November 19 will be a day of reckoning for central bank independence and the Indian economy

— P. Chidambaram (@PChidambaram_IN) November 17, 2018

നാളെ (നവംബര്‍ 19ന്‌) നടക്കുന്ന ആര്‍.ബി.ഐ ഡയറക്ടര്‍മാരുടെ യോഗം ഇന്ത്യന്‍ സമ്പദ്ഘടനയുടേയും ആര്‍.ബി.ഐയുടെ പരമാധികാരത്തിന്റെയും അന്ത്യദിനമായിരിക്കുമെന്നും ചിദംബരം ട്വിറ്ററില്‍ കുറിച്ചു.
ആര്‍.ബി.ഐ ബോര്‍ഡില്‍ കേന്ദ്രത്തിന് താല്‍പര്യമുള്ള വ്യക്തികളെ തിരുകിക്കയറ്റിയിരിക്കുകയാണെന്നും ബോര്‍ഡ് യോഗം എന്തു വിലകൊടുത്തും തങ്ങള്‍ക്ക് അനുകൂലമാക്കാനാണ് കേന്ദ്രം ശ്രമിക്കുന്നതെന്നും ചിദംബരം പറഞ്ഞു. ‘ലോകത്തെവിടെയും കേന്ദ്ര ബാങ്ക് ബോര്‍ഡ് നിയന്ത്രിത കമ്പനിയല്ല. സ്വകാര്യ ബിസിനസുകാര്‍ ആര്‍.ബി.ഐ ഗവര്‍ണറെ നിയന്ത്രിക്കുക എന്ന് പറയുന്നത് ബുദ്ധിക്ക് നിരക്കാത്ത ആശയമാണ്’- ചിദംബരം തന്റെ മറ്റൊരു ട്വീറ്റില്‍ വ്യക്തമാക്കി.

സര്‍ക്കാരിന്റെ ആവശ്യങ്ങള്‍ ഗവര്‍ണര്‍ ഉര്‍ജിത് പട്ടേല്‍ തള്ളിക്കളയുകയാണെങ്കില്‍ ആര്‍.ബി.ഐക്ക് നേരിട്ട് നിര്‍ദേശങ്ങള്‍ നല്‍കാന്‍ അധികാരം നല്‍കുന്ന ആര്‍.ബി.ഐ ആക്ടിന്റെ സെക്ഷന്‍ 7 കേന്ദ്രം നടപ്പില്‍ വരുത്തുമെന്ന് മുമ്പ് ചിദംബരം നേരത്തെ മുന്നറിയിപ്പ് നല്‍കിയിരുന്നു. ആര്‍.ബി.ഐയുടെ സ്വതന്ത്ര്യമായ പ്രവര്‍ത്തനാധികാരത്തിലുള്ള കേന്ദ്ര ഇടപെടലുകള്‍ക്കെതിരെ പ്രതിഷേധം ശക്തമായിരുന്നു. ഡെപ്യൂട്ടി ഗവര്‍ണര്‍ വിരല്‍ ആചാര്യ അമര്‍ഷം പരസ്യമാക്കുകയും ചെയ്തു. കേന്ദ്രസര്‍ക്കാരും ആര്‍.ബി.ഐയും തമ്മിലുള്ള പോരുകള്‍ക്കിടെ ആര്‍.ബി.ഐ ഗവര്‍ണര്‍ ഉര്‍ജിത് പട്ടേല്‍ രാജിക്കൊരുങ്ങുന്നതായും അഭ്യൂഹങ്ങളുണ്ടായിരുന്നു.

My @IndianExpress Column | #AcrosstheAisle : https://t.co/BzEYxjztlW

— P. Chidambaram (@PChidambaram_IN) November 18, 2018

സംസ്ഥാനങ്ങളുടെ കിഴീല്‍ പ്രവര്‍ത്തിക്കുന്ന പൊതുമേഖലാ ബാങ്കുകളുടെ മേലില്‍ ആര്‍.ബി.ഐയുടെ അധികാര പരിധി ചെറുത്താണെന്നും. ബാങ്കിന്റെ മാനേജ്‌മെന്റ്, ഡയറക്ടര്‍ തുടങ്ങി പ്രധാന കാര്യങ്ങളില്‍ ഇടപെടാന്‍ തങ്ങള്‍ക്കാവില്ലയെന്നും  മേല്‍പറഞ്ഞ ആളുകളാണ് ആര്‍ക്കെല്ലാം എത്ര രൂപ വായ്പ നല്‍കുമെന്ന് തീരുമാനിക്കുന്നതെന്നും അദ്ദേഹം കൂട്ടിച്ചേര്‍ത്തു. തട്ടിപ്പു നടത്തിയവര്‍ക്ക് എതിരെ കൂടുതല്‍ നടപടി സ്വീകരിക്കുന്നതിനു പകരം ബാങ്കു മാനേജ്‌മെന്റിനു പഴിചാരുന്ന നീക്കമാണ് പട്ടേലിന്റെ ഭാഗത്തുനിന്നുണ്ടായത്.

രാജ്യത്തെ പൊതുമേഖല ബാങ്കുകളില്‍ വായ്പയെടുത്ത് രത്‌ന വ്യാപരി നീരവ് മോദി, കിങ് ഫിഷര്‍ കമ്പനിയുടമ വിജയ് മല്ല്യ, റോട്ടോമാക് പെന്‍സ് കമ്പനി ഉടമ വിക്രം കോത്താരി എന്നിവര്‍ വായ്പ തിരിച്ചടക്കാതെ വിദേശത്തേക്ക് കടന്നത് വലിയ വിവാദമായിരുന്നു. വിഷയത്തില്‍ മോദിയുടെ നേതൃത്വത്തിലുള്ള കേന്ദ്ര സര്‍ക്കാര്‍ തട്ടിപ്പുകാര്‍ക്കൊപ്പമാണെന്ന് പ്രതിപക്ഷം ആരോപിക്കുന്നത്.

വജ്രാഭരണ ഡിസൈന്‍ കമ്പനി ഉടമ നീരവ് മോദി പഞ്ചാബ് നാഷണല്‍ ബാങ്കില്‍ നിന്നു 11,400 കോടിയോളം രൂപ തട്ടിയെടുത്ത് രാജ്യം വിട്ടിരുന്നു. ഇതിനു പിന്നാലെ അഞ്ചു പൊതുമേഖലാ ബാങ്കുകളില്‍ നിന്നായി 800 കോടിയോളം രൂപയുടെ വായ്പയെടുത്ത ശേഷം തിരിച്ചടയ്ക്കാതെ റോട്ടോമാക് പെന്‍സ് കമ്പനി ഉടമ വിക്രം കോത്താരിയും രാജ്യംവിട്ടിരുന്നു. സമാന രീതിയില്‍ മറ്റു ബാങ്കുകളിലും അരങ്ങേറിയ തട്ടിപ്പുകള്‍ പുറത്തു വന്നുകൊണ്ടിരിക്കുന്ന സാഹചര്യത്തിലാണ് പട്ടേലിന്റെ പ്രതികരണം.

അതേസമയം, സാമ്പത്തിക വര്‍ഷത്തിലെ സാമ്പത്തിക വളര്‍ച്ചാ പ്രവചനം 6.7 ആക്കി ചുരുക്കി. നേരത്തെ ഇത് 7.3 ശതമാനമായിരുന്നു. വാണിജ്യ ബാങ്കുകളുടെ ഇടക്കാല വായ്പാ പദ്ധതിയുടെ (മാര്‍ജിനല്‍ സ്റ്റാന്‍ഡിങ് ഫെസിലിറ്റി) പലിശയിലും മാറ്റം വരുത്തിയില്ല. ഇത് 6.25 ശതമാനമായി തുടരും. അതേസമയം, ബാങ്ക് ക്രഡിറ്റുകളെ നിയന്ത്രിക്കുന്ന സ്റ്റാറ്റിയൂട്ടറി ലിക്വിഡിറ്റി അനുപാതം (എസ്.എല്‍.ആര്‍) അമ്പത് ബേസിസ് പോയിന്റ് കുറച്ച് 19.5 ശതമാനമാക്കി. ഇത് ഒക്ടോബര്‍ 14 മുതല്‍ പ്രാബല്യത്തില്‍ വരും. ബാങ്കുകളിലെ പണലഭ്യത വര്‍ധിപ്പിക്കാനാണ് എസ്.എല്‍.ആര്‍ കുറയ്ക്കുന്നത്.

ജൂണിലെ റെക്കോര്‍ഡ് താഴ്ചയ്ക്കു ശേഷം പണപ്പെരുപ്പം വര്‍ധിക്കുന്ന സാഹചര്യമാണ് ഇപ്പോഴുള്ളതെന്ന് വാര്‍ത്താസമ്മേളനത്തില്‍ ഉര്‍ജിത് പട്ടേല്‍ പറഞ്ഞു. തുടര്‍ച്ചയായ രണ്ടു മാസങ്ങളിലെ ഉപഭോക്തൃത വിലസൂചികയും (സി.പി.ഐ) മൊത്തവില സൂചികയും (ഡബ്യൂ.പി.ഐ) ഉയര്‍ന്നു നില്‍ക്കുകയാണ്. ജൂലൈ-ഓഗസ്റ്റില്‍ ഡബ്യൂ.പി.ഐ 246 ഉം സി.പി.ഐ 182 ഉം ബേസിസ് പോയിന്റാണ് ഉയര്‍ന്നത്. ഓഗസ്റ്റില്‍ 3.36 ശതമാനമാണ് സി.പി.ഐ. ഡബ്യൂ.പി.ഐ 3.24 ശതമാനവും. ഇന്ധന-ഭക്ഷ്യ-പച്ചക്കറി വില ഇപ്പോഴും ഉയര്‍ന്നു നില്‍ക്കുന്നതാണ് മൊത്ത വില സൂചികയെ ബാധിച്ചത്. ഇന്ധനവിലയില്‍ മാറ്റങ്ങളില്ലാത്ത സാഹചര്യത്തില്‍ പണപ്പെരുപ്പം താഴാനിടയില്ലെന്നാണ് വിലയിരുത്തല്‍.

സാമ്പത്തിക വളര്‍ച്ച മൂന്നു വര്‍ഷത്തെ ഏറ്റവും താഴ്ന്ന നിലയില്‍ നില്‍ക്കുന്ന സാഹചര്യത്തിലാണ് സാമ്പത്തിക വളര്‍ച്ചാ നിരക്ക് ആര്‍.ബി.ഐ വീണ്ടും താഴ്ത്തിയത്. 5.7 ശതമാനമാണ് ഇപ്പോഴത്തെ സാമ്പത്തിക വളര്‍ച്ച. അതേസമയം, ഇന്നലെ പുറത്തുവിട്ട കണക്കു പ്രകാരം പ്രധാന മേഖലകളിലെ വളര്‍ച്ചയില്‍ നേട്ടമുണ്ടായിട്ടുണ്ട്. ഓഗസ്റ്റില്‍ ഇത് 4.9 ശതമാനമാണ്. ജൂലൈയില്‍ ഇത് 2.9 ശതമാനമായിരുന്നു.
ഒന്നിനെതിരെ അഞ്ചു വോട്ടുകള്‍ക്കാണ് വായ്പാ നിരക്കുകളില്‍ മാറ്റം വരുത്തേണ്ടതില്ലെന്ന് ആര്‍.ബി.ഐ ധനനയ സമിതി തീരുമാനിച്ചത്. നിരക്ക് കാല്‍ശതമാനം കുറയ്ക്കണമെന്നായിരുന്നു രവീന്ദ്ര എച്ച് ധോല്‍കിയയുടെ ആവശ്യം. എന്നാല്‍ ഉര്‍ജിത് പട്ടേല്‍, വിരാള്‍ വിച ആചാര്യ, മൈക്കല്‍ ദെബാബ്രത പത്ര, പമി ദുവ, ചേതന്‍ ഘാട്ടെ എന്നിവര്‍ ഇതിനെ അനുകൂലിച്ചില്ല.

പ്രത്യേകതകള്‍:
മുന്‍ഭാഗം
ദേവനാഗരിയിലും അക്കത്തിലും 200 എന്ന് എഴുതിയിരിക്കുന്നു.
നടുവിലായി മഹാത്മഗാന്ധിയുടെ പോര്‍ട്രെയിറ്റ്.
ആര്‍.ബി.ഐ എന്ന് ഇംഗ്ലീഷിലും ഭാരത് എന്ന് ഹിന്ദിയിലും ചെറിയ അക്ഷരങ്ങളിലായി എഴുതിയിരിക്കുന്നു.
നോട്ട് തിരിക്കുമ്പോള്‍ നീലയും പച്ചയും നിറം മാറിവരുന്ന സെക്യൂരിറ്റി ത്രെഡ്.
ആര്‍ബിഐ ഗവര്‍ണറുടെ ഒപ്പ്.
മുന്‍വശത്ത് അശോക ചക്രത്തിന്റെ എംബ്ലം.
അന്ധര്‍ക്ക് കണ്ടുപിടിക്കാനായി അടയാളം

പിന്‍ഭാഗം
ഇടതുഭാഗത്തായി നോട്ട് അച്ചടിച്ച വര്‍ഷം
സ്വച്ഛ് ഭാരത് ലോഗോയോടൊപ്പം മുദ്രാവാക്യവും
വിവിധ ഭാഷകളിലായി 200 രൂപ എന്ന് എഴുതിയിരിക്കുന്നു
ദേവനാഗിരി ലിപിയില്‍ 200 എന്ന് എഴുതിയിരിക്കുന്നു.

പുതിയ ഗവര്‍ണര്‍ ആയി ഉര്‍ജിത് പട്ടേലിനെ കേന്ദ്ര സര്‍ക്കാര്‍ പ്രഖ്യാപിച്ചതിനു ശേഷമുള്ള ആദ്യ ദിവസമായിരുന്നു ഓഗസ്റ്റ് 22. പക്ഷേ, അപ്പോഴും ഗവര്‍ണര്‍ രഘുറാം രാജന്‍ തന്നെയായിരുന്നു. പിന്നീട് രണ്ടാഴ്ചയോളം കഴിഞ്ഞാണ് ഉര്‍ജിത് പട്ടേല്‍ ചുമലതയേല്‍ക്കുന്നത്. രഘുറാം രാജന്റെ കാലത്ത് അച്ചടി തുടങ്ങി നോട്ടുകളില്‍ ഉര്‍ജിത് പട്ടേലിന്റെ ഒപ്പ് എങ്ങനെ വന്നുവെന്ന കാര്യം ദുരൂഹമായി തുടരുന്നു. വിവരാവകാശ നിയമപ്രകാരമാണ് ബാങ്കുകള്‍ വിവരം നല്‍കിയതെന്ന് ഹിന്ദുസ്ഥാന്‍ ടൈംസ് പറയുന്നു.

രഘുറാം രാജന്‍

നോട്ട് നിരോധനം സംബന്ധിച്ചുള്ള പാര്‍ലമെന്ററി പാനലിനു മുമ്പാകെ ആര്‍.ബി.ഐ വ്യക്തമാക്കിയത് 2016 ജൂലൈയില്‍ തന്നെ 2000 രൂപാ നോട്ടുകള്‍ അടിക്കുന്നതിനുള്ള അനുവാദം ലഭിച്ചു എന്നായിരുന്നു. ആ സമയത്ത് രഘുറാം രാജന്‍ ആയിരുന്നു ഗവര്‍ണര്‍. തന്റെ കാലത്ത് ആസൂത്രണവും അച്ചടിയും ആരംഭിച്ച നോട്ടുകളില്‍ പിന്നീട് രഘുറാം രാജന്റെ ഒപ്പില്ലാത്തതിനു പിന്നില്‍ കേന്ദ്ര സര്‍ക്കാറിന്റെ ഇപടപെടലാണോ എന്നു സംശയമുണ്ട്.

പുതിയ 500 രൂപാ നോട്ടുകള്‍ അച്ചടിക്കുന്നതിനുള്ള തീരുമാനം റിസര്‍വ് ബാങ്ക് കൈക്കൊണ്ടത് നവംബര്‍ 23-ന് മാത്രമാണെന്നും വിവരാവകാശ രേഖകള്‍ പറയുന്നു. നവംബര്‍ എട്ടിന് 500-ന്റെയും 1000-ന്റെയും നോട്ടുകള്‍ പിന്‍വലിക്കുമ്പോള്‍ 2000 നോട്ടുകള്‍ മാത്രമാണ് അച്ചടിയിലുണ്ടായിരുന്നതെന്നും സാമ്പത്തിക പ്രതിസന്ധി നേരിടുന്നത് സംബന്ധിച്ച് സര്‍ക്കാറിന് ഒരു ധാരണയും ഇല്ലായിരുന്നു എന്നുമാണ് ഇത് സൂചിപ്പിക്കുന്നത്.

ന്യൂഡല്‍ഹി: നോട്ട് നിരോധനത്തെതുടര്‍ന്ന് സാമ്പത്തിക മേഖലയിലുണ്ടായ പ്രതിസന്ധി ഉടന്‍ പരിഹരിക്കപ്പെടുമെന്ന് റിസര്‍വ് ബാങ്ക് ഗവര്‍ണര്‍ ഉര്‍ജിത് പട്ടേല്‍. ഗ്രാമങ്ങളില്‍ ഉള്‍പ്പെടെ കാര്യങ്ങള്‍ വൈകാതെ സാധാരണ നിലയിലാകുമെന്നും അദ്ദേഹം പറഞ്ഞു. നോട്ട് നിരോധന തീരുമാനവും പ്രത്യാഘാതവും സംബന്ധിച്ച് പാര്‍ലമെന്റിന്റെ പബ്ലിക് അക്കൗണ്ട് കമ്മിറ്റി മുമ്പാകെ വിശദീകരണം നല്‍കുകയായിരുന്നു ആര്‍.ബി.ഐ ഗവര്‍ണര്‍.
നോട്ടു നിരോധന ശേഷം നടന്ന അസാധാരണ നിക്ഷേപങ്ങള്‍ ഫിനാന്‍ഷ്യല്‍ ഇന്റലിജന്‍സ് യൂണിറ്റ്, ആദായ നികുതി വകുപ്പ് എന്നിവ പരിശോധിച്ചു വരികയാണ്. ഡിജിറ്റല്‍ പെയ്‌മെന്റുകള്‍ക്കുള്ള നിരക്ക് കുറക്കുന്നതിന് ആര്‍.ബി.ഐ ശ്രമം നടത്തി വരികയാ
ണെന്നും ആര്‍.ബി.ഐ ഗവര്‍ണര്‍ പറഞ്ഞു.
അതേസമയം നോട്ട് അസാധുവാക്കല്‍ നടപടി വഴി കള്ളനോട്ട് തടയനായിട്ടില്ലെന്ന് കമ്മിറ്റിയിലെ പ്രതിപക്ഷ അംഗങ്ങള്‍ ആരോപിച്ചു. രണ്ടായിരം രൂപയുടെ കള്ളനോട്ട് പ്രദര്‍ശിപ്പിച്ചാണ് രാജ്യസഭാ എം.പിയും സമാജ്് വാദി പാര്‍ട്ടി നേതാവുമായ നരേഷ് അഗര്‍വാള്‍ ആരോപണം ഉന്നയിച്ചത്.

നോട്ട് നിരോധനത്തിന് ശേഷം എത്ര പണം ബാങ്കുകളില്‍ തിരിച്ചെത്തിയെന്ന കാര്യത്തില്‍ റിസര്‍വ് ബാങ്ക് ഗവര്‍ണര്‍ക്ക് വ്യക്തതയില്ലെന്ന് സിമിതി അംഗം സുഗത റോയ് വ്യക്തമാക്കി. നോട്ട് പിന്‍വലിച്ചതിനുശേഷം ബാങ്കില്‍ തിരികെയെത്തിയ തുകയെക്കുറിച്ച് റിസര്‍വ് ബാങ്ക് ഗവര്‍ണര്‍ ഊര്‍ജിത് പട്ടേലില്‍ നിന്നും ധനമന്ത്രാല ഉദ്യോഗസ്ഥരില്‍ നിന്നും വിശദീകരണം തേടിയ ശേഷം അറിയിച്ചതാണ് ഇക്കാര്യം. വിഷയത്തില്‍ കൃത്യമായി വിശദീകണം നല്‍കാന്‍ ഗവര്‍ണര്‍ക്കു കഴിഞ്ഞില്ലെന്നാണ് കമ്മിറ്റി അംഗവും തൃണമൂല്‍ കോണ്‍ഗ്രസ് നേതാവുമായ സുഗത വ്യക്തമാക്കിയത്. തിരിച്ചെത്തിയ പണത്തിന്റെ കണക്ക് ഇതുവരെ തിട്ടപ്പെടുത്തിക്കഴിഞ്ഞിട്ടില്ലെന്നായിരുന്നു ഊര്‍ജിത് പട്ടേലിന്റെ മറുപടി. പ്രതിസന്ധി എന്നുതീരുമെന്ന ചോദ്യത്തിനും ഉത്തരം കിട്ടിയില്ലെന്ന് സമിതി അറിയിച്ചു.

അതേസമയം, നോട്ട് അസാധു നിലവില്‍ വന്ന നവംബര്‍ 8ന് ശേഷം 9.2 ലക്ഷം കോടി രൂപയുടെ പുതിയ നോട്ടുകള്‍ വിപണിയിലെത്തിച്ചുവെന്ന് ഊര്‍ജിത് പട്ടേല്‍ പിഎസിയോട് പറഞ്ഞതായാണ് അറിവ്. ഇതുമായി ബന്ധപ്പെട്ട വിവരങ്ങള്‍ വാര്‍ത്ത ഏജന്‍സിയായ എഎന്‍ഐ റിപ്പോര്‍ട്ടു ചെയ്തു. 15.44 ലക്ഷം കോടി രൂപയുടെ 500, 1000 രൂപ നോട്ടുകളാണ് 2016 നവംബര്‍ എട്ടിന് കേന്ദ്രസര്‍ക്കാര്‍ പിന്‍വലിച്ചത്. വിപണിയിലുണ്ടായിരുന്നതിന്റെ 86 ശതമാനത്തോളം തുകയായിരുന്നു ഇത്.

നോട്ട് അസാധുവാക്കലുമായി ബന്ധപ്പെട്ട് റിസര്‍വ് ബാങ്ക് കൈക്കൊണ്ട നടപടികള്‍, ക്യാഷ്‌ലെസ് ഇടപാട് വ്യവസ്ഥയുടെ സാധ്യതകള്‍, നിയമസാധുത തുടങ്ങിയ കാര്യങ്ങളെ സംബന്ധിച്ചാണ് സമിതി ആരാഞ്ഞത്. നോട്ട് അസാധുവാക്കല്‍ മൂലം ഉണ്ടായ പ്രശ്‌നങ്ങളെ നേരിടാന്‍ എന്തുനടപടിയെടുത്തുവെന്ന് വ്യക്തമാക്കണമെന്നും സമിതി നിര്‍ദേശിച്ചു. നോട്ട് അസാധുവാക്കല്‍ നടപടികള്‍ക്ക് തുടക്കമിട്ടത് കഴിഞ്ഞ ജനുവരിയിലായിരുന്നുവെന്ന് ഊര്‍ജിത് പട്ടേല്‍ സമിതിയെ അറിയിച്ചു. അതേസമയം നോട്ട് നിരോധിക്കാനുള്ള ഉപദേശം നല്‍കിയത് നവംബര്‍ ഏഴിനാണെന്നായിരുന്നു മുമ്പ് പാര്‍ലമെന്റ് സമിതിക്ക് എഴുതി നല്‍കിയ വിശദീകരണത്തില്‍ ഊര്‍ജിത് പട്ടേല്‍ അറിയിച്ചിരുന്നത്. ഈ വൈരുദ്ധ്യത്തെക്കുറിച്ചും ഒന്നും പറഞ്ഞില്ലെന്നാണ് സൂചന.

കൂടുതല്‍ കാര്യങ്ങളില്‍ വ്യക്തത വരുത്തുന്നതിനായി വീണ്ടും ഹാജരാകാന്‍ ണമെന്ന് ഊര്‍ജിത് പട്ടേലിന് പിഎസി നിര്‍ദേശം നല്‍കി. കോണ്‍ഗ്രസ് നേതാവ് വീരപ്പമൊയ്‌ലി അധ്യക്ഷനായ സമിതിയാണ് ധനകാര്യ സമിതി. കൂടുതല്‍ കാര്യങ്ങളില്‍ വ്യക്തത വരുത്തുന്നതിന് വ്യാഴാഴ്ച വീണ്ടും ഹാജരാകാന്‍ ഊര്‍ജിത് പട്ടേലിന് സമിതി നിര്‍ദേശം നല്‍കിയിട്ടുണ്ട്.

നോട്ട് റദ്ദാക്കലിനെ തുടര്‍ന്നുള്ള സംഭവങ്ങളിലൂടെ റിസര്‍വ് ബാങ്കിന്റെ പ്രതിച്ഛായ പരിഹരിക്കാനാകാത്ത വിധം മോശമായെന്ന് യുണൈറ്റഡ് ഫോറം ഓഫ് റിസര്‍വ് ബാങ്ക് ഓഫീസേഴ്‌സ് എംപ്ലോയിസ് ആര്‍ ബി ഐ ഗവര്‍ണര്‍ ഊര്‍ജിത് പട്ടേലിന് അയച്ച കത്തില്‍ ചൂണ്ടിക്കാട്ടി.

500, 1000 രൂപാ നോട്ടുകള്‍ നിരോധിച്ച തീരുമാനം പ്രഖ്യാപിക്കുന്നതിന് മുന്‍പ് വേണ്ടത്ര മുന്നൊരുക്കം ഉണ്ടായില്ല. നോട്ട് നിരോധിച്ചതിനെ തുടര്‍ന്നുണ്ടായ പ്രശ്‌നങ്ങള്‍ പരിഹരിക്കുന്നതിലും വന്‍ കെടുകാര്യസ്ഥതയാണ് ഉണ്ടായതെന്നും കത്തില്‍ കുറ്റപ്പെടുത്തുന്നുണ്ട്.

അതേസമയം, നോട്ട് റദ്ദാക്കലിനെത്തുടര്‍ന്നുള്ള ആര്‍ബിഐ പ്രവര്‍ത്തനങ്ങളുടെ മേല്‍നോട്ടത്തിനായി ധനകാര്യ മന്ത്രാലയം ഉദ്യോഗസ്ഥനെ നിയമിച്ച നടപടിയെയും ആര്‍ബിഐ ജീവനക്കാര്‍ വിമര്‍ശിച്ചു. ആര്‍ബിഐയുടെ സ്വയംഭരണാവകാശത്തിലേക്കുള്ള കടന്നുകയറ്റമാണെന്ന് ഇതെന്നും ജീവനക്കാര്‍ കുറ്റപ്പെടുത്തി. വിഷയത്തില്‍ ഗവര്‍ണര്‍ ഉടന്‍ ഇടപെടണമെന്നും ആര്‍ബിഐ ജീവനക്കാര്‍ ഊര്‍ജിത് പട്ടേലിനോട് കത്തിലൂടെ ആവശ്യപ്പെട്ടു.

നവംബര്‍ 8ലെ നോട്ട് പിന്‍വലിക്കല്‍ നടപടിയെ തുടര്‍ന്ന് ഒരു രാജ്യവും അനുഭവിക്കാത്ത ജോലിഭാരമാണ് ആര്‍ബിഐക്ക് ഏറ്റെടുക്കേണ്ടിവന്നത്. നോട്ടു മാറ്റവുമായി ബന്ധപ്പെട്ട് രാജ്യത്തെ വിവിധ കേന്ദ്രങ്ങളില്‍ പണമെത്തിക്കാനും മറ്റുമായി വലിയ ദുരിതം അനുഭവിച്ചതായും കത്തില്‍ പറയുന്നു.

കത്തിനെക്കുറിച്ചു പുറത്തു വന്ന വിവരങ്ങള്‍ ജീവനക്കാരുടെ സംഘടനകളായ ഓള്‍ ഇന്ത്യ റിസര്‍വ് ബാങ്ക് എംപ്ലോയീസ് അസോസിയേഷന്‍ പ്രതിനിധി സമീര്‍ ഘോഷും, ഓള്‍ ഇന്ത്യ റിസര്‍വ് ബാങ്ക് വര്‍ക്കേഴ്‌സ് ഫെഡറേഷന്‍ പ്രതിനിധി സൂര്യകാന്ത് മഹാദിക്കും സ്ഥിരീകരിച്ചു.