‘മോദിയുടെ പേരു പറഞ്ഞ് നമ്മള്‍ അധികാരത്തിലെത്തി. പക്ഷേ ജനങ്ങളെ സേവിച്ചില്ല. അധികാരക്കസേരകള്‍ സംഘപരിവാര്‍ സംഘടനകള്‍ കയ്യടക്കി. പാവം മുഖ്യമന്ത്രി അസന്തുഷ്ടനാണെന്ന് തോന്നുന്നു. ജനങ്ങളും എം.എല്‍.എമാരും തമ്മില്‍ അങ്ങേയറ്റത്തെ മോശം ബന്ധം. ബ്യൂറോക്രാറ്റുകളും പ്രസിഡണ്ടും കൈക്കൂലിയില്‍ ശ്രദ്ധ കേന്ദ്രീകരിച്ചിരിക്കുന്നു.’ എന്നര്‍ത്ഥം വരുന്ന കവിതയാണ് അദ്ദേഹം ഫെയ്‌സ് ബുക്കില്‍ ഷെയര്‍ ചെയ്തത്.

മുഖ്യമന്ത്രി യോഗി ആദിത്യനാഥ് അധികാരത്തിലേറിയ ശേഷം യുപിയില്‍ നടന്ന ഉപതെരഞ്ഞെടുപ്പുകളില്‍ ബി.ജെ.പിക്ക് കനത്ത തോല്‍വിയായിരുന്നു ഫലം. ഒടുവില്‍ ലോക്‌സഭയില്‍ മൃഗീയ ഭൂരിപക്ഷത്തില്‍ ജയിച്ച കൈറാനയിലും തോല്‍വി പിണഞ്ഞത്തോടെ യോഗിക്കെതിരെ സംസ്ഥാന പാര്‍ട്ടി നേതാക്കളില്‍ നിന്നും ശബ്ദം ഉയര്‍ന്നിട്ടുണ്ട്. നേരത്തെ നടന്ന ഉപതെരഞ്ഞടുപ്പുകളില് ബി.ജെ.പിയുടെ ശക്തി മണ്ഡമായി മുഖ്യമന്ത്രി യോഗിയുടേയും ഉപമുഖ്യമന്ത്രിയുടേയും മണ്ഡലത്തില്‍ ബി.ജെ.പി എസ്.പി-ബി.എസ്.പി സഖ്യത്തോട് കനത്ത തോല്‍വി നേരിടുകയായിരുന്നു. ഉപതെരഞ്ഞെടുപ്പ് നടന്ന നാല് സീറ്റുകളിലും യോഗിയാണ് പ്രചരണത്തിന് നേതൃത്വം നല്‍കിയത്. അതുകൊണ്ടുതന്നെ യോഗിക്കാണ് പരാജയത്തിന്റെ ഉത്തരവാദിത്തമെന്ന് പറഞ്ഞ് ചില പാര്‍ട്ടി നേതാക്കള്‍ പരസ്യമായി രംഗത്തെത്തിയിട്ടുണ്ട്.

അതേസമയം കവിത വിവാദമായതോടെ പ്രതികരണവുമായി എം.എല്‍.എ തന്നെ രംഗത്തെത്തി. ഇത് എന്റെ അഭിപ്രായമാണ്. സംസ്ഥാനത്ത്  അഴിമതി കൂടിയിരിക്കുന്നു. ഇതുകാരണമാണ് ജനങ്ങള്‍ പാര്‍ട്ടിക്കെതിരെ പ്രവര്‍ത്തിക്കുന്നത്. മുഖ്യമന്ത്രി കഠിനാധ്വാനം ചെയ്ത് ഈ പ്രശ്‌നം പരിഹരിക്കണം. ഇല്ലെങ്കില്‍ വരും കാലങ്ങളില്‍ ഒരു മാറ്റവും ഉണ്ടാവില്ല ശ്യാം പ്രകാശ് പ്രതികരിച്ചു.

ഉത്തര്‍പ്രദേശ് രാഷ്ട്രീയത്തില്‍ പരിചിത മുഖമായ തബസും ആര്‍.എല്‍.ഡിയില്‍ ചേരുന്നതിന് മുമ്പ് ബി.എസ്.പി ടിക്കറ്റില്‍ തബസും 2009ല്‍ ലോക്‌സഭയിലെത്തിയിരുന്നു. 1996 മുതല്‍ 1998 വരെ എംപിയായിരുന്ന സമാജ്‌വാദി പാര്‍ട്ടി നേതാവ് മുനവ്വിര്‍ ഹസന്റെ ഭാര്യയാണ് തബസും. 2009ല്‍ ഹരിയാനയില്‍ ഒരു കാറപകടത്തില്‍ മരിക്കുകയായിരുന്നു മുനവ്വര്‍.

ബി.ജെ.പി എം.പിയായിരുന്ന ഹുക്കും സിങ് കഴിഞ്ഞ ഫെബ്രുവരിയില്‍ അന്തരിച്ചതിനെ തുടര്‍ന്നാണ് ഇവിടെ ഉപതെരഞ്ഞെടുപ്പ് വേണ്ടിവന്നത്. മുഖ്യമന്ത്രിയുടെയും ഉപമുഖ്യമന്ത്രിയുടെയും മണ്ഡലങ്ങളായ ഗോരഖ്പുര്‍, ഫുല്‍പുര്‍ മുമ്പ് നടന്ന ഉപതിരഞ്ഞെടുപ്പില്‍ ബി.ജെ.പി പരാജയപ്പെട്ടിരുന്നു. ഇതിന്റെ ക്ഷീണം മറികടക്കാന്‍ ബി.ജെ.പിക്ക് കൈരാനയില്‍ വിജയം അനിവാര്യമായിരുന്നു.എന്നാല്‍ മൃഗീയ ഭൂരിപക്ഷമുണ്ടായിരുന്ന ഇവിടേയും പ്രതിപക്ഷ ഐക്യത്തിനോടു തോല്‍വി പിണഞ്ഞ ബി.ജ.പി അടുത്ത വര്‍ഷം നടക്കാനിരിക്കുന്ന പൊതുതെരഞ്ഞെടുപ്പില്‍ കടുത്ത വെല്ലുവിളിയാണ് പാര്‍ട്ടിക്കും അമിത് ഷാക്കും മുന്നില്‍.

അധികാരത്തിലെത്തിയപ്പോള്‍ മോദി തീവ്രഹിന്ദുത്വ മുഖം ഉപേക്ഷിച്ചതായി ആര്‍.എസ്.എസിലെ ഒരു വിഭാഗത്തിന് പരാതിയുണ്ട്. ഇവര്‍ അടുത്ത പ്രധാനമന്ത്രിയായി ആദിത്യനാഥിനെ നിര്‍ദേശിക്കാന്‍ സാധ്യതയുണ്ട്. ഇത് മുന്‍കൂട്ടി കണ്ട് മോദിയും അമിത് ഷായും ആദിത്യനാഥിനെതിരായ നീക്കങ്ങള്‍ക്ക് മൗനസമ്മതം നല്‍കുന്നുണ്ട്. മധ്യപ്രദേശ് മുഖ്യമന്ത്രി പ്രിഥിരാജ് ചൗഹാന്‍, കര്‍ണാടക ബി.ജെ.പി അധ്യക്ഷന്‍ ബി.എസ്. യെദിയൂരപ്പ, രാജസ്ഥാന്‍ മുഖ്യമന്ത്രി വസുന്ധര രാജെ തുടങ്ങിയവരും യു.പിയിലെ പരാജയത്തില്‍ സന്തോഷിക്കുന്നവരാണ്.

‘ യോഗിയുടെ പരാജയത്തില്‍ മോദി സന്തോഷിക്കുന്നു, ക്ഷത്രിയ സീറ്റില്‍ ബ്രാഹ്മണന്‍ പരാജയപ്പെട്ടതില്‍ യോഗി സന്തോഷിക്കുന്നു, ഒരു നിഷാദ് ജയിച്ചതില്‍ ദളിതര്‍ സന്തോഷിക്കുന്നു, രാജ്യസഭയിലെത്താന്‍ ഒരു അവസരം നിലനില്‍ക്കുന്നു എന്നതില്‍ മായാവതി സന്തോഷിക്കുന്നു’ ഇങ്ങനെയാണ് യു.പി തെരഞ്ഞെടുപ്പ് ഫലം ഒരു ഹിന്ദി പത്രം വിലയിരുത്തിയത്.

പരാജയം വിലയിരുത്താന്‍ ചേര്‍ന്ന ബി.ജെ.പി സംസ്ഥാന കമ്മിറ്റി യോഗത്തില്‍ യോഗി രാജിവെക്കണമെന്ന ആവശ്യവും ഉയര്‍ന്നു. വര്‍ഷങ്ങളായി ആദിത്യനാഥ് എം.പിയായ ഒരു മണ്ഡലത്തില്‍ പാര്‍ട്ടി തോല്‍ക്കുമ്പോള്‍ അതിന്റെ ഉത്തരവാദിത്തം മറ്റാര്‍ക്കുമല്ലെന്നും അതുകൊണ്ട് ആദിത്യനാഥ് രാജിവെക്കണമെന്നും ഒരു നേതാവ് ആവശ്യപ്പെട്ടു. ഗൊരഖ്പൂര്‍, ഫുല്‍പൂര്‍ തെരഞ്ഞെടുപ്പ് പരാജയത്തിന്റെ പശ്ചാത്തലത്തില്‍ കര്‍ണാടക നിയമസഭാ തെരഞ്ഞെടുപ്പില്‍ ആദിത്യനാഥിനെ പ്രചരണത്തിനിറക്കരുതെന്നും പാര്‍ട്ടില്‍ ആവശ്യമുയരുന്നുണ്ട്.

സംസ്ഥാനത്തെ പാവപ്പെട്ടവരെ പരിഗണിക്കേണ്ടതിനു പകരം ക്ഷേത്രവുമായി ബന്ധപ്പെട്ട കാര്യങ്ങളില്‍ മാത്രം ശ്രദ്ധ കേന്ദ്രീകരിക്കുന്ന തിരക്കിലാണ് യോഗിയും കൂട്ടരും. ജനങ്ങള്‍ക്ക് നല്‍കിയ വാഗ്ദാനങ്ങള്‍ പാലിക്കാന്‍ ഈ മന്ത്രിസഭക്ക് ആയിട്ടില്ല. ഈ പാവപ്പെട്ടവരുടെ വോട്ട് വാങ്ങിയാണ് അധികാരത്തിലേറിയതെന്നും സര്‍ക്കാറിന്റെ ഇത്തരം നടപടികളെ ചോദ്യംചെയുന്നവരെ കുറ്റക്കാരായി ചിത്രിക്കരിക്കുകയാണെന്നും മന്ത്രി കുറ്റപ്പെടുത്തി. മന്ത്രിസഭക്ക് ഒരു വയസ്സ് പൂര്‍ത്തിയായത് ആഘോഷിക്കുമ്പോള്‍ ഭരണ നേട്ടമായി കാണിക്കാന്‍ എന്തുണ്ട് എന്നുകൂടി പറയണമെന്നും അദ്ദേഹം കൂട്ടിച്ചേര്‍ത്തു. യുപിയിലെ ബി.ജെ.പിയുടെ മുഖ്യസഖ്യകക്ഷിയായ സുഹെല്‍ദേവ് ഭാരതീയ സമാജ് പാര്‍ട്ടി നേതാവാണ് (എസ്.ബി.എസ്.പി) രാജ്ബാര്‍.

ഞങ്ങള്‍ സര്‍ക്കാരിന്റെയും എന്‍.ഡി.എയുടേയും ഭാഗമാണ്. പക്ഷേ ബി.ജെ.പി ധര്‍മ്മത്തെ പിന്തുടരുന്നില്ല. ഇതില്‍ എന്റെ ആശങ്കയാണ് ഞാന്‍ പ്രകടിപ്പിക്കുന്നതെന്നും ഉപതെരഞ്ഞെടുപ്പ് ഫലങ്ങളില്‍ നിന്ന് പാഠങ്ങള്‍ ഉള്‍ക്കൊള്ളാന്‍ തയ്യാറാവണമെന്നും എ.എന്‍.ഐ നല്‍കിയ അഭിമുഖത്തില്‍ അദ്ദേഹം പറഞ്ഞു.

ഉപതെരഞ്ഞെടുപ്പില്‍ ബി.ജെ.പിയുടെ ശക്തികേന്ദ്രങ്ങളായ ഗോരെഖ്പൂരിലും ഫുല്‍പൂരിലും സമാജ്‌വാദി പാര്‍ട്ടിയോട് ദയനീയമായി തോല്‍ക്കുകയായിരുന്നു ബി.ജെ.പി. മുഖ്യമന്ത്രിയുടേയും ഉപമുഖ്യമന്ത്രിയുടേയും മണ്ഡലങ്ങളിലെ പരാജയം പാര്‍ട്ടിക്ക് വലിയ ഷോക്കായിരുന്നു. ഇതിനു പിന്നാലെ മന്ത്രിസഭയിലെ അംഗത്തിന്റെ ഭാഗത്തു നിന്നുള്ള ശക്തമായ വിമര്‍ശനവും ബി.ജെ.പിക്ക് തലവേദനയാകും.

ഖ്‌നൗ: യു.പിയിലേയും ബീഹാറിലേയും കനത്തപരാജയത്തിന് പിന്നാലെ കേന്ദ്രസര്‍ക്കാര്‍ ഭരണത്തില്‍ കാതലായ മാറ്റം വരുത്തിയേ തീരൂവെന്ന് പാര്‍ട്ടിക്കുള്ളില്‍ നിന്ന് തന്നെ അഭിപ്രായങ്ങള്‍ ഉയര്‍ന്നിരുന്നു.

യോഗി ആദിത്യനാഥിന് കീഴില്‍ യു.പിയില്‍ നടക്കുന്ന ഭരണം ഒട്ടും മികച്ചതല്ലെന്ന അഭിപ്രായവും പലരും പങ്കുവെച്ചിരുന്നു. യോഗി ആദിത്യനാഥിന്റെ ചില നിര്‍ദേശങ്ങള്‍ക്കെതിരെ രൂക്ഷവിമര്‍ശനവുമായി ര
ഈ പാവപ്പെട്ടവരാണ് സര്‍ക്കാരിനെ വോട്ട് നല്‍കി അധികാരത്തിലെത്തിച്ചത്. പ്രഖ്യാപനങ്ങള്‍ പലതും നടക്കുന്നുണ്ട്. എന്നാല്‍ അതൊന്നും പ്രാവര്‍ത്തികമാകുന്നില്ല. ഒ.പി രജ്ബാര്‍ പറയുന്നു.

കഴിഞ്ഞ നിയമസഭാ തിരഞ്ഞടുപ്പിനു മുമ്പ് ബിഎസ്പി വിട്ട് നവല്‍ കിഷോറിന്റെ അമ്മാവന്‍ സ്വാമി പ്രസാദ് മൗര്യ ബിജെപിയില്‍ ചേര്‍ന്നത്. പാദ്രുവന നിയമസഭ മണ്ഡലത്തില്‍ ബി.ജെ.പി ടിക്കറ്റില്‍ വിജയിച്ച സ്വാമി പ്രസാദ് മൗര്യ സംസ്ഥാന തൊഴില്‍ വകുപ്പ് മന്ത്രിയാണ്. ഉപതെരഞ്ഞെടുപ്പില്‍ പാര്‍ട്ടിയുടെ കുത്തക മണ്ഡലങ്ങളായ ഗോരെഖ്പൂരിലും ഫുല്‍പൂരിലും സമാജ്‌വാദി പാര്‍ട്ടിയോട് ദയനീയ തോല്‍വി ഏറ്റുവാങ്ങുകയായിരുന്നു ബി.ജെ.പി.

കഴിഞ്ഞ അഞ്ചു തവണ മുഖ്യമന്ത്രി യോഗി ആദിത്യനാഥ് വിജയിച്ച മണ്ഡലമായിരുന്നു ഗോരെഖ്പൂര്‍. സംസ്ഥാന ഉപമുഖ്യമന്ത്രി കേശവ് മൗര്യയുടെ മണ്ഡലമായ ഫുല്‍പൂരില്‍ അരലക്ഷത്തിലധികം വോട്ടുകള്‍ക്കാണ് തോറ്റത്. ഉപതെരഞ്ഞെടുപ്പില്‍ എസ്.പി-ബി.എസ്.പി സഖ്യം ബി.ജെ.പിക്കെതിരെ ഫലം കാണുകയായിരുന്നു. തെരഞ്ഞെടുപ്പ് പരാജയത്തില്‍ നിന്നും മുക്തമാവുന്നതിന് മുമ്പ് പാര്‍ട്ടിയുടെ യുവനേതാവ് എതിര്‍പാളയത്തില്‍ പോയതും പാര്‍ട്ടി വീണ്ടും തലവേദന സൃഷ്ടിച്ചിരിക്കുകയാണ്. അതേസമയം യുവാള്‍ക്കിടയില്‍ ശക്തനായ നേതാവ് കിഷോര്‍ മാറ്റത്തോടെ പാര്‍ട്ടിയിലെ യുവാക്കളെ നവല്‍ നഷ്ടമാവുമോ ഭീതിയും ബി.ജെ.പി കേന്ദ്രത്തിനുണ്ട്.

ഇരു മണ്ഡലങ്ങളിലേയും തോല്‍വി മൂന്‍കൂട്ടി കാണാനായില്ല. പാര്‍ട്ടി പ്രവര്‍ത്തകരോട് മുമ്പ് പറഞ്ഞ ഒരു കാര്യം ഓര്‍ക്കുന്നു. ‘തെരഞ്ഞെടുപ്പുകള്‍ എപ്പോഴും തെരഞ്ഞെടുപ്പുകളാണ്. അവയെ തീരെ ചെറുതായി കാണരുത്. തെരഞ്ഞെടുപ്പുകള്‍ പരീക്ഷകള്‍ പോലെയാണ്. അമിത ആത്മവിശ്വാസം കാണിക്കുന്നതിന് പകരം തയ്യാറെടുപ്പുകള്‍ വിശദമായി പരിശോധിക്കുകയാണ് പ്രധാനം’- ആദിത്യനാഥ് വ്യക്തമാക്കി.

ബി.ജെ.പിയുടെ കോട്ടകളായ ഗൊരഖ്പൂര്‍, ഫുല്‍പൂര്‍ മണ്ഡലങ്ങില്‍ നടന്ന ഉപതെരഞ്ഞെടുപ്പുകളിലാണ് എസ്.പി സ്ഥാനാര്‍ഥികള്‍ മികച്ച വിജയം നേടിയത്. യോഗി ആദിത്യനാഥ് അഞ്ചുതവണ തുടര്‍ച്ചയായി തെരഞ്ഞെടുക്കപ്പെട്ട മണ്ഡലമായിരുന്നു ഗൊരഖ്പൂര്‍. ഉപമുഖ്യമന്ത്രി കേശവപ്രസാദ് മൗര്യയുടെ മണ്ഡലമാണ് ഫുല്‍പൂര്‍.

പാര്‍ലമെന്റ് ഉപതെരഞ്ഞെടുപ്പുകളിലെ കനത്ത പരാജയത്തിന് പിന്നാലെയാണ് വര്‍ഗീയ പരാമര്‍ശങ്ങളുമായി ബി.ജെ.പി നേതാക്കള്‍ രംഗത്തെത്തിയത്. ഉപതെരഞ്ഞെടുപ്പില്‍ ബി.ജെ.പിക്ക് കനത്ത പരാജയമേറ്റ ബീഹാറിലെ അരാരിയ താമസിയാതെ തീവ്രവാദത്തിന്റെ കേന്ദ്രമായി മാറുമെന്നായിരുന്നു കേന്ദ്രമന്ത്രി ഗിരിരാജ് സിംങിന്റെ പ്രസ്താവന.

നേപ്പാള്‍, ബംഗാള്‍ എന്നിവിടങ്ങളുമായി അതിര്‍ത്തി പങ്കിടുന്ന വെറുമൊരു പ്രദേശം മാത്രമല്ല അരാരിയ. അതിതീവ്രമായ ഒരു പ്രത്യയശാസ്ത്രത്തിന്റെ പിടിയിലായ അവിടെ ബീഹാറിന് മാത്രമല്ല രാജ്യത്തിന് തന്നെ ഭീഷണിയായി മാറുമെന്ന് ഗിരിരാജ് സിങ് പറഞ്ഞു. അരാരിയ മണ്ഡലത്തിലെ ഉപതെരഞ്ഞെടുപ്പില്‍ ബി.ജെ.പിയെ തോല്‍പിച്ച് ആര്‍.ജെ.ഡിയുടെ സര്‍ഫറാസ് ആലം തിരഞ്ഞെടുക്കപ്പെട്ടിരുന്നു.

കര്‍ണാടക തെരഞ്ഞെടുപ്പിനോട് അനുബന്ധിച്ച് യോഗി ആദിത്യനാഥ് നാലുതവണ കര്‍ണാടക സന്ദര്‍ശിച്ചിരുന്നു. ഹൂബ്ലി, ബെംഗളൂരു, ദാവനാഗെരെ, മംഗളൂരു എന്നിവിടങ്ങളില്‍ പ്രസംഗിച്ച യോഗി കോണ്‍ഗ്രസിനെതിരെ ആഞ്ഞടിച്ചിരുന്നു. കോണ്‍ഗ്രസിനെ ഇല്ലാതാക്കിയാല്‍ മാത്രമേ കര്‍ണാടകയില്‍ വികസനം വരൂ എന്നായിരുന്നു യോഗിയുടെ പ്രസ്താവന. ഇതിന് മറുപടിയായാണ് ഇനി വികസനത്തെക്കുറിച്ച് പഠിപ്പിക്കരുതെന്ന് സിദ്ധരാമയ്യ മറുപടി പറഞ്ഞത്.

കഴിഞ്ഞ ദിവസം യു.പിയിലെ ഗൊരഖ്പൂര്‍, ഫുല്‍പൂര്‍ മണ്ഡലങ്ങളില്‍ നടന്ന ഉപതെരഞ്ഞെടുപ്പില്‍ എസ്.പി സ്ഥാനാര്‍ഥികള്‍ വന്‍ വിജയം നേടിയിരുന്നു. മുഖ്യമന്ത്രി യോഗി ആദിത്യനാഥ് രാജിവെച്ച മണ്ഡലമാണ് ഗൊരഖ്പൂര്‍. ഉപമുഖ്യമന്ത്രി കേശവ പ്രസാദ് മൗര്യയുടെ മണ്ഡലമായിരുന്നു ഫുല്‍പൂര്‍.

BJP has suffered humiliating loss in the Lok Sabha seats held by the CM & DyCM of UP. Congratulations to SP & BSP for this historic victory. Unity among the non-BJP parties has played a key role.

Perhaps Yogi Adityanath should spend less time lecturing Karnataka on development.

— Siddaramaiah (@siddaramaiah) March 14, 2018

ഏറ്റവും വിജയസാധ്യതയുള്ള ബി.ജെ.പി ഇതര സ്ഥാനാര്‍ഥിക്ക് ജനങ്ങള്‍ വോട്ട് ചെയ്യുമെന്നാണ് ഈ തെരഞ്ഞെടുപ്പില്‍ നിന്ന് വ്യക്തമാവുന്നതെന്ന് കോണ്‍ഗ്രസ് പ്രസിഡന്റ് രാഹുല്‍ ഗാന്ധി പ്രതികരിച്ചു. ബി.ജെ.പിയോട് ജനങ്ങള്‍ രോഷത്തിലാണ്. ഉത്തര്‍പ്രദേശില്‍ കോണ്‍ഗ്രസിന്റെ തിരിച്ചുവരവ് ഒരു രാത്രികൊണ്ടൊന്നും സംഭവിക്കില്ലെന്നും അദ്ദേഹം പറഞ്ഞു.

ബി.ജെ.പിയുടെ അന്ത്യത്തിന്റെ ആരംഭമാണ് ഉപതെരഞ്ഞെടുപ്പ് ഫലമെന്ന് ബംഗാള്‍ മുഖ്യമന്ത്രി മമതാ ബാനര്‍ജി പറഞ്ഞു.

യു.പി പിടിക്കുന്നവര്‍ ഇന്ത്യ ഭരിക്കുമെന്നത് ലോക്‌സഭാ തെരഞ്ഞെടുപ്പുകളിലെ പതിവ് സൂത്രവാക്യമാണ്. 2014 ലെ ലോക്‌സഭാ തെരഞ്ഞെടുപ്പിലും ഇത് സത്യമായി. യു.പിയിലെ 80 ലോക്‌സഭാ സീറ്റുകളില്‍ 71 സീറ്റുകളും ബി.ജെ.പിയാണ് സ്വന്തമാക്കിയത്. 2014ല്‍ മായാവതിയുടെ ബി.എസ്.പിയെ പരാജയപ്പെടുത്തി ബി.ജെ.പി നേതാവ് കേശവപ്രസാദ് മൗര്യയാണ് ഈ സീറ്റില്‍ വിജയിച്ചത്. എന്നാല്‍ നിയമസഭാ തെരഞ്ഞെടുപ്പില്‍ ഭരണം നേടിയതോടെ കേശവപ്രസാദ് മൗര്യ ഉപമുഖ്യമന്ത്രിയാവാന്‍ പോയതോടെയാണ് ഇവരെ ഉപതെരഞ്ഞെടുപ്പ് വന്നത്.

യു.പി മുഖ്യമന്ത്രിയായ യോഗി ആദിത്യനാഥ് അഞ്ച് തവണ പാര്‍ലമെന്റിലേക്ക് തെരഞ്ഞെടുക്കപ്പെട്ട മണ്ഡലമാണ് ഗോരഖ്പൂര്‍. യോഗി മുഖ്യമന്ത്രിയായതോടെയാണ് ഇവിടെ ഉപതിരഞ്ഞെടുപ്പ് വന്നത്. 2019 ലും രാജ്യഭരണം പിടിക്കാന്‍ കച്ചകെട്ടുന്ന നരേന്ദ്ര മോദിയും ബി.ജെ.പിയും അഭിമാനപ്പോരാട്ടമായാണ് യു.പിയിലെ ഉപതെരഞ്ഞെടുപ്പുകളെ കാണുന്നത്. എന്നാല്‍ രാജസ്ഥാന്‍ നല്‍കിയ തിരിച്ചടി ബി.ജെ.പി നേതൃത്വത്തെ ആശങ്കാകുലരാക്കുന്നുണ്ട്.

സമാജ് വാദി പാര്‍ട്ടിയും മായാവതിയുടെ ബി.എസ്.പിയും ഒരുമിച്ച് നില്‍ക്കുന്നു എന്നതാണ് ഇവിടെ ബി.ജെ.പി നേരിടുന്ന വലിയ വെല്ലുവിളി. 2019ല്‍ കോണ്‍ഗ്രസുമായി സഖ്യമുണ്ടാക്കില്ലെന്ന അഖിലേഷ് യാദവിന്റെ പ്രസ്താവനയെ തുടര്‍ന്ന് ഇവിടെ കോണ്‍ഗ്രസ് സ്ഥാനാര്‍ഥിയെ നിര്‍ത്തിയിട്ടുണ്ട്. എന്നാല്‍ എസ്.പി, ബി.എസ്.പി സഖ്യത്തെ സഹായിക്കുന്ന വിധത്തിലാണ് കോണ്‍ഗ്രസ് സ്ഥാനാര്‍ഥിയെ നിര്‍ത്തിയിരിക്കുന്നത്. ബ്രാഹ്മണ സമുദായക്കാരനായ കോണ്‍ഗ്രസ് സ്ഥാനാര്‍ഥി മനീഷ് മിശ്ര ബ്രാഹ്മണ വോട്ടുകള്‍ ബി.ജെ.പിയിലേക്ക് പോകുന്നത് തടയുമെന്നാണ് പ്രതീക്ഷിക്കപ്പെടുന്നത്.

തെരഞ്ഞെടുപ്പായതോടെ ബി.ജെ.പി പതിവുപോലെ വര്‍ഗീയ കാര്‍ഡുമായി രംഗത്ത് വന്നിട്ടുണ്ട്. മുഖ്യമന്ത്രി യോഗി ആദിത്യനാഥ് തന്നെയാണ് വര്‍ഗീയ പ്രചാരണത്തെ മുന്നില്‍ നയിക്കുന്നത്. സമാജ് വാദി പാര്‍ട്ടി ഒരു സ്ഥാനാര്‍ഥിയെ ഇറക്കിയിട്ടുണ്ടെന്നും എന്നാല്‍ സംസ്ഥാനത്തെ ജനങ്ങള്‍ക്ക് ഔറംഗസേബ് ഭരണം ആവശ്യമില്ലെന്നുമായിരുന്നു യോഗി കഴിഞ്ഞ ദിവസം പറഞ്ഞത്.

ബി.ജെ.പിക്ക് ശക്തമായ അടിവേരുകളുള്ള ഗോരഖ്പൂരില്‍ വിജയിച്ചില്ലെങ്കിലും ഫുല്‍പൂരില്‍ വിജയിക്കാനായാല്‍ ബി.എസ്.പി, എസ്.പി സഖ്യം വലിയ മുന്നേറ്റമായിരിക്കും സൃഷ്ടിക്കുക. എന്നാല്‍ ഫുല്‍പൂരിലും പരാജയപ്പെടുകയാണെങ്കില്‍ വരുന്ന ലോക്‌സഭാ തിരഞ്ഞെടുപ്പില്‍ ബീഹാര്‍ മോഡലില്‍ കോണ്‍ഗ്രസ്-എസ്.പി-ബി.എസ്.പി പാര്‍ട്ടികള്‍ ഒരുമിക്കുന്ന മഹാസഖ്യത്തിനും സാധ്യതയുണ്ട്.