പെണ്‍കുട്ടിയുടെ പിതാവിനെ ആക്രമിച്ചതിനും ആയുധം കയ്യില്‍വച്ചുവെന്ന കേസില്‍ കുടുക്കിയതിനുമാണ് കോടതി എം.എല്‍.എക്കെതിരെയും സഹോദരനെതിരെയും കൊലപാതകക്കുറ്റം ചുമത്തിയത്. പെണ്‍കുട്ടിയുടെ പിതാവിന് നേരെയുണ്ടായ വലിയൊരു ഗൂഢാലോചനയുടെ ഭാഗമായിരുന്നുവെന്നും കോടതി നിരീക്ഷിച്ചു. പെണ്‍കുട്ടിയുടെ പിതാവിന്റെ ശരീരത്തിലുണ്ടായ ഗുരുതര പരിക്കുകള്‍ വന്‍ ഗൂഢാലോചനയുടെ തെളിവാണെന്നും കോടതി വ്യക്തമാക്കി. ഡല്‍ഹിയിലായിരുന്നപ്പോഴും കുല്‍ദീപ് സിങ് സെംഗാര്‍ ഉന്നാവിലെ പൊലീസ് ഉദ്യോഗസ്ഥരുമായി നിരന്തര സമ്പര്‍ക്കത്തിലായിരുന്നെന്നും ജഡ്ജി കൂട്ടിച്ചേര്‍ത്തു.

പെണ്‍കുട്ടിക്ക് 20 ലക്ഷവും അമ്മക്ക് 5 ലക്ഷവും യുപി സര്‍ക്കാര്‍ നല്‍കണം. പെണ്‍കുട്ടിക്കും കുടുംബത്തിനും അഭിഭാഷകനും 24 മണിക്കൂര്‍ കേന്ദ്രസേനയുടെ സുരക്ഷയും നല്‍കണം.

ഉന്നാവ് കേസില്‍ രൂക്ഷവിമര്‍ശനമുയര്‍ത്തി സുപ്രീം കോടതി ചീഫ്ജസ്റ്റീസ് രഞ്ജന്‍ ഗോഗോയ് നേരത്തെ രംഗത്തെത്തി. ഈ രാജ്യത്ത് എന്താണ് നടക്കുന്നതെന്ന് കോടതി ചോദിച്ചു.

ഒരു മാസം സമയം വേണമെന്ന സിബിഐയുടെ ആവശ്യം കോടതി തള്ളി. ഉന്നാവ് സംഭവങ്ങളുമായി ബന്ധപ്പെട്ട കേസുകള്‍ അന്വേഷിക്കുന്ന സിബിഐ ജോയിന്റ് ഡയറക്ടര്‍ സമ്പത്ത് മീണയെ സുപ്രീം കോടതി വിളിച്ചു വരുത്തിയിരുന്നു. സിബിഐ അന്വേഷിക്കുന്ന അഞ്ചു കേസുകളില്‍ നാലിലും കുറ്റപത്രം സമര്‍പ്പിച്ചിട്ടും വിചാരണ തുടങ്ങാത്തെതെന്തുകൊണ്ടെന്ന് കോടതി ചോദിച്ചു.

ഇതിനിടെ ബലാത്സംഗ കേസില്‍ ഇതുവരെയുള്ള അന്വേഷണ പുരോഗതി അറിയിക്കാന്‍ സി.ബി.ഐയോട് സുപ്രീംകോടതി ആവശ്യപ്പെട്ടു. ഉത്തരവാദിത്തപ്പെട്ട സി.ബി.ഐ ഉദ്യോഗസ്ഥന്‍ ഇന്ന് ഉച്ചക്ക് 12 മണിയോടെ ഹാജരാകണമെന്നാണ് കോടതി ഉത്തരവിട്ടിരിക്കുന്നത്.

ബലാത്സംഗവും പെണ്‍കുട്ടി അപകടത്തില്‍പ്പെട്ടതും സംബന്ധിച്ച് സി.ബി.ഐ ഡയറക്ടറോട് അന്വേഷിച്ചറിയാനും സോളിസിറ്റര്‍ ജനറലിനോട് ചീഫ് ജസ്റ്റിസ് ആവശ്യപ്പെട്ടു. വേണമെങ്കില്‍ ചേംബറില്‍ ഇതുസംബന്ധിച്ച് വാദം കേള്‍ക്കാമെന്നും ചീഫ് ജസ്റ്റിസ് അറിയിച്ചു.

കേസ് പിന്‍വലിക്കണമെന്നാവശ്യപ്പെട്ടാണ് കുല്‍ദീപ് സിങ് സേംഗര്‍ എം.എല്‍.എ.യുടെ ആളുകള്‍ ഭീഷണിപ്പെടുത്തുന്നതെന്ന് ജൂലായ് 12ന് അയച്ച കത്തില്‍ പറയുന്നു. പെണ്‍കുട്ടിയുടെ അമ്മയും സഹോദരിയും അമ്മായിയും ചേര്‍ന്നായിരുന്നു ചീഫ് ജസ്റ്റിസിനു കത്തയച്ചത്.

എന്നാല്‍ ജൂലായ് 12ന് അയച്ച ഈ കത്ത് ചൊവ്വാഴ്ച ഉച്ചവരെ ചീഫ് ജസ്റ്റിസിന്റെ ഓഫീസില്‍ ലഭ്യമായിട്ടില്ലെന്നാണ് വിവരം. ജൂലായ് ഏഴിനും എട്ടിനും നടന്ന സംഭവങ്ങളാണു കത്തില്‍ വിശദീകരിച്ചിരിക്കുന്നത്. കുല്‍ദീപിന്റെ സഹോദരന്‍ മനോജ് സിങ്ങും കൂട്ടാളികളും വീട്ടിലെത്തി, കേസ് പിന്‍വലിച്ചില്ലെങ്കില്‍ അനുഭവിക്കേണ്ടിവരുമെന്നു ഭീഷണിപ്പെടുത്തി. ഇക്കാര്യം പോലീസില്‍ പരാതിപ്പെട്ടിരുന്നു. നാട്ടുകാരോടും പറഞ്ഞിരുന്നു.

കേസില്‍ നീതി ലഭിക്കുന്നില്ലെന്നാരോപിച്ച് മുമ്പ് പെണ്‍കുട്ടി യു.പി. മുഖ്യമന്ത്രി യോഗി ആദിത്യനാഥിന്റെ വീടിനുമുന്നില്‍ ആത്മഹത്യയ്ക്കു ശ്രമിച്ചിരുന്നു.

ഞായറാഴ്ച റായ്ബറേലിയിലുണ്ടായ കാറപകടത്തില്‍ പരിക്കേറ്റ പെണ്‍കുട്ടിയും അഭിഭാഷകനും അതീവ ഗുരുതരാവസ്ഥയില്‍ തുടരുകയാണ്. ഇത് ആസൂത്രണം ചെയ്ത ഉണ്ടാക്കിയ അപകടമാണെന്ന് ചൂണ്ടിക്കാട്ടി പെണ്‍കുട്ടിയുടെ കുടുംബം നല്‍കിയ പരാതിയില്‍ കുല്‍ദീപ് സിങ് സേംഗര്‍ക്കും സഹോദരനുമടക്കമുള്ളവര്‍ക്കെതിരെ കൊലക്കുറ്റത്തിന് കേസെടുത്തിരുന്നു. സംഭവത്തില്‍ സംസ്ഥാന സര്‍ക്കാരിന്റെ ആവശ്യപ്രകാരം കേന്ദ്ര സര്‍ക്കാര്‍ സി.ബി.ഐ അന്വേഷണത്തിന് ഉത്തരവിട്ടിട്ടുണ്ട്.

2017 ജൂണ്‍ നാലിന് ഉന്നാവിലെ മാഖി ഗ്രാമത്തിലെ വസതിയില്‍ വെച്ചാണ് പ്രായപൂര്‍ത്തിയാവാത്ത പെണ്‍കുട്ടിയെ എം.എല്‍.എ കുല്‍ദീപ് സിംഗ് സെന്‍ഗര്‍ പീഡിപ്പിച്ചത്. മൂന്ന് ദിവസത്തിന് ശേഷം വീണ്ടും കാറില്‍ കൂട്ടിക്കൊണ്ടുപോയി എം.എല്‍.എയുടെ അടുത്ത അനുയായികള്‍ പീഡിപ്പിച്ചു. മൂന്ന് സഹോദരിമാരും ഒരു സഹോദരനുമാണ് പെണ്‍കുട്ടിക്ക്. ആറാം ക്ലാസ് വരെ പഠിച്ചു. അങ്കണവാടിയില്‍ ജോലി നല്‍കാമെ്‌ന് പറഞ്ഞ് ശശി സിംഗ് എന്ന സ്ത്രീയാണ് എം.എല്‍.എയുടെ അടുത്തെത്തിച്ചതെന്ന് പെണ്‍കുട്ടിയുടെ അമ്മാവന്‍ മാധ്യമങ്ങളോട് പറഞ്ഞു. ആസ്പത്രിയില്‍ കഴിയുന്ന പെണ്‍കുട്ടിയെ ഗ്രാമത്തില്‍ നിന്ന് ആരും സന്ദര്‍ശിക്കാത്തത് എം.എല്‍.എയുടെ ഗുണ്ടകളെ ഭയന്നാണെന്നും അദ്ദേഹം പറഞ്ഞു.

അതേ സമയം ഉന്നാവോ സംഭവത്തില്‍ ഉത്തര്‍പ്രദേശിലെ ബി. ജെ.പി സര്‍ക്കാരിനെ വിമര്‍ശിച്ച് എ.ഐ.സി.സി ജനറല്‍ സെക്രട്ടറി പ്രിയങ്ക ഗാന്ധിയും രാഹുല്‍ ഗാന്ധിയും രംഗത്തെത്തി. അപകടം ഞെട്ടിക്കുന്നതാണെന്നായിരുന്നു എ.ഐ.സി.സി ജനറല്‍ സെക്രട്ടറി പ്രിയങ്ക ഗാന്ധിയുടെ പ്രതികരണം. നിലവിലെ സി.ബി.ഐ അന്വേഷണം എവിടെ എത്തിയെന്ന് വ്യക്തമാക്കണമെന്നും അവര്‍ ആവശ്യപ്പെട്ടു. ഇത്രയും അത്രികമം കാണിച്ച എം.എല്‍.എയെ പുറത്താക്കാന്‍ തയാറാകാത്ത ബി.ജെ.പിയെയും പ്രിയങ്ക രൂക്ഷമായി വിമര്‍ശിച്ചു. ഉത്തരം പ്രതീക്ഷിക്കുന്നില്ലെങ്കിലും ബി.ജെ.പി സര്‍ക്കാറില്‍ നിന്നും നീതി ലഭിക്കുമോ എന്നും അവര്‍ ചോദിച്ചു.

ബി.ജെ.പി എം. എല്‍.എയാണ് നിങ്ങളെ ബലാത്സംഗം ചെയ്തതെങ്കില്‍ ചോദ്യങ്ങള്‍ ചോദിക്കരുതെന്നായിരുന്നു സംഭവത്തെ അപലപിച്ചുകൊണ്ട് രാഹുലിന്റെ ട്വീറ്റ്. ബേട്ടി ബച്ചാവോ ബേട്ടി പഠാവോ എന്ന മോദി സര്‍ക്കാരിന്റെ പദ്ധതിയുടെ പേര് ടാഗ് ലൈനാക്കിയാണ് അദ്ദേഹം വിമര്‍ശനമുന്നയിച്ചത്. സ്ത്രീപീഡനക്കേസില്‍ ബി.ജെ.പി എം. എല്‍.എ പ്രതിയാണെങ്കില്‍ പരാതി പറയരുതെന്നത് ഇന്ത്യയിലെ സ്ത്രീകള്‍ക്കുള്ള പുതിയ വിദ്യാഭ്യാസ ബുള്ളറ്റിനാണെന്നും രാഹുല്‍ പരിഹസിച്ചു.

ഉന്നാവോ ബലാത്സംഗക്കേസിലെ അനിശ്ചിതത്വം അവസാനിക്കുന്നില്ല. കേസിലെ പരാതിക്കാരിയും അമ്മയും സഹോദരിയും ബന്ധുവും അവരുടെ അഭിഭാഷകനും സഞ്ചരിച്ച കാറില്‍ ട്രക്ക് വന്നിടിച്ച് മൂന്നു പേര്‍ അതിദാരുണമായി മരിച്ചു. പെണ്‍കുട്ടിയുടെ അമ്മയും ബന്ധുവും അഭിഭാഷകനുമാണ് മരിച്ച മൂന്നു പേര്‍. പരാതിക്കാരിയും സഹോദരിയും അതീവ ഗുരുതര നിലയില്‍ ആശുപത്രിയില്‍ ചികിത്സയിലാണ്.

പ്രായപൂര്‍ത്തിയാവാത്ത പെണ്‍കുട്ടിയെ ബലാത്സംഗം ചെയ്ത കേസില്‍ ബി.ജെ.പി എം.എല്‍.എ കുല്‍ദീപ് സിങ് സെനഗര്‍ ആണ് മുഖ്യ പ്രതി.

അതു തന്നെയാണ് കേസിന്റെ ഒച്ചിഴ വേഗത്തിലുള്ള പോക്കിന്റെ കാരണവും. ഇതൊരു അപകടമല്ല, ഉന്നാവോ കേസ് അവസാനിപ്പിക്കുന്നതിന്റെ നീചമായ തന്ത്രങ്ങളിലൊന്നാണെന്ന് ഇപ്പോള്‍ തന്നെ ആക്ഷേപം ഉയര്‍ന്നു കഴിഞ്ഞു. സിനിമയെ വെല്ലുന്ന തിരക്കഥയോടെ ആ കുടുംബത്തെ ഒന്നൊന്നായി ഇല്ലാതാക്കുകയാണ്. നമ്പര്‍ പ്ലേറ്റില്‍ കറുത്ത പെയ്ന്റടിച്ച ട്രക്കാണ് ഇടിച്ചത്.

ബി.ജെ.പി എം.എല്‍.എക്കെതിരെ പീഡന പരാതി വന്നതിന് പിന്നാലെ ജീവന് ഭീഷണിയുണ്ടെന്ന പരാതിയുമായി പെണ്‍കുട്ടിയുടെ കുടുംബം ആദ്യം രംഗത്ത് വന്നു. അതു കഴിഞ്ഞ് പൊലീസ് കസ്റ്റഡിയിലെടുത്ത പെണ്‍കുട്ടിയുടെ അച്ഛനെ സ്റ്റേഷനില്‍ വച്ച് മര്‍ദിച്ചു കൊന്നു. ഇപ്പോള്‍ വളരെ സിനിമാറ്റിക്കായി, കേസിന്റെ ഒരു തരത്തിലുള്ള അസ്വസ്ഥതകളും ബാക്കിയാവാതിരിക്കാന്‍ ട്രക്ക് വെച്ച് ഇടിച്ചു കൊന്നു. നൂലിഴ വ്യത്യാസത്തിന്റെ ഭാഗ്യം കൊണ്ട് പെണ്‍കുട്ടി മരിക്കാതെ ഇരിക്കുന്നു. ആശ്വസിക്കാന്‍ ഇട നല്‍കാവാനാവാത്ത വിധം അതീവ ഗുരുതരമാണ് അവളുടെ നില. യോഗിയുടെ നാട്ടില്‍ ആശുപത്രിയില്‍ പോലും അവള്‍ സുരക്ഷിതമാണെന്നു പറയാനാവില്ല. ആശുപത്രി പോലും അവളെ അവസാനിപ്പിക്കാനുള്ള ഗൂഢാലോചനയുടെ ഭാഗമാവാം. ജനം വോട്ടു കൊടുത്ത് ജയിപ്പിച്ച എം.എല്‍.എ അധികാരം ഉപയോഗിച്ച് തിരിച്ചു കൊത്തുന്ന കാഴ്ച.

ഈ കേസ് അട്ടിമറിക്കാന്‍ യോഗി ആദിത്യനാഥും യു.പി സര്‍ക്കാരും പരമാവധിയൊക്കെ ശ്രമിച്ചിട്ടുണ്ട്. അതിന്റെ പേരില്‍ പരാതിക്കാരിക്കും കുടുംബത്തിനും അനുഭവിക്കേണ്ടി വന്ന നെറികേടുകള്‍ നിരവധിയാണ്. പൊലീസും ഗവണ്‍മെന്റും കുറ്റാരോപിതനായ എം.എല്‍.എയും നിരന്തരമായി വേട്ടയാടി. കേസുമായി ബന്ധപ്പെട്ട് പെണ്‍കുട്ടിയുടെ പ്രായം തെളിയിക്കാന്‍ ഹാജരാക്കിയ രേഖകള്‍ വ്യാജമാണെന്ന് ആരോപിച്ച് കുട്ടിയുടെ അമ്മയെയും അമ്മാവനെയും പ്രതികളാക്കി കേസെടുത്തു.

ജയിലിലുള്ള അമ്മാവനെ സന്ദര്‍ശിച്ച് വരുന്ന വഴിയെ ആണ് കാറില്‍ ട്രക്ക് വന്നിടിച്ചത്.

പെണ്‍കുട്ടിയുടെ അഭിഭാഷകനായിരുന്നു കാര്‍ ഓടിച്ചിരുന്നത്. അപകടത്തില്‍ പെണ്‍കുട്ടിക്ക് ഗുരുതര പരിക്കേറ്റിട്ടുണ്ട്. പ്രായപൂര്‍ത്തിയാവാത്ത പെണ്‍കുട്ടിയെ ബലാല്‍സംഗം ചെയ്ത കേസില്‍ ബി.ജെ.പി എം.എല്‍.എ കുല്‍ദീപ് സിങ് സെനഗര്‍ ആണ് മുഖ്യ പ്രതി. ബി.ജെ.പി എം.എല്‍.എക്കെതിരെ പീഡന പരാതി വന്നതിന് പിന്നാലെ ജീവന് ഭീഷണിയുണ്ടെന്ന പരാതിയുമായി പെണ്‍കുട്ടിയുടെ കുടുംബം രംഗത്ത് വന്നിരുന്നു.

സംഭവത്തില്‍ ട്രക്ക് ഉടമയെയും ഡ്രൈവറെയും പൊലീസ് അറസ്റ്റ് ചെയ്തു.