ഗസ്സയിലെ ജനങ്ങള്‍ ഇപ്പോഴും ഭക്ഷണം, കുടിവെള്ളം, മരുന്ന് എന്നിവയുടെ ഗുരുതര ക്ഷാമം നേരിടുകയാണ്. ഇസ്രായേല്‍ സൈനിക സാന്നിധ്യം കാരണം അനേകം പേര്‍ക്ക് വീടുകളിലേക്ക് തിരിച്ചെത്താന്‍ കഴിയാത്ത അവസ്ഥയും തുടരുന്നു. അതേസമയം, വെസ്റ്റ് ബാങ്കില്‍ ഫലസ്തീനികള്‍ക്കെതിരായ അതിക്രമങ്ങളും തുടരുകയാണ്.

വെള്ളിയാഴ്ച നബ്ലുസിലെ അസ്‌കര്‍ ക്യാമ്പില്‍ 18 കാരനായ മുഹമ്മദ് അഹ്‌മദ് അബു ഹനീന്‍ ഇസ്രാഈല്‍ സൈനികരുടെ വെടിയേറ്റ് മരിച്ചതായി യു.എന്‍ സെക്രട്ടറി ജനറല്‍ അന്റോണിയോ ഗുട്ടെറസിന്റെ ഉപവക്താവ് ഫര്‍ഹാന്‍ ഹഖ് അറിയിച്ചു. ഇതിന് മുന്‍പ് ഹെബ്രോണില്‍ ഫുട്‌ബോള്‍ കളിക്കുകയായിരുന്ന 10 കാരനായ മുഹമ്മദ് അല്‍ ഹല്ലാഖ് സൈനിക വെടിയേറ്റ് കൊല്ലപ്പെട്ടിരുന്നു.

അതേസമയം, ഗസ്സയിലെ വെടിനിര്‍ത്തല്‍ ധാരണകള്‍ ഉറപ്പാക്കല്‍ അമേരിക്കയുടെ പ്രധാന മുന്‍ഗണനയാണെന്ന് യു.എസ് സ്റ്റേറ്റ് സെക്രട്ടറി മാര്‍ക്കോ റൂബിയോ ഇസ്രാഈലില്‍ നിന്ന് പ്രസ്താവിച്ചു.

തുര്‍ക്കി പ്രസിഡന്റ് റെജപ് തയ്യിപ് എര്‍ദോഗാന്‍ മധ്യസ്ഥ രാജ്യങ്ങള്‍ വെടിനിര്‍ത്തല്‍ കരാര്‍ കൃത്യമായി പാലിക്കപ്പെടുന്നതിന് ഉത്തരവാദിത്തം ഏറ്റെടുക്കണമെന്നും ഇസ്രാഈല്‍ അതിനെ ലംഘിക്കുന്നതില്‍ നിന്നും പിന്തിരിയണമെന്നും ആവശ്യപ്പെട്ടു.

ഗസ്സയിലെ മാനുഷിക സാഹചര്യങ്ങള്‍ കൂടുതല്‍ വഷളാകുന്ന സാഹചര്യത്തില്‍ ഐക്യരാഷ്ട്രസഭയുടെ ഈ മുന്നറിയിപ്പ് അന്താരാഷ്ട്ര സമൂഹത്തിന് ഗൗരവമായി എടുക്കേണ്ട സാഹചര്യമാണെന്ന് വിദഗ്ധര്‍ വിലയിരുത്തുന്നു.

ഐക്യരാഷ്ട്രസഭയുടെ ഹ്യുമാനിറ്റേറിയന്‍ വിഭാഗം മേധാവി ടോം ഫ്ലെച്ചര്‍ പറഞ്ഞു, കഴിഞ്ഞ മാസങ്ങളില്‍ ആവശ്യമായ സഹായത്തിന്റെ 20 ശതമാനം മാത്രമേ ഗസ്സയിലെത്തിക്കാന്‍ കഴിഞ്ഞിട്ടുള്ളൂ. ഗസ്സയിലേക്കുള്ള എല്ലാ പ്രവേശന കവാടങ്ങളും തുറന്ന് വന്‍തോതില്‍ സഹായം എത്തിക്കണമെന്ന് അദ്ദേഹം ആവശ്യപ്പെട്ടു.

പ്രതിദിനം 600ഓളം സഹായ ട്രക്കുകള്‍ ഗസ്സയിലേക്ക് കടക്കുമെന്ന് വേള്‍ഡ് ഫുഡ് പ്രോഗ്രാം (ഡബ്ല്യുഎഫ്പി) വ്യക്തമാക്കി. ഗസ്സയില്‍ 145 കമ്മ്യൂണിറ്റി വിതരണ കേന്ദ്രങ്ങളും 30 ബേക്കറികളും പ്രവര്‍ത്തനസജ്ജമാക്കുമെന്നും ഡയറക്ടര്‍ ഓഫ് എമര്‍ജന്‍സീസ് റോസ് സ്മിത്ത് വ്യക്തമാക്കി.

ഇസ്രാഈല്‍ സൈന്യം പ്രസ്താവനയിലൂടെ, ഐക്യരാഷ്ട്രസഭയും അംഗീകൃത അന്താരാഷ്ട്ര, സ്വകാര്യ സംഘടനകളും ദാതാക്കളായ രാജ്യങ്ങളും ഗസ്സയിലേക്ക് സഹായം എത്തിക്കാമെന്ന് വ്യക്തമാക്കി. ട്രക്കുകളില്‍ ഭക്ഷണം, മരുന്ന്, ഷെല്‍ട്ടര്‍ സാമഗ്രികള്‍, ജല-മലിനജല സംവിധാനങ്ങള്‍ നന്നാക്കാനുള്ള ഇന്ധനം, ഉപകരണങ്ങള്‍ തുടങ്ങിയവ ഉള്‍പ്പെടും.

വടക്കന്‍ ഗസ്സയിലേക്കുള്ള പ്രവേശനം നിര്‍ണായകമാണെന്ന് ഡബ്ല്യുഎഫ്പി ചൂണ്ടിക്കാട്ടി. 400,000ലധികം ആളുകള്‍ക്ക് നിരവധി ആഴ്ചകളായി സഹായം ലഭിച്ചിട്ടില്ലെന്നും അവര്‍ അറിയിച്ചു.

ഇതിനിടെ യുനിസെഫ് മുന്നറിയിപ്പ് നല്‍കി ഗസ്സയിലെ കുട്ടികള്‍ കടുത്ത പോഷകാഹാരക്കുറവിലാണ്, 50,000 കുട്ടികള്‍ക്ക് അടിയന്തര ചികിത്സ ആവശ്യമാണ്. കുട്ടികളുടെ രോഗപ്രതിരോധശേഷി കുറയുന്നതിനാല്‍ ശിശുമരണനിരക്കില്‍ വര്‍ധനവ് ഉണ്ടാകാമെന്ന് യുനിസെഫ് വക്താവ് റിക്കാര്‍ഡോ പൈറസ് പറഞ്ഞു.

യുനിസെഫ് ഗസ്സയിലെ കുട്ടികള്‍ക്കായി 10 ലക്ഷം പുതപ്പുകള്‍ വിതരണം ചെയ്യാനും തടഞ്ഞുവച്ചിരുന്ന വീല്‍ചെയറുകളും ക്രച്ചസുകളും നല്‍കാനും പദ്ധതിയിട്ടിട്ടുണ്ട്.

ഗസ്സയിലെ ദുരിതാവസ്ഥ കുറയ്ക്കാന്‍ വെടിനിര്‍ത്തലും സഹായ വിതരണവും പുതിയ പ്രതീക്ഷകള്‍ സൃഷ്ടിച്ചുവെങ്കിലും, സ്ഥിതി ഇപ്പോഴും അതീവ ഗുരുതരമാണെന്ന് ഐക്യരാഷ്ട്രസഭ വ്യക്തമാക്കി.

നബാത്തിയയിലെ ബിന്‍ത് ജബെയില്‍ ജില്ലയിലെ ടിബ്‌നിന്‍ സര്‍ക്കാര്‍ ആശുപത്രിക്ക് സമീപം അടുത്തിടെ ഇസ്രായേല്‍ നടത്തിയ വ്യോമാക്രമണത്തില്‍ ആശുപത്രിക്ക് വ്യാപകമായ നാശനഷ്ടമുണ്ടാക്കുകയും ഡസന്‍ കണക്കിന് ആളുകള്‍ക്ക് പരിക്കേല്‍ക്കുകയും ചെയ്തതായി ദുജാറിക് ചൂണ്ടിക്കാട്ടി. ലെബനനില്‍ ഡ്യൂട്ടിക്കിടെ 110 ആരോഗ്യ പ്രവര്‍ത്തകര്‍ കൊല്ലപ്പെട്ടതായി ലോകാരോഗ്യ സംഘടനയുടെ സമീപകാല റിപ്പോര്‍ട്ടും അദ്ദേഹം ഉദ്ധരിച്ചു.

കഴിഞ്ഞ 13 മാസത്തിനിടെ 60 ആക്രമണങ്ങളെങ്കിലും ആരോഗ്യ സംരക്ഷണ കേന്ദ്രങ്ങള്‍ക്ക് നേരെ ഉണ്ടായിട്ടുണ്ട്. തെക്കന്‍ ലെബനനിലെ നേരിട്ടുള്ള ഏറ്റുമുട്ടലുകള്‍, രാജ്യത്തുടനീളമുള്ള ഇസ്രാഈലി വ്യോമാക്രമണങ്ങള്‍, ഇസ്രാഈലിന് നേരെ ഹിസ്ബുള്ളയുടെ ഡ്രോണ്‍, റോക്കറ്റ് ആക്രമണങ്ങള്‍ എന്നിവയ്ക്കിടയില്‍ വര്‍ദ്ധിച്ചുവരുന്ന ജീവഹാനിയെയും വക്താവ് അപലപിച്ചു. എല്ലാവരും അന്താരാഷ്ട്ര നിയമങ്ങള്‍ പാലിക്കുകയും സാധാരണക്കാരെയും സിവിലിയന്‍ അടിസ്ഥാന സൗകര്യങ്ങളെയും സംരക്ഷിക്കുകയും വേണമെന്നും അദ്ദേഹം പറഞ്ഞു.

കഴിഞ്ഞ ഒമ്പത് മാസമായി ലോകം മുഴുവന്‍ കോവിഡിനെതിരായ പോരാട്ടത്തിലാണ്. ഈ സംയുക്ത പോരാട്ടത്തില്‍ ഐക്യരാഷ്ട്ര സഭ എവിടെയാണുള്ളത്? ഫലപ്രദമായ എന്തു നടപടിയാണ് യുഎന്‍ കൈക്കൊണ്ടത്? മോദി ചോദിക്കുന്നു. ഭീകരാക്രമണങ്ങളില്‍ രക്തപ്പുഴകള്‍ ഒഴുകിയപ്പോള്‍ യുഎന്‍ എന്തെടുക്കുകയായിരുന്നെന്നും മോദി ചോദിച്ചു.

ലോകത്തെ ഏറ്റവും വലിയ ജനാധിപത്യ രാജ്യമായ ഇന്ത്യക്ക് ഇനിയും സ്ഥിരാംഗത്വം നല്‍കാത്തതെന്താണെന്ന് മോദി ചോദിച്ചു.ഇന്ത്യ ദുര്‍ബലരായിരുന്നപ്പോഴും ശക്തരായപ്പോഴും ലോകത്തെ ബുദ്ധിമുട്ടിച്ചിട്ടില്ല. ഇന്ത്യ വികസനത്തിനായി സഖ്യങ്ങള്‍ ഉണ്ടാക്കുന്നത് മറ്റാരെയും തോല്‍പിക്കാനല്ലെന്നും പ്രധാനമന്ത്രി പറഞ്ഞു. ഇന്ത്യ ഐക്യരാഷ്ട്ര സഭയെ മാനിക്കുന്നു. സംഘടനയില്‍ കാലോചിതമായ മാറ്റം അനിവാര്യമാണെന്ന് മോദി ആവശ്യപ്പെട്ടു.

മോദിയുടെ മുന്‍കൂട്ടി റെക്കോര്‍ഡുചെയ്‌ത പ്രസംഗം ന്യൂയോര്‍ക്കിലെ യുഎന്‍ ജനറല്‍ അസംബ്ലി ഹാളില്‍ (വൈകുന്നേരം 6:30 മുതലാണ് പ്രക്ഷേപണം ചെയ്തത്.

ലിംഗസമത്വവും സ്ത്രീശാക്തീകരണവും പ്രോത്സാഹിപ്പിക്കുന്നതിനുള്ള പ്രതിജ്ഞാബദ്ധതയ്ക്ക് കിട്ടിയ അംഗീകാരമാണിത്. അംഗരാജ്യങ്ങളുടെ പിന്തുണയ്ക്ക് നന്ദി അറിയിക്കുന്നുവെന്നും ടി.എസ്.ഗുരുമൂര്‍ത്തി പറഞ്ഞു.

2021 മുതല്‍ 2025 വരെയുള്ള നാല് വര്‍ഷത്തേക്കാണ് ഇന്ത്യക്ക് യു.എന്‍.സി.എസ്.ഡബ്ല്യു അംഗത്വം ലഭിച്ചിരിക്കുന്നത്. ഇന്ത്യ, അഫ്ഗാനിസ്ഥാന്‍, ചൈന എന്നീ രാജ്യങ്ങളാണ് അംഗത്വത്തിനായി മത്സരിച്ചത്. 54 അംഗ രാജ്യങ്ങളില്‍ ഇന്ത്യയും അഫ്ഗാനിസ്ഥാനും വിജയിക്കാനുള്ള വോട്ടുകള്‍ നേടിയപ്പോള്‍ ചൈനക്ക് പകുതി വോട്ടുപോലും ലഭിച്ചില്ല.

ജൂണില്‍ ഇന്ത്യക്ക് യുഎന്‍ രക്ഷാസമിതിയില്‍ താത്കാലിക അംഗത്വം ലഭിച്ചിരുന്നു. 192ല്‍ 184 വോട്ടുകള്‍ നേടിയാണ് ഇന്ത്യ ഈ സ്ഥാനത്തേക്ക് തിരഞ്ഞെടുക്കപ്പെട്ടത്.

കശ്മീര്‍, അസം വിഷയങ്ങളില്‍ ഇന്ത്യയെ ആശങ്ക അറിയിച്ച് ഐക്യരാഷ്ട്രസഭ. ഇരുവിഷയങ്ങളിലും അങ്ങേയറ്റത്തെ ഉത്കണ്ഠയുണ്ടെന്ന് യു.എന്‍ മനുഷ്യാവകാശ കൗണ്‍സില്‍ മേധാവി മിഷേല്‍ ബാച്‌ലറ്റ് പറഞ്ഞു. ‘ കശ്മീരില്‍ ഇന്ത്യന്‍ സര്‍ക്കാര്‍ ഈയിടെ നടപ്പിലാക്കിയ തീരുമാനം അവിടത്തെ മനുഷ്യാവകാശങ്ങള്‍ക്കു മേല്‍ ഏതുതരത്തില്‍ സ്വാധീനിക്കുമെന്ന് എനിക്ക് ആശങ്കയുണ്ട്. ഇന്റര്‍നെറ്റിനും സംഘം ചേരാനും അവിടെ നിയന്ത്രണങ്ങളുണ്ട്. പ്രാദേശിക രാഷ്ട്രീയക്കാരും ആക്ടിവിസ്റ്റുകളും തടങ്കലിലുണ്’ അദ്ദേഹം പറഞ്ഞു.

കശ്മീരിലെ മനുഷ്യാവകാശങ്ങള്‍ ഉറപ്പുവരുത്താന്‍ ഇന്ത്യയോടും പാകിസ്താനോടും അദ്ദേഹം അഭ്യര്‍ത്ഥിച്ചു.കശ്മീരിന്റെ ഭാവിയെ ബാധിക്കുന്ന ഒരു തീരുമാനം എടുക്കുന്നതിന് മുമ്പ് കശ്മീരിലെ ജനങ്ങളുമായി കൂടി കൂടിയാലോചിക്കേണ്ടിരുന്നു’ അദ്ദേഹം പറഞ്ഞു. അസമിലെ ദേശീയ പൗരത്വ രജിസ്റ്റര്‍ പ്രശ്‌നത്തിലും യു.എന്‍ ആശങ്ക അറിയിച്ചു. പൗരത്വ രജിസ്റ്റര്‍ വലിയ അനിശ്ചിതത്വങ്ങള്‍ക്കും ആകുലതയ്ക്കും കാരണമായതായി യു.എന്‍ വ്യക്തമാക്കി. ഓഗസ്റ്റ് 31ന് പുറത്തു വിട്ട രജിസ്റ്റര്‍ പ്രകാരം 19 ലക്ഷം പേരാണ് പുറത്തുനില്‍ക്കുന്നത്.

വിഷയത്തിന്റെ ഗൗരവം കണക്കിലെടുത്ത് ചര്‍ച്ച പ്രക്ഷേപണം ചെയ്യുകയോ വാര്‍ത്താ ലേഖകരെ റിപ്പോര്‍ട്ട് ചെയ്യാന്‍ അനുവദിക്കുകയോ ഇല്ല. ചര്‍ച്ചയിലുണ്ടാകുന്ന പ്രസ്താവനകളും പരാമര്‍ശങ്ങളുമൊന്നും റെക്കോര്‍ഡായി സൂക്ഷിക്കില്ല. വിഷയം മാധ്യമങ്ങള്‍ വഴി പൊതുസമൂഹത്തെ അറിയിക്കുകയുമില്ല.

ചൈന ഒഴികെ യു.എന്‍ സെക്യൂരിറ്റി കൗണ്‍സിലിലെ നാല് സ്ഥിരാംഗങ്ങളും ഇന്ത്യയുടെ തീരുമാനത്തെ പിന്തുണച്ചിരുന്നു. കശ്മീര്‍ ഇന്ത്യയുടെ ആഭ്യന്തര വിഷയമാണെന്നാണ് യു.എസ് പ്രതികരിച്ചത്.

ഫണ്ടില്ലാത്തതോടെയാണ് യുഎന്‍ സാമ്പത്തിക പ്രതിസന്ധിയിലായതെന്ന് സെക്രട്ടറി ജനറല്‍ വ്യക്തമാക്കി. സംഘടന നേരിടുന്ന സാമ്പത്തിക പ്രശ്‌നങ്ങള്‍ ചൂണ്ടിക്കാട്ടി സെക്രട്ടറി അറ്റോണിയോ ഗുട്ടറസ് ഐക്യരാഷ്ട്ര സഭയിലെ അംഗങ്ങള്‍ക്ക് നോട്ടീസ് നല്‍കി. അംഗ രാഷ്ട്രങ്ങളില്‍ നിന്നുള്ള ഫണ്ടുകള്‍ തടസപ്പെട്ടതോടെയാണ് സാമ്പത്തിക പ്രതിസന്ധി പടിമുറുക്കിയത്. ഇത് ചൂണ്ടിക്കാട്ടിയാണ് രാജ്യങ്ങള്‍ക്ക് സെക്രട്ടറി കത്തയച്ചത്. 112 രാജ്യങ്ങളാണ് യുഎന്നില്‍ അംഗത്വമുള്ളത്.

യുഎന്നിന്റെ പ്രവര്‍ത്തനങ്ങള്‍ക്ക് ഏറ്റവുമധികം തുക നല്‍കിയിരുന്നത് യുഎസ് ആയിരുന്നു. ബജറ്റ് വിഹിതത്തിന്റെ 22 ശതമാനവും സമാധാന സംരക്ഷണ ബജറ്റിലേക്കുള്ള 28.5 ശതമാനവും യുഎസ് നല്‍കിയിരുന്നു. എന്നാല്‍ മറ്റ് രാജ്യങ്ങള്‍ വിഹിതം വര്‍ദ്ധിപ്പിക്കട്ടെ അതിനു ശേഷം നല്‍കാമെന്നാണ് യുഎസ് പ്രതിനിധി നിക്കി ഹാലി പറയുന്നത്. 25 ശതമാനം മാത്രമേ ഇക്കുറി യുഎസ് നല്‍കുകയുള്ളു എന്നും അവര്‍ വ്യക്തമാക്കി. ഇന്ത്യയുള്‍പ്പെടെയുള്ള 112 രാജ്യങ്ങള്‍ യുഎന്നിലേക്കുള്ള സംഭാവന നല്‍കിയിരുന്നു. ഒരു കോടി 79 ലക്ഷം ഡോളറാണ് ഇന്ത്യയുടെ വിഹിതം. 149 കോടി ഡോളറാണ് അംഗരാജ്യങ്ങളില്‍ നിന്ന് യുഎന്നിന് ലഭിക്കേണ്ടത്. അഫ്ഗാനിസ്താനും ബംഗ്ലാദേശും ബ്രസീലും യുഎസും ഉള്‍പ്പെടെ 81 രാജ്യങ്ങളാണ് ഇനിയും വിഹിതം അടക്കാനുള്ളത്.

ഹോണ്ടുറാസിന്റെ സ്ഥിരം പ്രതിനിധി മേരി എലിസബത്ത് ഫോറസ് ഫ്‌ളേക്കിനെയാണ് ഗാര്‍സെസ് മറികടന്നത്. 62ന് എതിരെ 128 വോട്ടുകള്‍ക്കാണ് ഗാര്‍സെസ് തെരഞ്ഞെടുക്കപ്പെട്ടത്. 2006ല്‍ ബഹ്‌റിന്റെ ഷീക്ക ഹയാ റാഷദ് അല്‍ ഖലീഫ പ്രസിഡണ്ട് പദം അലങ്കരിച്ച ശേഷം ഈ സ്ഥാനത്തെത്തുന്ന വനിതയാണ് ഗാര്‍സെസ്.

ഇപ്പോഴത്തെ പ്രസിഡണ്ട് സ്ലോവാക്യയുടെ മിറോസ്ലാവ് ലജ്കാക് സെപ്റ്റംബറില്‍ സ്ഥാനമൊഴിയും. ഈ ഒഴിവിലേക്കാണ് ഗാരസെസ് നിയമിക്കപ്പെടുക. ഒരു വര്‍ഷത്തേക്കാണ് നിയമനം.

വാഷിങ്ടണ്‍: ഐക്യരാഷ്ട്ര സഭ ഫലസ്തീനു നല്‍കി വരുന്ന സാമ്പത്തിക സഹായനിധിയിലേക്കുള്ള വിഹിതം അമേരിക്ക പകുതിയിലധികം വെട്ടിക്കുറച്ചു. 125 മില്യണ്‍ ഡോളര്‍ നല്‍കിയിരുന്ന സ്ഥാനത്ത് ഇനിമുതല്‍ 60 മില്യണ്‍ ഡോളര്‍ നല്‍കിയാല്‍ മതിയെന്നാണു തീരുമാനം. ഇതോടെ 65 മില്യണ്‍ ഡോളറാണ് വെട്ടിക്കുറച്ചത്. പുതിയ തീരുമാനം ഐക്യരാഷ്ട്ര സഭയുടെ സഹായനിധിയെ കാര്യമായി ബാധിക്കുമെന്ന് യുഎന്‍ റിലീഫ് ആന്റ് വര്‍ക്ക് ഏജന്‍സി അറിയിച്ചു. വെസ്റ്റ് ബാങ്ക്, ഗസ മുനമ്പ്, ലെബ്‌നാന്‍, ജോര്‍ദാന്‍, സിറിയ എന്നിവിടങ്ങളില്‍ കഴിയുന്ന ഫലസ്തീനികളുടെ ഭക്ഷണം, ആരോഗ്യം, വിദ്യാഭ്യാസം തുടങ്ങിയ കാര്യങ്ങള്‍ക്കുവേണ്ടിയാണ് യു.എന്‍ ആര്‍.ഡബ്ല്യൂ.എ ഫണ്ട് ചെലവഴിക്കുന്നത്.

രണ്ടാഴ്ച മുമ്പ് അമേരിക്കന്‍ പ്രസിഡന്റ് ഡോണള്‍ഡ് ട്രംപ് യു.എസ് നല്‍കിവരുന്ന ഇത്തരം സഹായങ്ങളെ വിമര്‍ശിച്ചിരുന്നു. കഴിഞ്ഞ പതിനൊന്നു വര്‍ഷമായി യുഎസ് സാമ്പത്തിക സഹായ നല്‍കിവരുകയാണെന്നും അത്തരം സഹായങ്ങള്‍ നിര്‍ത്തലാക്കുമെന്നായിരുന്നു ട്രംപിന്റെ ഭീക്ഷണി. ഇതിനു പിന്നാലെയാണ് സഹായം വെട്ടിച്ചുരുക്കിയതായി അമേരിക്ക അറിയിക്കുന്നത്. യുഎന്നിന്റെ റിലീഫ് ആന്റ് വര്‍ക്‌സ് ഏജന്‍സിക്ക് (യുഎന്‍ആര്‍ഡബ്ല്യൂഎ) ഫണ്ടിന്റെ 30 ശതമാനം സംഭാവന നല്‍കിയത് യു.എസ് ആയിരുന്നു. അതേസമയം സാമ്പത്തിക സഹായം വെട്ടികുറച്ച തീരുമാനം ആരെയും ശിക്ഷിക്കാനുള്ള നടപടിയല്ലെന്ന് യു.എസ് സ്‌റ്റേറ്റ് ഡിപാര്‍ട്ട്‌മെന്റ് വക്താവ് ഹീതര്‍ നൗവെര്‍ട്ട് പറഞ്ഞു.