത്ത ദിനങ്ങളാണ് മലയാളിയുടെ മനോരധങ്ങളില്‍ തെളിഞ്ഞുവരുന്നത്. ജനാധിപത്യത്തിന്റെ ദേവാലയമായ നിയമനിര്‍മാണസഭയെ പോലും സ്തംഭിപ്പിച്ചു നടത്തിയ ഈ നരനായാട്ട് എന്തിനുവേണ്ടിയായിരുന്നു എന്ന ചോദ്യത്തിനും ഓരോ കേരളീയനോടും മറുപടി പറയേണ്ട ഉത്തരവാദിത്തത്തില്‍നിന്ന് ഒഴിഞ്ഞുമറാന്‍ സി.പി.എമ്മിനു ഒരിക്കലും സാധ്യമല്ല. സരിതയെ ആഘോഷമാക്കിയവര്‍ക്ക് കാലത്തിന്റെ കാവ്യനീതിപോലെ തിരിച്ചടി ലഭിക്കുന്നത് കാമാനും അധികം കാത്തിരിക്കേണ്ടി വന്നില്ല. എന്നാല്‍ അതേ നാണയത്തില്‍ പ്രതികരിക്കാനുള്ള എല്ലാ രാഷ്ട്രീയ സാഹചര്യങ്ങളുമുണ്ടായിട്ടും ശക്തമായ പ്രക്ഷോഭങ്ങളുമായി മുന്നോട്ടുപോയപ്പോഴും രാഷ്ട്രീയ മാന്യതയുടെ അതിര്‍വരമ്പുകള്‍ ലംഘിക്കാന്‍ യു.ഡി.എഫ് ഒരിക്കലും തയാറായില്ല എന്നതും ഇവിടെ ചേര്‍ത്തുവായിക്കേണ്ടതാണ്.

എം. കെ രാഘവന്റെ ഫേസ്ബുക്ക് കുറിപ്പിന്റെ പൂര്‍ണരൂപം.

ബഹുമാന്യനായ ഉമ്മന്‍ ചാണ്ടി സാറിനെ ഇന്ന് ബാംഗ്ലൂരില്‍ സന്ദര്‍ശിച്ചു.
ചികിത്സക്ക് ശേഷം വിശ്രമിക്കുന്ന അദ്ദേഹം മുന്‍പത്തേതിനേക്കാള്‍ വളരെ ഉന്മേഷവാനാണ്. സംസാരിക്കുന്ന ശബ്ദത്തിലും, കാര്യങ്ങളിലും പഴയ ഊര്‍ജവും ആവേശവും അങ്ങനെ തന്നെ ഉണ്ട്.
പൂര്‍ണ്ണ ആരോഗ്യവാനായി കര്‍മ്മപഥത്തിലേക്ക് മടങ്ങിയെത്തട്ടെ എന്ന് നിറഞ്ഞ മനസ്സോടെ പ്രാര്‍ത്ഥിക്കുന്നു.

ഫേസ്ബുക്കിന്റെ പൂര്‍ണരൂപം.
പ്രിയപ്പെട്ട ഉമ്മന്‍ ചാണ്ടി സാറിനെ ബംഗളുരുവില്‍ സന്ദര്‍ശിച്ചു. ചികിത്സയ്ക്ക് ശേഷമുള്ള വിശ്രമത്തിലാണ് അദ്ദേഹം. പൂര്‍ണ ആരോഗ്യവാനായെത്തുന്ന ഉമ്മന്‍ ചാണ്ടി എത്രയും വേഗം കര്‍മ്മമണ്ഡലത്തില്‍ സജീവമാകും.