സംഭവത്തെ തുടര്‍ന്ന് മദ്രസ മാനേജറായ തായബ് സിയ അഷ്റഫിനെ പൊലീസ് അറസ്റ്റ് ചെയ്തു. ഇന്ത്യന്‍ ശിക്ഷ നിയമം 376, 354, 323 വകുപ്പുകള്‍ ചുമത്തിയാണ് അറസ്റ്റ്്. കോടതിയില്‍ ഹാജരാക്കിയ അഷ്‌റഫ് ഇപ്പോള്‍ പൊലീസ് റിമാന്‍ഡിലാണ്.

ഒരു സംഘം പ്രദേശവാസികളുടെ അരോപണത്തിന് അടിസ്ഥാനത്തിലാണ് പോലീസ് റൈഡെന്നാണ് വിവരം. ലൈംഗിക പീഡനം ഉന്നയിച്ച് പെണ്‍കുട്ടികള്‍ മദ്രസിന് വെളിയിലേക്ക് കുറിപ്പുകള്‍ എഴുതി എറിഞ്ഞതായി അറിയിച്ച് ഒരു സംഘം പ്രദേശവാസികലാണ് തങ്ങളെ സമീപിച്ചതെന്ന് എസ്.എസ്.പി ദീപക് കുമാര്‍ മാധ്യമങ്ങളോട് പറഞ്ഞു.

എന്നാല്‍ പെണ്‍കുട്ടികളുടെ മൊഴിയുടെ അടിസ്ഥാനത്തിലാണ് മാനേജറെ അറസ്റ്റു ചെയ്തതെന്ന് പൊലീസ് വ്യക്തമാക്കി. ‘കയ്യും കാലും പുറവും മസാജ് ചെയ്യാന്‍ പറഞ്ഞ് മാനേജര്‍ പെണ്‍കുട്ടികളെ സ്ഥിരമായി പീഡിപ്പിക്കാറുണ്ടെന്നാണ് പെണ്‍കുട്ടികളുടെ ആരോപണം.

പരാതിയെ തുടര്‍ന്ന് പൊലീസും ജില്ലാ ഭരണകൂടവും ചൈല്‍ഡ് വെല്‍ഫെയര്‍ കമ്മിറ്റി ഉദ്യോഗസ്ഥരുമടങ്ങിയ സംഘം മദ്രസ സന്ദര്‍ശിക്കുകയായിരുന്നു. രാത്രി 11 മണിയോടെ ഇവര്‍ മദ്രസയില്‍ റെയ്ഡ് നടത്തി പെണ്‍കുട്ടികളെ രക്ഷപ്പെടുത്തിയത്.

രക്ഷപ്പെട്ട പെണ്‍കുട്ടികളെ സ്ത്രീസംരക്ഷണ കേന്ദ്രങ്ങളിലേക്ക് മാറ്റി. എന്നാല്‍ 10 പേരെ ബന്ധുക്കള്‍ക്കൊപ്പം വിട്ടയച്ചതായും പൊലീസ് പറഞ്ഞു.

അതിനിടെ, മദ്രസ യു.പി മദ്രസ എഡ്യുക്കേഷന്‍ ബോര്‍ഡില്‍ റജിസ്റ്റര്‍ ചെയ്തിട്ടില്ലെന്ന് ജില്ലാ ന്യൂനപക്ഷ ക്ഷേമ ഓഫീസര്‍ ബലെന്തു ദ്വിവേദി വ്യക്തമാക്കി.

ബന്ധുവിന്റെ വിവാഹം കഴിഞ്ഞ് വീട്ടിലേക്ക് പുറപ്പെടുകയായിരുന്നു കുടുംബം. തീവണ്ടിയില്‍ ഒരാള്‍ കുടുംബത്തിന് നേരെയുള്ള ആക്രമണം തുടരുകയായിരുന്നു. പത്തുപേരടങ്ങുന്ന കുടുംബത്തിലെ ശാരീരിക വൈകല്യമുള്ള കുട്ടിയുടെ ചിത്രമെടുക്കാന്‍ തുനിഞ്ഞതാണ് ആക്രമണത്തിന് കാരണമെന്നാണ് പോലീസ് പറയുന്നത്. ഇത് തടഞ്ഞതിനെ തുടര്‍ന്ന് കുടുംബവുമായി വാക്കുതര്‍ക്കമുണ്ടാവുകയും ചെയ്തു. തീവണ്ടി അടുത്ത സ്‌റ്റോപ്പിലെത്തിയപ്പോള്‍ ഒരു കൂട്ടം ആളുകള്‍ കയറി കുടുംബത്തിനുനേരെ ആക്രമണം അഴിച്ചുവിടുകയായിരുന്നു. തുടര്‍ച്ചയായുള്ള മര്‍ദ്ദനത്തിന് ശേഷം അവര്‍ ആഭരണങ്ങളുള്‍പ്പെടെയുള്ള സാധനങ്ങള്‍ കൊള്ളയടിച്ചുവെന്ന് മര്‍ദ്ദനത്തില്‍ പരിക്കേറ്റ് ചികിത്സയില്‍ കഴിയുന്ന കുടുംബാംഗം പറഞ്ഞു. ആക്രമണത്തെ തുടര്‍ന്ന് എട്ടുപേര്‍ ആസ്പത്രിയില്‍ ചികിത്സയിലാണ്. ഇതില്‍ മൂന്നുപേര്‍ക്ക് ഗുരുതരമായി പരിക്കേറ്റിട്ടുണ്ടെന്ന് പോലീസ് പറഞ്ഞു. സംഭവം നടക്കുമ്പോള്‍ തീവണ്ടിയിലെ എമര്‍ജന്‍സി ഹെല്‍പ്പ്‌ലൈന്‍ പ്രവര്‍ത്തിച്ചിരുന്നില്ലെന്ന് കുടുംബം പോലീസിന് മൊഴി നല്‍കിയിട്ടുണ്ട്.

പെരുന്നാളിനോടടുത്ത് ബീഫ് വാങ്ങിയെന്നാരോപിച്ച് ഡല്‍ഹിയില്‍ 16 കാരനായ ജുനൈദിനെ തീവണ്ടിയില്‍ കുത്തിക്കൊന്നിരുന്നു. ഇതിനുശേഷമാണ് വീണ്ടും തീവണ്ടിയില്‍ മുസ്‌ലിം കുടുംബത്തിനുനേരെയുള്ള ആക്രമണം നടക്കുന്നത്. രാജ്യത്ത് ഗോസംരക്ഷകര്‍ നിയമം കയ്യിലെടുക്കുകയാണെന്നും മനുഷ്യനെ കൊന്നിട്ടല്ല പശുക്കളെ സംരക്ഷിക്കേണ്ടതെന്നും പ്രധാനമന്ത്രി നരേന്ദ്രമോദി പറഞ്ഞിരുന്നു. എന്നാല്‍ അതിനുശേഷവും ബീഫിന്റെ പേരിലുള്ള ആക്രമണങ്ങള്‍ക്ക് അറുതി വന്നിട്ടില്ല. ഇന്നലെയും ബിജെപി പ്രാദേശിക നേതാവിനുനേരെ ഗോസംരക്ഷകരുടെ ആക്രമണം നടന്നിരുന്നു. ബീഫല്ല, ആട്ടിറച്ചിയാണ് കയ്യിലുള്ളതെന്ന് സലീം ഷാ പറഞ്ഞുവെങ്കിലും ഗോസംരക്ഷകര്‍ ആക്രമണം തുടരുകയായിരുന്നു.

37 വയസ്സുകാരിയായ യുവതിയെ ഈ വര്‍ഷമാദ്യത്തിലാണ് രണ്ടുപേര്‍ ചേര്‍ന്ന് പീഢിപ്പിച്ചത്. എന്നാല്‍ ഇവര്‍ക്കെതിരെ കേസെടുക്കാന്‍ പോലീസ് വിസമ്മതിക്കുകയായിരുന്നു. പോലീസുമായി ശാരീരികബന്ധത്തിലേര്‍പ്പെട്ടാല്‍ മാത്രമേ പ്രതികളെ അറസ്റ്റു ചെയ്യൂവെന്ന് ആവശ്യപ്പെട്ട് പോലീസ് നിരന്തരം വിളിക്കുന്നുവെന്നാണ് യുവതിയുടെ പരാതി. യുവതി വിസമ്മതിച്ചതിനെ തുടര്‍ന്ന് എസ്.ഐ കേസ് അന്വേഷണം അവസാനിപ്പിച്ച് റിപ്പോര്‍ട്ട് നല്‍കുകയായിരുന്നു. അമീര്‍ അഹമ്മദ്, സത്താര്‍ അഹമ്മദ് എന്നിവരാണ് യുവതിയെ പീഡിപ്പിച്ചത്.

ഫെബ്രുവരി 12 നാണ് ബന്ധുവിനെ കാണാന്‍ പോയ യുവതി പീഢിപ്പിക്കപ്പെടുന്നത്. പരിചയക്കാരനായിരുന്നു പീഢിപ്പിച്ചവരിലൊരാള്‍. സംഭവത്തില്‍ അന്വേഷിച്ച് റിപ്പോര്‍ട്ട് സമര്‍പ്പിക്കാന്‍ ഗഞ്ച് സ്റ്റേഷന്‍ ഓഫീസര്‍ക്ക് നിര്‍ദ്ദേശം നല്‍കിയതായി എസ്.പി സുധ സിങ് പറഞ്ഞു.