vaccination – Chandrika Daily

മിഷന്‍ ഇന്ദ്രധനുഷ് തീവ്രയജ്ഞം 5.0 രണ്ടാംഘട്ടം തിങ്കളാഴ്ച മുതല്‍ ആരംഭിക്കും

webdesk15 — Sun, 10 Sep 2023 12:00:24 +0000

തിരുവനന്തപുരം: മിഷന്‍ ഇന്ദ്രധനുഷ് തീവ്രയജ്ഞം 5.0 രണ്ടാം ഘട്ടം സെപ്റ്റംബര്‍ 11 തിങ്കളാഴ്ച മുതല്‍ ആരംഭിക്കുമെന്ന് ആരോഗ്യ വകുപ്പ് മന്ത്രി വീണാ ജോര്‍ജ് അറിയിച്ചു. സെപ്റ്റംബര്‍ 16 വരെ രണ്ടാംഘട്ടം തുടരും. സാധാരണ വാക്‌സിനേഷന്‍ നല്‍കുന്ന ദിവസങ്ങള്‍ ഉള്‍പ്പെടെ ആറ് ദിവസങ്ങളില്‍ വാക്‌സിനേഷന്‍ സ്വീകരിക്കാവുന്നതാണ്. ഞായറാഴ്ചയും പൊതു അവധി ദിവസങ്ങളും ഒഴിവാക്കിയിട്ടുണ്ട്. രാവിലെ 9 മണി മുതല്‍ വൈകിട്ട് 4 മണി വരെയാണ് പരിപാടിയുടെ സമയക്രമം. ദേശീയ വാക്‌സിനേഷന്‍ പട്ടിക പ്രകാരം വാക്‌സിനെടുക്കാത്ത ഗര്‍ഭിണികളും 5 വയസ് വരെ പ്രായമുള്ള എല്ലാ കുട്ടികളും വാക്‌സിന്‍ സ്വീകരിക്കണമെന്ന് മന്ത്രി അഭ്യര്‍ത്ഥിച്ചു.

മൂന്ന് ഘട്ടങ്ങളിലായാണ് മിഷന്‍ ഇന്ദ്രധനുഷ് സംഘടിപ്പിക്കുന്നത്. ആഗസ്റ്റ് 7 മുതല്‍ നടന്ന ഒന്നാം ഘട്ടം വിജയമായിരുന്നു. ഒന്നാംഘട്ടത്തില്‍ 75 ശതമാനത്തിലധികം കുട്ടികള്‍ക്കും 98 ശതമാനത്തിലധികം ഗര്‍ഭിണികള്‍ക്കും വാക്‌സിന്‍ നല്‍കിയിരുന്നു. സംസ്ഥാനത്ത് 18,744 ഗര്‍ഭിണികളെയും 5 വയസ് വരെയുളള 1,16,589 കുട്ടികളെയുമാണ് പൂര്‍ണമായോ ഭാഗികമായോ വാക്‌സിന്‍ എടുക്കാത്തതായി കണ്ടെത്തിയിട്ടുളളത്. അതില്‍ 18,389 ഗര്‍ഭിണികള്‍ക്കും 87,359 അഞ്ച് വയസ് വരെയുളള കുട്ടികള്‍ക്കുമാണ് വാക്‌സിന്‍ നല്‍കിയത്. ഒക്ടോബര്‍ 9 മുതല്‍ 14 വരേയുമാണ് മൂന്നാം ഘട്ടം.

ദേശീയ വാക്‌സിനേഷന്‍ പട്ടിക പ്രകാരം വാക്‌സിന്‍ എടുക്കുവാന്‍ വിട്ടുപോയിട്ടുളള 2 മുതല്‍ 5 വയസ് വരെ പ്രായമുളള എല്ലാ കുട്ടികള്‍ക്കും പൂര്‍ണമായോ ഭാഗികമായോ ദേശീയ വാക്‌സിനേഷന്‍ പട്ടിക പ്രകാരം വാക്‌സിന്‍ എടുത്തിട്ടില്ലാത്ത ഗര്‍ഭിണികള്‍ക്കുമാണ് ഈ പരിപാടിയിലൂടെ വാക്‌സിന്‍ നല്‍കുന്നത്.

സര്‍ക്കാര്‍ ആശുപത്രികള്‍, ആരോഗ്യ കേന്ദ്രങ്ങള്‍ എന്നിവിടങ്ങളിലും ഗുണഭോക്താക്കള്‍ക്ക് എത്തിച്ചേരുവാന്‍ സൗകര്യപ്രദമായ തിരഞ്ഞെടുക്കപ്പെ ട്ട സ്ഥലങ്ങളിലും വച്ച് വാക്‌സിനേഷന്‍ നല്‍കുന്നതാണ്. കൂടാതെ എത്തിച്ചേരാന്‍ ബുദ്ധിമുട്ടുളള ദുര്‍ഘട സ്ഥലങ്ങളില്‍ മൊബൈല്‍ ടീമിന്റെ സേവനവും ലഭ്യമാക്കിയിട്ടുണ്ട്.

സംസ്ഥാനത്ത് പ്രവാസികള്‍ക്ക് പുതുക്കിയ വാക്‌സിനേഷന്‍ സര്‍ട്ടിഫിക്കറ്റ് നല്‍കും

Test User — Sat, 19 Jun 2021 11:06:59 +0000

തിരുവനന്തപുരം: വദേശത്തേക്ക് പോകുന്നവരുടെ വാക്‌സിനേഷന്‍ സര്‍ട്ടിഫിക്കറ്റില്‍ ബാച്ച് നമ്പറും, തീയ്യതിയും കൂട്ടി ചേര്‍ക്കും.വിദേശ രാജ്യങ്ങളില്‍ വാക്‌സിന്റെ ബാച്ച് നമ്പറും തീയ്യതിയും ചോദിക്കുന്ന സാഹചര്യത്തിലാണ് സര്‍ട്ടിഫിക്കറ്റില്‍ ഈ വിവരങ്ങള്‍ കൂടി ചേര്‍ക്കാന്‍ സര്‍ക്കാര്‍ തീരുമാനിച്ചത്

ഇതിനായി ഹെല്‍ത്ത് പോര്‍ട്ടലില്‍ മാറ്റം വരുത്തും. അടുത്ത ദിവസം തന്നെ പുതിയ തരം സര്‍ട്ടിഫിക്കറ്റ് ലഭ്യമാകും.പുതിയ സര്‍ട്ടിഫിക്കറ്റ് ആവശ്യമുള്ളവര്‍ https://covid19.kerala.gov.in/vaccine എന്ന വെബ്‌സൈറ്റില്‍ പ്രവേശിച്ച് പഴയ സര്‍ട്ടിഫിക്കറ്റ് ക്യാന്‍സല്‍ ചെയ്ത് പുതിയ സര്‍ട്ടിഫക്കറ്റിന് അപേക്ഷിക്കാം.

ഇനി സ്പുട്‌നിക്ക് വാക്‌സിന്‍ കൂടതല്‍ നഗരങ്ങളില്‍ ലഭ്യമാകും

Test User — Thu, 17 Jun 2021 11:10:10 +0000

ന്യൂഡല്‍ഹി: റഷ്യന്‍ നിര്‍മ്മിത കോവിഡ് വാക്‌സിനായ സ്പുഡ്‌നിക്ക് ഇന്ത്യയിലെ കൂടുതല്‍ നഗരങ്ങളില്‍ ലഭ്യമാകും.

ഒന്‍പതു നഗത്തിങ്ങളിലാണ് വാക്‌സിന്‍ ലഭ്യമാകുക.ബെംഗളൂരു, മുംബൈ, ചെന്നൈ, വിശാഖപട്ടണം, ബദ്ദി, കോലാപുര്‍, മിരിയാല്‍ഗുഡ,കൊല്‍ക്കത്ത, ഡല്‍ഹി എന്നി നഗരങ്ങളില്‍ വാക്‌സിന്‍ ലഭ്യമാക്കുമെന്ന് കമ്പനി അറിയിച്ചിരിക്കുന്നത്.

രാജ്യത്തെ സ്വകാര്യ അശുപത്രികളില്‍ 1,145 രൂപയാണ് ഒരു ഡോസ് വാക്‌സിന്റെ വില.

https://twitter.com/sputnikvaccine/status/1405432027512508419?s=20

മൂന്നാം തരംഗം നേരിടാന്‍ കുട്ടികള്‍ക്കും വാക്‌സിന്‍ നല്‍കണം : സുപ്രീംകോടതി

Test User — Thu, 06 May 2021 11:42:56 +0000

ന്യൂഡല്‍ഹി: കോവിഡിന്റെ മൂന്നാം തരംഗത്തെ നേരിടാന്‍ സര്‍ക്കാര്‍ പദ്ധതികള്‍ ആവിഷ്‌കരിക്കണമെന്ന് കോടതി. മൂന്നാം രംഗത്തില്‍ വൈറസ് ഏറ്റവും കൂടുതല്‍ ബാധിക്കാന്‍ സാധ്യതയുള്ളത് കുട്ടികളെ ആണെന്നാണ് വിദഗ്ധര്‍ അഭിപ്രായപ്പെടുന്നത് അതുകൊണ്ടുതന്നെ കുട്ടികള്‍ക്കും വാക്‌സിന്‍ നല്‍കാനുള്ള നടപടികള്‍ സ്വീകരിക്കണം രോഗബാധിതരാകുന്ന കുട്ടികള്‍ക്കൊപ്പം മാതാപിതാക്കളും ആശുപത്രിയില്‍ എത്തേണ്ടിവരും ഇത് സ്ഥിതി കൂടുതല്‍ വഷളാകാന്‍ കാരണമാകും. വാക്‌സിനേഷന്‍ നടപടികള്‍ ആസൂത്രണംചെയ്ത് നടപ്പിലാക്കണം. കൃത്യമായ പദ്ധതികള്‍ രൂപീകരിച്ചാല്‍ മൂന്നാം തരംഗത്തെ നമുക്ക് നേരിടാന്‍ ആകുമെന്ന് ജസ്റ്റിസ് ഡി വൈ ചന്ദ്രചൂഡ് അധ്യക്ഷനായ ബെഞ്ച് നിരീക്ഷിച്ചു. മെഡിക്കല്‍ പഠനം കഴിഞ്ഞ് വീട്ടിലിരിക്കുന്നവരെ കോവിഡ് പ്രതിരോധ പ്രവര്‍ത്തനങ്ങള്‍ക്കായി വിനിയോഗിക്കണമെന്ന് കോടതി നിര്‍ദേശിച്ചു.

അസമില്‍ പ്രതിരോധ കുത്തിവെപ്പ് എടുത്ത് ഇരുപത്തഞ്ചു വിദ്യാര്‍ത്ഥികള്‍ ഗുരുതരാവസ്ഥയില്‍

chandrika — Sun, 09 Sep 2018 09:45:13 +0000

അസാം: അസമില്‍ എം.ആര്‍ വാക്‌സിന്‍ പ്രതിരോധ കുത്തിവെപ്പ് എടുത്ത ഇരുപത്തഞ്ചു വിദ്യാര്‍ത്ഥികള്‍ ഗുരുതരാവസ്ഥയില്‍. ഹൈലകണ്ടി ജില്ലയില്‍ ഇന്നലെയാണ് സംഭവം. എം.ആര്‍ വാക്‌സിന്‍ പ്രതിരോധ കുത്തിവെപ്പ് നടത്തിയ വിദ്യാര്‍ത്ഥികള്‍ക്ക് ഉച്ചക്ക് ശേഷം പനി, വയറിളക്കം, ഛര്‍ദ്ദി എന്നിവ അനുഭവപെടുകയായിരുന്നു. തുടര്‍ന്ന് വിദ്യാര്‍ത്ഥികളെ ചികിത്സക്കായി അടുത്തുള്ള പ്രാഥമിക ആരോഗ്യ കേന്ദ്രത്തില്‍ പ്രേവേശിപ്പിക്കുകയായിരുന്നു. സ്‌കൂളിലെ 120 വിദ്യാര്‍ത്ഥികളിലാണ് കുത്തിവെപ്പ് നടത്തിയത്.

അതേസമയം ആറ് വിദ്യാര്‍ത്ഥികളെ ആശുപത്രിയില്‍ അഡ്മിറ്റ് ചെയ്തിരിക്കുന്നത്. ബാക്കിയുള്ള വിദ്യാര്‍ത്ഥികള്‍ നിരീക്ഷണത്തിലാണ്. ഇവര്‍ക്ക് ഉടന്‍ തന്നെ ആശുപത്രി വിടാനാകുമെന്ന് ആരോഗ്യവകുപ്പ് ജോയിന്റ് ഡയറക്ടര്‍ അജിജുത് ബസു പറഞ്ഞു.

സംഭവത്തില്‍ ഡെപ്യൂട്ടി കമ്മീഷണര്‍ ആദില്‍ ഖാന്‍, ആരോഗ്യ വകുപ്പ് ജോയിന്റ് ഡയറക്ടര്‍, ജില്ലാ പ്രതിരോധവകുപ്പ് എന്നിവര്‍ അന്വേഷണത്തിന് ഉത്തരവിട്ടു. അന്വേഷണം നടത്തി ഉടന്‍ റിപ്പോര്‍ട്ട് സമര്‍പ്പിക്കാന്‍ ഡെപ്യൂട്ടി കമ്മീഷണര്‍ ആദില്‍ ഖാന്‍ ഉദ്യോഗസ്ഥരോട് ആവശ്യപ്പെട്ടിട്ടുണ്ട്.

എം.ആര്‍ വാക്‌സിനേഷന്‍ പ്രതിരോധ കുത്തിവെപ്പിന്റെ ഭാഗമായി ഹൈലകണ്ടി ജില്ലയിലെ 1,485 സ്‌കൂളുകളിലായി 2.15 ലക്ഷം കുട്ടികൡലാണ് പ്രതിരോധ കുത്തിവെപ്പ് എടുക്കേണ്ടിയിരുന്നത്.