ഒക്ടോബര്‍ അഞ്ച് അര്‍ധരാത്രിയിലായിരുന്നു വടക്കാഞ്ചേരിയില്‍ ടൂറിസ്റ്റ് ബസും കെ.എസ്.ആര്‍.ടി.സി ബസും കൂട്ടിമുട്ടി അപകടം നടന്നത്. അഞ്ച് വിദ്യാര്‍ത്ഥികളടക്കം ഒമ്പതുപേരാണ് അന്ന് മരണപ്പെട്ടത്. പ്രധാന കാരണം ടൂറിസ്റ്റ് ബസ് ഡ്രൈവറുടെ അനാസ്ഥയായിരുന്നു. പുതിയ റിപ്പോര്‍ട്ടിലാണ് കെ.എസ്.ആര്‍.ടി.സി ബസ് ഡ്രൈവര്‍ക്കും വീഴ്ച പറ്റിയിട്ടുണ്ടെന്ന് അറിഞ്ഞത്.

പലതിനും നിയമങ്ങളുള്ള രാജ്യത്ത് വിറളിപിടിച്ച് ഓടുന്ന വാഹനങ്ങള്‍ക്ക് കടിഞ്ഞാണിടാന്‍ മാത്രം ചട്ടങ്ങളൊന്നുമില്ലേ എന്ന് സംശയിച്ചുപോയെങ്കില്‍ അത്ഭുതപ്പെടാനില്ല. ഗതാഗതത്തിനൊരു വകുപ്പും അതിനെ ചുറ്റിപ്പറ്റി നൂറായിരം നിയമങ്ങളുമൊക്കെ ഈ നാട്ടിലുണ്ട്. അവയൊന്നും ഏട്ടില്‍നിന്ന് റോഡിലേക്ക് ഇറങ്ങാറില്ലെന്ന് മാത്രം. ഹെല്‍മറ്റ് ധരിക്കാത്തവനെ പിടിച്ചുവെച്ച് പിഴ ചുമത്തുന്നതോടെ ഉത്തരവാദിത്തം കഴിഞ്ഞുവെന്ന് സമാധാനിക്കുന്നവരാണ് നിയമപാലകര്‍. ടൂറിസ്റ്റ് ബസുകളുടെ മിന്നിത്തിളങ്ങുന്ന അലങ്കാര ലൈറ്റുകളും ശബ്ദസംവിധാനങ്ങളും നിയന്ത്രിക്കണമെന്ന് ഹൈക്കോടതി ഉത്തരവിട്ട് ചുരുങ്ങിയ മാസങ്ങള്‍ മാത്രം പിന്നിടുമ്പോഴാണ് വടക്കഞ്ചേരി അപകടമുണ്ടായിരിക്കുന്നത്. ടൂറിസ്റ്റ് ബസുകളെ ഡാന്‍സിങ് #ോറുകള്‍ ആക്കരുതെന്ന് ഹൈക്കോടതി കര്‍ശന നിര്‍ദേശം നല്‍കിയിട്ടുണ്ട്. പക്ഷേ, പല വാഹന ഉടമകളും അത്തരം ഉത്തരവുകള്‍ കണ്ട് പേടിക്കുന്നവരല്ല. സുരക്ഷാ മാനദണ്ഡങ്ങള്‍ പാലിക്കാതെ വാഹനങ്ങള്‍ ഓട്ടം തുടരുകയാണ്. നിയമലംഘനങ്ങള്‍ നടത്തുന്ന വാഹനങ്ങളെക്കുറിച്ച് പരാതി നല്‍കാന്‍ ഓരോ ജില്ലയിലും ബന്ധപ്പെട്ട ഉദ്യോഗസ്ഥരുടെ വാടസ്ആപ്പ് നമ്പരുകള്‍ പ്രസിദ്ധീകരിക്കണമെന്നു പോലും ട്രാന്‍സ്‌പോര്‍ട്ട് കമ്മീഷണര്‍ക്ക് കോടതി നിര്‍ദേശം നല്‍കിയിട്ടുണ്ട്. ഉത്തരവ് നടപ്പാക്കുന്നതില്‍ മോട്ടോര്‍ വാഹന വകുപ്പും പൊലീസും വീഴ്ച വരുത്തുകയാണെന്നും ഹൈക്കോടതി കുറ്റപ്പെടുത്തിയിരുന്നു.

ഗതാഗത വകുപ്പിന്റെ കരിമ്പട്ടികയിലുള്ള ബസാണ് വടക്കഞ്ചേരിയില്‍ അപകടത്തില്‍പെട്ടത്. ബസിനെതിരെ അഞ്ചോളം കേസുകള്‍ നേരത്തെ നിലവിലുണ്ടെന്നും അറിയുന്നു. എന്നിട്ടും എന്തുകൊണ്ട് അവര്‍ സൈ്വര്യമായി ഓടിയെന്നതാണ് പ്രധാന ചോദ്യം. യാത്ര പുറപ്പെടുന്നതിന് മുമ്പ് കുട്ടികളുടെ മാതാപിതാക്കള്‍ പകര്‍ത്തിയ വീഡിയോകളില്‍തന്നെ നിയമ വിരുദ്ധമായാണ് ബസ് ഓടിയതെന്ന് ബോധ്യമാകുന്നുണ്ട്. ബസിന്റെ സ്പീഡ് ഗവര്‍ണര്‍ പോലും ഊരിയെടുത്ത നിലയിലാണ്. അപകടത്തില്‍പ്പെടുമ്പോള്‍ മണിക്കൂറില്‍ 97.2 കിലോമീറ്ററായിരുന്നു വേഗതയെന്ന് റിപ്പോര്‍ട്ടുണ്ട്. ടൂറിസ്റ്റ് ബസുകളുടെ പരമാവധി വേഗം 60 കിലോമീറ്ററാണെന്നിരിക്കെയാണ് ദുരന്തത്തിലേക്കുള്ള പറത്തല്‍. രൂപമാറ്റം വരുത്തിയും പലതരം ലൈറ്റുകള്‍ ഘടിപ്പിച്ചും കാതടപ്പിക്കുന്ന ഉച്ചത്തില്‍ പാട്ടും കൂത്തുമായി റോഡിലൂടെ കുതിച്ചോടുന്ന ബസുകള്‍ക്കെതിരെ അധികൃതര്‍ ചെറുവിരല്‍ അനക്കാറില്ല. ബസുകാരില്‍ നിന്ന് പണം വാങ്ങി ഇത്തരം നിയമലംഘനങ്ങള്‍ക്ക് കൂട്ടുനില്‍ക്കുകയാണ് അധികൃതരില്‍ പലരും.

സ്‌കൂള്‍, കോളജ് വിദ്യാര്‍ഥികള്‍ പഠന, വിനോദ യാത്രകള്‍ക്ക് ഉപയോഗിക്കുന്ന ബസുകള്‍ ഏത് വിധത്തിലുള്ളതാകണമെന്നൊക്കെ സംസ്ഥാനത്ത് നിയമമുണ്ട്. അവയൊക്കെ കടലാസില്‍ ഓടുന്നവയാണെന്ന് മാത്രം. വിദ്യാര്‍ഥികളുമായി പോകുന്ന വാഹനങ്ങള്‍ ഫിറ്റ്‌നസ് ഉറപ്പാക്കണമെന്നും നിബന്ധനയുണ്ട്. പക്ഷേ, സ്വാധീനത്തിന്റെയും പണക്കൊഴുപ്പിന്റെയും ബലത്തില്‍ ഏത് നിയമത്തെയും മറികടക്കാമെന്ന ധൈര്യമാണ് വാഹന ഉടമകളെ നിയമലംഘനത്തിന് പ്രേരിപ്പിക്കുന്നത്. പല മേഖലയിലും പുരോഗതി കൈവരിച്ചപ്പോഴും ഗതാഗത രംഗത്ത് നാം ഇപ്പോഴും ബഹുദൂരം പിന്നിലാണ്. അക്കാര്യത്തില്‍ വികസിത രാജ്യങ്ങളെ മാതൃകയാക്കാറില്ല. റോഡുകളുടെ സ്ഥല പരിമിതിയും വാഹനപ്പെരുപ്പവും അപകടങ്ങള്‍ വര്‍ധിക്കാന്‍ കാരണമായതോടൊപ്പം നിയമങ്ങള്‍ ചവിട്ടിയരക്കപ്പെടുക കൂടിയാകുമ്പോള്‍ നിരത്തുകള്‍ രക്തപ്പുഴകളാവുക സ്വാഭാവികം. അനുഭവിച്ചേ പഠിക്കൂ എന്നത് പതിവ് രീതിയായിട്ടുണ്ട്. അപകടങ്ങള്‍ മുന്‍കൂട്ടി കാണാനും ദീര്‍ഘവീക്ഷണത്തോടെ പ്രവര്‍ത്തിക്കാനും നാം തയാറാകുന്നില്ല. അനാസ്ഥകള്‍ക്ക് കൊടുക്കേണ്ടിവരുന്ന വില കനത്താണെന്ന് ഓര്‍ക്കണം. വടക്കഞ്ചേരിയെങ്കിലും പാഠമാകണം. വരും കാലത്ത് അത്തരം ദുരന്തങ്ങള്‍ ആവര്‍ത്തിക്കാതിരിക്കാന്‍ ബദ്ധശ്രദ്ധ വേണം.

വടക്കഞ്ചേരിയിലേതുപോലെ വാഹനാപകടങ്ങള്‍ ആവര്‍ത്തിക്കരുത്. ഇനിയൊരു കരച്ചില്‍ കൂടി കാണാനാവില്ല. റോഡില്‍ ഇനി ചോര വീഴരുതെന്നും ജസ്റ്റിസ് ദേവന്‍ രാമചന്ദ്രന്‍ പറഞ്ഞു. ബസുകള്‍ നിരവധി അപകടങ്ങളുണ്ടാക്കുന്നതായി പരാതികള്‍ ലഭിക്കുന്നുണ്ട്. വേറെ എവിടെയെങ്കിലും ഇത്രയെറെ അപകടങ്ങളുണ്ടാകുന്നതായി അറിയില്ല. വാഹനാപടകമുണ്ടാക്കുന്ന ഡ്രൈവര്‍മാരുടെ ലൈസന്‍സ് റദ്ദാക്കണമെന്നും കോടതി ആവശ്യപ്പെട്ടു.

അശ്രദ്ധമായി വാഹനമോടിക്കുന്നവര്‍ക്കെതിരെ കര്‍ശന നടപടിക്ക് നിര്‍ദേശം നല്‍കി സര്‍ക്കുലര്‍ പുറപ്പെടുവിക്കാന്‍ ട്രാന്‍സ്‌പോര്‍ട്ട് കമ്മീഷണര്‍ക്ക് ഹൈക്കോടതി നിര്‍ദേശം നല്‍കി. പൊതുജനങ്ങള്‍ക്ക് പരാതി അറിയിക്കാന്‍ ടോള്‍ ഫ്രീ നമ്പര്‍ നല്‍കണമെന്നും കോടതി ആവശ്യപ്പെട്ടു. നിര്‍ദേശം പാലിക്കുമെന്ന് കമ്മീഷണര്‍ ഉറപ്പ് നല്‍കി.

ഇന്നലെ രാത്രി പതിനൊന്നരയോടെയാണ് വടക്കാഞ്ചേരി അഞ്ചുമൂര്‍ത്തി മംഗലത്തിന് സമീപം സ്‌കൂളില്‍ നിന്നും വിനോദയാത്രയ്ക്ക് പോയ ടൂറിസ്റ്റ് ബസ് കെഎസ്ആര്‍ടിസി ബസിലിടിച്ച് ഒന്‍പത് മരണം സംഭവിച്ചത്.മരിച്ചവരില്‍ അഞ്ചുപേര്‍ വിദ്യാര്‍ഥികളും, ഒരു അധ്യാപകനും മൂന്ന് കെഎസ്ആര്‍ടിസി യാത്രക്കാരും ഉള്‍പ്പെടുന്നു.അന്‍പതോളം പേര്‍ക്ക് പരിക്കേറ്റിട്ടുണ്ട്. 7 പേരുടെ നില ഗുരുതരമാണ്. നിരവധി പേരെ ആശുപത്രിയില്‍ പ്രവേശിപ്പിച്ചു.

കൊട്ടാരക്കര- കോയമ്പത്തൂര്‍ സൂപ്പര്‍ ഫാസ്റ്റുമായി വിനോദയാത്രയ്ക്ക് ഊട്ടിക്ക് പോയ ടൂറിസ്റ്റ് ബസാണ് അപകടത്തില്‍ പെട്ടത്. അമിതവേഗത്തിലെത്തിയ ടൂറിസ്റ്റ് ബസ് ബസിനെ മറികടക്കാന്‍ ശ്രമിക്കുന്നതിനിടെ പിറകില്‍ ഇടിക്കുകയായിരുന്നു.എറണാകുളം വെട്ടിക്കല്‍ ബേസിലിയോസ് വിദ്യാനികേതന്‍ സ്‌കൂളിലെ വിദ്യാര്‍ഥികളാണ് ബസിലുണ്ടായിരുന്നത്.ഡ്രൈവറുടെ അശ്രദ്ധയും അമിത വേഗതയുമാണ് അപകടം സൃഷ്ടിച്ചതെന്ന് ദൃസാക്ഷികള്‍ പറയുന്നു.

അപകടത്തിന്റെ ദ്യശങ്ങള്‍ കോടതി കണ്ടു.സംഭവത്തില്‍ പൊലീസിനോടും മോട്ടോര്‍ വാഹന വകുപ്പിനോടും കോടതി റിപ്പോര്‍ട്ട് തേടിയിട്ടുണ്ട്.ബന്ധപ്പെട്ട ഉദ്യോഗസ്ഥര്‍ നാളെ ഹാജരാകണം കോടതി പറഞ്ഞു.

ഇന്നലെ രാത്രി പതിനൊന്നരയോടെയാണ് വടക്കാഞ്ചേരി അഞ്ചുമൂര്‍ത്തി മംഗലത്തിന് സമീപം സ്‌കൂളില്‍ നിന്നും വിനോദയാത്രയ്ക്ക് പോയ ടൂറിസ്റ്റ് ബസ് കെഎസ്ആര്‍ടിസി ബസിലിടിച്ച് ഒന്‍പത് മരണം സംഭവിച്ചത്.മരിച്ചവരില്‍ അഞ്ചുപേര്‍ വിദ്യാര്‍ഥികളും, ഒരു അധ്യാപകനും മൂന്ന് കെഎസ്ആര്‍ടിസി യാത്രക്കാരും ഉള്‍പ്പെടുന്നു.അന്‍പതോളം പേര്‍ക്ക് പരിക്കേറ്റിട്ടുണ്ട്. 7 പേരുടെ നില ഗുരുതരമാണ്. നിരവധി പേരെ ആശുപത്രിയില്‍ പ്രവേശിപ്പിച്ചു.

കൊട്ടാരക്കര- കോയമ്പത്തൂര്‍ സൂപ്പര്‍ ഫാസ്റ്റുമായി വിനോദയാത്രയ്ക്ക് ഊട്ടിക്ക് പോയ ടൂറിസ്റ്റ് ബസാണ് അപകടത്തില്‍ പെട്ടത്. അമിതവേഗത്തിലെത്തിയ ടൂറിസ്റ്റ് ബസ് ബസിനെ മറികടക്കാന്‍ ശ്രമിക്കുന്നതിനിടെ പിറകില്‍ ഇടിക്കുകയായിരുന്നു.എറണാകുളം വെട്ടിക്കല്‍ ബേസിലിയോസ് വിദ്യാനികേതന്‍ സ്‌കൂളിലെ വിദ്യാര്‍ഥികളാണ് ബസിലുണ്ടായിരുന്നത്.ഡ്രൈവറുടെ അശ്രദ്ധയും അമിത വേഗതയുമാണ് അപകടം സൃഷ്ടിച്ചതെന്ന് ദൃസാക്ഷികള്‍ പറയുന്നു.

ടൂറിസ്റ്റ് ബസിന്റെ അമിത വേഗമാണ് അപകടത്തിന് ഇടയാക്കിയത്. 97.2 കിലോമീറ്റര്‍ ആയിരുന്നു അപകട സമയത്ത് വേഗത. വേഗപ്പൂട്ട് നിര്‍ബന്ധമാക്കിയുള്ള നിയമം നിലനില്‍ക്കെ ‘ഈ ബസിന് എങ്ങനെയാണ് അമിത വേഗമെടുക്കാന്‍ സാധിച്ചത്? മോട്ടോര്‍ വാഹന വകുപ്പിന്റെ പരിശോധന കൂടുതല്‍ ശക്തമാക്കണം. വലിയ അപകടങ്ങള്‍ ഉണ്ടാകുമ്പോള്‍ മാത്രം പരിശോധനകള്‍ ശക്തമാക്കുന്ന രീതിയില്‍ നിന്നും മാറി നിയമം കര്‍ശനമായി നടപ്പാക്കാന്‍ മോട്ടോര്‍ വാഹന വകുപ്പ് തയാറാകണം. അപകടം ഉണ്ടാക്കിയ ടൂറിസ്റ്റ് ബസിനെതിരെ നിയമ ലംഘനത്തിന് നേരത്തെയും കേസുകളുണ്ട്. നിരോധിച്ച ലൈറ്റുകളും വലിയ ശബ്ദ വിന്യാസവും എയര്‍ ഹോണുകളുമൊക്കെയായി ടൂറിസ്റ്റ് ബസുകള്‍ നിരത്തുകളില്‍ ചീറി പായുകയാണ്. ഇനിയും ഇത്തരം അപകടങ്ങള്‍ ഉണ്ടാകാതിരിക്കാനുള്ള നടപടികളാണ് വിവിധ വകുപ്പുകള്‍ സ്വീകരിക്കേണ്ടത് അദ്ദേഹം പറഞ്ഞു.

വിദ്യാഭ്യാസ സ്ഥാപനങ്ങളില്‍ നിന്നുള്ള വിനോദയാത്രകള്‍ നടക്കുന്ന സീസണ്‍ ആയതിനാല്‍ ടൂറിസ്റ്റ് ബസുകളുടെ ഫിറ്റ്‌നെസ് സംബന്ധിച്ച് കര്‍ശന പരിശോധനകള്‍ നടത്തണം. വിനോദയാത്രയുടെ വിശദാംശങ്ങള്‍ മോട്ടോര്‍ വാഹന വകുപ്പിനെ അറിയിക്കാന്‍ സ്‌കൂളുകളും ശ്രദ്ധിക്കണം.മോട്ടോര്‍ വാഹന വകുപ്പിന്റെ എല്ലാ പരിശോധകളും പൂര്‍ത്തിയായ വാഹനങ്ങളാണ് വിനോദയാത്രയ്ക്ക് ഉപയോഗിക്കുന്നതെന്ന് ഉറപ്പാക്കണം അദ്ദേഹം പറഞ്ഞു.

അന്‍പതോളം പേര്‍ക്ക് പരിക്കേറ്റിട്ടുണ്ട്. 7 പേരുടെ നില ഗുരുതരമാണ്. നിരവധി പേരെ ആശുപത്രിയില്‍ പ്രവേശിപ്പിച്ചു.

ഇന്നലെ രാത്രി പതിനൊന്നരയോടെയാണ് അപകടമുണ്ടായത്. കൊട്ടാരക്കര- കോയമ്പത്തൂര്‍ സൂപ്പര്‍ ഫാസ്റ്റുമായി വിനോദയാത്രയ്ക്ക് ഊട്ടിക്ക് പോയ ടൂറിസ്റ്റ് ബസാണ് അപകടത്തില്‍ പെട്ടത്. അമിതവേഗത്തിലെത്തിയ ടൂറിസ്റ്റ് ബസ് ബസിനെ മറികടക്കാന്‍ ശ്രമിക്കുന്നതിനിടെ പിറകില്‍ ഇടിക്കുകയായിരുന്നു.എറണാകുളം വെട്ടിക്കല്‍ ബേസിലിയോസ് വിദ്യാനികേതന്‍ സ്‌കൂളിലെ വിദ്യാര്‍ഥികളാണ് ബസിലുണ്ടായിരുന്നത്.ഡ്രൈവറുടെ അശ്രദ്ധയും അമിത വേഗതയുമാണ് അപകടം സൃഷ്ടിച്ചതെന്ന് ദൃസാക്ഷികള്‍ പറയുന്നു.