https://www.chandrikadaily.com Tue, 18 Jun 2019 08:33:37 +0000 en-US hourly 1 https://wordpress.org/?v=5.8.12 https://www.chandrikadaily.com/wp-content/uploads/2020/08/chandrika-fav.jpeg https://www.chandrikadaily.com 32 32 https://www.chandrikadaily.com/national-weather-update-prediction-of-heavy-rain-and-thunderstorm-in-up-bihar-2.html https://www.chandrikadaily.com/national-weather-update-prediction-of-heavy-rain-and-thunderstorm-in-up-bihar-2.html#respond Tue, 18 Jun 2019 08:32:56 +0000 http://www.chandrikadaily.com/?p=130429 ന്യൂഡല്‍ഹി: അറബിക്കടലിലുണ്ടായ ന്യൂനമര്‍ദ്ദത്തെതുടര്‍ന്ന് രൂപപ്പെട്ട ‘വായു’ ചുഴലിക്കാറ്റിന് ശക്തി കുറഞ്ഞു വരികയാണെന്നും ഗുജറാത്ത് തീരം തൊടാതെ കാറ്റ് ദുര്‍ബലമാകുമെന്നും കേന്ദ്ര കാലാവസ്ഥാ നിരീക്ഷണ കേന്ദ്രം. ഇന്ന് പുലരും മുമ്പെ കാറ്റ് ഗുജറാത്ത് തീരം കടന്നുപോകുമെന്നും കാലാവസ്ഥാ കേന്ദ്രം വ്യക്തമാക്കി. തെക്കുപടിഞ്ഞാറന്‍ ദിശയിലേക്ക് നീങ്ങുന്ന വായു ചുഴലിക്കാറ്റ് ഗുജറാത്ത് തീരത്ത് വന്‍ നാശം വിതക്കാന്‍ സാധ്യതയുണ്ടെന്ന മുന്നറിയിപ്പിനെ തുടര്‍ന്ന് യുദ്ധസമാന മുന്നൊരുക്കങ്ങള്‍ നടത്തിയിരുന്നു. ദേശീയ ദുരന്ത നിവാരണ സേനയെ വിന്യസിക്കുകയും തീരപ്രദേശങ്ങളിലും താഴ്ന്ന പ്രദേശങ്ങളിലും കഴിയുന്ന ആയിരക്കണക്കിന് കുടുംബങ്ങളെ മാറ്റിപ്പാര്‍പ്പിക്കുകയും ചെയ്തിരുന്നു. എന്നാല്‍ കാറ്റ് കാര്യമായ പ്രശ്‌നങ്ങള്‍ സൃഷ്ടിക്കില്ലെന്ന മുന്നറിയിപ്പിനെതുടര്‍ന്ന് കുടുംബങ്ങള്‍ വീടുകളിലേക്ക് മടങ്ങിത്തുടങ്ങി. അതേസമയം തീര ജില്ലകളില്‍ കനത്ത മഴയക്ക് സാധ്യതയുണ്ടെന്ന മുന്നറിയിപ്പ് തുടരുന്നുണ്ട്. മത്സ്യത്തൊഴിലാളികളോട് അടുത്ത 24 മണിക്കൂര്‍ നേരത്തേക്ക് കൂടി കടലില്‍ പോകരുതെന്നും കാലാവസ്ഥാ കേന്ദ്രം മുന്നറിയിപ്പ് നല്‍കിയിട്ടുണ്ട്.
വായു ചുഴലിക്കാറ്റ് നിലവില്‍ ഗുജറാത്ത് തീരത്ത് ഒരു തരത്തിലുള്ള ഭീഷണിയും സൃഷ്ടിക്കുന്നില്ലെന്നും അടുത്ത 24 മണിക്കൂറിനുള്ളില്‍ കാറ്റ് ശക്തിക്ഷയിച്ച് ദുര്‍ബലമായേക്കുമെന്നും ഭൗമശാസ്ത്ര മന്ത്രാലയം സെക്രട്ടറി മാധവന്‍ രാജീവന്‍ പറഞ്ഞു.
തെക്കുപടിഞ്ഞാറന്‍ കാലവര്‍ഷം പടിഞ്ഞാറന്‍ ദിശയിലേക്ക് നീങ്ങിക്കൊണ്ടിരിക്കുന്നതിനാല്‍ ഗുജറാത്ത് ഉള്‍പ്പെടെയുള്ള സംസ്ഥാനങ്ങളില്‍ വരും ദിവസങ്ങളില്‍ കൂടുതല്‍ മഴ ലഭിക്കുമെന്നാണ് പ്രതീക്ഷിക്കുന്നതെന്നും അദ്ദേഹം പറഞ്ഞു. ജൂണ്‍ എട്ടിന് കേരള തീരത്ത് എത്തുമെന്ന് പ്രതീക്ഷിച്ചിരുന്ന തെക്കുപടിഞ്ഞാറന്‍ കാലവര്‍ഷം ഒരാഴ്ച വൈകിയാണ് എത്തിയത്. ഇത് മറ്റു സംസ്ഥാനങ്ങളിലും മഴയെത്താന്‍ വൈകാന്‍ കാരണമായിട്ടുണ്ട്. മഴയുടെ അളവിലും ഇതുവരെ ഗണ്യമായ കുറവുണ്ടായിട്ടുണ്ട്. സാധാരണഗതിയില്‍ ലഭിക്കേണ്ട മഴയുടെ അളവിനെ അപേക്ഷിച്ച് ഇന്നലെ വരെ ലഭിച്ച മഴയുടെ അളവ് 60 ശതമാനം കുറവാണ്. അതേസമയം വരുംദിവസങ്ങളില്‍ മഴ ശക്തിപ്രാപിക്കുമെന്നും സാധാരണ രീതിയിലുള്ള കാലവര്‍ഷം ഇത്തവണയും ലഭിക്കുമെന്നാണ് കാലാവസ്ഥാ കേന്ദ്രം നല്‍കുന്ന വിവരം.

]]> https://www.chandrikadaily.com/national-weather-update-prediction-of-heavy-rain-and-thunderstorm-in-up-bihar-2.html/feed 0 https://www.chandrikadaily.com/national-weather-update-prediction-of-heavy-rain-and-thunderstorm-in-up-bihar.html https://www.chandrikadaily.com/national-weather-update-prediction-of-heavy-rain-and-thunderstorm-in-up-bihar.html#respond Mon, 17 Jun 2019 17:23:35 +0000 http://www.chandrikadaily.com/?p=130390 വായു ചുഴലിക്കാറ്റിന്റെ സ്വാധീനം മൂലം കാറ്റിന്റെ ഗതിയിലുണ്ടായ മാറ്റം മൂലം സംസ്ഥാനത്ത് കാലവര്‍ഷം 21 വരെ കുറയും. 22 ന് ശേഷമാണ് ഇനി കേരളത്തില്‍ വ്യാപകമായി മണ്‍സൂണ്‍ സജീവമാകുകയുള്ളൂ. വായു ചുഴലിക്കാറ്റിനെ തുടര്‍ന്ന് കാറ്റിന്റെ ഗതിവ്യതിയാനം മൂലം അറബിക്കടലില്‍ നിന്ന് മേഘങ്ങള്‍ വ്യാപകമായി കേരളതീരത്തേക്ക് എത്താന്‍ സാധ്യത കുറവാണ്.
ഒറ്റപ്പെട്ട മേഘങ്ങള്‍ എത്തുമെങ്കിലും അവ കിഴക്കന്‍ പ്രദേശത്തേക്ക് നീങ്ങുകയും അവിടെ ഒറ്റപ്പെട്ട മഴക്ക് കാരണമാകുകയും ചെയ്യും. എന്നാല്‍, വെയിലും ഒറ്റപ്പെട്ട മഴയുമുണ്ടാകും. രണ്ടു മുതല്‍ 10 മില്ലി മീറ്റര്‍ മഴയാണ് അടുത്ത രണ്ടു ദിവസം സംസ്ഥാനത്ത് പ്രതീക്ഷിക്കുന്നത്. ഇന്ന് കണ്ണൂര്‍, കോഴിക്കോട്, വയനാട് ജില്ലകളുടെ അതിര്‍ത്തിയില്‍ ഒറ്റപ്പെട്ട ശക്തമായ മഴക്ക് സാധ്യതയുണ്ട്.
ആലപ്പുഴ മുതല്‍ കാസര്‍കോട് വരെയുള്ള ജില്ലകളില്‍ 24 മണിക്കൂറില്‍ രണ്ടു മുതല്‍ 10 മില്ലി മീറ്റര്‍ വരെയുള്ള മഴക്ക് മാത്രമെ സാധ്യതയുള്ളൂ. നാളെയും 20 നും ഒറ്റപ്പെട്ട മഴയുണ്ടാവും. 20 ന് രാത്രി നാലോ അഞ്ചോ സ്ഥലങ്ങളില്‍ 24 മണിക്കൂറില്‍ 1.5 മുതല്‍ 2.5 സെ.മി വരെ മഴക്ക് സാധ്യതയുണ്ട്. അതേസമയം, തമിഴ്‌നാട്ടില്‍ നാളെയും മറ്റന്നാളും ഉഷ്ണതരംഗത്തിന് സാധ്യതയുണ്ടെന്ന് മുന്നറിയിപ്പുണ്ട്. ചിലയിടങ്ങളില്‍ ഒറ്റപ്പെട്ട ഇടിയോടുകൂടെ മഴയുണ്ടാകും.
ചെന്നൈ ഉള്‍പ്പെടെയുള്ള നഗരങ്ങളില്‍ ചൂട് 40 ഡിഗ്രിക്ക് മുകളിലാകും. കേരളത്തില്‍ മഴ സജീവമായ ശേഷമേ ഇനി തമിഴ്‌നാട്ടില്‍ സാധ്യതയുള്ളൂ. ഇപ്പോള്‍ വടക്കുകിഴക്ക്, കിഴക്ക് മധ്യ അറബിക്കടലിനോട് ചേര്‍ന്നുള്ള തീവ്രചുഴലിക്കാറ്റായ വായു പോര്‍ബന്തര്‍ തീരത്തുനിന്ന് 470 കി.മി പടിഞ്ഞാറ് തെക്ക് ദിശയിലാണ്. അടുത്ത 24 മണിക്കൂറില്‍ ഇത് ശക്തികുറഞ്ഞ് ചുഴലിക്കാറ്റായി മാറും.
തുടര്‍ന്ന് പടിഞ്ഞാറ് വടക്കുപടിഞ്ഞാറ് ദിശയില്‍ സഞ്ചരിക്കും. വട്ടംചുറ്റി ഗുജറാത്ത് പാകിസ്ഥാന്‍ അതിര്‍ത്തിയോട് ചേര്‍ന്ന് നാളെ അര്‍ധരാത്രിയോടെ ഡിപ്രഷനായി മാറി കരതൊടാനാണ് സാധ്യത. ഇന്നത്തോടെ ശേഷം ബംഗാള്‍ ഉള്‍ക്കടലില്‍ പുതിയ ന്യൂനമര്‍ദം രൂപപ്പെടാന്‍ സാധ്യതയുണ്ട്. ഇതു പ്രതീക്ഷിച്ച പോലെ കനിഞ്ഞാല്‍ കേരളത്തില്‍ മഴ കനത്തു പെയ്യും.

]]> https://www.chandrikadaily.com/national-weather-update-prediction-of-heavy-rain-and-thunderstorm-in-up-bihar.html/feed 0