കൈരാനയില്‍ ബി.ജെ.പിയെ പരാജയപ്പെടുത്താന്‍ പ്രതിപക്ഷ കക്ഷികള്‍ ഒത്തുചേര്‍ന്ന സാഹചര്യമാണ് ദേശീയ രാഷ്ട്രീയം ഉറ്റുനോക്കുന്നത്. വരുന്ന ലോക്‌സഭാ തെരഞ്ഞെടുപ്പില്‍ ബി.ജെ.പിക്കെതിരെ അണിനിരക്കാനുള്ള പ്രതിപക്ഷത്തിന്റെ കരുത്താണ് കൈരാന.

വോട്ടെണ്ണല്‍ തുടങ്ങിയ കൈരാനയില്‍ ബി.ജെ.പിക്കെതിരെ പ്രതിപക്ഷ കക്ഷികള്‍ നിര്‍ത്തിയ പൊതുസ്ഥാനാര്‍ഥി തബസും ഹസന്‍ ആദ്യഘട്ടത്തില്‍ മുന്നിലായിരുന്നു. എന്നാല്‍ ആര്‍.എല്‍.ഡിയെ പിന്നിലാക്കി ബി.ജെ.പി മുന്നിലായതായാണ് ഇപ്പോള്‍ പുറത്തുവരുന്ന വിവരം. വെറും 46 വോട്ടുകളുടെ നേരിയ മുന്‍തൂക്കം മാത്രമാണ് ബി.ജെ.പിക്കുള്ളത്.

ബി.ജെ.പി എം.പിയായിരുന്ന ഹുക്കും സിങ് കഴിഞ്ഞ ഫെബ്രുവരിയില്‍ അന്തരിച്ചതിനെ തുടര്‍ന്നാണ് ഇവിടെ ഉപതെരഞ്ഞെടുപ്പ് വേണ്ടിവന്നത്. ഗോരഖ്പുര്‍, ഫുല്‍പുര്‍ മണ്ഡലങ്ങളില്‍ മുമ്പ് നടന്ന ഉപതിരഞ്ഞെടുപ്പില്‍ ബി.ജെ.പി പരാജയപ്പെട്ടിരുന്നു. ഇതിന്റെ ക്ഷീണം മറികടക്കാന്‍ ബി.ജെ.പിക്ക് കൈരാനയില്‍ വിജയിച്ചേ മതിയാകു. വിജയിച്ചാല്‍ 2019ല്‍ നടക്കാന്‍ പോകുന്ന ലോക്‌സഭാ തിരഞ്ഞെടുപ്പില്‍ ബി.ജെ.പിക്ക് ആത്മവിശ്വാസം വര്‍ധിക്കും.

പാര്‍ട്ടി പ്രവര്‍ത്തകരെ യോഗി ആദിത്യനാഥ് അവഗണിച്ചതും തെരഞ്ഞെടുപ്പില്‍ തിരിച്ചടിക്ക് ഇടയാക്കിയെന്ന് എം.എല്‍.എയായ സുരേന്ദ്ര സിങ് കുറ്റപ്പെടുത്തി. അടുത്തിടെ ഗോരഖ്പൂര്‍, ഫുല്‍പൂര്‍ എന്നി ലോക്‌സഭ ഉപതെരഞ്ഞെടുപ്പുകളില്‍ ബി.ജെ.പിക്ക് തിരിച്ചടി നേരിട്ടിരുന്നു. ഇതിന് പിന്നാലെയാണ് യോഗി ആദിത്യനാഥിനെതിരെ എംഎല്‍എയുടെ വിമര്‍ശനമുണ്ടായത്.

പാര്‍ട്ടി പ്രവര്‍ത്തകരെ അവഗണിക്കുന്ന നിലപാടാണ് യോഗി സ്വീകരിച്ചത്. ഇതിന്റെ പ്രതിഫലനമെന്നോണം പാര്‍ട്ടി പ്രവര്‍ത്തകര്‍ വോട്ടെടുപ്പില്‍ നിന്ന് വിട്ടുനിന്നതാണ് തോല്‍വിക്ക് കാരണം. നേതാക്കള്‍ പാര്‍ട്ടിയുടെ എന്‍ജിന്‍ ആണെങ്കില്‍, പ്രവര്‍ത്തകര്‍ ഇന്ധനമാണെന്നും എം.എല്‍.എ പറഞ്ഞു.

ഉപതെരഞ്ഞെടുപ്പ് നടന്ന ഖൊരക്പൂരിലും ഫുല്‍പുരിലും ബി.ജെ.പിയുടെ സിറ്റിങ് സീറ്റില്‍ സമാജ്‌വാദി പാര്‍ട്ടി മുന്നേറുകയാണ്. ഖൊരക്പൂരില്‍ സമാജ്പാര്‍ട്ടിയുടെ പ്രവീണ്‍ കുമാര്‍ നിഷാദ് 15000 വോട്ടുകളുടെ ഭൂരിപക്ഷവുമായി മുന്നേറുന്നു. കഴിഞ്ഞ അഞ്ച് തവണയും യു.പി മുഖ്യമന്ത്രി യോഗി ആദിത്യനാഥ് വിജയിച്ച മണ്ഡലമാണ് ഖൊരക്പൂര്‍.

ഫുല്‍പുരില്‍ സമാജ്‌വാദി പാര്‍ട്ടി സ്ഥാനാര്‍ത്ഥി നാഗേന്ദ്ര പട്ടേല്‍ 23000 വോട്ടുകള്‍ക്ക് ലീഡ് ചെയ്യുകയാണ്. യു.പി ഉപമുഖ്യമന്ത്രി കേശവ് മൗര്യയുടെ മണ്ഡലമാണ് ഫുല്‍പൂര്‍.

തെരഞ്ഞെടുപ്പില്‍ 3,656 സീറ്റുകളില്‍ ബി.ജെ.പി സ്ഥാനാര്‍ത്ഥികള്‍ക്ക് കെട്ടിവെച്ച തുക നഷ്ടപ്പെട്ടപ്പോള്‍ വെറും 2,366സീറ്റുകളിലാണ് ജയിച്ചുകയറിയത്. അതായത്, മത്സരിച്ച 45ശതമാനത്തോളം സ്ഥാനാര്‍ത്ഥികള്‍ക്കും തെരഞ്ഞെടുപ്പിനായി കെട്ടിവെച്ച തുക നഷ്ടപ്പെടുകയാണുണ്ടായത്. മറ്റു മുഖ്യധാരാപാര്‍ട്ടികളെ അപേക്ഷിച്ച് ബി.ജെ.പിയുടെ ഈ അവസ്ഥ മോശപ്പെട്ടതാണ്. 12,644 സീറ്റുകളില്‍ 8,038 സീറ്റുകളിലേക്ക് സ്ഥാനാര്‍ത്ഥികള്‍ മത്സരിച്ചിരുന്നു. എന്നാല്‍ ഫലം പുറത്തുവന്നപ്പോള്‍ . പകുതിയിലധികം
സ്ഥാനാര്‍ത്ഥികള്‍ക്ക് പണം നഷ്ടപ്പെട്ടതായാണ് കണക്കുകള്‍ സൂചിപ്പിക്കുന്നത്.

664 ബി.ജെ.പി സ്ഥാനാര്‍ത്ഥികള്‍ വിജയിച്ച ഒരു പഞ്ചായത്തില്‍ അതിനേക്കാള്‍ ഇരട്ടിയിലധികം ആളുകളാണ് തോറ്റിരിക്കുന്നത്. 1462-ഓളം പേര്‍ക്ക് കെട്ടിവെച്ച തുകക്ക് നഷ്ടം സംഭവിച്ചതായി കണക്കാക്കുന്നു. ഇത്തരത്തില്‍ എസ്.പിക്ക് 54ശതമാനവും ബി.എസ്.പിക്ക് 66ശതമാനവും കോണ്‍ഗ്രസിന് 75ശതമാനവും സ്ഥാനാര്‍ത്ഥികള്‍ക്ക് തുക നഷ്ടമായതായിട്ടുണ്ടെങ്കിലും ആരും ഈ പാര്‍ട്ടികള്‍ക്ക് മികച്ച വിജയം എന്ന് രേഖപ്പെടുത്തിയതായി കണ്ടിട്ടില്ലെന്നും റിപ്പോര്‍ട്ടില്‍ പറയുന്നു.

16മുനിസിപ്പല്‍ കോര്‍പ്പറേഷനുകളില്‍ 14 എണ്ണമാണ് ബി.ജെ.പിക്ക് ലഭിച്ചിരിക്കുന്നത്. ബാക്കി രണ്ടെണ്ണം ബിഎസ്പിയുമാണ് നേടിയത്. കോണ്‍ഗ്രസ്സിനും എസ്പിക്കും സീറ്റുകളുമില്ല