ഉംറി ഗ്രാമത്തിലെ ഫഖര്‍പൂര്‍ പോലീസ് സ്റ്റേഷന്‍ പരിധിയിലാണ് സംഭവം. പുലിക്കെണിയില്‍ വെച്ചിരുന്ന ആടിനെ മോഷ്ടിക്കാനായി രാത്രിയില്‍ പ്രദീപ് കുമാര്‍ കൂട്ടിനകത്ത് കയറുകയായിരുന്നു. അപ്പോഴേ തന്നെ കൂടിന്റെ ഓട്ടോമാറ്റിക് വാതില്‍ അടഞ്ഞു, പുറത്തേക്ക് രക്ഷപ്പെടാനായില്ല. നിരവധി ശ്രമങ്ങള്‍ പരാജയപ്പെട്ടതിനെ തുടര്‍ന്ന് പ്രദീപ് മൊബൈല്‍ ഉപയോഗിച്ച് പരിചിതരെ വിളിച്ച് വിവരം അറിയിച്ചു.

നാട്ടുകാര്‍ വനംവകുപ്പിനെ അറിയിച്ചതോടെ ഉദ്യോഗസ്ഥര്‍ പുലര്‍ച്ചെയോടെ സ്ഥലത്തെത്തി വാതില്‍ തുറന്ന് ഇയാളെ പുറത്തെടുത്തു. സംഭവത്തെക്കുറിച്ച് ചോദിച്ചപ്പോള്‍ ”കൂട് ശരിയായി പ്രവര്‍ത്തിക്കുന്നുണ്ടോ എന്നും ആട് സുരക്ഷിതമാണോ എന്നും പരിശോധിക്കാനാണ് കയറിയത്” എന്നായിരുന്നു പ്രദീപിന്റെ വ്യാജ വിശദീകരണം.

അടുത്തിടെ, ഗ്രാമത്തിലെ 55 കാരിയായ ശാന്തി ദേവി പുള്ളിപ്പുലിയുടെ ആക്രമണത്തില്‍ മരിച്ച പശ്ചാത്തലത്തിലാണ് പ്രദീപിന്റെ വീട്ടില്‍ നിന്ന് 500 മീറ്റര്‍ അകലെയായി കെണി സ്ഥാപിച്ചിരുന്നത്.

പുലിക്കെണികളില്‍ കയറുന്നത് ഏറെ അപകടകാരിയാണെന്ന് ഡി.എഫ്.ഒ രാം സിംഗ് യാദവ് മുന്നറിയിപ്പു നല്കി. ”വാതില്‍ ദേഹത്ത് പതിച്ചിരുന്നെങ്കില്‍ ഗുരുതരമായ പരിക്ക് ഉണ്ടായേനേ, പിന്നെ പുള്ളിപ്പുലി സമീപത്തുണ്ടായിരുന്നെങ്കില്‍ അതിലും വലിയ അപകടം സംഭവിക്കുമായിരുന്നുവെന്നും” അദ്ദേഹം പറഞ്ഞു. പ്രദേശവാസികള്‍ കെണികളില്‍ നിന്ന് മാറിനില്‍ക്കണമെന്ന് വനംവകുപ്പ് അഭ്യര്‍ഥിച്ചു.

2015 സെപ്റ്റംബര്‍ 28-ന് ഗ്രേറ്റര്‍ നോയിഡയിലെ ദാദ്രിക്ക് സമീപമുള്ള ബിസാദ ഗ്രാമത്തിലാണ് 52-കാരനായ മുഹമ്മദ് അഖ്‌ലാഖ് ആള്‍ക്കൂട്ട ആക്രമണത്തില്‍ കൊല്ലപ്പെട്ടത്. വീട്ടില്‍ ഗോമാംസം സൂക്ഷിച്ചെന്ന് ആരോപിച്ച് ഒരു ക്ഷേത്രത്തിലെ ഉച്ചഭാഷിണിയിലൂടെ വന്ന പ്രഖ്യാപനത്തെ തുടര്‍ന്നാണ് ഒരു സംഘം ആളുകള്‍ അഖ്‌ലാഖിന്റെ വീട്ടില്‍ അതിക്രമിച്ചു കയറി അദ്ദേഹത്തെ വലിച്ചിഴച്ച് മര്‍ദ്ദിച്ചു കൊന്നത്. അഖ്‌ലാഖിനെ രക്ഷിക്കാന്‍ ശ്രമിച്ച മകന്‍ ഡാനിഷിനും ഗുരുതരമായി പരിക്കേറ്റിരുന്നു.

കേസ് പിന്‍വലിക്കുന്നതുമായി ബന്ധപ്പെട്ട് സര്‍ക്കാരില്‍ നിന്ന് കത്ത് ലഭിച്ചതായി അഡീഷണല്‍ ജില്ലാ ഗവണ്‍മെന്റ് കൗണ്‍സല്‍ ഭഗ് സിംഗ് ഭാട്ടി ശനിയാഴ്ച പി.ടി.ഐയോട് പറഞ്ഞു. ‘അഖ്‌ലാഖ് കൊലക്കേസിലെ എല്ലാ പ്രതികള്‍ക്കുമെതിരായ കേസ് പിന്‍വലിക്കുന്നതുമായി ബന്ധപ്പെട്ട് സര്‍ക്കാരിന്റെ ഒരു കത്ത് ലഭിച്ചിട്ടുണ്ട്. ഈ അപേക്ഷ സുരാജ്പൂര്‍ കോടതിയില്‍ സമര്‍പ്പിച്ചിട്ടുണ്ട്, ഡിസംബര്‍ 12 ന് ഇത് പരിഗണിക്കും,’ ഭാട്ടി വ്യക്തമാക്കി.

ലഖ്‌നൗ ജയിലില്‍ കഴിയുന്ന അനുഭവ് മിത്തല്‍ ആണ് മറ്റൊരു തടവുകാരനെ കുടുക്കാന്‍ വ്യാജ പേരില്‍ ഇമെയില്‍ അയച്ചതെന്ന് പൊലീസ് പറഞ്ഞു. ഇയാള്‍ വ്യാജ ഓണ്‍ലൈന്‍ വ്യാപാര പദ്ധതിയിലൂടെ ഏഴ് ലക്ഷത്തോളം നിക്ഷേപകരില്‍ നിന്നും 3700 കോടി തട്ടിയ കേസില്‍ നിലവില്‍ ജയിലിലാണ്.

ലഖ്‌നൗ ബെഞ്ചിലെ ജഡ്ജിക്കയച്ച ഭീഷണി സന്ദേശത്തില്‍ നിങ്ങള്‍ കൊല്ലപ്പെടാന്‍ പോവുകയാണ് എന്നായിരുന്നു. സൈബര്‍ സെല്ലും ക്രൈംബ്രാഞ്ചും നടത്തിയ അന്വേഷണത്തില്‍ കോണ്‍സ്റ്റബിള്‍ അജയ് കുമാറിന്റെ ഫോണില്‍ നിന്നാണ് ഇയാള്‍ ഇമെയില്‍ അയച്ചതെന്ന് കണ്ടെത്തി.

ഭീഷണിയുമായി ബന്ധപ്പെട്ട് അനുഭവ് മീത്തല്‍, പൊലീസ് കോണ്‍സ്റ്റബിള്‍ അജയ് കുമാര്‍ എന്നിവര്‍ക്കെതിരെ ഐടി ആക്ട് പ്രകാരം കേസെടുത്തതായും നവംബര്‍ നാലിന് കോടതിയില്‍ നടന്ന വാദം കേള്‍ക്കലില്‍ പൊലീസ് കോണ്‍സ്റ്റബിള്‍ മിത്തലിനൊപ്പം ഉണ്ടായിരുന്നതായും മുതിര്‍ന്ന ഉദ്യോഗസ്ഥന്‍ പറഞ്ഞു.

അന്ന്, മിത്തല്‍ കേസിന്റെ വിശദാംശം പരിശോധിക്കാന്‍ ഫോണ്‍ വാങ്ങുകയും താനറിയാതെ ഒരു പുതിയ ഇമെയില്‍ ഐഡിയുണ്ടാക്കിയതായും കുമാര്‍ പറഞ്ഞു. പിറ്റേന്ന് രാവിലെ ഭീഷണി സന്ദേശം അയയ്‌ക്കെപ്പെടുന്ന രീതിയില്‍ ടൈമര്‍ സജ്ജീകരിച്ചതായും പൊലീസ് കോണ്‍സ്റ്റബിള്‍ പറഞ്ഞു.

2023 ഡിസംബര്‍ മുതല്‍ ഒരു കൊലപാതക കേസില്‍ ജയിലില്‍ കഴിയുന്ന ആനന്ദേശ്വര്‍ അഗ്രഹാരി എന്ന സഹതടവുകാരനോടുള്ള വ്യക്തിവൈരാഗ്യത്തെ തുടര്‍ന്ന് ഇയാളെ കുടുക്കാനാണ് മിത്തല്‍ അയാളുടെ പേരില്‍ ഭീഷണി സന്ദേശം അയച്ചതെന്ന് പൊലീസ് വ്യക്തമാക്കി.

ശക്തമായ വൈദ്യുതാഘാതം മൂലം ബസില്‍ തീപിടിച്ചുവെന്നും അതില്‍ സഞ്ചരിച്ചിരുന്ന തൊഴിലാളികള്‍ക്ക് വൈദ്യുതാഘാതമേറ്റതായും പൊലീസ് അറിയിച്ചു. തീപിടിത്തത്തില്‍ മൂന്നു പേരാണ് മരിച്ചത്. ഇവരില്‍ രണ്ട് പേര്‍ അച്ഛനും മകളും ആണെന്നാണ് പ്രാഥമിക വിവരം.

ബസിന്റെ മുകളില്‍ ഹൈടെന്‍ഷന്‍ ലൈനില്‍ തട്ടിയ ഉടന്‍ തന്നെ ശക്തമായ സ്ഫോടനം ഉണ്ടായതായി ദൃക്‌സാക്ഷികള്‍ പറഞ്ഞു. ബസ് പൂര്‍ണമായും അഗ്‌നിക്കിരയായി. അപകടസമയത്ത് ബസില്‍ 60 തൊഴിലാളികളുണ്ടായിരുന്നു. ഷാപുര്‍ പ്രദേശത്തെ ഇഷ്ടിക ചൂളകളില്‍ ജോലി ചെയ്യുന്നവരാണ് എല്ലാവരും.

ദീപാവലി ആഘോഷം കഴിഞ്ഞ് ഉത്തര്‍പ്രദേശിലെ പിലിഭിത്തില്‍ നിന്ന് തൊഴിലിടങ്ങളിലേക്ക് മടങ്ങിയവരാണ് ഇവര്‍. യാത്രയ്ക്കായി ബസിന്റെ മേല്‍ക്കൂരയില്‍ വസ്ത്രങ്ങളും ഭക്ഷണ സാധനങ്ങളും സൂക്ഷിച്ചിരുന്നതായും ഹൈടെന്‍ഷന്‍ ലൈനില്‍ തട്ടിയതിനെ തുടര്‍ന്ന് അതിന് തീപിടിച്ചതായും പൊലീസ് വ്യക്തമാക്കി.

മേല്‍ക്കൂരയില്‍ സൂക്ഷിച്ചിരുന്ന പാചകവാതക സിലിണ്ടറുകളിലൊന്ന് പൊട്ടിത്തെറിച്ചതും തീപിടിത്തം വ്യാപിക്കാന്‍ കാരണമായതും റിപ്പോര്‍ട്ടുകളുണ്ട്. സമീപവാസികള്‍ വേഗത്തില്‍ എത്തി രക്ഷാപ്രവര്‍ത്തനം ആരംഭിച്ചു. ഗുരുതരമായി പൊള്ളലേറ്റ 12 തൊഴിലാളികളെ ആശുപത്രിയിലേക്ക് മാറ്റിയതായി അധികൃതര്‍ അറിയിച്ചു.

പൊലീസും അഗ്‌നിരക്ഷാസേനയും സ്ഥലത്തെത്തി തീ അണച്ചതായി പൊലീസ് അറിയിച്ചു. അപകടത്തിന്റെ കാരണം സംബന്ധിച്ച് അന്വേഷണം ആരംഭിച്ചിരിക്കുകയാണ്.

കോണ്‍സ്റ്റബിളായിരുന്ന സുബൈര്‍ സര്‍വീസില്‍ നിന്ന് പുറത്തായതിനു ശേഷം സമാജ്വാദി പാര്‍ട്ടിയില്‍ ചേരുകയായിരുന്നു. കഴിഞ്ഞ വെള്ളിയാഴ്ച പ്രാര്‍ഥനക്ക് ശേഷം സുബൈര്‍ വിശ്വാസികളെ ഓഡിയോ കേള്‍പ്പിച്ചതായും, സമുദായിക ഐക്യം തകര്‍ക്കാന്‍ ശ്രമിച്ചതായും പൊലീസ് ആരോപിക്കുന്നു.

ബറേലി ജില്ലയില്‍ പണ്ഡിതനും ഇത്തിഹാദെ മില്ലത്ത് കൗണ്‍സില്‍ അധ്യക്ഷനുമായ തൗഖീര്‍ റാസയെ പോലീസിന് അറസ്റ്റ് ചെയ്തിട്ടുണ്ട്. ബറേലി സംഭവവുമായി ബന്ധപ്പെട്ട് വിവിധ പൊലീസ് സ്റ്റേഷനുകളില്‍ 10 കേസുകള്‍ രജിസ്റ്റര്‍ ചെയ്തിട്ടുണ്ടെന്ന് അധികൃതര്‍ അറിയിച്ചു. 150200 പേര്‍ പ്രതിചേര്‍ത്താണ് എഫ്‌ഐആര്‍ തയ്യാറാക്കിയത്.

സെപ്തംബര്‍ 4ന് സയ്യിദ് നഗറില്‍ നബിദിനത്തിന്റെ ഭാഗമായി സ്ഥാപിച്ച ‘ഐ ലൗ മുഹമ്മദ്’ ബോര്‍ഡിനെ ഹിന്ദുത്വ സംഘടനാ പ്രവര്‍ത്തകര്‍ സെപ്തംബര്‍ 16ന് നശിപ്പിച്ചു. ബോര്‍ഡ് നശിപ്പിച്ചവര്‍ക്കെതിരെ കേസെടുക്കാതിരിക്കെ, 12 മുസ്ലിം യുവാക്കളും തിരിച്ചറിയാനാവാത്ത 1415 പേരുമാണ് കേസില്‍ ഉള്‍പ്പെടുത്തിയതെന്ന് ദൃക്‌സാക്ഷികള്‍ അറിയിച്ചു.

യുപി ഭരണകൂടം ഈ സംഭവത്തില്‍ നടപടി കടുപ്പിച്ചതായി പറയുന്നു.

‘അയോധ്യയില്‍ താമസിക്കുന്ന മുസ്‌ലിംകള്‍ക്ക് ഇവിടെ താമസിക്കാന്‍ അവകാശമില്ല. അവര്‍ എത്രയും വേഗം ഗോണ്ടയിലേക്കോ ബസ്തിയിലേക്കോ പോകണം. എന്ത് വിലകൊടുത്തും അവരെ അയോധ്യയില്‍ നിന്ന് നീക്കം ചെയ്യുമെന്ന് ഞങ്ങള്‍ ഉറപ്പാക്കും. അപ്പോള്‍ മാത്രമേ ഞങ്ങള്‍ പൂര്‍ണ്ണ ആവേശത്തോടെ ദീപാവലി ആഘോഷിക്കൂ.’

അയോധ്യയില്‍ ബാബറി മസ്ജിദിന് പകരമോ മറ്റേതെങ്കിലും പള്ളിയോ നിര്‍മ്മിക്കാന്‍ അനുവദിക്കില്ലെന്ന് അദ്ദേഹം പറഞ്ഞു.

ഈ പരാമര്‍ശങ്ങള്‍ സിവില്‍ സൊസൈറ്റി അംഗങ്ങള്‍, പ്രാദേശിക നേതാക്കള്‍, മതപണ്ഡിതര്‍ എന്നിവരില്‍ ആശങ്ക ഉളവാക്കിയിട്ടുണ്ട്. അത്തരം പ്രസ്താവനകള്‍ പ്രദേശത്തിന്റെ സൂക്ഷ്മമായ വര്‍ഗീയ ഘടനയെ തകര്‍ക്കുമെന്ന് മുന്നറിയിപ്പ് നല്‍കുന്നു. അതേസമയം യുപി സര്‍ക്കാരോ ബിജെപിയോ ഔദ്യോഗിക പ്രതികരണം നടത്തിയിട്ടില്ല.

വിനയ് കത്യാര്‍ രാമജന്മഭൂമി പ്രസ്ഥാനവുമായി ദീര്‍ഘകാലമായി ബന്ധപ്പെട്ടിരുന്നു. 1984-ല്‍ വിശ്വഹിന്ദു പരിഷത്തിന്റെ യുവജനവിഭാഗമായ ബജ്റംഗ്ദള്‍ സ്ഥാപിച്ച അദ്ദേഹം രാമക്ഷേത്രം നിര്‍മ്മിക്കാനുള്ള പ്രചാരണത്തില്‍ പ്രധാന പങ്കുവഹിച്ചു. 1991, 1996, 1999 വര്‍ഷങ്ങളില്‍ അയോധ്യയില്‍ നിന്ന് (അന്ന് ഫൈസാബാദ്) ലോക്സഭയിലേക്ക് തിരഞ്ഞെടുക്കപ്പെട്ട അദ്ദേഹം പിന്നീട് 2006ലും 2012ലും രാജ്യസഭയിലും സേവനമനുഷ്ഠിച്ചു. 1992ലെ ബാബറി മസ്ജിദ് തകര്‍ത്ത കേസിലെ പ്രതികളില്‍ ഒരാളായിരുന്നു അദ്ദേഹം.

ഹൈന്ദവ വോട്ടുകള്‍ ഏകീകരിക്കാന്‍ ലക്ഷ്യമിട്ട് പ്രകോപനപരമായ പരാമര്‍ശങ്ങള്‍ നടത്തുകയും ധ്രുവീകരണ ആഖ്യാനങ്ങള്‍ പ്രോത്സാഹിപ്പിക്കുകയും ചെയ്ത ചരിത്രമാണ് കത്യാര്‍ക്കുള്ളത്.

അറസ്റ്റിന് ശേഷവും പ്രതിഷേധക്കാര്‍ പൊലീസ് സ്റ്റേഷനിലേക്ക് മാര്‍ച്ച് നടത്തി. പൊലീസ് സ്റ്റേഷനിലേക്ക് അതിക്രമിച്ച് കടക്കാന്‍ ശ്രമിച്ചപ്പോള്‍ ഉന്തുംതള്ളും ഉണ്ടായി. പ്രതിഷേധക്കാര്‍ രണ്ട് ഇരുചക്രവാഹനങ്ങള്‍ക്ക് തീയിട്ടതായും ന്യൂ ഇന്ത്യന്‍ എക്സ്പ്രസ് റിപ്പോര്‍ട്ട് ചെയ്തു.

പ്രതിയെ അറസ്റ്റ് ചെയ്തതായി വ്യക്തമാക്കിയിട്ടും ജനക്കൂട്ടം പിന്മാറാന്‍ തയ്യാറായില്ലെന്ന് പൊലീസ് അറിയിച്ചു. തുടര്‍ന്ന് ജനങ്ങളെ പിരിച്ചുവിടാന്‍ ലാത്തി വീശേണ്ടി വന്നതായി ഷാജഹാന്‍പൂര്‍ പൊലീസ് സൂപ്രണ്ട് രാജേഷ് ദ്വിവേദി പറഞ്ഞു. തിരിച്ചറിയാത്ത 200 പേരെതിരെ കേസെടുത്തിട്ടുണ്ട്. വീഡിയോ, സിസിടിവി ദൃശ്യങ്ങള്‍, പൊലീസ് റെക്കോര്‍ഡിങ്ങുകള്‍ എന്നിവ പരിശോധിച്ച് പ്രതികളെ കണ്ടെത്താന്‍ ശ്രമം തുടരുന്നു.

നഗരത്തില്‍ സ്ഥിതിഗതികള്‍ നിയന്ത്രണത്തിലുള്ളതായിരുന്നാലും മുന്‍കരുതലിന്റെ ഭാഗമായി വ്യാപകമായ പൊലീസ് വിന്യാസം നടപ്പാക്കി. വിവിധ പ്രദേശങ്ങളില്‍ പൊലീസ് ഫ്‌ലാഗ് മാര്‍ച്ചും നടത്തി.

സോഷ്യല്‍ മീഡിയയില്‍ മതവിദ്വേഷം പരത്തുന്ന തരത്തിലുള്ള പോസ്റ്റുകള്‍ ഒഴിവാക്കണമെന്ന് ജില്ലാ പൊലീസ് പൊതുജനങ്ങളോട് അഭ്യര്‍ത്ഥിച്ചു. ഇത്തരം പോസ്റ്റുകള്‍ ഇടുന്നവരുടെ പട്ടിക സോഷ്യല്‍ മീഡിയ മോണിറ്ററിംഗ് ടീം തയ്യാറാക്കിയിട്ടുണ്ടെന്നും എസ്പി അറിയിച്ചു.

ദുര്‍ഗന്ധം വമിച്ചതിനെ തുടര്‍ന്ന് കന്‍വാരിയര്‍ ട്രക്ക് നിര്‍ത്തിച്ചതായി റിപ്പോര്‍ട്ടുകള്‍ പറയുന്നു. അതിനുള്ളില്‍ അവര്‍ മൃഗങ്ങളുടെ തൊലികള്‍ കണ്ടെത്തുകയും അവ കന്നുകാലികളുടെ അവശിഷ്ടങ്ങളാണെന്ന് അനുമാനിച്ച് അവര്‍ ഡ്രൈവറെ ആക്രമിച്ചു. പോലീസ് എത്തിയ ശേഷവും ആക്രമണം തുടര്‍ന്നു.

ജനക്കൂട്ടം ആളെ മര്‍ദിക്കുകയും ട്രക്ക് തീയിടുകയും ചെയ്യുമ്പോള്‍ ഉദ്യോഗസ്ഥര്‍ നോക്കിനിന്നുവെന്ന് ദൃക്സാക്ഷികള്‍ പറയുന്നു.

ഒരു പ്രാദേശിക മുസ്‌ലിം നേതാവ് പറഞ്ഞു, ‘ഇതൊരു ഒറ്റപ്പെട്ട കേസല്ല, തെളിവുകളില്ലാതെ മുസ്‌ലിങ്ങളെ ലക്ഷ്യമിടുന്നു. അന്ധമായ വിദ്വേഷവും സംശയവും കാരണം ഡ്രൈവര്‍ക്ക് ജീവന്‍ നഷ്ടപ്പെട്ടു. അവരുടെ മൗനത്തിന് പോലീസ് ഉത്തരം നല്‍കണം.’

‘പോലീസ് അവിടെത്തന്നെ ഉണ്ടായിരുന്നു, പക്ഷേ അയാള്‍ ആക്രമിക്കപ്പെടുമ്പോള്‍ അവര്‍ ഒന്നും ചെയ്തില്ല. പോലീസ് നടപടിയെടുക്കാത്തപ്പോള്‍, അത് ആള്‍ക്കൂട്ടത്തിന് നിയമം ലംഘിക്കാനുള്ള ധൈര്യം നല്‍കുന്നു’, ഒരു ദൃക്സാക്ഷി പറഞ്ഞു,

ഈ പരാമര്‍ശം പ്രതിപക്ഷ നേതാക്കളില്‍ നിന്ന് രൂക്ഷമായ പ്രതികരണങ്ങള്‍ക്ക് കാരണമായി, വെള്ളപ്പൊക്കത്തില്‍ ദുരിതമനുഭവിക്കുന്നവരുടെ അവസ്ഥയെക്കുറിച്ച് മന്ത്രി നിസ്സംഗനാണെന്ന് ആരോപിച്ചു.

കാണ്‍പൂര്‍, പ്രയാഗ്രാജ്, വാരണാസി എന്നിവയുള്‍പ്പെടെ ഉത്തര്‍പ്രദേശിലെ നിരവധി ജില്ലകള്‍ കഴിഞ്ഞ ദിവസങ്ങളില്‍ ഗംഗ, യമുന നദികളിലെ ജലനിരപ്പ് ഉയരുന്നത് ബാധിച്ചിട്ടുണ്ട്.

ചൊവ്വാഴ്ച സോഷ്യല്‍ മീഡിയയില്‍ പ്രത്യക്ഷപ്പെട്ട ഒരു വീഡിയോയില്‍, വെള്ളപ്പൊക്കത്തില്‍ നില്‍ക്കുന്ന ഒരു പ്രദേശവാസിയായ സ്ത്രീയോട് നിഷാദ് സംസാരിക്കുന്നത് കാണാം, ”ഗംഗാ നദി നിങ്ങളുടെ പാദങ്ങള്‍ വൃത്തിയാക്കാന്‍ നിങ്ങളുടെ വാതില്‍പ്പടിയിലെത്തുന്നു, ഇത് നിങ്ങളെ നേരിട്ട് സ്വര്‍ഗത്തിലേക്ക് കൊണ്ടുപോകും.” തിങ്കളാഴ്ച സന്ദര്‍ശന വേളയില്‍ മന്ത്രിയുടെ പ്രസ്താവനയ്ക്ക് ശേഷം, ‘ഗംഗയുടെ അനുഗ്രഹം സ്വയം എടുക്കൂ’ എന്ന് യുവതി പറയുന്നത് വൈറലായ വീഡിയോയില്‍ കേള്‍ക്കുന്നു.

എന്നാല്‍, യുവതി മന്ത്രിയോട് മറുപടി പറയുകയായിരുന്നോ അതോ അവിടെയുണ്ടായിരുന്ന മറ്റൊരു സ്ത്രീയോട് സംസാരിക്കുകയായിരുന്നോ എന്ന് വ്യക്തമല്ല.

‘ഞാന്‍ നിഷാദിലെ വെള്ളപ്പൊക്ക ബാധിത പ്രദേശം സന്ദര്‍ശിക്കുകയായിരുന്നു, അവിടെ അവരുമായി സംവദിക്കുമ്പോള്‍ ഞാന്‍ പറഞ്ഞു, മോക്ഷം തേടി ദൂരെ സ്ഥലങ്ങളില്‍ നിന്ന് ആളുകള്‍ ഗംഗയില്‍ പുണ്യസ്‌നാനം ചെയ്യാന്‍ വരാറുണ്ടെന്നും ഇവിടെ ഗംഗാ ‘മായ’ അവരുടെ വീട്ടുവാതില്‍ക്കല്‍ ഉണ്ടെന്നും,” മന്ത്രി മാധ്യമങ്ങളോട് പറഞ്ഞു.

‘ഞങ്ങള്‍ നിഷാദുകള്‍ നദികളെ ആരാധിക്കുന്നു, ഞങ്ങളുടെ ജീവിത സ്രോതസ്സും ഉപജീവനമാര്‍ഗ്ഗവും, അതിനാല്‍ പരാമര്‍ശത്തിന് അതിന്റേതായ സന്ദര്‍ഭമുണ്ട്,’ മന്ത്രി പറഞ്ഞു.

തന്റെ സന്ദര്‍ശന വേളയില്‍, പ്രയാഗ്രാജിലെ നിഷാദ് കമ്മ്യൂണിറ്റിയില്‍ നിന്നുള്ള ഒരു പോലീസുകാരനെക്കുറിച്ചും മന്ത്രി സംസാരിച്ചതായി റിപ്പോര്‍ട്ടുണ്ട്, അദ്ദേഹത്തിന്റെ വീട്ടുവാതില്‍ക്കല്‍ ഗംഗാജലത്തെ ആരാധിക്കുകയും വെള്ളപ്പൊക്കത്തില്‍ നീന്തുകയും ചെയ്യുന്ന വീഡിയോകള്‍ വൈറലായിട്ടുണ്ട്.

”അതെ, പ്രയാഗ്രാജ് പോലീസുകാരനെ കുറിച്ച് മന്ത്രി പരാമര്‍ശിച്ചു, കാരണം അദ്ദേഹവും ഒരു നിഷാദാണ്, വീണ്ടും പരാമര്‍ശം ഗംഗാ മയയേയും പൊതുവെ മറ്റെല്ലാ നദികളെയും സമൂഹം പരിപാലിക്കുന്ന ഉയര്‍ന്ന ബഹുമാനത്തെ ഉയര്‍ത്തിക്കാട്ടുക മാത്രമായിരുന്നു,” മന്ത്രിയുടെ സഹായി പറഞ്ഞു.

നിഷാദിന്റെ പരാമര്‍ശത്തെ പരിഹസിച്ച് സമാജ്വാദി പാര്‍ട്ടി വക്താവ് ശര്‍വേന്ദ്ര ബിക്രം സിംഗ്, ഇത് മന്ത്രിയുടെ വിവേകശൂന്യതയാണ് കാണിക്കുന്നതെന്ന് പറഞ്ഞു.

‘പ്രളയബാധിതരായ ജനങ്ങള്‍ ജീവിക്കുന്ന സാഹചര്യത്തെ കുറിച്ച് അദ്ദേഹത്തിന് ബോധമില്ല. ജനങ്ങള്‍ക്ക് ആശ്വാസം നല്‍കുന്നതില്‍ സംസ്ഥാന സര്‍ക്കാര്‍ പരാജയപ്പെട്ടു, അതിന്റെ മന്ത്രി ഫോട്ടോ അവസരങ്ങള്‍ തേടുകയാണ്. വെള്ളപ്പൊക്കത്തില്‍ ആളുകള്‍ക്ക് വീടും ഉപജീവനമാര്‍ഗവും നഷ്ടപ്പെടുമ്പോള്‍, യുപി മന്ത്രിമാര്‍ ഗ്രൗണ്ട് റിയാലിറ്റിയില്‍ നിന്ന് എത്രമാത്രം വിച്ഛേദിക്കപ്പെട്ടവരാണെന്ന് ഇത്തരം പ്രസ്താവനകള്‍ കാണിക്കുന്നു,’ സിംഗ് പറഞ്ഞു.

നിഷാദിന്റെ പരാമര്‍ശങ്ങളെ കോണ്‍ഗ്രസ് വിശേഷിപ്പിച്ചത് ‘ആസ്താ കാ അപ്മാന്‍ (വിശ്വാസത്തെ അവഹേളിക്കുക) എന്നാണ്. ഇത്തരം നിരുത്തരവാദപരമായ പ്രസ്താവനകള്‍ ‘അസ്താ കാ അപ്മാന്‍’ എന്നതിന് സമാനമാണ്. മന്ത്രിമാരുണ്ട് സ്വദേശി പ്രസംഗം നടത്തുന്നതും എന്നാല്‍ ഇറക്കുമതി ചെയ്ത കാറുകളില്‍ കറങ്ങുന്നതും, യുപി കോണ്‍ഗ്രസ് കമ്മിറ്റി മേധാവി അജയ് റായ് മാധ്യമങ്ങളോട് പറഞ്ഞു.

പെണ്‍കുട്ടി ശുചിമുറിയിലേക്ക് പോയതു കണ്ട ഇയാള്‍ കുട്ടിയെ പിന്തുടര്‍ന്ന് ഉപദ്രവിക്കുകയായിരുന്നു. പീഡന വിവരം പെണ്‍കുട്ടി അമ്മയെ അറിയിച്ചതോട അമ്മ പൊലീസില്‍ പരാതി നല്‍കുകയായിരുന്നു. അമ്മയുടെ പരാതിയില്‍ പൊലീസ് ഇയാളെ അറസ്റ്റ് ചെയ്ത് കോടതിയില്‍ ഹാജരാക്കി.

അതേസമയം അതിക്രമം നടന്ന സമയത്ത് ആശുപത്രിയില്‍ ഡ്യൂട്ടിയിലുണ്ടായിരുന്ന ജീവനക്കാരില്‍ നിന്നും വിവരങ്ങള്‍ ശേഖരിക്കും.