സന്നിധാനത്ത് തിരക്കേറുന്നു; ഇന്നലെ വെര്‍ച്വല്‍ ക്യു വഴി ദര്‍ശനത്തിന് എത്തിയത് 68,241ഭക്തന്മാര്‍

webdesk14 — Sat, 25 Nov 2023 04:59:42 +0000

ശബരിമല ദര്‍ശനത്തിന് വെര്‍ച്ച്വല്‍ ക്യു വഴി മാത്രം ഇന്നലെ എത്തിയത് 68,241 അയ്യപ്പ ഭക്തന്മാര്‍. മണ്ഡലകാലം പുരോഗമിക്കവേ ഏറ്റവും കൂടുതല്‍ തിരക്ക് അനുഭവപ്പെട്ട ദിവസമാണ് ഇന്നലെ. അയ്യപ്പ ദര്‍ശനത്തിനായി മണ്ഡലകാലം ആരംഭിച്ചത് മുതല്‍ നവംബര്‍ 24 വരെ 4,60, 184 പേരാണ് എത്തിയത്.

നിലവിലെ അനുകൂലമായ കാലാവസ്ഥ അയ്യപ്പന്മാരുടെ മല കയറ്റം ആയാസരഹിതമാക്കുന്നു. പുല്‍മേട് വഴി 1060 അയ്യപ്പന്മാരും അഴുത വഴി 2637അയ്യപ്പന്മാരും ആണ് ദര്‍ശനത്തിന് സന്നിധാനത്ത് എത്തിയത്.
വെര്‍ച്ച്വല്‍ ക്യു സംവിധാനം കൃത്യമായി അയ്യപ്പന്മാരുടെ കണക്കുകള്‍ ലഭ്യമാക്കുന്നതിനു വിവരങ്ങള്‍ സൂക്ഷിക്കുന്നതിനും സഹായകരമാണ്.

vertual que – Chandrika Daily

സന്നിധാനത്ത് തിരക്കേറുന്നു; ഇന്നലെ വെര്‍ച്വല്‍ ക്യു വഴി ദര്‍ശനത്തിന് എത്തിയത് 68,241ഭക്തന്മാര്‍