രാജസ്ഥാനില്‍ കോട്ടകള്‍ തകരുമെന്ന് മനസിലാക്കിയ ബിജെപി ചില മണ്ഡലങ്ങളില്‍ വോട്ടെടുപ്പില്‍ വ്യാപക ക്രമക്കേട് നടത്തിയതായി സൂചന്. ആദര്‍ശ് നഗറിലെ സങ്കരേലി ഗേറ്റിലെ 101ാം നംബര്‍ ബുത്തില്‍ ബിജെപി സ്ഥാനാര്‍ത്ഥിക്ക് അനുകൂലമായി വോട്ടു രേഖപ്പെടുത്താന്‍ പോളിങ്ങ് ഓഫീസര്‍ തന്നെ ആവശ്യപ്പെട്ടതായാണ് റിപ്പോര്‍ട്ട്. ഇത് ചോദ്യം ചെയ്ത മാധ്യമ പ്രവര്‍ത്തകനെ കയ്യേറ്റം ചെയ്തതായും റിപ്പോര്‍ട്ടുകള്‍ പറയുന്നു.

തിരഞ്ഞെടുപ്പ നടന്ന അഞ്ച് സംസ്ഥാനങ്ങളില്‍ രാജസ്ഥാനില്‍ കോണ്‍ഗ്രസിനാണ് തുടക്കം മുതല്‍ മുന്‍തൂക്കം. കൂടാതെ മധ്യപ്രദേശിലും ഛത്തീസ്ഘട്ടിലും കടുത്ത മത്സരമാണ് നടക്കുക എന്നും വിലിയിരുത്തലുണ്ടായിരുന്നു.ഇതിനെ ശരിവച്ചുകൊണ്ടുള്ള എക്‌സിറ്റ് പോള്‍ ഫലങ്ങളാണ് ഇന്നലെ പുറത്ത് വന്നത്.

വോട്ട് രേഖപ്പെടുത്താനെത്തിയവരോട് പോളിങ്ങ് ഓഫീസര്‍ മെഷീനിലെ ആദ്യ ബട്ടണ്‍ അമര്‍ത്താന്‍ ആവശ്യപ്പെടുകയായിരുന്നു. മണ്ഡലത്തിലെ ബിജെപി സ്ഥാനാര്‍ഥി അശോക് പര്‍നാമിയുടേതാണ് മെഷീനിലെ ആദ്യപേരെന്നും റിപ്പോര്‍ട്ടുകള്‍ പറയുന്നു. റഫീഖ് ഖാന്‍ എന്നയാളാണ് ഇവിടത്തെ കോണ്‍ഗ്രസ് സ്ഥാനാര്‍ഥി.

മണ്ഡലത്തിലെ മുസ്ലിം ഭുരിപക്ഷ പ്രദേശത്തെ ബൂത്തിലായിരുന്നു ഈ സംഭവമരങ്ങേറിയത്. വോട്ടര്‍മാരില്‍ നിരവധി പേരെ വോട്ടര്‍ ലിസ്റ്റില്‍ പുറത്താക്കിയെന്നും വിവിപാറ്റ് മെഷീന്‍ ശരിയായി പ്രവര്‍ത്തിക്കുന്നില്ലെന്നും പരാതി ഉയര്‍ന്നിരുന്നു.

മുന്‍ കേന്ദ്രമന്ത്രി ജസ്വന്ത് സിങിന്റെ മകനാണ് മാനവേന്ദ്ര സിങ്. ബര്‍മര്‍ ജില്ലയില്‍ വെച്ച് നടത്തിയ ആയിരങ്ങള്‍ അണി നിരന്ന സ്വാഭിമാന്‍ റാലിയില്‍ വെച്ചാണ് ബിജെപി വിടുന്ന കാര്യം മാനവേന്ദ്ര ഔദ്യോഗികമായി പ്രഖ്യാപിച്ചിരിക്കുന്നത്.

പാര്‍ട്ടിയുമായി കഴിഞ്ഞ കുറച്ചു നാളുകളായി അഭിപ്രായ വ്യത്യാസത്തിലായിരുന്ന മാനവേന്ദ്ര സിങിന് ജയ്‌സാല്‍മീറിലും ബാര്‍മിര്‍ മേഖലയിലുമായി പതിനായിരക്കണക്കിന് അനുയായികള്‍ ഉണ്ട്. ഇവരും പാര്‍ട്ടി വിടുമോയെന്ന ആശങ്കയിലാണ് ബി.ജെ.പി സംസ്ഥാന നേതൃത്വം. നേരത്തെ തെരഞ്ഞെടുപ്പിന് മുന്നോടിയായി വസുന്ധര രാജെ നടത്തിയ ഗൗരവ് യാത്രയില്‍ നിന്നും മാനവേന്ദ്ര സിങും അണികളും വിട്ട് നിന്നിരുന്നു.

രാജസ്ഥാനില്‍ ബി.ജെ.പി സര്‍ക്കാരിനെതിരെ കടുത്ത ഭരണ വിരുദ്ധ വികാരംനിലനില്‍ക്കുന്നുണ്ട്. പൊതുജനങ്ങള്‍ക്കിടയില്‍ മാത്രമല്ല, ബിജെപിക്ക് അകത്ത് നിന്ന് തന്നെ സര്‍ക്കാരിനെതിരെ രോഷം ഉയര്‍ന്നിട്ടുണ്ട്. മുഖ്യമന്ത്രി വസുന്ധര രാജെയ്ക്ക് എതിരെ പാര്‍ട്ടി പ്രവര്‍ത്തകര്‍ തന്നെ അമിത് ഷായ്ക്ക് കത്ത് നല്‍കിയിരുന്നു.

സ്വന്തം മണ്ഡലത്തില്‍ പര്യടനത്തിന് എത്തിയ വസുന്ധര രാജെയ്ക്ക് എതിരെ ബിജെപി പ്രവര്‍ത്തകര്‍ തന്നെ പ്രതിഷേധ പ്രകടനം നടത്തിയതും പാര്‍ട്ടിക്ക് വലിയ തലവേദന ആയിരുന്നു. ഇതൊന്നും കൂടാതെ ബിജെപിയിലെ കൊഴിഞ്ഞ് പോക്കും വലിയ തിരിച്ചടിയാണ്.

അതേസമയം ഭരണ വിരുദ്ധ വികാരം മുതലെടുത്ത് അധികാരത്തില്‍ തിരിച്ചെത്താനുള്ള ശ്രമത്തിലാണ് കോണ്‍ഗ്രസ്. പല സര്‍വേ ഫലങ്ങളും കോണ്‍ഗ്രസ് രാജസ്ഥാനില്‍ അധികാരത്തില്‍ തിരിച്ചെത്തുമെന്ന് പ്രവചനം നടത്തിയിരുന്നു.

സാഗ്വാരയിലെ ദംഗര്‍പൂരില്‍ ദിവസങ്ങള്‍ക്ക് മുമ്പ് സംസ്ഥാനത്ത് പ്രചാരണ പരിപാടിക്കെത്തിയ ബി.ജെ.പി ദേശീയ അധ്യക്ഷന്‍ അമിത് ഷാ കോണ്‍ഗ്രസിനെതിരെ ശക്തമായ വിമര്‍ശനമുന്നയിച്ച അതേ വേദിയില്‍ തന്നെയാണ് രാഹുല്‍ ഗാന്ധി പ്രവര്‍ത്തകരെ അഭിസംബോധന ചെയ്യുക.തെരഞ്ഞടുപ്പ് പ്രചാരണത്തിന് ആഗസ്റ്റില്‍ ഔദ്യോഗിക തുടക്കമായതിന് ശേഷം ആദ്യമായാണ് കോണ്‍ഗ്രസ് അധ്യക്ഷന്‍ രാഹുല്‍ ഗാന്ധി സംസ്ഥാനം സന്ദര്‍ശിക്കുന്നത്. പരിപാടിയുടെ ഒരുക്കങ്ങള്‍ പൂര്‍ത്തിയായെന്നും മൂന്ന് ലക്ഷം പ്രവര്‍ത്തകര്‍ എത്തുമെന്നും പി.സി.സി അധ്യക്ഷന്‍ സച്ചിന്‍ പൈലറ്റ് അറിയിച്ചു.

റാഫേല്‍ ഇടപാട്, മല്ല്യയുടെ വെളിപ്പെടുത്തല്‍, ഇന്ധനവില വര്‍ധന,സ്ത്രീ സുരക്ഷ, കര്‍ഷക ആത്മഹത്യ, ആള്‍ക്കൂട്ട കൊല, തുടങ്ങിയവയാണ് കോണ്‍ഗ്രസ് പ്രചാരണായുധമാക്കുന്നത്. ദംഗര്‍പൂരിലെ പൊതുസമ്മേളനത്തില്‍ പ്രവര്‍ത്തകരെ അഭിസംബോധന ചെയ്ത ശേഷം സംസ്ഥാന നേതാക്കളുമായും രാഹുല്‍ ഗാന്ധി കൂടിക്കാഴ്ച നടത്തും.

രാജസ്ഥാനില്‍ വസുന്ധര രാജെ സര്‍ക്കാരിനെതിരായ ഭരണവിരുദ്ധ വികാരം മുതലെടുത്ത്് അധികാരം തിരിച്ചുപിടിക്കാനാകുമെന്ന പ്രതീക്ഷയിലാണ് കോണ്‍ഗ്രസ് സംസ്ഥാന നേതൃത്വം.

ബി.ജെ.പി പ്രവര്‍ത്തകനായ പ്രമോദ് ശര്‍മ്മയുടെ നേതൃത്വത്തിലാണ് പ്രവര്‍ത്തകര്‍ പ്രതിഷേധിച്ചത്. ക്വിറ്റ് ഇന്ത്യ ദിനമായ ആഗസ്റ്റ് ഒമ്പതിന് ‘വസുന്ധര ഗോ ബാക്ക്’, ‘ക്വിറ്റ് ജലാവര്‍’ തുടങ്ങിയ മുദ്രാവാക്യങ്ങളുയര്‍ത്തി ബി.ജെ.പി പ്രവര്‍ത്തകര്‍ മണ്ഡലത്തില്‍ ബൈക്ക് റാലി നടത്തി. ഏകദേശം 500 ബൈക്കുകളിലായി ആയിരം പേര്‍ റാലിയില്‍ പങ്കെടുത്തു.

മണ്ഡലത്തില്‍ അഴിമതി കൂടുതലാണെന്നും വികസനമില്ലെന്നും പ്രമോദ് ശര്‍മ്മ ആരോപിച്ചു. ലോക്‌സഭാംഗമായി അഞ്ച് തവണയും നിയമസഭാംഗമായി മൂന്ന് തവണയും ജലാവറില്‍ നിന്ന് വസുന്ധര രാജെ തെരഞ്ഞെടുക്കപ്പെട്ടിട്ടുണ്ട്.

അതിര്‍ത്തി ജില്ലയായ ബാമറിലെ മിയോന്‍ കാ ബാര ഗ്രാമത്തിന്റെ പേരാണ് അവസാനമായി മാറ്റിയത്. മഹേഷ്‌നഗര്‍ എന്നാണ് പുതിയ പേര്. മുസ്‌ലിം പേരുകള്‍ തങ്ങള്‍ക്ക് ബുദ്ധിമുട്ടുണ്ടാക്കുന്നുവെന്ന് ഗ്രാമവാസികള്‍ പറഞ്ഞതിനെ തുടര്‍ന്നാണ് ഗ്രാമത്തിന്റെ പേര് മാറ്റിയതെന്ന് ഒരു ഗവണ്‍മെന്റ് ഉദ്യോഗസ്ഥന്‍ പറഞ്ഞു. ഗ്രാമത്തിന് മുസ്‌ലിം പേരുള്ളതിനാല്‍ തങ്ങളുടെ ചെറുപ്പക്കാര്‍ക്ക് വിവാഹാലോചനകള്‍ പോലും വരുന്നില്ലെന്ന് ഗ്രാമവാസികള്‍ പരാതിപ്പെട്ടതായി ഉദ്യോഗസ്ഥന്‍ പറഞ്ഞു.

രണ്ട് ഗ്രാമങ്ങളുടെ പേരുകള്‍ അടുത്തിടെയാണ് രാജസ്ഥാന്‍ സര്‍ക്കാര്‍ മാറ്റിയത്. ജുന്‍ജുനഹ ജില്ലയിലെ ഇസ്മായീല്‍പൂര്‍ ഗ്രാമത്തിന്റെ പേര് അടുത്തിടെ പിച്ചാന്‍വ ഖുര്‍ദ് എന്നും ജാലോര്‍ ജില്ലയിലെ നര്‍പാര ഗ്രാമത്തിന്റെ പേര് നാര്‍പുര എന്നും അടുത്തിടെ മാറ്റിയിരുന്നു.

ന്യൂഡല്‍ഹി : കഴിഞ്ഞ ഉപതെരഞ്ഞെടുപ്പ് പരാജയത്തെ തുടര്‍ന്ന് രാജസ്ഥാനിലെ ബി.ജെ.പിയില്‍ ഉടലെടുത്ത പൊട്ടിത്തെറി കൂടുതല്‍ രൂക്ഷമാകുന്നു.സംസ്ഥാനത്ത് ബി.ജെ.പി അധികാരം നിലനിര്‍ത്തണമെങ്കില്‍ സംസ്ഥാന ഘടകത്തില്‍ നേതൃമാറ്റം വേണമെന്നും അല്ലെങ്കില്‍ വരും തെരഞ്ഞെടുപ്പുകളില്‍ ബി.ജെ.പിയുടെ അടിവേരിളകുമെന്ന വാദവുമായി ഒരു വിഭാഗം നേതാക്കള്‍ രംഗത്തെത്തിയത്തോടെയാണ് പാര്‍ട്ടിയില്‍ പ്രശന്ങ്ങള്‍ കൂടുതല്‍ രൂക്ഷമായത്.

രാജസ്ഥാനില്‍ നേതൃമാറ്റം ആവശ്യപ്പെട്ട് അശോക് ചൗധരി പാര്‍ട്ടി ദേശീയ അധ്യക്ഷന്‍ അമിത് ഷായ്ക്ക് കത്തയച്ചു എന്നാണ് ഒടുവില്‍ പുറത്തു വരുന്ന റിപ്പോര്‍ട്ടുകള്‍. 2018ലെയും 2019ലെയും വരാനിരിക്കുന്ന തെരഞ്ഞെടുപ്പുകളില്‍ സംസ്ഥാനം ഭരിക്കുന്ന മുഖ്യമന്ത്രി വസുന്ധര രാജയും പാര്‍ട്ടി സംസ്ഥാന അധ്യക്ഷന്‍ അശോക് പര്‍ണമിയും തല്‍സ്ഥാനങ്ങളില്‍ തുടരുകയാണെങ്കില്‍ പാര്‍ട്ടിയുടെ അതിദയനീയമായിരിക്കുമെന്ന് അശോക് ചൗധരി കത്തില്‍ പറയുന്നു

കഴിഞ്ഞ ദിവസം ഉപതെരഞ്ഞെടുപ്പ് വിലയിരുത്തിയ നേതൃത്വത്തെ ഞെട്ടിക്കുന്നതായിരുന്ന ബൂത്തുതല കണക്കെടുപ്പ്. ഒരു ബൂത്തില്‍ ഒറ്റവോട്ടും പോലും ലഭിക്കാത്ത ബി.ജെ.പിക്ക് ചില ബൂത്തുകളില്‍ ലഭിച്ച വോട്ടാകട്ടെ ഒന്ന്, രണ്ട് എന്നിങ്ങനെ. ഇതിനു പിന്നാലെയാണ് ദേശീയ നേതൃത്വത്തിന് തലവേദന സൃഷ്ടിച്ച് നേതൃമാറ്റം എന്ന ആവശ്യവും സജീവമായി പാര്‍ട്ടിയില്‍ ഉയരുന്നത്.

ബി.ജെ.പി എല്ലാ സംസ്ഥാനങ്ങളിലും അവരുടെ മുഖ്യമന്ത്രി സ്ഥാനാര്‍ത്ഥിയെ പ്രഖ്യാപിച്ചു കഴിഞ്ഞു. എന്നാല്‍ രാജസ്ഥാനില്‍ ആരായിരിക്കും മുഖ്യമന്ത്രി സ്ഥാനാര്‍ത്ഥിയെന്ന് പ്രഖ്യാപിക്കാന്‍ അവര്‍ ധൈര്യപ്പെടുന്നില്ല. സച്ചിന്‍ പൈലറ്റ് പറഞ്ഞു. വസുന്ധര രാജയിലുള്ള ആത്മവിശ്വാസം സംസ്ഥാനത്തെ ബി.ജെ.പിക്ക് നഷ്ടപ്പെട്ടെന്നായിരുന്നും അദ്ദേഹം സൂചന നല്‍കി.

ആമദ്ധ്യപ്രദേശില്‍ ശിവരാജ് സിങ് ചൗഹാനും, ചത്തീസ്ഖണ്ഡില്‍ രമന്‍ സിങും കര്‍ണ്ണാടകയില്‍ ബി.എസ് യെദ്യൂരപ്പയുമായിരിക്കും ബി.ജെ.പി സ്ഥാനാര്‍ത്ഥികളെന്ന് അമിത് ഷാ പ്രഖ്യാപിച്ചിട്ടുണ്ട്. എന്നാല്‍ ഈ വര്‍ഷം തന്നെ തെരെഞ്ഞെടുപ്പ് നടക്കാനിരിക്കുന്ന രാജസ്ഥാനില്‍ ആരായിരിക്കും സ്ഥാനാര്‍ത്ഥിയെന്ന് പ്രഖ്യാപിച്ചിട്ടില്ല. കഴിഞ്ഞ ദിവസം അമിത് ഷാ ജയ്പൂരില്‍ വന്നെങ്കിലും മൗനം പാലിക്കുകയായിരുന്നു. ഇതോടെ രാജസ്ഥാനില്‍ വസുന്ധര യുഗത്തിന്റെ അന്ത്യം അടുത്തതായി രാഷ്ട്രീയ നിരീക്ഷകര്‍ ചൂണ്ടിക്കാട്ടുന്നു.

ജയ്പൂര്‍ : രാജസ്ഥാനില്‍ നടന്ന ഉപതെരഞ്ഞെടുപ്പില്‍ ബി.ജെ.പിയുടെ പരാജയം അറിഞ്ഞതിലും ദയനീയമെന്ന്
കണക്കുകള്‍. തെരഞ്ഞെടുപ്പ് നടന്ന മണ്ഡലങ്ങളിലെ ബൂത്തുതല കണക്ക് പരിശോധിച്ചപ്പോളാണ് ബി.ജെ.പിയെ ഞെട്ടിക്കുന്ന കണക്കുകള്‍ പുറത്തു വരുന്നത്. ഒരു ബൂത്തില്‍ ഒരു വോട്ടുപോലും ലഭിക്കാത്ത പാര്‍ട്ടിക്ക് മറ്റു ചില ബൂത്തുകളില്‍ ലഭിച്ച വോട്ടാകാട്ടെ ഒന്ന്, രണ്ട് എന്നിങ്ങനെ. രാജസ്ഥാനില്‍ ജനപ്രതിനിധികളുടെ മരണത്തെ തുടര്‍ന്ന് രണ്ട് ലോക്‌സഭാ മണ്ഡലങ്ങളിലും ഒരു നിയമസഭാ മണ്ഡലത്തിലുമാണ് തെരഞ്ഞെടുപ്പ് നടന്നത്
എന്നാല്‍ മൂന്നു മണ്ഡലത്തിലും ബി..െജപി ദയനീയ പരാജയം ഏറ്റുവാങ്ങുകയായിരുന്നു.

അജ്മീര്‍ മണ്ഡലത്തിലെ ഡുദു തെഹ്‌സില്‍ 49-ാം നമ്പര്‍ ബൂത്തില്‍ ബി.ജെ.പി സംപൂജ്യരായപ്പോള്‍ കോണ്‍ഗ്രസിന് ലഭിച്ച വോട്ടാകട്ടെ 337. നസീറാബാദ് മണ്ഡലത്തിലെ 223-ാം നമ്പര്‍ ബൂത്തില്‍ കോണ്‍ഗ്രസ് 582 വോട്ട് നേടിയപ്പോള്‍ ബി.ജെ.പിക്ക് ലഭിച്ചത് ഒറ്റ വോട്ടാണ്. 224-ാമത്തെ ബൂത്തില്‍ കോണ്‍ഗ്രസിന് 500 പേര്‍ വോട്ട് രേഖപ്പെടുത്തിയപ്പോള്‍ രണ്ട് വോട്ട് നേടാനെ ബിജെപിക്കായുള്ളു.

2014 ലോക്‌സഭാ തിരഞ്ഞെടുപ്പില്‍ ബിജെപിക്ക് 2.5 ലക്ഷം വോട്ടിന്റെ ഭൂരിപക്ഷം സമ്മാനിച്ച അല്‍വാര്‍ മണ്ഡലത്തില്‍ ഇത്തവണ കോണ്‍ഗ്രസിന്റെ ഡോ.കരണ്‍ സിങ് യാദവ് രണ്ട് ലക്ഷത്തോളം വോട്ടിന്റെ ഭൂരിപക്ഷത്തിലാണ് വിജയിച്ചത്.അജ്മീര്‍ ലോക്‌സഭാ മണ്ഡലത്തില്‍ കോണ്‍ഗ്രസ് സ്ഥാനാര്‍ത്ഥി രഘുശര്‍മ ജയിച്ചു കയറിയത് 85,000 വോട്ടുള്‍ക്കാണ്. എട്ട് നിയമസഭാ മണ്ഡലങ്ങളുള്ള അജ്മീര്‍ ലോക്‌സഭാ മണ്ഡലത്തില്‍ ഒരിടത്ത് പോലും മുന്നിലെത്താന്‍ ബി.ജെ.പിക്കായില്ല എന്നതും ശ്രദ്ധേയമാണ്. മണ്ഡല്‍ഗഢ് നിയമസഭാ മണ്ഡലത്തില്‍ 12,000 വോട്ടിന്റെ ഭൂരിപക്ഷത്തിലാണ് കോണ്‍ഗ്രസ് വിജയിച്ചത്്.

സിറ്റിങ് സീറ്റിലെ ഉപതെരഞ്ഞെടുപ്പില്‍ സഹതാപ തരംഗം ഉണ്ടാകുമെന്ന പ്രതീക്ഷിച്ച് ബന്ധുക്കളെ സ്ഥാനാര്‍ത്ഥികളാക്കിയ ബി.ജെ.പിക്ക് ഞെട്ടിക്കുന്ന തോല്‍വിയാണ് ഏറ്റുവാങ്ങേണ്ടി വന്നത്. ബൂത്തുതല വോട്ടു കണക്കുകള്‍ പുറത്തുവന്നതോടെ ബിജെപിക്കുള്ളില്‍ തന്നെ വലിയ പൊട്ടിത്തെറിയാണ് ഉണ്ടായിരിക്കുന്നത്. മുഖ്യമന്ത്രി വസുന്ധര രാജെയെ മാറ്റണമെന്ന ആവശ്യവുമായി ഒരു വിഭാഗം സംസ്ഥാന നേതാക്കള്‍ രംഗത്തെത്തി കഴിഞ്ഞു.

രാജസ്ഥാന്‍ മുഖ്യമന്ത്രി വസുന്ധര രാജയെയും പാര്‍ട്ടി സംസ്ഥാന അധ്യക്ഷന്‍ അശോക് പര്‍നാമിയെയും തല്‍സ്ഥാനത്ത് നിന്നും മാറ്റണമെന്ന് ബിജെപി നേതാവ് അശോക് ചൗധരി. ഇക്കാര്യം ആവശ്യപ്പെട്ട് ദേശീയ അധ്യക്ഷന്‍ അമിത് ഷായ്ക്ക് ചൗധരി കത്തെഴുതി. വസുന്ധര രാജയുടേയും അശോക് പര്‍മാനിയുടേയും പ്രവര്‍ത്തനത്തില്‍ പാര്‍ട്ടി പ്രവര്‍ത്തകര്‍ അതൃപ്തരാണ്. രാജസ്ഥാനിലെ ബിജെപി പ്രവര്‍ത്തകരുടെ ശബ്ദമാണ് തന്റെ കത്തിലുള്ളത്. പ്രവര്‍ത്തകരുടെ നിസഹായാവസ്ഥയാണ് കത്തിലെ ഓരോ വാക്കിലുമുള്ളതെന്നും അദ്ദേഹം പറയുന്നു. ബിജെപിയുടെ ഒബിസി സെല്‍ കോട്ട ജില്ലാ അധ്യക്ഷനാണ് ചൗധരി.

അടുത്തിടെ നടന്ന ഉപതെരഞ്ഞെടുപ്പില്‍ രണ്ട് നിയമസഭാ മണ്ഡലങ്ങളിലും ഒരു ലോക്‌സഭാ മണ്ഡലത്തിലും ബിജെപിക്ക് കനത്ത പരാജയം സംഭവിച്ചിരുന്നു. ഇതിനു പിന്നാലെയാണ് പാര്‍ട്ടിയില്‍ പൊട്ടിത്തെറികള്‍ രൂപപ്പെട്ടത്.

വസുന്ധരയുടെ പ്രവര്‍ത്തനത്തില്‍ സംസ്ഥാനത്തെ ജനങ്ങള്‍ അതൃപ്തിയിലാണ്. അവരുടെ പ്രവര്‍ത്തന ശൈലിയില്‍ പാര്‍ട്ടിപ്രവര്‍ത്തകര്‍ക്ക് ആത്മവിശ്വാസം നഷ്ടപ്പെട്ടിരിക്കുന്നു. സംസ്ഥാന അധ്യക്ഷന്‍ പര്‍നാമി മുഖ്യമന്ത്രിയുടെ അടിമയായാണ് പ്രവര്‍ത്തിക്കുന്നത്. ഉപതെരഞ്ഞെടുപ്പിലെ പരാജയം താഴേത്തട്ടിലെ പ്രവര്‍ത്തകര്‍ അനുമാനിച്ചിരുന്നതാണ്. പാര്‍ട്ടിയെ വസുന്ധര നയിച്ചാല്‍ തോല്‍വി വീണ്ടും ഉണ്ടാകും. കര്‍ഷകര്‍ അടക്കുമുള്ള സമൂഹത്തിലെ വിവിധ വിഭാഗങ്ങള്‍ വസുന്ധരയുടെ ഭരണത്തില്‍ കടുത്ത അമര്‍ഷത്തിലാണെന്നും അദ്ദേഹം കത്തില്‍ പറഞ്ഞു.

തങ്ങളെ സംബന്ധിച്ച് തിരിച്ചുവരവിനുള്ള ഒരു മുഹൂര്‍ത്തമായി മാത്രമേ പരാജയത്തെ കാണുന്നുള്ളൂവെന്നും ഇത്രയും വികസനപ്രവര്‍ത്തനങ്ങള്‍ സംസ്ഥാനത്ത് നടത്തിയിട്ടും എന്തുകൊണ്ട് പരാജയപ്പെട്ടു എന്ന കാര്യമാണ് ഇപ്പോള്‍ പരിശോധിക്കുന്നതെന്നും രാജെ പറഞ്ഞു. സെല്‍ഫ് ഗോള്‍ ഒഴിവാക്കണമെന്നും തെരഞ്ഞെടുപ്പ് ഫലത്തിന്റെ പേരില്‍ നിരാശപ്പെടേണ്ടതില്ലെന്നും മുഖ്യമന്ത്രി നേതാക്കളോട് ആവശ്യപ്പെട്ടു.

ഓരോ മണ്ഡലങ്ങളിലും നടത്തിയ വികസന പ്രവര്‍ത്തനങ്ങള്‍ ജനങ്ങളിലെത്തിക്കാന്‍ എം.എല്‍.എമാര്‍ ശ്രമിക്കണമെന്നും കോണ്‍ഗ്രസ് അധികാരത്തിലെത്തിയപ്പോള്‍ നടത്തിയ വികസനവുമായി താരതമ്യപ്പെടുത്തിയാവണം അതെന്നും അവര്‍ ആവശ്യപ്പെട്ടു.

ബി.ജെ.പിയുടെ ശക്തി കേന്ദ്രവും താരതമ്യേന വലിയ സംസ്ഥാനവുമായ രാജസ്ഥാനില്‍ ഈ വര്‍ഷാവസാനം നിയമസഭാ തെരഞ്ഞെടുപ്പ് നടക്കാന്‍ പോവുന്നു എന്നത് ഉപതെരഞ്ഞെടുപ്പിലേറ്റ പരാജയം ബി.ജെ.പി ക്വാമ്പിനെ ഭയപ്പെടുത്തുന്നുണ്ട്. 2019ല്‍ പൊതുതെരഞ്ഞെടുപ്പ് നടക്കാനിരിക്കുന്നതിനാല്‍ 2018ലെ നിയമസഭാ തെരഞ്ഞെുപ്പുകള്‍ക്ക് പതിവില്‍ കവിഞ്ഞ പ്രസക്തിയുണ്ട്. ജനവിധി എന്തായാലും 2019ലെ ലോക്‌സഭാ തെരഞ്ഞെടുപ്പ് ഫലത്തെ ഇത് സ്വാധീനിക്കാന്‍ ഇടയുണ്ട് എന്നതാണ് കാരണം. 2017ന്റെ ഒടുവില്‍ ഗുജറാത്തില്‍ കോണ്‍ഗ്രസ് കാഴ്ച വെച്ച വലിയ മുന്നേറ്റവും ബി.ജെ.പിക്കുണ്ടായ തളര്‍ച്ചയും മറ്റ് സംസ്ഥാനങ്ങളിലെ ജനവിധിയെ എങ്ങനെ സ്വാധീനിക്കും എന്നതും നിര്‍ണായകമാണ്.

രാജസ്ഥാന് പുറമെ ബി.ജെ.പി ഭരിക്കുന്ന സംസ്ഥാനമായ മധ്യപ്രദേശിലും ഛത്തീസ്ഗഡിലും 2018ല്‍ തെരഞ്ഞെടുപ്പ് നടക്കുന്നുണ്ട്. ത്രിപുര, മേഘാലയ, കര്‍ണാടക, നാഗാലാന്റ്, മിസോറാം എന്നിവയാണ് തെരഞ്ഞെടുപ്പ് നടക്കുന്ന മറ്റു സംസ്ഥാനങ്ങള്‍.

രാജസ്ഥാന്‍ (ബി.ജെ.പി)

തെരഞ്ഞെടുപ്പ് വരുന്നത് 2018 അവസാനത്തോടെ.

ആകെ സീറ്റ്: 200 ,

ബി.ജെ.പി 163,

കോണ്‍ഗ്രസ് 21.

മറ്റുള്ളവര്‍: 16.

ആള്‍കൂട്ട കൊലപാതകങ്ങളായിരുന്നു രാജസ്ഥാനെ പോയ വര്‍ഷം ഏറ്റവും കൂടുതല്‍ വാര്‍ത്തയില്‍ നിറച്ചത്.