യുഎന്‍ സെക്രട്ടറി ജനറല്‍ അന്റോണിയോ ഗുട്ടെറസ് ഹമാസിന്റെ ആക്രമണത്തെ അപലപിച്ചതായും വ്യാപകമായ സംഘര്‍ഷം ഒഴിവാക്കാന്‍ എല്ലാ നയതന്ത്ര ശ്രമങ്ങളും നടത്തണമെന്നും യുഎന്‍ വക്താവ് സ്‌റ്റെഫാന്‍ ഡുജാറിക് ഔദ്യോഗിക പ്രസ്താവനയില്‍ പറഞ്ഞു. ജനങ്ങളുടെ സുരക്ഷയെക്കുറിച്ച് ആശങ്ക പ്രകടിപ്പിക്കുകയും ചെയ്തു.

ഇസ്രായേല്‍ -ഫലസ്തീന്‍ സംഘര്‍ഷം രക്തരൂക്ഷിതമായി തുടരുന്നു. ഇരു രാജ്യങ്ങളിലുമായി മരണം 1200 ആയി. ഇസ്രയേല്‍ അതിര്‍ത്തി കടന്ന് ഹമാസ് നടത്തിയ ആക്രമണത്തില്‍ കൊല്ലപ്പെട്ടവരുടെ എണ്ണം 700 കടന്നു.

ഇസ്രയേല്‍ ആക്രമണത്തില്‍ 413 പലസ്തീനികള്‍ കൊല്ലപ്പെടുകയും 1200 പേര്‍ക്ക് പരിക്കേല്‍ക്കുകയും ചെയ്തു. ഹമാസ് ആക്രമണത്തില്‍ നിരവധി വിദേശ പൗരന്മാര്‍ കൊല്ലപ്പെട്ടു. നേപ്പാളില്‍ നിന്നുള്ള 10 വിദ്യാര്‍ഥികള്‍ കൊല്ലപ്പെട്ടെന്ന് ഇസ്രയേലിലെ നേപ്പാള്‍ എംബസി അറിയിച്ചു. അമേരിക്കന്‍ പൗരന്മാര്‍ കൊല്ലപ്പെട്ടതായി യുഎസ് ഉദ്യോഗസ്ഥര്‍ അറിയിച്ചു.

ഗാസയിലെ ഹമാസ് കേന്ദ്രങ്ങളെ ലക്ഷ്യമിട്ടുകൊണ്ടാണ് ഇസ്രയേലിന്റെ ആക്രമണം. ഗാസയുടെ നിയന്ത്രണം പിടിച്ചെടുക്കാനാണ് ശ്രമം. പലയിടത്തും ഏറ്റുമുട്ടല്‍ തുടരുകയാണ്.

യു.എ.ഇയിലെ ഫുജൈറക്കു സമീപം കടലിൽ മെയ് 12-നാണ് നാല് എണ്ണ ടാങ്കർ കപ്പലുകൾ ആക്രമിക്കപ്പെട്ടത്. സൗദിയുടെ രണ്ടും യു.എ.ഇ, നോർവേ രാജ്യങ്ങളുടെ ഓരോന്നു വീതവും കപ്പലുകളാണ് ലിംപറ്റ് മൈൻ ആക്രമണത്തിന് ഇരയായത്. ഇറാനും അമേരിക്കക്കുമിടയിലെ സംഘർഷം മൂർച്ഛിക്കുന്നതിനെയായിരുന്നു ഇത്. ആക്രമണത്തിനു പിന്നിൽ ഇറാൻ ആണെന്ന് അമേരിക്ക ആരോപിച്ചെങ്കിലും ഇറാൻ നിഷേധിച്ചു. യു.എ.ഇ, സൗദി, നോർവേ രാജ്യങ്ങളുടെ പ്രതിനിധികളാണ് സംഭവത്തെപ്പറ്റി അന്വേഷണം നടത്തുന്നത്.

കപ്പലുകളിൽ കൃത്യതയോടെ മൈൻ സ്ഥാപിക്കണമെങ്കിൽ വേഗതയുള്ള ബോട്ടുകളും പരിശീലനം നേടിയ മുങ്ങൽ വിദഗ്ധരും ആവശ്യമാണെന്നും ഒരു രാജ്യം പോലെ വ്യവസ്ഥാപിതമായ സംവിധാനത്തിനു മാത്രമേ ഇത്തരത്തിലുള്ള ആക്രമണം ആസൂത്രണം ചെയ്യാൻ കഴിയൂ എന്നും പ്രാഥമിക റിപ്പോർട്ടിൽ പറയുന്നു. നാല് മൈനുകളും ഒരു മണിക്കൂറിൽ താഴെ സമയം കൊണ്ടാണ് പൊട്ടിത്തെറിച്ചത് എന്നത് ആക്രമണത്തിന്റെ ആസൂത്രണം വ്യക്തമാക്കുന്നു.

റിപ്പോർട്ടിൽ പേര് പറഞ്ഞില്ലെങ്കിലും ആക്രമണത്തിന് ഉത്തരവാദി ഇറാൻ ആയിരിക്കാമെന്ന് സൗദി ആരോപിച്ചു. സംഭവത്തിന്റെ ഉത്തരവാദിത്തം ഇറാന്റെ ചുമലിലാണെന്ന് പറയാൻ തങ്ങൾക്ക് മടിയില്ലെന്ന് ഐക്യ രാഷ്ട്രസഭയിലെ സൗദി അംബാസഡർ അബ്ദുല്ലാ അൽ മുഅല്ലിമി ന്യൂയോർക്കിൽ പറഞ്ഞു.

ഗസ്സയില്‍ 120ലേറെ ഫലസ്തീനികള്‍ കൊല്ലപ്പെട്ട പശ്ചാത്തലത്തില്‍ കുവൈത്ത് അവതരിപ്പിച്ച പ്രമേയം യു.എസ് വീറ്റോ ചെയ്യുകയായിരുന്നു. റഷ്യയും ഫ്രാന്‍സും ഉള്‍പ്പെടെ 10 രാജ്യങ്ങള്‍ പ്രമേയത്തെ അനുകൂലിച്ച് വോട്ട് ചെയ്തു. ബ്രിട്ടന്‍, പോളണ്ട്, നെതര്‍ലാന്‍ഡ്‌സ്, എത്യോപ്യ എന്നീ രാജ്യങ്ങള്‍ വോട്ടെടുപ്പില്‍നിന്ന് വിട്ടുനിന്നു.

ഇസ്രാഈലിന്റെ സ്വന്തക്കാരനായ അമേരിക്ക മാത്രമാണ് പ്രമേയത്തെ എതിര്‍ത്ത ഏക രാഷ്ട്രം. ഫലസ്തീന്‍ ജനതക്ക് അന്താരാഷ്ട്ര സമൂഹം സംരക്ഷണം നല്‍കണമെന്നായിരുന്നു പ്രമേയത്തിലെ പ്രധാന ആവശ്യം. മൂന്നു തവണ മാറ്റംവരുത്തി ഭേദഗതിയോടെയാണ് അവതരിപ്പിച്ചതെങ്കിലും അനുകൂലിക്കാന്‍ അമേരിക്ക തയാറായില്ല. പ്രമേയം ഏകപക്ഷീയമാണെന്നായിരുന്നു അമേരിക്കയുടെ യു.എന്‍ അംബാസഡര്‍ നിക്കി ഹാലിയുടെ പ്രതികരണം. ഇസ്രാഈലിനോടുള്ള അന്തമായ വിധേയത്വം ഒരിക്കല്‍ കൂടി തുറന്നു പ്രകടിപ്പിച്ചിരിക്കുകയാണ് അമേരിക്കയെന്ന് പി.എല്‍.ഒ എക്‌സിക്യൂട്ടീവ് അംഗം ഹനാന്‍ അഷ്‌റവി പറഞ്ഞു.

കൂട്ടക്കുരുതികളും യുദ്ധകുറ്റകൃത്യങ്ങളും തുടരുന്ന ഇസ്രാഈലിന്റെ എന്ത് ക്രൂരതകളും അംഗീകരിക്കാന്‍ തയാറാണന്നും യു.എസ് തെളിയിച്ചതായി അദ്ദേഹം കൂട്ടിച്ചേര്‍ത്തു. പ്രമേയത്തില്‍നിന്ന് ഇസ്രാഈലിന്റെ പേര് ഒഴിവാക്കിയിട്ടുകൂടി എന്തുകൊണ്ടാണ് അമേരിക്ക എതിര്‍ത്തതെന്ന് മനസ്സിലാകുന്നില്ലെന്ന് ഫലസ്തീന്‍ വൃത്തങ്ങള്‍ പ്രതികരിച്ചു.

ഇസ്്‌ലാമാബാദ്: യു.എന്‍ രക്ഷാസമിതിയില്‍ മുസ്്‌ലിം രാജ്യങ്ങള്‍ക്ക് ആനുപാതിക പ്രാതിനിധ്യം വേണമെന്ന് പാകിസ്താന്‍. ഓര്‍ഗനൈസേഷന്‍ ഓഫ് ഇസ്്‌ലാമിക് കോപ്പറേഷന്‍(ഒ.ഐ.സി) രാജ്യങ്ങള്‍ ഇക്കാര്യത്തില്‍ മുന്‍കൈയെടുത്ത് പ്രവര്‍ത്തിക്കണമെന്നും പാക് വിദേശകാര്യ സെക്രട്ടറി തഹ്മീന ജന്‍ജുവ ആവശ്യപ്പെട്ടു.
ബംഗ്ലാദേശ് തലസ്ഥാനമായ ധാക്കയില്‍ ഒ.ഐ.സി വിദേശകാര്യ മന്ത്രിമാരുടെ യോഗത്തിലാണ് തഹ്്മീന സുപ്രധാന നിര്‍ദേശം മുന്നോട്ടുവെച്ചത്. യു.എ.ഇയില്‍ ജോലിയുള്ള കാര്യം മറച്ചുവെച്ച കേസില്‍ കോടതി അയോഗ്യനാക്കിയതിനെ തുടര്‍ന്ന് രാജിവെച്ച വിദേശകാര്യ മന്ത്രി ഖ്വാജ ആസിഫിന് പകരം തഹ്്മിനയാണ് ഒ.ഐ.സി യോഗത്തില്‍ പങ്കെടുത്തത്.
യു.എന്‍ രക്ഷാസമിതി പരിഷ്‌കരിക്കുന്നതില്‍ ഒ.ഐ.സിക്കും സുപ്രധാന പങ്ക് വഹിക്കാനുണ്ട്. യു.എന്‍ അംഗരാജ്യങ്ങളില്‍ നാലിലൊന്നിലേറെയും മുസ്്‌ലിം രാജ്യങ്ങളാണ്. രക്ഷാസമിതിയില്‍ ചര്‍ച്ചക്കു വരുന്ന പല വിഷയങ്ങളും മുസ്്‌ലിം രാജ്യങ്ങളെ നേരിട്ട് ബാധിക്കുന്നവയുമാണ്. അതുകൊണ്ട് മുസ്്‌ലിം രാജ്യങ്ങള്‍ക്ക് ആനുപാതിക പ്രാതിനിധ്യം നല്‍കി രക്ഷാസമിതി വിപുലീകരിക്കണമെന്ന് അവര്‍ ആവശ്യപ്പെട്ടു. ഫലസ്തീന്‍, റോഹിന്‍ഗ്യ മുസ്്‌ലിം പ്രശ്‌നങ്ങളെക്കുറിച്ചും തഹ്മിന വിശദമായി സംസാരിച്ചു.