കഴിഞ്ഞ പത്തുദിവസങ്ങളിലായി ബിആര്‍ഡി മെഡിക്കല്‍ കോളജ് ആശുപത്രിയില്‍ പ്രാണവായു കിട്ടാതെ 74 കുഞ്ഞുങ്ങളാണ് മരണത്തിന് കീഴടങ്ങിയത്. ഇന്നലെ വരെ 70ആയിരുന്നു മരണസംഖ്യ. ഇന്ന് നാല് കുട്ടികള്‍ കൂടി മരിക്കുകയായിരുന്നു. രാജ്യത്തെ ഞെട്ടിച്ച ഈ സംഭവം എല്ലാവരിലും ഒരു നീറ്റലായിരിക്കുമ്പോഴാണ് മന:സ്സാക്ഷിയെ ഞെട്ടിച്ചുകൊണ്ടുള്ള മുഖ്യമന്ത്രി യോഗി ആദിത്യനാഥിന്റെ ഉത്തരവ് വരുന്നത്. സംസ്ഥാനം മുഴുവന്‍ ശ്രീകൃഷ്ണ ജയന്തി വിപുലമായി ആഘോഷിക്കണമെന്ന് മുഖ്യമന്ത്രി ഉത്തരവിട്ടു. ശ്രീകൃഷ്ണ ജയന്തി പ്രധാനപ്പെട്ട ഉത്സവമാണ്. അത് പരമ്പരാഗത രീതിയില്‍ ഗംഭീരമായി കൊണ്ടാടാന്‍ പോലീസ് മുന്‍കൈ എടുക്കണമെന്നാണ് നിര്‍ദ്ദേശം.

സംസ്ഥാനത്തുണ്ടായ അതിദാരുണമായ സംഭവത്തില്‍ ഒട്ടും നീതിയില്ലാത്ത കാര്യമാണ് യോഗിയുടെ ഭാഗത്തുനിന്നും ഉണ്ടായിട്ടുള്ളതെന്ന് ഇതിനോടകം വിമര്‍ശനം ഉയര്‍ന്നിട്ടുണ്ട്. യോഗി ആഭ്യന്തര വകുപ്പ് ഒഴിയണമെന്നും ഇതിനോടകം ഉപമുഖ്യമന്ത്രി ആവശ്യപ്പെട്ടിട്ടുണ്ട്.

വികാസ് നഗറില്‍ നിന്നും ബി.ജെ.പി സ്ഥാനാര്‍ത്ഥിയായ മുന്നാ സിംങ് ചൗഹാനോട് പരാജയപ്പെട്ടത്. തന്റെ പരാജയത്തിനു കാരണം വോട്ടിംങ് മെഷീനിലെക്രമക്കേടാണെന്നും ഇതു കാരണമാണ് താന്‍ 6000 വോട്ടിന് പരാജയപ്പെട്ടതെന്നും കോടതിയില്‍ നല്‍കിയ ഹര്‍ജിയില്‍ നാവ് പ്രഭാത് പറയുന്നു. ഹര്‍ജി പരിഗണിച്ച കോടതി സര്‍ക്കാരിനോടും തെരഞ്ഞെടുപ്പ് കമ്മീഷനോടും സംഭവത്തില്‍ ആറു ആഴ്ച്ചക്കകം മറുപടി നല്‍കാന്‍ ആവശ്യപ്പെടുകയായിരുന്നു. 70അസംബ്ലി മണ്ഡലങ്ങളുള്ള ഉത്തരാഖണ്ഡ് തെരഞ്ഞെടുപ്പിന് 11,000 വോട്ടിംങ് മെഷീനുകളാണ് ഉപയോഗിച്ചിരുന്നത്. വികാസ് നഗറിലേക്ക് മാത്രമായി 139 മെഷീനുകള്‍ ഉപയോഗിച്ചിരുന്നു. സംസ്ഥാനത്ത് ബി.ജെ.പിക്ക് 57 സീറ്റും കോണ്‍ഗ്രസിന് 11സീറ്റുമാണ് കിട്ടിയത്.

ഉത്തര്‍പ്രദേശ് തെരഞ്ഞെടുപ്പ് ഫലം പുറത്തുവന്നതു മുതലാണ് വോട്ടിംങ് മെഷീനില്‍ ക്രമക്കേട് നടന്നിട്ടുണ്ടെന്ന ആരോപണം ശക്തമായത്. ഈ ആരോപണത്തിന്റെ ചുവടുപിടിച്ചാണ് ഇപ്പോള്‍ കോണ്‍ഗ്രസ് നേതാവും രംഗത്തെത്തിയിരിക്കുന്നത്. ഫെബ്രുവരി 15നാണ് ഉത്തരാഖണ്ഡില്‍ തെരഞ്ഞെടുപ്പ് നടന്നത്.