കൈയിലെ ഷീല്‍ഡ് ഉപയോഗിച്ചാണ് പൊലീസുകാര്‍ വെള്ളം ദേഹത്ത് പതിക്കാതെ പ്രതിരോധിച്ചത്. സമരം കാണാന്‍ നിന്നവരും വെളളത്തില്‍ കുളിച്ചു. എആര്‍ ക്യാംപില്‍ പൊലീസ് ഉദ്യോഗസ്ഥര്‍ക്കു ജലപീരങ്കി ഉപയോഗ പരിശീലനം നല്‍കിയിരുന്നു. എന്നാല്‍ വേണ്ടത്ര പരിശീലനം ലഭിക്കാത്ത പൊലീസുകാരനാണ് ഇന്നലെ സമരങ്ങളെ നേരിടാന്‍ ജലപീരങ്കി ഉപയോഗിച്ചതെന്നു പറയുന്നു. രഹസ്യാന്വേഷണ വിഭാഗം ഇതു സംബന്ധിച്ച് റിപ്പോര്‍ട്ട് നല്‍കി.

ഇതിനു മുന്‍പ് അക്രമാസക്തമാകുന്ന സമരങ്ങളെ പ്രതിരോധിക്കുന്നതിനു ടിയര്‍ ഗ്യാസ് ഉപയോഗിക്കുന്ന ‘വജ്ര’ ആയിരുന്നു പൊലീസിന്റെ പ്രധാന ആയുധം. ജലപീരങ്കിക്കു ലക്ഷ്യം തെറ്റിയതു സംബന്ധിച്ച് സ്‌പെഷല്‍ ബ്രാഞ്ച് അന്വേഷണം ആരംഭിച്ചു.