‘ഇയര്‍ ഔട്ട്’ രീതിയുമായി ബന്ധപ്പെട്ട് സര്‍വകലാശാലയില്‍ കുറച്ചു നാളുകളായി വലിയ രീതിയിലുള്ള പ്രതിഷേധമാണ് വിവിധ സംഘടനകളുടെ ഭാഗത്തുനിന്ന് ഉയര്‍ന്നുവന്നിരുന്നത്.

വര്‍ഷങ്ങളായി തുടരുന്ന ഈ ശീതസമരം കേരളത്തിലെ ഉന്നത വിദ്യാഭ്യാസ മേഖലയുടെ ഭാവിയെത്തന്നെ ചോദ്യം ചെയ്യുന്ന ഒന്നാണ്. വൈസ് ചാന്‍സലര്‍മാര്‍ ഇല്ലാത്തത് ദൈനംദിന ഭരണത്തെയും അക്കാദമിക് തീരുമാനങ്ങളെയും കാര്യമായി ബാധിക്കുന്നു. പുതിയ കോഴ്സുകള്‍ ആരംഭിക്കല്‍, പരീക്ഷാ നടത്തിപ്പ്, ഫലപ്രഖ്യാപനം, ഗവേഷണ പ്രവര്‍ത്തനങ്ങള്‍, പുതിയ നിയമനങ്ങള്‍ എന്നിങ്ങനെ ഒരു സര്‍വകലാശാലയുടെ സുഗമമായ പ്രവര്‍ത്തനത്തിന് അനിവാര്യമായ പല കാര്യങ്ങളും വൈസ് ചാന്‍സലറുടെ അഭാവത്തില്‍ തടസ്സപ്പെടുന്നു. ഇത് വിദ്യാര്‍ത്ഥികളുടെ പഠന പുരോഗതിയെയും ഭാവി അവസരങ്ങളെയും നേരിട്ട് ബാധിക്കുന്ന കാര്യമാണ്. സര്‍ട്ടിഫിക്കറ്റുകള്‍ ലഭിക്കാനുള്ള കാ ലതാമസം, പ്രവേശന നടപടികളിലെ അനിശ്ചിതത്വം തുടങ്ങിയവ വിദ്യാര്‍ത്ഥികളെ മാനസികമായി തളര്‍ത്തുന്നുണ്ട്.

കേരള സാങ്കേതിക സര്‍വകലാശാലയിലെയും ഡിജിറ്റല്‍ സര്‍വകലാശാലയിലെയും താല്‍ക്കാലിക വൈസ് ചാന്‍സലര്‍ നിയമനം റദ്ദാക്കിയ ഹൈക്കോടതി വിധി ചോദ്യംചെയത് ചാന്‍സലറായ ഗവര്‍ണര്‍ നല്‍കിയ ഹര്‍ജി പരിഗണിക്കവെയാണ് സുപ്രീം കോടതിയുടെ സുപ്രധാനമായ നിരീക്ഷണം. ഈ രണ്ട് സര്‍വകലാശാലകളിലും സ്ഥിരം വൈസ് ചാന്‍സലര്‍മാരെ നിയമിക്കുന്നതിനുള്ള നടപടികളിലേക്ക് കടക്കാന്‍ ചാന്‍സലര്‍ക്ക് സുപ്രിം കോടതി അനുമതി നല്‍കി. സ്ഥിരം വൈസ് ചാന്‍സലര്‍മാരെ നിയമിക്കുന്നതു വരെ ഡിജിറ്റല്‍, സാങ്കേതിക സര്‍വകലാശാലകളില്‍ താല്‍ക്കാലിക വൈസ് ചാന്‍സലര്‍മാരെ നിയമിക്കാന്‍ ഗ വര്‍ണര്‍ക്ക് പുതിയ വിജ്ഞാപനം ഇറക്കാം. മുമ്പ് താല്‍ക്കാലിക വൈസ് ചാന്‍സലര്‍മാര്‍ ആയിരുന്ന സിസ തോമസിനെയും ശിവ പ്രസാദിനെയും വീണ്ടും താത്കാലിക വൈസ് ചാന്‍സലറായി നിയമിച്ച് ചാന്‍സലര്‍ക്ക് ഉത്തരവിറക്കാമെന്നും സുപ്രിം കോടതി വ്യക്തമാക്കി.

വിദ്യാഭ്യാസ വിഷയങ്ങള്‍ കോടതിയിലെത്തുന്നത് വേദനാജനകമാണ്. സംസ്ഥാന സര്‍ക്കാറിനും ഗവര്‍ണര്‍ക്കും കനത്ത തിരിച്ചടിയാണ് വിധി. ഡിജിറ്റല്‍, സാങ്കേതിക സര്‍വകലാശാലകളില്‍ നടത്തിയ താല്‍ക്കാലിക വി.സി നിയമനത്തിനെതിരായ ഹൈക്കോടതി വിധിക്കെതിരെ ഗവര്‍ണര്‍ സുപ്രീം കോടതിയില്‍ അപ്പില്‍ നല്‍കിയിരുന്നു. ഹൈക്കോടതി ഉത്തരവ് സ്റ്റേ ചെയ്യണമെന്നും താല്‍ക്കാലിക വി.സി നിയമനങ്ങള്‍ക്കു യു.ജി.സി ചട്ടം പാലിക്കണമെന്നുമാണ് ഗവര്‍ണറുടെ ഹര്‍ജിയില്‍ ആവശ്യപ്പെട്ടത്. ഡിജിറ്റല്‍ സര്‍വകലാശാലയില്‍ ഡോ. സിസ ജേക്കബിനെയും സാങ്കേതിക സര്‍വകലാശാലയില്‍ കെ. ശിവപ്രസാദിനെയും താല്‍ ക്കാലിക വി.സിമാരായി നിയമിച്ച മുന്‍ ഗവര്‍ണര്‍ ആരിഫ് മുഹമ്മദ് ഖാന്റെ തീരുമാനമാണു ഹൈക്കോടതി റദ്ദാക്കിയത്. സിംഗിള്‍ ബെഞ്ച് വിധിക്കെതിരെയുള്ള അപ്പീല്‍ ഡിവിഷന്‍ ബെഞ്ചും തള്ളിയിരുന്നു. സര്‍ക്കാര്‍ നല്‍കുന്ന പാനലില്‍നിന്നു താല്‍ക്കാലിക വി.സിയെ നിയമിക്കണമെന്ന് ഇരു സര്‍വകലാശാലകളുടെയും നിയമത്തിലുള്ളതു ചൂണ്ടിക്കാട്ടിയായിരുന്നു വിധി. സര്‍വകലാശാലാ നിയമവും യു.ജി.സി റഗുലേഷനും ഒരേ കാര്യത്തിലുണ്ടെങ്കില്‍ റഗുലേഷനാണു ബാധകമാവുക. താല്‍ക്കാലിക വി.സി നിയമനത്തെക്കുറിച്ചു റഗുലേഷനില്‍ ഒരു പരാമര്‍ശവുമില്ലാതിരുന്നതാണു ഗവര്‍ണര്‍ക്കു തിരിച്ചടിയായത്. എന്നാല്‍, താല്‍ക്കാലിക വി.സിയും സ്ഥിരം വി.സിയും ഒന്നാണെന്നും വി.സി നിയമനത്തില്‍ സര്‍ക്കാര്‍ ഇടപെടരുതെന്നു സുപ്രിം കോടതി നിര്‍ദേശമുള്ളതാണെന്നുമുള്ള വാദമാണു സുപ്രീംകോടതിയില്‍ ഗവര്‍ണര്‍ ഉയര്‍ത്തിയത്. ഹൈക്കോടതി ഡിവിഷന്‍ ബെഞ്ച് വിധി വന്നതിനുപിന്നാലെ ഇരു സര്‍വ കലാശാലകളിലേക്കും താല്‍ക്കാലിക വി.സി നിയമനത്തിനായി സര്‍ക്കാര്‍ പാനല്‍ നല്‍കിയിരുന്നു. ഈ പാനല്‍ അംഗീകരിക്കാതെയാണു ഗവര്‍ണര്‍ സുപ്രിംകോടതിയെ സമീപിച്ചത്.

സുപ്രീം കോടതിയുടെ നിരീക്ഷണം ഒരു ഓര്‍മ്മപ്പെടുത്തലാണ്. സര്‍വകലാശാലകള്‍ രാഷ്ട്രീയക്കളികളുടെ വേദിയാകരുത്. അവ അറിവിന്റെയും ഗവേഷണത്തിന്റെയും നവീകരണത്തിന്റെയും കേന്ദ്രങ്ങളാകണം. വിദ്യാര്‍ത്ഥികളുടെ ഭാവിയാണ് ഏതൊരു വിദ്യാഭ്യാസ സ്ഥാപനത്തിന്റെയും പരമമായ ലക്ഷ്യം. ഈ ലക്ഷ്യം നിറവേറ്റുന്നതില്‍ ഉന്നത അധികാരികള്‍ക്ക് വലിയ ഉത്തരവാദിത്തമുണ്ട്. ഗവര്‍ണറും സര്‍ക്കാരും തമ്മിലുള്ള അഭിപ്രായവ്യത്യാസങ്ങള്‍ രമ്യമായി പരിഹരിക്കേണ്ടതുണ്ട്. എന്നാല്‍, അതിന്റെ പേരില്‍ വിദ്യാര്‍ത്ഥികളുടെ അക്കാദമിക് ജീവിതം ബലി കഴിക്കപ്പെടരുത്. ഇനിയെങ്കിലും ഈ വിഷയത്തില്‍ സമവായത്തിലെത്താനും സര്‍വകലാശാലകളുടെ സുഗമമായ പ്രവര്‍ത്തനം ഉറപ്പാക്കാനും ഗവര്‍ണറും സംസ്ഥാന സര്‍ക്കാരും ഒരുമിച്ച് പ്രവര്‍ത്തിക്കേണ്ടത് അനിവാര്യമാണ്. അക്കാദമിക് മികവിനും ഗവേഷണത്തിനും മുന്‍ഗണന നല്‍കുന്ന, രാഷ്ട്രീയ ഇടപെടലുകളില്ലാത്ത സാഹചര്യം സൃഷ്ടിക്കാന്‍ ഇരുകൂട്ടരും തയ്യാറാകണം. സുപ്രീം കോടതിയുടെ ശക്തമായ ഇടപെടല്‍, ഉന്നത വിദ്യാഭ്യാസ മേഖലയെ രാഷ്ട്രീയ തര്‍ക്കങ്ങളില്‍ നിന്ന് മോചിപ്പിക്കാനുള്ള അവസരമായി കാണണം. വിദ്യാര്‍ത്ഥികളുടെ ഭാവിക്ക് മുന്‍ഗണന നല്‍കി, അടിയന്തരമായി ഈ പ്രതിസന്ധിക്ക് പരിഹാരം കാണേണ്ടത് സര്‍ക്കാറിന്റെയും ഗവര്‍ണറുടെയും ഉത്തരവാദിത്വമാണ്.

കാവിക്കൊടിയേന്തിയ ഭാരതാംബയുടെ ചിത്രം സംബന്ധിച്ച വിവാദത്തില്‍ ഗവര്‍ണറോട് അനാദരവു കാണിച്ചെന്ന കാരണം കാണിച്ച് ജൂലൈ മൂന്നിനാണ് വൈസ് ചാന്‍സിലര്‍ രജിസ്ട്രാറെ സസ്‌പെന്‍ഡ് ചെയ്തത്. സസ്‌പെന്‍ഷന്‍ സിന്‍ഡിക്കേറ്റ് റദ്ദാക്കിയെങ്കിലും വി.സി വഴങ്ങിയിട്ടില്ല.

സസ്‌പെന്‍ഷന്‍ കാലയളവില്‍ നിശ്ചിത തുക അലവന്‍സ് മാത്രമായിരിക്കും ലഭിക്കുക. രജിസ്ട്രാര്‍ സിന്‍ഡിക്കേറ്റ് സസ്‌പെന്‍ഷന്‍ റദ്ദ് ചെയ്തത് ചൂണ്ടിക്കാട്ടി സര്‍വകലാശാലയില്‍ എത്തുന്നതും നിയമവിരുദ്ധമാണെന്നാണ് വൈസ് ചാന്‍സിലറുടെ വാദം.

വിസി മുന്നോട്ടുവച്ച ഉപാധികള്‍ ഇടത് സിന്‍ഡിക്കേറ്റ് അംഗങ്ങള്‍ അംഗീകരിച്ചിട്ടില്ല. സസ്‌പെന്‍ഷന്‍ അംഗീകരിച്ച് രജിസ്ട്രാര്‍ മാറിനിന്ന ശേഷം അപേക്ഷ നല്‍കിയാല്‍ തിരിച്ചെടുക്കാം എന്നാണ് വിസിയുടെ ഉപാധി.

ഹൈക്കോടതി വിധി വന്നതിനു തൊട്ടടുത്ത ദിവസം തന്നെ ഡിജിറ്റല്‍ സാങ്കേതിക സര്‍വകലാശാലകളിലേക്ക് നിയമിക്കേണ്ട താത്കാലിക വി സി മാരുടെ പട്ടികയാണ് രാജ്ഭവന് കൈമാറിയിരിക്കുന്നത്. സാങ്കേതിക സര്‍വകലാശാലയില്‍ ഡയറക്ടര്‍ ഓഫ് ടെക്‌നിക്കല്‍ എഡ്യുക്കേഷന്‍ ഇന്‍ ചാര്‍ജ് പ്രൊഫ (ഡോ) ജയപ്രകാശ്, പ്രൊഫ (ഡോ) എ.പ്രവീണ്‍, പ്രൊഫ (ഡോ) ആര്‍. സജീബ് എന്നിവര്‍ ഉള്‍പ്പെടുന്നതാണ് പട്ടിക.

അതേസമയം, സാങ്കേതിക ഡിജിറ്റല്‍ സര്‍വകലാശാലകളിലെ താത്കാലിക വി സി നിയമനം റദ്ദാക്കിയതിനെതിരെ രാജഭവന്‍ നാളെ സുപ്രീം കോടതിയില്‍ ഹര്‍ജി ഫയല്‍ ചെയ്യും. പുതിയ പാനല്‍ തയ്യാറാക്കി നല്‍കിയ പശ്ചാത്തലത്തില്‍ ഗവര്‍ണര്‍ ജനാധിപത്യപരമായ തീരുമാനം എടുക്കണമെന്ന് ഉന്നത വിദ്യാഭ്യാസ മന്ത്രി ആര്‍ ബിന്ദു പറഞ്ഞു.

ആരോഗ്യ കാരണങ്ങള്‍ ചൂണ്ടിക്കാട്ടിയാണ് അവധി അപേക്ഷിച്ചിരിക്കുന്നത്. വിസി മോഹന്‍ കുന്നുമ്മലിനാണ് അപേക്ഷ നല്‍കിയത്. എന്നാല്‍, സസ്പെന്‍ഷനില്‍ തുടരുന്ന ഉദ്യോഗസ്ഥന്റെ അവധി അപേക്ഷയ്ക്ക് എന്തുപ്രസക്തി എന്ന് രേഖപ്പെടുത്തി വിസി ലീവ് അപേക്ഷ നിരസിച്ചു.

തനിക്ക് ശാരീരികാസ്വസ്ഥതയും രക്തസമ്മര്‍ദ്ദത്തില്‍ ഏറ്റകുറച്ചിലും ഉള്ളതുകൊണ്ട് ഡോക്ടറുടെ ഉപദേശപ്രകാരം ജൂലൈ ഒന്‍പത് മുതല്‍ കുറച്ചു ദിവസത്തെ അവധി വേണമെന്നാണ് വിസിക്ക് മെയിലില്‍ അയച്ച അപേക്ഷയില്‍ ആവശ്യപ്പെട്ടിരിക്കുന്നത്. തന്റെ അഭാവത്തില്‍ രജിസ്ട്രാറുടെ ചുമതല പരീക്ഷ കണ്‍ട്രോളര്‍ക്കോ കാര്യവട്ടം ക്യാമ്പസ് ജോയിന്റ് രജിസ്ട്രാര്‍ക്കോ നല്‍കണമെന്നും അവധി അപേക്ഷയില്‍ പറയുന്നു.

ഗവര്‍ണര്‍ രാജേന്ദ്ര ആര്‍ലേക്കര്‍ പങ്കെടുത്ത ചടങ്ങിലുണ്ടായ ഭാരതാംബാ വിവാദത്തിന് പിന്നാലെയാണ് രജിസ്ട്രാറെ വിസി സസ്പെന്‍ഡ് ചെയ്തത്. ഗവര്‍ണറോട് അനാദരവ് കാണിച്ചെന്നും സര്‍വകലാശാലയുടെ പ്രതിച്ഛായ മോശപ്പെടുത്തുന്നതരത്തില്‍ പ്രവര്‍ത്തിച്ചെന്നും കുറ്റപ്പെടുത്തി വൈസ് ചാന്‍സലര്‍ ഡോ. മോഹനന്‍ കുന്നുമ്മല്‍ രജിസ്ട്രാറെ അന്വേഷണവിധേയമായി സസ്‌പെന്‍ഡ് ചെയ്തത്.

താത്കാലിക വിസി സിസാതോമസിന്റെ എതിര്‍പ്പിനെ മറികടന്നാണ് സിന്‍ഡിക്കേറ്റ് തീരുമാനം. വി.സിയുടെ വിയോജിപ്പ് സിന്‍ഡിക്കേറ്റ് തള്ളുകയും ചെയ്തു.

സസ്‌പെന്‍ഷന്‍ നടപടി അന്വേഷിക്കാന്‍ ഡോ. ഷിജുഖാന്‍, അഡ്വ.ജി.മുരളീധരന്‍, ഡോ.നസീബ് എന്നിവരടങ്ങുന്ന സമിതിയെ ചുമതലപ്പെടുത്തി. നാളെ കോടതിയില്‍ സര്‍വകലാശാല താല്‍ക്കാലിക വൈസ് ചാന്‍സലര്‍ക്ക് സിന്‍ഡിക്കേറ്റ് തീരുമാനം അറിയിക്കേണ്ടിവരും.

അതേസമയം, സസ്‌പെന്‍ഷന്‍ നടപടികളെക്കുറിച്ച് ചര്‍ച്ച ഉണ്ടാകില്ലെന്നും അത് അജണ്ടയില്‍ ഇല്ലാത്ത വിഷയമാണെന്നും വിസി സിസാ തോമസ് പ്രതികരിച്ചു. സസ്‌പെന്‍ഷന്‍ നടപടിയെക്കുറിച്ച് ചര്‍ച്ച ചെയ്യണമെന്ന് ഇടത് സിന്‍ഡിക്കേറ്റ് അംഗങ്ങള്‍ ആവശ്യപ്പെട്ടു .രജിസ്ട്രാറുടെ സസ്‌പെന്‍ഷന്‍ റദ്ദ് ചെയ്‌തെന്ന് ഇടതു സിന്‍ഡിക്കേറ്റ് അംഗങ്ങളാണ്. സസ്‌പെന്‍ഷന്‍ അതേ രീതിയില്‍ നിലനില്‍ക്കുന്നുവെന്ന് വൈസ് ചാന്‍സിലര്‍ പറഞ്ഞു.

വിസി മോഹനന്‍ കുന്നുമ്മലാണ് രജിസ്ട്രാര്‍ അനില്‍ കുമാറിനെ സസ്‌പെന്‍ഡ് ചെയ്തത്. നിലവില്‍ മോഹനന്‍ കുന്നുമ്മല്‍ വിദേശ സന്ദര്‍ശനത്തിലാണ്. പകരം ചുമതല വഹിക്കുന്നത് ഡിജിറ്റല്‍ യൂണിവേഴ്‌സിറ്റി വി സി സിസ തോമസാണ്. രജിസ്ട്രാറുടെ സസ്‌പെന്‍ഷന്‍ നടപടി നിലവില്‍ ഹൈകോടതിയുടെ പരിഗണനയിലാണ്. രജിസ്ട്രാറുടെ സസ്‌പെന്‍ഷന്‍ റദ്ദാക്കിയതിനെ വിയോജിച്ച് കുറിപ്പ് നല്‍കിയ സാഹചര്യത്തില്‍ കാര്യങ്ങള്‍ വിശദീകരിച്ച് സിസ തോമസിന് പ്രത്യേക സത്യവാങ്മൂലം ഹൈക്കോടതിയില്‍ നല്‍കാം. വിസി ഇക്കാര്യങ്ങള്‍ കോടതിയെ അറിയിക്കും.

നിയമോപദേശം തേടാതെയാണ് പുതുതായി ചുമതലയേറ്റ വി.സിയുടെ നടപടി. സർവകലാശാലയിലെ ഉന്നത ഉദ്യോഗസ്ഥരിലൊരാളുടെ സ്വന്തക്കാരെ സംരക്ഷിക്കാനാണ് ധൃതിപിടിച്ചുള്ള തീരുമാനമെന്ന് ആരോപണം. സർവകലാശാലയുടെ ലോ ഓഫിസറിൽനിന്നു നിയമോപദേശം തേടിയ ശേഷമേ ആന്‍റി റാഗിങ് കമ്മിറ്റിയുടെ നടപടി വി.സിക്ക് റദ്ദാക്കാനാകൂ.

സസ്പെൻഡ് ചെയ്ത വിദ്യാർഥികളെ തിരിച്ചെടുത്തത് വി.സിയുടെ ഇഷ്ടപ്രകാരമെന്ന് സിദ്ധാർത്ഥന്‍റെ അച്ഛൻ ടി.ജയപ്രകാശ് പറഞ്ഞു. വി.സിക്ക് എതിരെ ഗവർണർക്ക് പരാതി നൽകും. വി.സിക്ക് എന്തോ വലിയ വാഗ്ദാനം ലഭിച്ചിട്ടുണ്ട്. ഒടുവിൽ സിദ്ധാർത്ഥൻ സ്വയം മുറിവെല്പിച്ചെന്ന് വി.സി പറയുമെന്നും ജയപ്രകാശ് ആരോപിച്ചു. സി.ബി.ഐ അന്വേഷണം വഴിമുട്ടി നിൽക്കുന്നതിനെതിരെ മുഖ്യമന്ത്രിയുടെ വസതിക്ക് മുന്നിൽ പ്രതിഷേധിക്കുമെന്നും അദ്ദേഹം വ്യക്തമാക്കി.

കഴിഞ്ഞ ഫെബ്രുവരി 18നാണ് ഹോസ്റ്റലിലെ ശുചിമുറുയില്‍ ആത്മഹത്യ ചെയ്ത നിലയില്‍ സിദ്ധാര്‍ഥന്‍റെ മൃതദേഹം കണ്ടെത്തുന്നത്. സിദ്ധാർഥനെതിരെ നടന്നത് പരസ്യവിചാരണയാണെന്ന ആന്‍റി റാഗിങ് സ്‌ക്വാഡ് റിപ്പോർട്ട് പുറത്തുവന്നിരുന്നു. 18 പേർ പലയിടങ്ങളിൽ വെച്ച് സിദ്ധാർത്ഥനെ മർദിച്ചെന്നും റിപ്പോര്‍ട്ടിൽ പറയുന്നു. അതേസമയം കേസന്വേഷണം സി.ബി.ഐക്ക് വിട്ടിട്ടുണ്ട്.

അതിനിടെ കാരണം കാണിക്കല്‍ നോട്ടീസ് നല്‍കിയ സര്‍ക്കാര്‍ നടപടി ചോദ്യം ചെയ്ത് സിസ തോമസ് അഡ്മിനിസ്‌ട്രേറ്റീവ് ട്രൈബ്യൂണലിനെ സമീപിച്ചു. സിന്‍ഡിക്കേറ്റിന്റെയും ബോര്‍ഡ് ഓഫ് ഗവേര്‍ണന്‍സിന്റെയും തീരുമാനങ്ങള്‍ റദ്ദാക്കണമെന്നാവശ്യപ്പെട്ട് സിസ തോമസ് നല്‍കിയ റിപ്പോര്‍ട്ടിന്റെ അടിസ്ഥാനത്തിലാണ് ഗവര്‍ണറുടെ നടപടി.

വിസിയുടെ തീരുമാനങ്ങള്‍ പരിശോധിക്കാന്‍ ഉന്നതാധികാര ഉപസമിതി നിയോഗിച്ചതും ജീവനക്കാരെ സ്ഥലം മാറ്റിയതിനെ പരാതികള്‍ പരിഗണിക്കാന്‍ പ്രത്യത സമിതിയെ വച്ചതുമാണ് ഗവര്‍ണര്‍ സസ്‌പെന്‍ഡ് ചെയ്തത്.

സാങ്കേതിക സര്‍വകലാശാല താല്‍കാലിക വിസിയായി തുടരാമെന്നായിരുന്നു സിംഗിള്‍ ബെഞ്ചിന്റെ വിധി. ഈ വിധിക്കെതിരെയാണ് സംസ്ഥാന സര്‍ക്കാര്‍ അപ്പീല്‍ നല്‍കിയിരിക്കുന്നത്.