എലിസബത്ത് രാജ്ഞിയും ഭര്‍ത്താവ് ഫിലിപ്പ് രാജകുമാരനും ആദ്യഡോസ് വാക്‌സീന്‍ സ്വീകരിച്ചു. കുടുംബഡോക്ടറാണ് ഇരുവര്‍ക്കും വാക്‌സീന്‍ നല്‍കിയത്. ബ്രിട്ടനില്‍ ഏറ്റവും അധികം ആളുകള്‍ രോഗികളാകുന്നത് ലണ്ടന്‍ നഗരത്തിലാണ്. ഇവിടെ മരണ സംഖ്യയും കൂടുതലാണ്.

ഫൈസര്‍ വാക്‌സിനും ഓക്‌സ്‌ഫെഡ് വാക്‌സിനുമാണ് നിലവില്‍ രാജ്യത്ത് അനുമതിയുള്ളത്. മൊഡേണ വാക്‌സിനും സര്‍ക്കാര്‍ ഏജന്‍സി വിതരണത്തിന് അനുമതി നല്‍കി.

കോവിഡ് മഹാമാരി മൂലമുള്ള മരണനിരക്ക് ഇപ്പോള്‍ ഏറ്റവും ഉയര്‍ന്നുനില്‍ക്കുന്ന രാജ്യങ്ങളില്‍ ഒന്നായ ബ്രിട്ടണില്‍ കടുത്ത നിയന്ത്രണങ്ങള്‍ മുന്‍പും ഏര്‍പ്പെടുത്തിയിരുന്നു. കഴിഞ്ഞ 24 മണിക്കൂറിനുള്ളില്‍ ബ്രിട്ടണില്‍ 80,000ലധികം പേരാണ് കോവിഡ് രോഗബാധിതരായത്.

സമ്പൂര്‍ണ്ണ ലോക്ഡൗണ്‍ പ്രഖ്യാപനത്തിന്റെ ഭാഗമായി രാജ്യത്തെ പ്രൈമറി, സെക്കന്‍ഡറി വിദ്യാലയങ്ങള്‍ തുറന്നുപ്രവര്‍ത്തിക്കില്ലെന്ന് പ്രധാനമന്ത്രി അറിയിച്ചു.