ഫ്രാന്‍സില്‍ നിന്നായിരുന്നു പാകിസ്താന്‍ ലാമിനേഷന്‍ പേപ്പറുകള്‍ ഇറക്കുമതി ചെയ്തിരുന്നത്. പ്രതിദിനം 3,000 മുതല്‍ 4,000 വരെ പാസ്‌പോര്‍ട്ടുകളായിരുന്നു മുമ്പ് തയ്യാറാക്കിയിരുന്നത്. എന്നാല്‍ ഇപ്പോള്‍ 12 മുതല്‍ 13 വരെ പാസ്‌പോര്‍ട്ടുകള്‍ മാത്രമാണ് തയ്യാറാകുന്നത്.
സാമ്പത്തിക പ്രതിസന്ധിയും ലാമിനേഷന്‍ പേപ്പറുകളുടെ ലഭ്യതക്കുറവും കാരണം അച്ചടിയില്‍ കാലതാമസം നേരിടുകയായിരുന്നു. പ്രതിസന്ധി എത്രയും വേഗം അവസാനിപ്പിക്കാനാണ് ശ്രമമെന്നും ഉടന്‍ തന്നെ പ്രതിസന്ധി നിയന്ത്രണ വിധേയമാക്കുമെന്നുമാണ് സര്‍ക്കാര്‍ പറയുന്നത്.

രാജ്യത്ത് വിദ്യാര്‍ത്ഥികളും തൊഴിലാളികളും വിദേശത്തേക്ക് പോകാന്‍ കാത്തിരിക്കുന്നത്. പലരും പാസ്പോര്‍ട്ടുകള്‍ക്ക് അപേക്ഷ നല്‍കി കാത്തിരിക്കുകയാണ്. എന്നാല്‍ പുതിയ പാസ്‌പോര്‍ട്ടുകള്‍ ലഭിക്കാനുണ്ടാകുന്ന കാലതാമസം പൗരന്മാരെ പ്രതിസന്ധിയിലാക്കി. ഉടന്‍ തന്നെ ശരിയാകുമെന്ന് പറയുന്നുണ്ടെങ്കിലും പാസ്‌പോര്‍ട്ട് ഓഫീസുകള്‍ ഇത് സബന്ധിച്ച് കൃത്യമായി വിവരം നല്‍കുന്നില്ല.

നാളെ അത്തം തുടങ്ങാനിരിക്കെയാണ് ഇന്നുമുതല്‍ അവശ്യസാധനങ്ങള്‍ സപ്ലൈകോയില്‍ എത്തിക്കുമെന്ന് ഭക്ഷ്യമന്ത്രി ജി.ആര്‍ അനില്‍ അറിയിച്ചിരുന്നത്. എന്നാല്‍, ഉറപ്പുനല്‍കിയ 13 അവശ്യസാധനങ്ങളില്‍ ഒന്നോ രണ്ടോ എണ്ണം മാത്രം വാങ്ങി മടങ്ങേണ്ട സ്ഥിതിയാണ് ഇന്നു പലയിടത്തുമുള്ളത്. ഉഴുന്ന്, പരിപ്പ്, വന്‍പയര്‍, മുളക് എന്നിവയാണ് തിരുവനന്തപുരം പഴവങ്ങാടിയിലുള്ള സപ്ലൈകോയില്‍ ഇല്ലെന്ന് ഉപയോക്താക്കള്‍ പറയുന്നു.

മന്ത്രിയുടെ മണ്ഡലമായ നെടുമങ്ങാട് പീപ്പിള്‍സ് ബസാറിലും മുളകും വന്‍പയറും ഉഴുന്നും ലഭ്യമല്ല. ലോഡ് എത്തിയാല്‍ മാത്രമേ മുഴുവന്‍ സാധനങ്ങളും നല്‍കാന്‍ കഴിയൂവെന്ന് സപ്ലൈകോ ജീവനക്കാര്‍ പറയുന്നു. സാധനങ്ങള്‍ വളരെ വേഗം തീരുകയാണെന്നും ഇവര്‍ പറയുന്നു.