നിലവില്‍ 23 കോടി ഡോളറിന്റെ കുറവാണ് ഉള്ളത്. പ്രതിസന്ധി മറികടക്കാന്‍ കരുതല്‍ ധനശേഖരം ഉപയോഗിക്കേണ്ടിവരുമെന്നും ഗുട്ടെറസ് പറയുന്നു.
ഇതിന് പുറമെ ചെലവുകള്‍ വെട്ടിക്കുറയ്ക്കുന്നതിന്റെ ഭാഗമായി സമ്മേളനങ്ങള്‍, യോഗങ്ങള്‍, സേവനങ്ങള്‍ എന്നിവ നീട്ടിവെക്കുകയോ നിര്‍ത്തിവെക്കുകയോ ചെയ്യാനും യുഎന്നിന് പദ്ധതിയുണ്ട്. മാത്രമല്ല അത്യാവശ്യ സന്ദര്‍ഭങ്ങളിലല്ലാതെ യാത്രകള്‍ പരമാവധി കുറയ്ക്കാന്‍ യുഎന്‍ ഉദ്യോഗസ്ഥര്‍ക്ക് നിര്‍ദ്ദേശം നല്‍കിയിട്ടുണ്ട്.

അര മണിക്കൂര്‍ സമയം താന്‍ ജനീവയില്‍ നടത്തിയ ചര്‍ച്ചകളെപ്പറ്റി മുഖ്യമന്ത്രിയോട് ചര്‍ച്ച നടത്തി. പ്രളയത്തിന് ശേഷമുള്ള കേരളത്തിന്റെ ഭാവിയെക്കുറിച്ച് വിശദമായി സംസാരിച്ചുവെന്നും തരൂര്‍ പറഞ്ഞു. കേരളം ഇനിയൊരു ദുരന്തം സംഭവിക്കാത്ത വിധം പുനര്‍നിര്‍മ്മിക്കേണ്ടതിന്റെ ആവശ്യകതയുണ്ടെന്നും തരൂര്‍ പോസ്റ്റില്‍ വ്യക്തമാക്കി.

നേരത്തെ, വിദേശത്തേക്ക് പോകുന്നതിനുള്ള വിലക്ക് നീക്കം ചെയ്യാന്‍ തരൂര്‍ കോടതിയെ സമീപിച്ചിരുന്നു. സുനന്ദപുഷ്‌ക്കര്‍ മരണവുമായി ബന്ധപ്പെട്ട് തരൂരിന് വിദേശത്തേക്ക് പോകുന്നതില്‍ വിലക്കുണ്ടായിരുന്നു. എന്നാല്‍ ഡല്‍ഹി കോടതി ശശി തരൂരിന് വിദേശത്തേക്ക് പോകാന്‍ അനുമതി നല്‍കുകയായിരുന്നു.

കേരളത്തിനായി സഹായം തേടി ഐക്യരാഷ്ട്രസഭയെ സമീപിക്കാനാണ് അദ്ദേഹം വിദേശത്തേക്ക് പോയത്. യു.എന്‍ പ്രതിനിധികളുമായി സംസാരിച്ചുവെന്ന് തരൂര്‍ പിന്നീട് ട്വീറ്റ് ചെയ്തിരുന്നു. തുടര്‍ന്നാണ് മുഖ്യമന്ത്രിയുമായുള്ള കൂടിക്കാഴ്ച്ച നടന്നത്. എന്നാല്‍ സര്‍ക്കാരിന്റെ പ്രതിനിധിയായല്ല തരൂര്‍ ജനീവയിലേക്ക് പോയതെന്ന് മുഖ്യമന്ത്രി വ്യക്തമാക്കിയിരുന്നു.

യുദ്ധക്കുറ്റത്തിന് 20 വര്‍ഷം ജയില്‍ശിക്ഷ വിധിച്ചതിനെതിരെ പ്രല്‍ജക്ക് ഐക്യരാഷ്ട്ര സംഘടന ക്രിമിനല്‍ ട്രൈബ്യൂണല്‍ കോടതിയില്‍ അപ്പീല്‍ നല്‍കിയിരുന്നു. എന്നാല്‍ ഇത് ഐക്യരാഷ്ട്ര തള്ളിയതിനെ തുടര്‍ന്നു കമാന്‍ഡര്‍ സ്ലോബൊദാന്‍ പ്രല്‍ജക്ക് (72) കോടതി മുറിയില്‍ വിഷം കഴിച്ചു ജീവനൊടുക്കുകയായിരുന്നു.

1990കളില്‍ അന്നത്തെ യുഗോസ്ലാവിയയിലെ മുസ്‌ലിങ്ങളെ ഉന്മൂലനം ചെയ്യാന്‍ നേതൃത്വം നല്‍കി എന്നതായിരുന്നു പ്രല്‍ജക്കിനെതിരായ കുറ്റം. യുദ്ധക്കുറ്റക്കോടതിയുടെ വിധിയിലെ ചില ഭാഗങ്ങള്‍ ട്രൈബ്യൂണല്‍ അധ്യക്ഷനായ ജഡ്ജി കാര്‍മല്‍ ഏജിയസ് ഒഴിവാക്കിയെങ്കിലും വിധി റദ്ദാക്കിയില്ല. തുടര്‍ന്ന് പ്രല്‍ജക്ക് താന്‍ നിരപരാധിയെന്ന് പറഞ്ഞുകൊണ്ട് കൈയില്‍ കരുതിയിരുന്ന വിഷദ്രാവകം കഴിക്കുകയായിരുന്നു. ഉടനെ ആശുപത്രിയില്‍ പ്രവേശിപ്പിച്ചെങ്കിലും  ജീവന്‍ രക്ഷിക്കാനായില്ല. 2013 ലാണ് 20 വര്‍ഷം തടവ്  ശിക്ഷ  പ്രജല്‍ക്കുള്‍പ്പെടെ ആറു സൈനിക-രാഷ്ട്രീയ നേതാക്കള്‍ക്ക് നേരെ യുദ്ധക്കുറ്റക്കോടതി ചുമത്തുന്നത് .

ജനീവ: ഇസ്രാഈലിന്റെ മനുഷ്യാവകാശ ധ്വംസനങ്ങളെയും അധിനിവേശ പ്രവര്‍ത്തനങ്ങളെയും അപലപിക്കുന്ന യു.എന്‍ മനുഷ്യാവകാശ കൗണ്‍സിലിന് അമേരിക്കയുടെ രൂക്ഷ വിമര്‍ശം.
ഇസ്രാഈലിനോട് പക്ഷപാതപരമായാണ് പെരുമാറുന്നതെന്നും കൗണ്‍സിലില്‍ തുടരുന്ന കാര്യത്തില്‍ യു.എസ് പുനരാലോചനക്ക് നിര്‍ബന്ധിതമായിരിക്കുകയാണെന്നും അമേരിക്കയടെ യു.എന്‍ സ്ഥാനപതി നിക്കി ഹാലി മുന്നറിയിപ്പുനല്‍കി. യു.എന്‍ സ്ഥാനപതിയായ ശേഷം കൗണ്‍സിലില്‍ ഹാലി നടത്തിയ ആദ്യ പ്രസംഗത്തിലുടനീളം യു.എന്‍ മനുഷ്യാവകാശ സമിതിക്കെതിരെയുള്ള വെല്ലുവിളിയായിരുന്നു. സമിതിയുടെ പ്രവര്‍ത്തനങ്ങളും അതില്‍ യു.എസിന്റെ പങ്കാളിത്തവും അമേരിക്ക ശ്രദ്ധയോടെ നിരീക്ഷിച്ചുകൊണ്ടിരിക്കുകയാണ്. സമിതിയില്‍ അംഗമാകുകയെന്നത് അന്തസ്സായാണ് അമേരിക്ക കാണുന്നത്. എന്നാല്‍ മനുഷ്യാവകാശങ്ങള്‍ ലംഘിക്കുന്നവര്‍ക്ക് സമിതിയില്‍ ഇരിപ്പിടം ലഭിക്കാന്‍ പാടില്ല. വെനസ്വേലക്കെതിരെ ഒറ്റ പ്രമേയം പോലും പരിഗണിക്കാത്ത സമിതി മാര്‍ച്ചില്‍ ഇസ്രാഈലിനെതിരെ അഞ്ച് പ്രമേയങ്ങളാണ് പാസാക്കിയത്. ഇസ്രാഈല്‍ വിരുദ്ധ നിലപാട് സമിതിയുടെ വിശ്വാസ്യതയെ ബാധിക്കുന്ന തലത്തിലേക്ക് വളര്‍ന്നിരിക്കുകയാണെന്നും നിക്കി ഹാലി പരാതിപ്പെട്ടു.
ഇസ്രാഈലിനെ എതിര്‍ക്കാനുള്ള സര്‍ക്കസ് മാത്രമാണ് യു.എന്‍ മനുഷ്യാവകാശ സമിതിയില്‍ നടക്കുന്നതെന്ന് ഇസ്രാഈല്‍ പ്രധാനമന്ത്രി ബെഞ്ചമിന്‍ നെതന്യാഹുവും ആരോപിച്ചിരുന്നു.
ഇറാന്‍, സിറിയ, ഉത്തരകൊറിയ തുടങ്ങിയ രാജ്യങ്ങളിലെ മനുഷ്യാവകാശ ലംഘനങ്ങളെ സമിതി അവഗണിക്കുകയാണെന്നും അദ്ദേഹത്തിന് അഭിപ്രായമുണ്ട്.
2013ല്‍ വെസ്റ്റ്ബാങ്കിലെ അനധികൃത കുടിയേറ്റത്തെക്കുറിച്ച് അന്വേഷിക്കാന്‍ തീരുമാനിച്ചതിനുശേഷം സമിതിയുമായുള്ള ബന്ധം ഇസ്രാഈല്‍ അവസാനിപ്പിച്ചിരുന്നു.
1967ലെ യുദ്ധത്തില്‍ പിടിച്ചെടുത്ത ഫലസ്തീന്‍ മേഖലയില്‍നിന്ന് ഇസ്രാഈല്‍ പിന്മാറണമെന്ന് സമിതി മേധാവി സെയ്ദ് റഅദ് അല്‍ ഹുസൈന്‍ ആവശ്യപ്പെട്ടതാണ് ഹാലിയെ പ്രകോപിപ്പിച്ചത്. ഹുസൈന്റെ പ്രസംഗത്തിനുശേഷമാണ് ഹാലി സംസാരിച്ചത്.