എന്നാൽ വാക്‌സിൻ പാർശ്വഫലങ്ങൾ മൂലമാണ് പിതാവ് മരിച്ചതെന്ന് വിശ്വസിക്കുന്നതായി മഹിപാൽ സിങ്ങിന്റെ മകൻ വിശാൽ മാധ്യമപ്രവർത്തകരോട് പറഞ്ഞു. വാക്‌സിൻ ലഭിച്ച ശേഷം ഉച്ചയ്ക്ക് 1.30 ഓടെയാണ് താൻ പിതാവിനെ വീട്ടിലെത്തിച്ചതെന്ന് വിശാൽ പറയുന്നു. ജനുവരി 16ന് പിതാവ് ശ്വാസം കഴിക്കാൻ ബുദ്ധിമുട്ടിയിരുന്നുവെന്നും വീട്ടിൽ തിരിച്ചെത്തിയ ശേഷം അനാരോഗ്യവാനാിരുന്നവെന്നും വിശാൽ പറഞ്ഞു. അദ്ദേഹത്തിന് ഇതിനകം ന്യൂമോണിയ, ചുമ, ജലദോഷം എന്നിവ ഉണ്ടായിരുന്നു. എന്നാൽ വീട്ടിലേക്ക് മടങ്ങിയ ശേഷം പിതാവിന് വല്ലാത്ത വേദന അനുഭവപ്പെട്ടു. തങ്ങൾ അദ്ദേഹത്തിന് കുറച്ച് ചൂടുവെള്ളവും ചായയും നൽകി കട്ടിലിൽ കിടത്തുകയായിരുന്നുവെന്നും മകൻ മാധ്യമങ്ങളോട് പറഞ്ഞതായി ദ ഹിന്ദു റിപ്പോർട്ട് ചെയ്തു.

അതേസമയം കോവിഡ് 19 നുള്ള വാക്‌സിൻ സ്വീകരിച്ച് ഒരു ദിവസം മരിച്ചെങ്കിലും മരണത്തിന് വാക്‌സിനുമായി ബന്ധമില്ലെന്ന് അധികൃതർ അറിയിച്ചു. മഹിപാലും നൈറ്റ് ഡ്യൂട്ടി ചെയ്തിട്ടുണ്ടെന്നും ഒരു പ്രശ്‌നവും നേരിട്ടിട്ടില്ല. കാർഡിയോപൾമോണറി രോഗം മൂലം കാർഡിയോജനിക്, സെപ്റ്റികേമിക് ഷോക്ക് മൂലമാണ് മഹിപാൽ മരിച്ചതെന്നും സി.എം.സി ചീഫ് മെഡിക്കൽ ഓഫീസർ പറയുന്നു.

ആരോഗ്യരംഗത്ത് നേരത്തേ തന്നെ വിവാദമായ പല പ്രശ്‌നങ്ങളും റിപ്പോർട്ട് ചെയ്യപ്പെട്ട സംസ്ഥാനമാണ് യു.പി. 2017 ആഗസ്തിൽ യു.പിയിലെ ഘോരക് പൂർ ബി.ആർ.ഡി ആസ്പത്രിയിൽ ഓക്‌സിജൻ കിട്ടാതെ 60 കുഞ്ഞുങ്ങൽ മരിച്ചിരുന്നു.

കർവ്വാൻ ഇ മൊഹബത്ത് ഇന്ത്യയുടെ യൂട്യൂബ് ചാനലിൽ കാഥാ കാഥൻ ഫൗണ്ടർ ജലീൽ ഗുൽറായിസുമായി നടത്തിയ അഭിമുഖത്തിലാണ് അദ്ദേഹം മനസുതുറന്നത്.

നമ്മുടെ രാജ്യത്ത് ഇത്തരത്തിലുള്ള വിവേചനങ്ങൾ ഉണ്ടാവുന്നതിൽ ശക്തമായ രോഷമുണ്ട്. യു പിയിലെ ലൗ ജിഹാദ് പോലുള്ള കാര്യങ്ങൾ നോക്കൂ. ഈ വാക്കുണ്ടാക്കിയവർക്ക് പോലും അതിന്റെ അർത്ഥമറിയില്ല. ലൗ ജിഹാദ് എന്ന് പറയുന്നത് മിശ്രവിവാഹത്തോട് വിദ്വേഷം തോന്നിപ്പിക്കുന്നതിനും ഹിന്ദു മുസ്ലീം ഐക്യം നശിപ്പിക്കുന്നതിനുമാണ്. ഇവിടെ ഒരു പൊലീസ് ഉദ്യോഗസ്ഥൻ കൊല്ലപ്പെടുന്നതിനേക്കാൾ വലിയ പ്രധാന്യമാണ് ഒരു പശു കൊല്ലപ്പെടുമ്പോൾ ലഭിക്കുന്നത്. ഇത് തന്റെ ഭയം കൊണ്ട് പരുകയാണെന്നാണ് ആക്ഷേപം. എന്നാൽ അഞ്ചുതലമുറകളായി ഇന്ത്യയിൽ കഴിയുന്ന തനിക്ക് ഭയമല്ല, ഇത്തരം കാര്യങ്ങൾ കേൾക്കുമ്പോൾ ശക്തമായ ക്ഷോഭമാണുണ്ടാവുന്നത്.

താൻ രത്‌ന പതകിനെ കല്യാണം കഴിച്ചപ്പോൾ തികഞ്ഞ മതവിശ്വാസിയായ തന്റഎ മാതാവ് പോലും അവളുെ മതം മാറ്റാൻ നിർബന്ധിച്ചിരുന്നില്ല. ഇന്ത്യയിൽ മുസ്്‌ലിം ജനസംഖ്യ ഹിന്ദുക്കളുടേതിനാക്കൾ പെരുകാനാണ് ലൗ ജിഹാദ് എന്നൊക്കെയുള്ള വാദങ്ങൾ വിഡ്ഡിത്തമാണ്. നസറുദ്ദീൻ ഷാ പറഞ്ഞു. ഇന്ത്യൻ സിനിമിലെ ഏറ്റവും പ്രതിഭാധനനായ നടന്മാരിലൊരാളാണ് നസ്‌റുദ്ദീൻ ഷാ.

‘മുഖ്യമന്ത്രി യോഗി ആദിത്യനാഥ് തന്നെ ക്രമാസമാധാനനില കൊലയ്ക്ക് കൊടുക്കുകയാണ്. കുറ്റവാളികള്‍ക്ക് മുമ്പില്‍ ഭരണം അടിയറ വെച്ചിരിക്കുന്നു. ബല്ലിയയെ ഭയമാണെന്ന് യോഗി ആദിത്യനാഥ് തന്നെ പറയുന്നതിന്റെ വീഡിയോ പുറത്തുവന്നു. എന്തുകൊണ്ടാണ് ബല്ലിയയെ ഇപ്പോള്‍ പേടിക്കുന്നത്. കാരണം നിങ്ങളുടെ ഗുണ്ടകള്‍ ദലിതുകളെ കൊല്ലുന്നു. ഉത്തര്‍ പ്രദേശ് മുഖ്യമന്ത്രിക്ക് ഇപ്പോള്‍ ഗുണ്ടകളെ ഭയമാണ്. ബല്ലിയ സംഭവത്തില്‍ ഉള്‍പ്പെട്ടവര്‍ ഏത് പാര്‍ട്ടിക്കാരാണെന്ന് മുഖ്യമന്ത്രി തന്നെ പറയണം. സംസ്ഥാനത്ത് രാഷ്ട്രപതി ഭരണം ഏര്‍പ്പെടുത്തുന്നതാണ് നല്ലത്’- എസ്പി വക്താവ് പറഞ്ഞു.

ബല്ലിയയില്‍ രണ്ട് ദിവസം മുമ്പാണ് എംഎല്‍എ സുരേന്ദ്ര സിങ്ങിന്റെ സഹായി ഒരാളെ വെടിവെച്ചു കൊലപ്പെടുത്തിയത്. സബ് ഡിവിഷണല്‍ മജിസ്‌ട്രേറ്റിന്റെ സാന്നിധ്യത്തിലായിരുന്നു കൊലപാതകം. ധിരേന്ദ്രസിങ് എന്ന വ്യക്തിയാണ് കൊലപാതകം നടത്തിയത്. ഇയാളെ ന്യായീകരിച്ച് എംഎല്‍എ സുരേന്ദ്ര സിങ് രംഗത്തെത്തിയത് വന്‍ വിവാദമായിരുന്നു. കോണ്‍ഗ്രസ്, എസ്പി നേതാക്കാള്‍ സുരേന്ദ്ര സിങ്ങിനെയും ബിജെപിയെയും വിമര്‍ശിച്ച് രംഗത്ത് വന്നിരുന്നു.

കാണ്‍പൂര്‍ സാഗര്‍ ദേശീയപാതയുടെ വികസനത്തിന്റെ പേരിലാണ് പള്ളി പൊളിച്ചു നീക്കിയത്. ജൂലൈയില്‍ പൊതുമരാമത്ത് ഉദ്യോഗസ്ഥരും പള്ളി രക്ഷാധികാരി സയീദ് ലംബാര്‍ദറും തമ്മില്‍ നടന്ന ചര്‍ച്ചയില്‍ 11 അടി സ്ഥലം വിട്ടുകൊടുക്കാന്‍ തീരുമാനമായിരുന്നു. എന്നാല്‍ ഓഗസ്റ്റ് മൂന്നിന് ഉദ്യോഗസ്ഥന്‍മാരായ രാം സുരേഷ് വര്‍മ്മ, രാജേഷ് കുമാര്‍ യാദവ്, ജതശങ്കര്‍, ബാലകൃഷ്ണ സിങ് എന്നിവരും കുറച്ച് എഞ്ചിനീയര്‍മാരും വീണ്ടും വരികയും സയീദ് ലംബാര്‍ദറിനോട് റോഡ് വികസനത്തിന് കൂടുതല്‍ സ്ഥലം വേണമെന്ന് ആവശ്യപ്പെടുകയും ചെയ്തു. ഉദ്യോഗസ്ഥര്‍ പറഞ്ഞതിന് അനുസരിച്ച് പള്ളി പുനഃക്രമീകരിക്കാന്‍ കുറച്ച് സമയം വേണമെന്ന് ലംബാര്‍ദര്‍ ഉദ്യോഗസ്ഥരോട് ആവശ്യപ്പെട്ടു. എന്നാല്‍ ഇതിന് സമ്മതിക്കാതെ ഓഗസ്റ്റ് മൂന്നിന് രാത്രി രണ്ട് മണിയോടെ പള്ളി പൂര്‍ണമായും പൊളിച്ചുനീക്കുകയായിരുന്നു.

പള്ളി പൊളിച്ചതിനെക്കുറിച്ച് ചോദിച്ച മാധ്യമപ്രവര്‍ത്തകരോട് സംശയാസ്പദമായ രീതിയിലാണ് പൊലീസ് പ്രതികരിച്ചത്. ആര്‍ട്ടിക്കിള്‍ 24 എന്ന ന്യൂസ് പോര്‍ട്ടല്‍ പ്രതിനിധി പള്ളിയെക്കുറിച്ച് ചോദിച്ചപ്പോള്‍ വേറെ ആരും ഇതിനെക്കുറിച്ച് ചോദിക്കുന്നില്ലല്ലോ പിന്നെ നിങ്ങള്‍ മാത്രമെന്തിനാണ് ഇതിനെക്കുറിച്ച് ചോദിക്കുന്നത് എന്നായിരുന്നു പൊലീസ് എസ്പി വീരേന്ദ്രകുമാര്‍ ചോദിച്ചത്. പള്ളി പൊളിച്ചതിനെക്കുറിച്ച് ഒന്നുമറിയില്ല എന്നായിരുന്നു പൊലീസ് മേധാവിയുടെ പ്രതികരണം.

ഞാന്‍ എന്റെ ബി.ജെ.പി അംഗത്വം രാജിവെക്കുകയാണ്. രാജ്യത്തിന്റെ ഭരണഘടന തിരുത്താനും ദളിതര്‍ക്കും പിന്നോക്ക വിഭാഗക്കാര്‍ക്കുമുള്ള സംവരണം എടുത്തുകളയാനുമുള്ള ശ്രമങ്ങളാണ് ബി.ജെ.പി നടത്തുന്നത്. ഡിസംബര്‍ 23ന് ലഖ്‌നൗവില്‍ നടക്കുന്ന റാലിയില്‍ ചില സത്യങ്ങള്‍ വെളിപ്പെടുത്തുമെന്നും ഫുലെ പറഞ്ഞു.

ഹനുമാനെ കുറിച്ച് നടത്തിയ പ്രസ്താവനയിലൂടെ സാവിത്രിഭായ് അടുത്തിടെ വാര്‍ത്തകളില്‍ നിറഞ്ഞിരുന്നു. ഹനുമാന്‍ ദളിത് വിഭാഗത്തില്‍ പെട്ട മനുഷ്യനായിരുന്നു എന്നാണ് സാവിത്രി ഭായിയുടെ വാദം. ഹനുമാന്‍ ദളിതനായിരുന്നു. അദ്ദേഹം രാമന് വേണ്ടി എല്ലാം ചെയ്തു. എന്നാല്‍ ഹനുമാനെ അടിമയായി കാണാനാണ് മനുവാദികള്‍ ശ്രമിച്ചത്. ഹനുമാന് ഒരു വാല് ഫിറ്റ് ചെയ്ത് മുഖം വികൃതമാക്കി കുരങ്ങനായി അവതരിപ്പിച്ചത് മനുവാദികളാണ് എന്നായിരുന്നു സാവിത്രി ഭായിയുടെ വാദം.

2019ല്‍ കുംഭമേള നടക്കാനിരിക്കെയാണ് പേരുമാറ്റം. ജനുവരി മുതല്‍ മാര്‍ച്ച് വരെയാണ് കുംഭമേള. ഇതിന്റെ ഒരുക്കങ്ങള്‍ പൂര്‍ത്തിയാകുന്നതിനൊപ്പം അലഹബാദിന്റെ പേരുമാറ്റാനുള്ള പ്രമേയത്തിന് അനുമതി തേടിയിട്ടുണ്ടെന്ന് ആദിത്യനാഥ് മാധ്യമങ്ങളോട് പറഞ്ഞു. ഗവര്‍ണര്‍ രാം നായിക് പേരുമാറ്റത്തിന് അനുമതി നല്‍കിയിട്ടുണ്ടെന്നും മുഖ്യമന്ത്രി അറിയിച്ചു.

മുഗള്‍ ചക്രവര്‍ത്തിയായിരുന്ന അക്ബര്‍ ആണ് ഈ പ്രദേശത്തിന് ലഹാബാദ് എന്ന് വിളിച്ചത്. പില്‍ക്കാലത്ത് ഷാജഹാന്‍ ഈ പേരിനെ വീണ്ടും മാറ്റി അലഹബാദ് എന്നാക്കുകയായിരുന്നു.

യു.പിയിലെ മുസ്‌ലിംകള്‍ക്കെതിരായ പുതിയ ആയുധമാണ് എന്‍.എസ്.എ (ദേശീയ ക്രമസമാധാന നിയമം). ഉത്തര്‍പ്രദേശില്‍ വര്‍ഗീയ സംഘര്‍ഷങ്ങള്‍ നടത്താന്‍ ശ്രമിച്ചതിനുശേഷം, ആദിത്യനാഥ് സര്‍ക്കാര്‍ മുസ്‌ലിംകളെ ലക്ഷ്യംവെക്കുന്നതിന് കഠിന നിയമമായ എന്‍.എസ്.എയാണ് ഉപയോഗിക്കുന്നത്. ഉത്തര്‍പ്രദേശില്‍ ബോധപൂര്‍വമായി വര്‍ഗീയ കലാപങ്ങള്‍ സൃഷ്ടിച്ചെടുക്കുകയാണ്. വര്‍ഗീയ കലാപങ്ങളില്‍ സംസ്ഥാനത്ത് 2017ല്‍ 44 പേര്‍ കൊല്ലപ്പെട്ടു, 540 പേര്‍ക്ക് പരിക്കേറ്റു. 2016ല്‍ 29 പേര്‍ മരിച്ചു, 490 പേര്‍ക്ക് പരിക്കേറ്റു. 2015ല്‍ 22 മരണവും 410 പേര്‍ക്ക് പരിക്കുമേറ്റു. ബുലന്ദശഹര്‍, സഹാരന്‍പുര്‍ തുടങ്ങിയ സ്ഥലങ്ങളില്‍ വര്‍ഗീയ സംഘര്‍ഷമുണ്ടായ സംഭവങ്ങളില്‍ ആദിത്യനാഥിന്റെ നേതൃത്വത്തിലുള്ള ഹിന്ദു യുവ വാഹിനിയും പ്രാദേശിക ബി.ജെ.പി പ്രവര്‍ത്തകരും ഉള്‍പ്പെട്ടിരുന്നു. അക്രമികള്‍ കുറ്റാരോപിതരായിരുന്നെങ്കിലും അവര്‍ക്ക് നേരെ കര്‍ശന നിയമ നടപടികള്‍ കൈക്കൊണ്ടില്ല.
2018 ജനുവരി 16ന് ആദിത്യനാഥ് ഗവണ്‍മെന്റ് പ്രസ്താവന പുറപ്പെടുവിച്ചതിനു പിന്നാലെ യു.പി പൊലീസ് 160 ആളുകള്‍ക്കു നേരെയാണ് ദേശീയ ക്രമസമാധാന നിയമം (എന്‍.എസ്.എ) പ്രയോഗിച്ചത്. പത്ത് മാസത്തിനുള്ളില്‍ നടന്ന 1200 പൊലീസ് ഏറ്റുമുട്ടലുകള്‍ അവരുടെ ലക്ഷ്യ പൂര്‍ത്തീകരണമായിരുന്നു. ഭീം ആര്‍മി സ്ഥാപകന്‍ ചന്ദ്രശേഖര്‍ ആസാദിനെ 2017 മെയ് മുതല്‍ ജയിലിലാക്കിയിട്ടുണ്ട്. ‘നോ വക്കീല്‍, നോ അപ്പീല്‍, നോ ദലീല്‍’ (അഭിഭാഷകനില്ല, അപ്പീല്‍ ഇല്ല, യാതൊരു വാദവും ഇല്ല) എന്നാണ് എന്‍.എസ്.എ നിയമം അറിയപ്പെടുന്നത്. 1980 സെപ്തംബര്‍ 23 നാണ് നിയമം പ്രാബല്യത്തില്‍ വന്നത്. നിയമപ്രകാരം കേന്ദ്ര-സംസ്ഥാന സര്‍ക്കാരുകള്‍ക്ക് ഒരു വ്യക്തിയെ തടഞ്ഞുവെക്കാന്‍ കഴിയും. ഇന്ത്യയുടെ സുരക്ഷക്ക് ഭീഷണിയായി നില്‍ക്കുന്നവരെയും വിദേശ രാജ്യങ്ങളുമായി ഇന്ത്യയുടെ വിവരങ്ങള്‍ കൈമാറുന്നവരെയും പൊതു നിയമങ്ങള്‍ ഭേദിക്കുന്നവരെയും തടവിലിടാനുള്ള പരമാവധി കാലാവധി 12 മാസമാണ്. ആക്ടിനു കീഴില്‍, ഒരു വ്യക്തിയെ കാരണമില്ലാതെ 10 ദിവസം വരെ തടങ്കലില്‍ പാര്‍പ്പിക്കാം. എന്‍.എസ്.എയെക്കുറിച്ച് വിപുലമായ ഗവേഷണം നടത്തിയ സൗത്ത് ഏഷ്യന്‍ ഹ്യൂമന്‍ റൈറ്റ്‌സ് ഡോക്യുമെന്റേഷന്‍ സെന്ററിലെ രവി നായര്‍ പറയുന്നു: ‘പ്രിവന്റീവ് തടവ് നിയമം നിയമവിരുദ്ധമാണ്. ഇത്തരം നിയമങ്ങള്‍ ഉപയോഗിക്കുന്ന ചുരുക്കം ചില രാജ്യങ്ങളില്‍ ഒന്നാണ് ഇന്ത്യ. ഇത് മിക്കപ്പോഴും സ്വേച്ഛാധിപത്യമാണ് ഉപയോഗിക്കുന്നത്.’ പൊതുജന താല്‍പര്യത്തില്‍ തടങ്കലുകളിലുള്ളവരുടെ വിവരങ്ങള്‍ നല്‍കാന്‍ സര്‍ക്കാര്‍ അനുവദിക്കില്ല. ഈ കാലയളവില്‍ അഭിഭാഷകനെയും അനുവദിക്കില്ല. ഹൈക്കോടതി ജഡ്ജിമാരോ അല്ലെങ്കില്‍ ഹൈക്കോടതി ജഡ്ജി യോഗ്യതയുള്ള വ്യക്തികളോ മൂന്നു പേര്‍ ചേര്‍ന്നുള്ള ഉപദേശക ബോര്‍ഡ് മൂന്ന് മാസത്തിലധികം നീണ്ട ഉത്തരവുകളിലൂടെയാണ് നിയമസാധുത നിശ്ചയിക്കുന്നത്. അംഗീകരിക്കപ്പെട്ടാല്‍, ഒരു വ്യക്തിയെ 12 മാസത്തേക്ക് അധിക തടവില്‍ വെക്കാം. കിഴക്കന്‍ ഉത്തര്‍പ്രദേശിലെ പൂര്‍വാഞ്ചലില്‍ കഴിഞ്ഞ ഒരു വര്‍ഷത്തിനിടെ എന്‍.എസ്.എക്കു കീഴില്‍ നിരവധി പേരെ തടവിലാക്കിയിട്ടുണ്ട്. വര്‍ഗീയ സംഘട്ടനങ്ങളെ തുടര്‍ന്നാണ് എല്ലാ അറസ്റ്റുകളും നടന്നത്. ഹിന്ദു യുവവാഹിനി, ഹിന്ദു സമാജ് പാര്‍ട്ടി, അഖില ഭാരതീയ ഹിന്ദു മഹാസഭ എന്നിവ പോലുള്ള തീവ്ര ഹിന്ദു സംഘങ്ങളുടെ വ്യക്തമായ ഇടപെടലുകളുണ്ടായിരുന്നപ്പോഴും നിരപരാധികളായ മുസ്‌ലിംകളെയാണ് അക്രമികളെന്ന് മുദ്രകുത്തി അറസ്റ്റ് ചെയ്തത്. അറസ്റ്റ് ചെയ്യപ്പെട്ടവരെ സെഷന്‍സ് കോടതിയില്‍ ജാമ്യത്തിലിറങ്ങിയ ഉടനെതന്നെ എന്‍.എസ്.എയുടെ കീഴിലുള്ള പൊലീസുകാര്‍ വീണ്ടും അറസ്റ്റ് ചെയ്തു. 2019 ലെ പൊതുതെരഞ്ഞെടുപ്പിനു വേണ്ടി സംഘ്പരിവാറിന്റെ തയ്യാറെടുപ്പിന്റെ ഭാഗമാണ് ഈ സംഘട്ടന നിര്‍മ്മാണവും എന്‍.എസ്.എ നിയമോപയോഗവും. അലീഗഡ് വ്യാജ ഏറ്റുമുട്ടലില്‍ കൊല്ലപ്പെട്ട മുസ്തകീമും നൗഷാദും ക്വാസി പൊലീസ് സ്റ്റേഷന്‍ പരിസരത്ത് നിന്നും ബൈക്കും മൊബൈലും മോഷ്ടിച്ച് രക്ഷപെട്ടെന്നും പിന്നീട് നാല് കിലോമീറ്റര്‍ അപ്പുറത്തുള്ള ഉപയോഗശൂന്യമായ സര്‍ക്കാര്‍ കെട്ടിടത്തില്‍ ഒളിച്ചുവെന്നുമാണ് പൊലീസ് ഭാഷ്യം. പൊലീസ് സ്ഥലത്തെത്തിയപ്പോള്‍ രക്ഷപെട്ടവര്‍ പൊലീസിന് നേരെ വെടിവച്ചുവെന്നും പൊലീസ് പ്രത്യാക്രമണം നടത്തി ഇരുവരെയും വധിച്ചുവെന്നുമാണ് അലിഗഡ് പൊലീസ് മേധാവി അതുല്‍കുമാര്‍ ശ്രീ വാസ്തവ നല്‍കുന്ന വിശദീകരണം. ഒന്നര മണിക്കൂറോളം വെടിവെപ്പ് നടന്നെന്നും ശേഷം സ്ഥലത്തെ ജില്ലാ ആസ്പത്രിയിലെത്തിച്ചുവെന്നുമാണ് പൊലീസ് തയ്യാറാക്കിയ കഥ. മുസ്തകീമിന് 22 ഉം നൗഷാദിന് 17 ഉം വയസാണെന്നാണ് കുടുംബാംഗങ്ങള്‍ പറയുന്നത്. പക്ഷേ മുസ്തകീമിന് 25ഉം നൗഷാദിന് 22 ഉം വയസാണെന്നാണ് പൊലീസ് തെറ്റായി മാധ്യമങ്ങളോട് പറഞ്ഞത്.
വ്യാഴാഴ്ച രാവിലെ 6:45ന് പൊലീസ് സ്ഥലത്തെ പ്രാദേശിക മാധ്യമ പ്രവര്‍ത്തകരെ വിളിച്ച് ‘യഥാര്‍ത്ഥ ഏറ്റുമുട്ടല്‍ കാണണോ’ എന്ന് ചോദിച്ചിരുന്നെന്ന് മാധ്യമ പ്രവര്‍ത്തകര്‍ റിപ്പോര്‍ട്ട് ചെയ്യുന്നുണ്ട്. ‘ഏറ്റുമുട്ടല്‍ യഥാര്‍ത്ഥമായി കാണാമെന്നും വീഡിയോ എടുക്കാമെന്നുമാണ്’ പൊലീസ് മാധ്യമ പ്രവര്‍ത്തകര്‍ക്ക് നല്‍കിയ ഓഫര്‍. സ്ഥലത്തെത്തിയ മാധ്യമ പ്രവര്‍ത്തകര്‍ ബുള്ളറ്റ് പ്രൂഫ് ധരിച്ച പൊലീസുകാര്‍ ഏറ്റുമുട്ടുന്നത് കണ്ടെന്നും റിപ്പോര്‍ട്ടുകളില്‍ പറയുന്നു. തങ്ങളോട് നൂറ് മീറ്റര്‍ മാറി നില്‍ക്കാന്‍ പൊലീസ് പറഞ്ഞതായും മാധ്യമ പ്രവര്‍ത്തകര്‍ സാക്ഷ്യപ്പെടുത്തിയിട്ടുണ്ട്. മാധ്യമ പ്രവര്‍ത്തകരാരും ബുള്ളറ്റ് പ്രൂഫോ ഹെല്‍മെറ്റോ ധരിച്ചിരുന്നില്ലെന്നും റിപ്പോര്‍ട്ടുകളിലുണ്ട്. ഞായറാഴ്ച രാത്രി 2.30ന് വീട്ടില്‍ അതിക്രമിച്ച്കയറിയ പൊലീസ് മുസ്തകീമിനെയും നൗഷാദിനെയും പിടിച്ചുകൊണ്ട്‌പോയെന്നും ഒപ്പം മുസ്തകീമിന്റെ സഹോദരന്‍ സല്‍മാനെയും ബുദ്ധി സ്ഥിരതയില്ലാത്ത മകന്‍ നസീമിനെയും പിടിച്ചുകൊണ്ട് പോയെന്നുമാണ് മുസ്തകീമിന്റെ വല്യുമ്മ റഫിഖാന്‍ ‘ഇന്ത്യന്‍ എക്‌സ്പ്രസി’നോട് പറഞ്ഞത്. ‘വീട്ടില്‍ നിന്നും മകനെ പൊലീസ് പിടിച്ച്‌കൊണ്ട് പോയി പച്ചയായി കൊന്ന് കളഞ്ഞതാണ്’ നൗഷാദിന്റെ ഉമ്മ ഷഹീന നിറകണ്ണുകളോടെയാണ് ഇത് പറഞ്ഞത്.
കാണ്‍പൂരില്‍ രണ്ട് ഏറ്റുമുട്ടലുകള്‍ നടന്നു. പക്ഷേ എന്‍.എസ്.എ മുസ്‌ലിംകള്‍ക്ക് മാത്രമായാണ് പ്രയോഗിച്ചത്. ‘റോഡിലെ നമസ്‌കാരം നിര്‍ത്താന്‍ എനിക്ക് കഴിയില്ലെങ്കില്‍ ഒരു പൊലീസ് സ്റ്റേഷനില്‍ ജന്മാഷ്ടമി തടയാന്‍ എനിക്ക് അവകാശമില്ല.’ ഉത്തര്‍പ്രദേശ് പൊലീസ്‌സ്റ്റേഷനുകളിലെ മതപരമായ ആഘോഷങ്ങളെക്കുറിച്ച് വിമര്‍ശിക്കുന്ന മാധ്യമ റിപ്പോര്‍ട്ടുകളുടെ അടിസ്ഥാനത്തില്‍ 2017 ആഗസ്റ്റ് 19 ന് ആദിത്യനാഥിന്റെ പ്രതികരണമിതായിരുന്നു. കഴിഞ്ഞ ഒക്ടോബറില്‍ മുസ്‌ലിംകളുടെ മുഹറവും ദുര്‍ഗ പൂജയും ഒരുമിച്ചായിരുന്നു വന്നത്. രാജ്യത്താകമാനമുള്ള ഇന്റലിജന്റ്‌സ് യൂണിറ്റുകള്‍ വര്‍ഗീയ പ്രക്ഷോഭമുണ്ടാവുമെന്ന് റിപ്പോര്‍ട്ട് നല്‍കി. പശ്ചിമ ബംഗാള്‍ മുഖ്യമന്ത്രി മമത ബാനര്‍ജി ഒക്ടോബര്‍ ഒന്നിന് ദുര്‍ഗാഘോഷങ്ങള്‍ നിരോധിച്ചു. എന്നാല്‍ ഒക്ടോബര്‍ രണ്ടിനും നാലിനും ഇടയില്‍ ചടങ്ങുകള്‍ നടത്താന്‍ അനുമതി നല്‍കി. പശ്ചിമബംഗാള്‍ സര്‍ക്കാര്‍ ബി.ജെ.പിയില്‍ നിന്നും വന്‍ പ്രതിസന്ധി നേരിട്ടിരുന്നു. എന്നിരുന്നാലും, സംസ്ഥാനത്ത് അക്രമം നടന്നില്ല. എന്നാല്‍ യു.പി മുഖ്യമന്ത്രിയുടെ പ്രചോദനമുള്‍ക്കൊണ്ട് തെരുവിലിറങ്ങിയതുമൂലം കാണ്‍പൂര്‍, ബലിയ, പിലിഭിത്ത്, ഗോണ്ട, അംബേദ്കര്‍ നഗര്‍, സാംബല്‍, അലഹബാദ്, കൗശാമ്പി, ഖുശിനഗര്‍ എന്നീ ഒന്‍പത് ജില്ലകള്‍ വര്‍ഗീയ സംഘര്‍ഷത്തിന് സാക്ഷ്യം വഹിച്ചു. അതേദിവസം തന്നെ, ഹിന്ദു സമാജ് പാര്‍ട്ടി പ്രവര്‍ത്തകര്‍ ജൂഹി പരംപുര്‍വിലെ മുഹറാഘോഷം നിര്‍ത്തലാക്കുകയുണ്ടായി. വെടിവെപ്പും കല്ലേറുമുണ്ടായി. ജൂഹി പരം പുരുവ എന്നത് ഒരു ചെറിയ പ്രദേശമാണ്, പ്രധാനമായും മുസ്‌ലിംകളും ദലിതരും ജീവിക്കുന്നു. പ്രദേശത്ത് മുസ്‌ലിമിന്റെ ഉടമസ്ഥതയിലുള്ള ഒരേ ഒരു കടയാണ് മന്‍സൂര്‍ ടെന്റ് ഹൗസ്. സലീമിന്റെ ഉടമസ്ഥതയിലുള്ള കട പപ്പുവാണ് നടത്തുന്നത്. അയാളുടെ വീട് കടയുടെ തൊട്ടടുത്താണ്. ‘നിരവധി വര്‍ഷമായി ഞങ്ങള്‍ അവിടെ ജീവിച്ചു വരുന്നു. കഴിഞ്ഞകാലമത്രയും ഞങ്ങളുടെ മതത്തിന്റെ പേരില്‍ ഒരു ഭീഷണിയും ഉണ്ടായിട്ടില്ല’ സലീമിന്റെ ഭാര്യ റുക്കി പറയുന്നു. ‘മുമ്പ് കണ്ടിട്ടില്ലാത്തവിധം ദുര്‍ഗ വിഗ്രഹാരാധനയില്‍ ധാരാളം ആളുകള്‍ ഉണ്ടായിരുന്നു. അക്രമികള്‍ ആദ്യം കടയും വീട്ടുപകരണങ്ങളും തകര്‍ത്തു’ -അവര്‍ തുടര്‍ന്നു. ബന്ധുക്കള്‍ രക്ഷിക്കുന്നതിനുമുമ്പ് മൂന്നു മണിക്കൂറോളം നീണ്ട പരിശോധനക്കിടെ അവരുടെ രണ്ട് കൊച്ചു കുട്ടികള്‍ അബോധാവസ്ഥയിലായി. 12 വയസ്സുള്ള മകന്‍ ബാബു പറയുന്നു: ‘അയല്‍ക്കാരായ രണ്ടോ മൂന്നോ പേര്‍ അക്രമികളുടെ കൂട്ടത്തില്‍ ഉണ്ടായിരുന്നു. പൊലീസുകാരോട് ഞാന്‍ പറയാം. ആരാണ് അക്രമം നടത്തിയതെന്ന്. എല്ലാവരെയും ഞാന്‍ തിരിച്ചറിയും.’ എന്നാല്‍ നിരപരാധിയായ മുഹമ്മദ് സലീമിനെയാണ് പൊലീസ് അറസ്റ്റ് ചെയ്തത്. സംഭവത്തിനുശേഷം കുടുംബാംഗങ്ങള്‍ ബന്ധുക്കളുടെ വീടുകളിലാണ് താമസിക്കുന്നത്.
വര്‍ഗീയാക്രമ രാഷ്ട്രീയം കാണ്‍പൂരില്‍ പുതിയതല്ല. എല്ലാ വര്‍ഷവും നഗരത്തിലുടനീളം സംഘര്‍ഷങ്ങളും പ്രതിഷേധങ്ങളും സൃഷ്ടിക്കാറുണ്ട്. ഈ കാലഘട്ടത്തില്‍ ഹിന്ദു-മുസ്‌ലിം വിഭാഗങ്ങള്‍ക്കിടയിലെ വിഭജനത്തെ മാത്രമല്ല, തെരഞ്ഞെടുപ്പ് നേരിടുന്നതിന് ദലിത്-മുസ്‌ലിം വിഭാഗത്തെ തദ്ദേശീയമായി ഭിന്നിപ്പിക്കാനും സംഘ്പരിവാരവും പൊലീസും ശ്രമിക്കുന്നു. ദലിത് മുസ്‌ലിം വിഭജനംമൂലം രണ്ടു മാസത്തിനുശേഷം 2017 ഡിസംബറില്‍ ജൂഹി വാര്‍ഡില്‍നിന്നും ദലിത് വിഭാഗത്തിന്റെ പിന്തുണയില്‍ ബി.ജെ.പി സ്ഥാനാര്‍ത്ഥി രാകേഷ് കുമാര്‍ പാസ്വാന്‍ വിജയിച്ചു എന്നത് അത്ഭുതകരമല്ല. പരക്കംപുര്‍വയിലെ നിയോജക മണ്ഡലത്തിലെ ജൂഹി വാര്‍ഡില്‍ നിന്നാണ് ഹക്കീം മത്സരിക്കാനൊരുങ്ങിയത്. ‘അദ്ദേഹം തെരഞ്ഞെടുപ്പില്‍ മത്സരിച്ചോട്ടെ, ഹിന്ദുക്കള്‍ക്കും മുസ്‌ലിംകള്‍ക്കുമിടയിലുള്ള ഹക്കീമിന്റെ പ്രശസ്തി കാരണം തീര്‍ച്ചയായും വിജയിക്കുമായിരുന്നു’ റാംപ്രകാശ് പറയുന്നു. എന്നാല്‍ സര്‍വര്‍ക്കും സമ്മതനായ ഹക്കീമിനെ പൊലീസ് അകാരണമായി അറസ്റ്റ് ചെയ്ത് ഒരു മാസത്തോളം തടവിലാക്കി. അന്യ മത സമുദായങ്ങളോട് മൈത്രി പുലര്‍ത്തുന്ന പ്രകാശിനെ അറസ്റ്റ് ചെയ്തുകൊണ്ടുപോയി മുസ്‌ലിംകള്‍ക്ക് വേണ്ടി സിന്ദാബാദ് വിളിക്കുന്നവനെന്ന് പറഞ്ഞ് ആക്രോശിച്ചു.
ഉത്തര്‍പ്രദേശിലെ ബി.ആര്‍.ഡി മെഡിക്കല്‍ കോളജ് ആസ്പത്രിയില്‍ ഓക്സിജന്‍ ലഭിക്കാതെ കുഞ്ഞുങ്ങള്‍ മരിച്ച സംഭവത്തില്‍ ആദിത്യനാഥ് സര്‍ക്കാര്‍ ജയിലിലടച്ച ഡോക്ടര്‍ കഫീല്‍ ഖാന്‍ വീണ്ടും വീണ്ടും അറസ്റ്റ് ചെയ്യപ്പെട്ടു. 70 കുഞ്ഞുങ്ങള്‍ ‘ദുരൂഹ പനി’ ബാധിച്ച് മരിച്ച ബഹ്റായിച്ച് ആസ്പത്രിയില്‍ കുഞ്ഞുങ്ങളെ പരിശോധിച്ചതിനാണ് ഉത്തര്‍പ്രദേശ് പൊലീസ് അദ്ദേഹത്തെ അറസ്റ്റ് ചെയ്തത്. ദലിത് മുസ്‌ലിം ഐക്യമേഖലകളില്‍ വര്‍ഗീയ വ്യാപാരം നടത്തിയും ആക്ടിവിസ്റ്റുകളെ തടങ്കലിലാക്കിയും ഭരണകൂടം മനുഷ്യവേട്ട തുടരുകയാണ്.

വാര്‍ഷിക കാന്‍വാര്‍ യാത്രയുടെ സുരക്ഷാ സംവിധാനങ്ങള്‍ പരിശോധിക്കുന്നതിനായി നടത്തിയ ഹെലികോപ്ടര്‍ യാത്രയിലാണ് എ.ഡി.ജി.പി തീര്‍ഥാടകര്‍ക്കുമേല്‍ പുഷ്പവൃഷ്ടി നടത്തിയത്. സംഭവത്തിനെതിരെ രൂക്ഷമായ വിമര്‍ശനമാണ് ഉയര്‍ന്നത്. പൊതുഖജനാവിലെ പണം അനാവശ്യമായി ധൂര്‍ത്തടിക്കുകയാണെന്നും പൊലീസ് ഉത്തരവാദിത്തം മറന്ന് പെരുമാറുന്നുവെന്നും വിമര്‍ശനമുയര്‍ന്നു.

ജനങ്ങളെ ആദരിക്കുന്നതിന്റെയും സ്വാഗതം ചെയ്യുന്നതിന്റെയും ഭാഗമായാണ് പുഷ്പങ്ങള്‍ വിതറിയതെന്ന് എ.ഡി.ജി.പി പ്രശാന്ത് കുമാര്‍ പറഞ്ഞു. അതില്‍ മതപരമായ ഒന്നുമില്ല. ഭരണകൂടം എല്ലാ മതങ്ങളേയും ബഹുമാനിക്കുന്നുണ്ട്. ഗുരുപൂര്‍ണിമ, ഈദ്, ബക്രീദ്, ജൈന മതാചാരങ്ങള്‍ എന്നിങ്ങനെ എല്ലാ മതവിഭാഗങ്ങളുടെ ആഘോഷങ്ങളിലും പങ്കുചേരാറുണ്ട്- പ്രശാന്ത് കുമാര്‍ വിശദീകരിച്ചു.

ഉത്തര്‍പ്രദേശിലെ കാന്‍വാറിലേക്ക് കാല്‍നടയായാണ് ശിവഭക്തരായ തീര്‍ഥാടകര്‍ എത്താറുള്ളത്. ബീഹാറില്‍ നിന്നും ഉത്തര്‍പ്രദേശില്‍ നിന്നുമാണ് കൂടുതല്‍ തീര്‍ഥാടകര്‍ എത്താറുള്ളത്. കഴിഞ്ഞ ദിവസം ഡല്‍ഹിയില്‍ ട്രാഫികിനിടെ കാന്‍വാര്‍ തീര്‍ഥാടകന്റെ ദേഹത്ത് കാര്‍ തട്ടിയെന്നാരോപിച്ച് ഒരു സംഘം വനിത ഓടിച്ച കാര്‍ തല്ലിത്തകര്‍ത്തിരുന്നു.

#WATCH Additional Director General of Uttar Pradesh Police (Meerut Zone) Prashant Kumar showered rose petals on Kanwariyas from a helicopter yesterday pic.twitter.com/SvHH64DGxr

— ANI UP (@ANINewsUP) August 9, 2018

Additional Director General of Uttar Pradesh Police (Meerut Zone) Prashant Kumar showered rose petals on Kanwariyas from a helicopter yesterday pic.twitter.com/Tm59vZEUwq

— ANI UP (@ANINewsUP) August 9, 2018

Along with ADGP(Meerut Zone) Prashant Kumar, Meerut Commissioner Anita Meshram and other senior officials also showered rose petals on Kanwariyas from a helicopter yesterday pic.twitter.com/tI0cFMYQPk

— ANI UP (@ANINewsUP) August 9, 2018

ദുംഗ്രൈയ്യ ഗ്രാമത്തില്‍ സ്ഥാപിച്ചിരുന്ന അംബേദ്കര്‍ പ്രതിമ വെള്ളിയാഴ്ച രാത്രി ചിലര്‍ തകര്‍ത്തതിനെ തുടര്‍ന്നാണ് പുതിയ പ്രതിമ സ്ഥാപിച്ചത്. പ്രതിമ തകര്‍ത്തതിനെതിരെ ശക്തമായ പ്രതിഷേധമുയര്‍ന്നിരുന്നു. പ്രതിമ ഞായറാഴ്ച അനാച്ഛാദനം ചെയ്തപ്പോഴാണ് അംബേദ്കറിന്റെ കോട്ടിന് കാവി നിറമാണെന്ന കാര്യം ശ്രദ്ധയില്‍ പെട്ടത്. കാവി ശ്രദ്ധയില്‍ പെട്ടതോടെ സോഷ്യല്‍ മീഡിയയില്‍ അടക്കം വന്‍ പ്രതിഷേധമാണുണ്ടായത്.

അടുത്തിടെ അംബേദ്കറുടെ പേര് ഭീംറാവു അംബേദ്കര്‍ എന്നതില്‍ നിന്ന് ‘ഭീംറാവു റാംജി അംബേദ്കര്‍’ എന്ന് മാറ്റി സംസ്ഥാന സര്‍ക്കാര്‍ ഉത്തരവിറക്കിയത് വന്‍ പ്രതിഷേധത്തിന് കാരണമായിരുന്നു.

#WATCH Badaun: The damaged statue of BR Ambedkar which was rebuilt and painted saffron, re-painted blue by BSP Leader Himendra Gautam. pic.twitter.com/Tntf7shNAN

— ANI UP (@ANINewsUP) April 10, 2018

രോഗികളെ വാര്‍ഡിലേക്ക് മാറ്റാന്‍ ആംബുലന്‍സ് നല്‍കാറുണ്ടെന്ന് ആശുപത്രി വക്താവ് ഡോ. ശൈലേന്ദ്ര ഛൗധരി പറഞ്ഞു. ഒരു ആംബുലന്‍സില്‍ രോഗികള്‍ നിറഞ്ഞപ്പോള്‍ അതില്‍ കയറാനാവാതെ നില്‍ക്കുന്ന യുവാവിന്റെ വീഡിയോ മാധ്യമങ്ങള്‍ വിവാദമാക്കുകയായിരുന്നു എന്നും അദ്ദേഹം പറഞ്ഞു.

ആരോഗ്യമേഖലയില്‍ യു.പിയെ കണ്ടുപഠിക്കാന്‍ പറഞ്ഞ ആദിത്യനാഥിന്റെ ഭരണത്തില്‍ യു.പിയിലെ ആരോഗ്യമേഖലയുടെ അപര്യാപ്തത തുറന്നുകാട്ടുന്നതാണ് പുതിയ സംഭവം. വികലാംഗനായ ഭര്‍ത്താവിനെ ചുമന്ന് ആശുപത്രിയിലെത്തിയ സ്ത്രീയുടെ ഫോട്ടോ കഴിഞ്ഞ ദിവസം മാധ്യമങ്ങള്‍ പുറത്തുവിട്ടിരുന്നു.