ട്രെയിന്‍ കടന്നുപോകുമ്പോള്‍ ട്രാക്കിലേക്ക് പെട്ടെന്ന് നാലോളം കന്നുകാലികള്‍ കയറുകയായിരുന്നു. തുടര്‍ന്നാണ് അപകടമുണ്ടായത്. ട്രെയിനിന്റെ പ്രധാന പ്രവര്‍ത്തന ഭാഗത്തിന് കേടുപാടുകള്‍ സംഭവിച്ചിട്ടില്ല. കന്നുകാലികളുടെ മൃതദേഹം നീക്കിയതിന്  പിന്നാലെ എട്ട് മിനിറ്റിനുള്ളില്‍ ട്രെയിന്‍ നീങ്ങി.

റിയാദ്: പാശ്ചാത്യ രാജ്യങ്ങളിൽ ഭീതി പരത്തിയ കോവിഡ് ഭീഷണിയെ തുടർന്ന് ഒരാഴ്ചത്തേക്ക് ഏർപ്പെടുത്തിയ അന്താരാഷ്ട്ര യാത്രാവിലക്കിനെ തുടർന്ന് സഊദിയിൽ നിന്ന് ഇന്ത്യയിലേക്കുള്ള ഇന്നത്തെ ചാര്‍ട്ടേഡ്, വന്ദേഭാരത് വിമാനസര്‍വീസുകള്‍ റദ്ദാക്കി. ഷെഡ്യൂള്‍ ചെയ്ത് രാത്രിയും രാവിലെയുമായി സഊദിയിലെ വിമാനത്താവളങ്ങളിൽ എത്തിയ വിമാനങ്ങള്‍ യാത്രക്കാരുമായി തിരിച്ചുപോയി. എല്ലാ പൊതു യാത്രാ സര്‍വീസ് വിമാനങ്ങളും അടുത്ത അറിയിപ്പ് വരെ സഊദിയിൽ ലാന്റ് ചെയ്യാന്‍ അനുമതി നൽകില്ലെന്ന് ബന്ധപ്പെട്ടവര്‍ അറിയിച്ചു.

റിയാദില്‍ നിന്ന് ചെന്നൈയിലേക്കുള്ള സഊദി എയര്‍ലൈന്‍സും ഡല്‍ഹി- ലക്‌നോയിലേക്കുള്ള ഗോ എയറും തിരുവനന്തപുരത്തേക്കുള്ള സ്‌പേസ് ജറ്റും റദ്ദാക്കിയവയില്‍ പെടും. എന്നാല്‍ വന്ദേഭാരത് വിമാനങ്ങള്‍ ഇന്ന് സര്‍വീസ് നടത്തുന്നില്ല. അടുത്ത ദിവസങ്ങളിലെ സര്‍വീസ് ബന്ധപ്പെട്ടവരുമായി ആലോചിച്ച ശേഷം തീരുമാനിക്കുമെന്ന് എയര്‍ ഇന്ത്യ ഉദ്യോഗസ്ഥര്‍ അറിയിച്ചു.

സഊദിയിലേക്കുള്ള മറ്റു വിദേശവിമാന കമ്പനികളെല്ലാം സര്‍വീസ് റദ്ദാക്കിയിട്ടുണ്ട്. പല കമ്പനികള്‍ക്കും കഴിഞ്ഞ ദിവസങ്ങളിലാണ് ഷെഡ്യൂള്‍ ലഭിച്ചിരുന്നത്. ഇതുമൂലം ദുബായ് വഴി സഊദിയിലേക്ക് തിരിച്ച നിരവധി പേർ അവൈഡ് കുടുങ്ങി കിടക്കുകയാണ്. വിമാനങ്ങളുടെ സർവീസ് നിർത്തിവെച്ചിരിക്കുന്നത് ഒരാഴ്ചത്തേക്കാണെങ്കിലും അത് നീണ്ടുപോകുമോയെന്ന കടുത്ത ആശങ്കയിലാണ് പ്രവാസികൾ.

വന്ദേ ഭാരത് മിഷന്‍ ഉള്‍പ്പെടെ സൗദിയില്‍ നിന്ന് ഇന്ത്യയിലേക്കും തിരിച്ചും ഉള്ള എല്ലാ വിമാനങ്ങള്‍ക്കും വിലക്ക് ബാധകമാണെന്ന തരത്തില്‍ പ്രചരിക്കുന്ന വാര്‍ത്ത അടിസ്ഥാന രഹിതമാണെന്നാണ് വൃത്തങ്ങള്‍ പറയുന്നത്. എന്നാല്‍ ചാര്‍ട്ടേഡ് വിമാനങ്ങളെ ബാധിക്കുമോ എന്ന കാര്യത്തില്‍ ഇപ്പോഴും വ്യക്തതയില്ല. വന്ദേഭാരത് പദ്ധതി പ്രകാരം നിലവില്‍ ഷെഡ്യുള്‍ ചെയ്ത സര്‍വീസുകളെ ജിഎസിഎ സര്‍ക്കുലര്‍ ബാധിക്കുന്ന ഒരറിയിപ്പും ഇതുവരെ ലഭിച്ചിട്ടില്ലെന്ന് വിമാനക്കമ്പനി അധികൃതരും പറഞ്ഞു.

കോവിഡ് കാല യാത്രാ നിയന്ത്രണങ്ങള്‍ ഒഴിവാക്കി ജിഎസിഎ നേരത്തേ ഇറക്കിയ 25 രാജ്യങ്ങളുടെ പട്ടികയില്‍ ഇന്ത്യയുണ്ടായിരുന്നില്ല. ആ പട്ടിക വിപുലീകരിക്കുക മാത്രമാണ് ജനറല്‍ അതോറിറ്റി ഓഫ് സിവില്‍ ഏവിയേഷന്‍ ചെയ്തിരിക്കുന്നത്. കോവിഡ് വ്യാപനം രൂക്ഷമായ പശ്ചാത്തലത്തില്‍ ഈ പട്ടികയിലും ഇന്ത്യ ഉള്‍പ്പെടെ മൂന്ന് രാജ്യങ്ങള്‍ ഇല്ല എന്നതാണ് സര്‍ക്കുലറിലെ ഉള്ളടക്കം. നിലവില്‍ നിലനിന്ന യാത്രാ നിയന്ത്രണങ്ങള്‍ അനിശ്ചിത കാലത്തേയ്ക്ക് നീളുന്നു എന്നതാണ് സംഭവിച്ചിരിക്കുന്നത്. പുതുതായി ആരംഭിക്കുമെന്നറിയിച്ച സര്‍വീസുകള്‍ റദ്ദ് ചെയ്യുകയോ പട്ടികപ്പെടുത്തിയ യാത്രകള്‍ മുടങ്ങുകയോ ചെയ്തിട്ടില്ല.

അതേസമയം, കോവിഡ് കാലത്തിന് മുമ്പ് അവധിയില്‍ പോയ പ്രവാസികള്‍ക്ക് സൗദിയിലെ വിലക്കുകള്‍ നീങ്ങുമ്പോഴും തിരിച്ചെത്തുന്നത് സംബന്ധിച്ച തീരുമാനം അനിശ്ചിതമായി നീളുന്നു എന്ന പ്രശ്‌നമുണ്ട്. ഇത് മലയാളികളുള്‍പ്പെടെ നിരവധി പ്രവാസികളെ കുഴക്കും.