തന്നെ തിരിച്ചയക്കാന്‍ അനുവദിച്ചുള്ള കോടതി വിധിക്കെതിരെ നേരത്തെ മല്യ ബ്രിട്ടീഷ് സുപ്രിം കോടതിയെ സമീപിച്ചിരുന്നു എങ്കിലും കോടതി അത് പരിഗണിച്ചിരുന്നില്ല. ഇതിനു ശേഷം മദ്യവ്യവസായിയെ തിരിച്ചെത്തിക്കാനുള്ള ശ്രമങ്ങളിലായിരുന്നു ഇന്ത്യ. ബ്രിട്ടീഷ് അധികൃതരുമായി ബന്ധപ്പെട്ടു കൊണ്ടിരിക്കുകയാണ് എന്ന് വിദേശകാര്യ മന്ത്രാലയ വക്താവ് അനുരാഗ് ശ്രീവാസ്ത പറഞ്ഞു. കേസില്‍ ഇന്ത്യ കക്ഷിയല്ലെന്നും അദ്ദേഹം വെളിപ്പെടുത്തി.

അപ്പീല്‍ തള്ളിയ ശേഷം യൂറോപ്യന്‍ കണ്‍വന്‍ഷന്‍ ഓഫ് ഹ്യൂമന്‍ റൈറ്റ്‌സിന്റെ മൂന്നാം വകുപ്പു പ്രകാരം മല്യ യുകെയില്‍ അഭയം ചോദിച്ചിരുന്നു. 2018ലാണ് ബ്രിട്ടീഷ് ഹൈക്കോടതി മല്യയെ തിരിച്ചയക്കാമെന്ന് ഉത്തരവിട്ടിരുന്നത്. ഈ വര്‍ഷം ഏപ്രിലില്‍ ഇതിനെതിരെയുള്ള അപ്പീല്‍ ലണ്ടന്‍ ഹൈക്കോടതി തള്ളുകയും ചെയ്തു.

വിവിധ ബാങ്കുകളില്‍ നിന്ന് 9000 കോടി രൂപ വായ്പയെടുത്ത ശേഷം അതു തിരിച്ചടക്കാതെ മല്യ മുങ്ങുകയായിരുന്നു. 2016 മാര്‍ച്ചിനാണ് മല്യ ഇന്ത്യ വിട്ടത്.

Rs 5,000 crore bank fraud: Nitin Sandesara, family may have fled to Nigeria

Read: https://t.co/QHRFDIapit pic.twitter.com/yhognOTjU9

— Times of India (@timesofindia) September 24, 2018

സന്ദേശരയും കുടുംബവും യുഎഇയില്‍ ഇല്ലെന്നും നൈജീരിയയിലേക്കു കടന്നുവെന്നുമാണ് നിലവിലെ കണ്ടെത്തല്‍. സഹോദരന്‍ ചേതന്‍ സന്ദേശര, സഹോദരഭാര്യ ദിപ്തിബെന്‍ സന്ദേശര എന്നിവരും നൈജീരിയയില്‍ ഉള്ളതായാണു വിവരം. ഇവരെ വിട്ടുനല്‍കുന്നതിനായി ഇന്ത്യയും നൈജീരിയയും തമ്മില്‍ യാതൊരുവിധ ഉടമ്പടികളുമില്ല. അതിനാല്‍ ഇവരെ നാട്ടിലേക്കു കൊണ്ടുവരുന്നത് വളരെ ബുദ്ധിമുട്ടായിരിക്കുമെന്നാണു വിലയിരുത്തല്‍.

രാജ്യത്തെ 17 ബാങ്കുകളുടെ കണ്‍സോര്‍ഷ്യമാണ് മല്യക്ക് വ്യവസായി എന്ന നിലയില്‍ ആറായിരം കോടി വായ്പ അനുവദിച്ചത്. ഇത് തരപ്പെടുത്തിക്കൊടുത്തതിനു പിന്നില്‍ കേന്ദ്ര സര്‍ക്കാരും പ്രത്യേകിച്ച് കേന്ദ്ര ധനകാര്യമന്ത്രിയുമായിരുന്നുവെന്നതിന് നേരത്തെതന്നെ തെളിവുകളുണ്ടായിരുന്നു. വായ്പ തിരിച്ചടക്കാതെ ഒന്‍പതിനായിരം കോടിയുടെ ബാധ്യതയാണ് മല്യ വരുത്തിയത്. കേന്ദ്ര സര്‍ക്കാരിന്റെ അംഗീകാരമുള്ള പൊതുമേഖലാ ബാങ്കുകളാണ് ഇത്രയും വലിയ തുക വായ്പയായി വിവാദ വ്യവസായിക്ക് കൊടുത്തത്. ഇതില്‍ ഒന്നാം സ്ഥാനത്ത് ബാങ്ക് കണ്‍സോര്‍ഷ്യത്തിന്റെ തലപ്പത്തിരിക്കുന്ന സ്റ്റേറ്റ് ബാങ്ക് ഓഫ് ഇന്ത്യയാണ്. ഇവര്‍ മാത്രം നല്‍കിയത് 1,600 കോടിയാണ്. അടുത്തിടെയാണ് മോദി സര്‍ക്കാര്‍ സ്റ്റേറ്റ് ബാങ്ക് ഓഫ് ഇന്ത്യയില്‍ രാജ്യത്തെ മറ്റ് പൊതുമേഖലാബാങ്കുകളെ ലയിപ്പിച്ച് കുത്തകയാക്കിയത്. വന്‍ മുതല്‍മുടക്കും നിക്ഷേപവും ലാക്കാക്കി ഇത്തരം വ്യവസായികള്‍ക്ക് യഥേഷ്ടം പണം വായ്പയായും മറ്റും അനുവദിക്കുകയും പിന്നീട് അവരെ രക്ഷപ്പെടാന്‍ സഹായിക്കുകയുമാണ് കേന്ദ്ര സര്‍ക്കാരിന്റെയും ബി.ജെ.പിയുടെയും ഗൂഢലക്ഷ്യമെന്ന തിരിച്ചറിവാണ് രാജ്യത്തെ ജനങ്ങള്‍ക്കിപ്പോള്‍ ഉണ്ടായിരിക്കുന്നത്. ഇതോടെ വിറളിപിടിച്ച പോത്തിന്റെ ഗതിയാണിപ്പോള്‍ കേന്ദ്ര ഭരണകക്ഷിക്ക്.

വായ്പാതിരിച്ചടവ് മുടക്കിയശേഷം രക്ഷപ്പെടാനായി കേന്ദ്രസര്‍ക്കാരിലെ ഉന്നതരെ സമീപിക്കുകയായിരുന്നു മല്യ. എന്നാല്‍ ഇതുസംബന്ധിച്ച് മാധ്യമ വാര്‍ത്തകള്‍ പുറത്തുവന്നതോടെ നിയമമനസരിച്ച് നടപടിയുമായി മുന്നോട്ടുപോകാന്‍ സ്റ്റേറ്റ് ബാങ്ക് നിര്‍ബന്ധിതമാകുകയായിരുന്നു. സി.ബി.ഐ രജിസ്റ്റര്‍ ചെയ്ത കേസില്‍ പ്രതിയായ വിജയ് മല്യ അറസ്റ്റിലാകേണ്ട ഘട്ടം വന്നപ്പോഴാണ് തങ്ങളുടെ കൂടി സഹായവിവരം പുറത്തുവരുമെന്ന ഭയത്താല്‍ മല്യക്ക് രാജ്യം വിടാന്‍ മോദി സര്‍ക്കാര്‍ സൗകര്യമൊരുക്കിയതെന്നാണ് ഇപ്പോള്‍ വ്യക്തമായിരിക്കുന്നത്. ബാങ്ക് ഉന്നതോദ്യോഗസ്ഥരാണ് മല്യക്ക് ഇത്രയും വലിയ തോതില്‍ വായ്പ നിയമംലംഘിച്ച് അനുവദിച്ചതെന്നാണ് സി.ബി.ഐ കണ്ടെത്തിയിട്ടുള്ളത്. അനുവദിച്ച ആവശ്യത്തിനല്ലാതെ മറിച്ച് വായ്പ ഉപയോഗിപ്പെടുത്തുകയായിരുന്നുവെന്നാണ് പരാതി. ഉദ്യോഗസ്ഥരുടെമേല്‍ കുറ്റംകെട്ടിവെച്ച് തലയൂരാന്‍ കേന്ദ്ര സര്‍ക്കാരിനും വിശിഷ്യാ പ്രധാനമന്ത്രിക്കും അദ്ദേഹവുമായി അടുപ്പമുള്ളവര്‍ക്കും കഴിയില്ല. അടുത്ത മാസത്തോടെ മല്യയെ വിട്ടുകിട്ടാനും കുറ്റപത്രം സമര്‍പ്പിക്കാനുമാണ് സി.ബി.ഐ തയ്യാറെടുക്കുന്നതെന്നാണ് വിവരം. ഗത്യന്തരമില്ലാതെയായിരിക്കണം മല്യ മോദിയെ ഇപ്പോള്‍ പ്രതിക്കൂട്ടിലാക്കിയിരിക്കുന്നത്. രാജ്യം വിടുന്നതിന് തൊട്ടുമുമ്പ് സി.ബി.ഐ ഇറക്കിയ ലുക്ക്ഔട്ട് നോട്ടീസില്‍ പ്രതി രാജ്യം വിടുന്നത് തടയുക എന്നായിരുന്നത് തിരുത്തി രാജ്യം വിടുന്നെങ്കില്‍ അറിയിക്കുക എന്നാക്കി മാറ്റിയത് എന്തിന്, ആരുടെ താല്‍പര്യത്തിന് എന്നതാണ് ഇപ്പോഴുയര്‍ന്നിരിക്കുന്ന ഒന്നാം നമ്പര്‍ ചോദ്യം. അപ്പോള്‍ ജെയ്റ്റ്‌ലിക്കും രാഹുല്‍ ഗാന്ധി ആരോപിച്ചതുപോലെ പ്രധാനമന്ത്രി മോദിക്കുതന്നെയും തട്ടിപ്പില്‍ പങ്കുണ്ടെന്ന സത്യം പുറത്തുവരികയാണ്. ആദ്യ നോട്ടീസ് പ്രകാരം മല്യയെ തടഞ്ഞുവെക്കാന്‍ നിയമപരമായി കഴിയാതിരുന്നതിനാലാണ് നോട്ടീസില്‍ തിരുത്തല്‍ വരുത്തിയതെന്നാണ് സി.ബി.ഐയുടെ കഴിഞ്ഞ ദിവസത്തെ വിശദീകരണം. ഇതിനു പിന്നിലും കേന്ദ്ര സര്‍ക്കാരിന്റെ കറുത്ത കൈകള്‍ ഉണ്ടെന്ന് സംശയിക്കണം. പ്രധാനമന്ത്രിയുടെ അടുപ്പക്കാരനും ഗുജറാത്തുകാരനുമായ സി.ബി.ഐ ജോ.ഡയറക്ടര്‍ എ.കെ ശര്‍മയാണ് സി.ബി.ഐ ഡയറക്ടറെ മറികടന്ന് ഇത്തരമൊരു തിരുത്തല്‍ വരുത്തിയതെന്ന് കോണ്‍ഗ്രസ് ആരോപിക്കുമ്പോള്‍ അതിനെ അവിശ്വസിക്കുന്നതെങ്ങനെ. ചോക്‌സി, നീരവ് മോദി എന്നീ വന്‍കിട ബാങ്ക് വായ്പാതട്ടിപ്പുകാരുടെ മുങ്ങലിലും ഭരണത്തിലെ ഉന്നതര്‍ക്കുള്ള പങ്ക് വെളിച്ചത്തുവരികയാണ്. പട്ടിണിക്കാരുടെയും സാധാരണക്കാരുടെയും വര്‍ഗീയതയുടെയും മറവില്‍ കള്ളന്മാര്‍ക്ക് കഞ്ഞിവെക്കുന്ന ജോലിയാണിത്. താന്‍ വ്യവസായികള്‍ക്ക് സഹായം ചെയ്യുന്നതിലെന്താണ് തെറ്റെന്ന മോദിയുടെ ചോദ്യത്തിന് ഇത്തരം വലിയ അര്‍ത്ഥതലങ്ങളാണുള്ളത്.

126 റഫേല്‍ യുദ്ധ വിമാനങ്ങളുടെ കാര്യത്തിലും ഇതേപോലുള്ള അഴിമതിയാണ് കേന്ദ്ര സര്‍ക്കാര്‍ നടത്തിയതെന്ന് മുന്‍ യു.പി.എ സര്‍ക്കാരിലെ പ്രതിരോധ മന്ത്രിയായിരുന്ന എ.കെ ആന്റണി ആരോപിക്കുകയുണ്ടായി. എണ്ണം ഗണ്യമായി വെട്ടിക്കുറച്ച് 36 ആക്കിയാണ് വലിയ തുക കൊടുത്ത് വിമാനങ്ങള്‍ വാങ്ങിയത്. ഇതിനുപിന്നിലും മറ്റൊരു വിവാദ വ്യവസായി അനില്‍ അംബാനിയുടെ പങ്ക് വെളിച്ചത്തുവന്നിട്ടുണ്ട്. മൂന്നിരട്ടി വില കൂട്ടിയാണ് യു.പി.എ സര്‍ക്കാര്‍ തീരുമാനിച്ച കരാര്‍ സ്വകാര്യ ഏജന്‍സിയെകൊണ്ട് വാങ്ങിപ്പിച്ചത്. 570 കോടിയാണ് യു.പി.എ സര്‍ക്കാര്‍ നിശ്ചയിച്ചതെങ്കില്‍ ബി.ജെ.പി സര്‍ക്കാറത് 1670 കോടിയാക്കി മാറ്റി. മൊത്തം 40,000 കോടി രൂപയുടെ അഴിമതിയാണ് നടത്തിയത്. രാജ്യത്തെ പൊതുമേഖലാ സ്ഥാപനമായ ഹിന്ദുസ്ഥാന്‍ എയറനോട്ടിക്‌സ് ലിമിറ്റഡിനെ മറികടന്നാണ് മോദി സര്‍ക്കാര്‍ വന്‍തുക കൊടുത്ത് യുദ്ധ വിമാനങ്ങള്‍ വാങ്ങിയത്. അപ്പോള്‍ മോദി ആലപിക്കുന്ന ‘മെയ്ക് ഇന്ത്യ’ -യെ അദ്ദേഹം തന്നെ പരിഹസിക്കുകയല്ലേയെന്ന ചോദ്യം പ്രസക്തമാണ്. സമ്പദ്ഘടനയെയും രാജ്യസുരക്ഷയെയും ബലിയാടാക്കുന്ന മോദി സര്‍ക്കാരിന്റെ നടപടികള്‍ക്ക് ജനത വലിയ തിരിച്ചടി നല്‍കുമെന്ന് മാത്രമേ ഇപ്പോള്‍ പറയാനുള്ളൂ.

CBI Jt. Director, A K Sharma, weakened Mallya’s “Look Out” notice, allowing Mallya to escape.

Mr Sharma, a Gujarat cadre officer, is the PM’s blue-eyed-boy in the CBI.

The same officer was in charge of Nirav Modi & Mehul Choksi’s escape plans. Ooops…
investigation!

— Rahul Gandhi (@RahulGandhi) September 15, 2018

ഗുജറാത്ത് കേഡര്‍ ഓഫീസര്‍ ശര്‍മയെ ‘സി.ബി.ഐയിലെ പ്രധാനമന്ത്രിയുടെ ബ്ലൂ ഐഡ് ബോയ്’ എന്നാണ് രാഹുല്‍ ടീറ്റില്‍ വര്‍ണിച്ചത്.

പ്രധാനമന്ത്രി നരേന്ദ്ര മോദിയും ധനകാര്യമന്ത്രി അരുണ്‍ ജെയ്റ്റ്‌ലിയും ബാങ്ക് തട്ടിപ്പുകാരനായ മദ്യ വ്യവസായി വിജയ് മല്യയെ രക്ഷപ്പെടാന്‍ സഹായിച്ചതായി കഴിഞ്ഞ ദിവസം കോണ്‍ഗ്രസ് ആരോപിച്ചിരുന്നു. മല്യയുമായി കൂടിക്കാഴ്ച നടത്തിയ ജെയ്റ്റ്‌ലി രാജിവെക്കണമെന്നും കോണ്‍ഗ്രസ് ആവശ്യപ്പെട്ടിരുന്നു. 2016 മാര്‍ച്ചില്‍ ഇന്ത്യയില്‍ നിന്നും രക്ഷപ്പെടുന്നതിന് മുമ്പ് ജെയ്റ്റിലിയുമായി കൂടിക്കാഴ്ച നടത്തിയതായി കഴിഞ്ഞ ദിവസം ലണ്ടനിലെ കോടതിക്കു പുറത്ത് മാധ്യമങ്ങളോട് സംസാരിക്കവെ മല്യ വെളിപ്പെടുത്തിയിരുന്നു. എന്നാല്‍ ഇക്കാര്യം നിരാകരിച്ച് ധനമന്ത്രി രംഗത്തെത്തുകയും ചെയ്തു. എന്നാല്‍ രാഹുലിന്റെയും കോണ്‍ഗ്രസിന്റേയും ആരോപണങ്ങള്‍ ശരിവെക്കുന്ന തരത്തില്‍ ബി.ജെ.പി എം.പി സുബ്രഹ്മണ്യന്‍ ്‌സ്വാമിയുടെ പ്രതികരണവും പിന്നാലെ വന്നിരുന്നു.

‘സി.ബി.ഐ ഡയറക്ടര്‍ എ.കെ ശര്‍മയാണ് ലുക്കൗട്ട് നോട്ടീസ് ദുര്‍ബലപ്പെടുത്തി മല്ല്യയെ രക്ഷപ്പെടാന്‍ അനുവദിച്ചത്.
ഗുജറാത്ത് കേഡറിലെ ഓഫീസറായ ശര്‍മ സി.ബി.ഐയില്‍ പ്രധാനമന്ത്രി മോദിയുട വേണ്ടപ്പെട്ടയാളാണ്.
നീരവ് മോദിയുടെയും മേഹുല്‍ ചോസ്‌കിയുടെയും എസ്‌കേപ്പ് പ്ലാനുകളുടെ മേല്‍നോട്ടം അതേ ഓഫീസര്‍ക്കായിരുന്നു. ഊപ്‌സ്… അന്വേഷണം…’ രാഹുലിന്റെ ട്വീറ്റ്.

CBI Jt. Director, A K Sharma, weakened Mallya’s “Look Out” notice, allowing Mallya to escape.

Mr Sharma, a Gujarat cadre officer, is the PM’s blue-eyed-boy in the CBI.

The same officer was in charge of Nirav Modi & Mehul Choksi’s escape plans. Ooops…
investigation!

— Rahul Gandhi (@RahulGandhi) September 15, 2018

മോദി ഗുജറാത്ത് മുഖ്യമന്ത്രിയായിരിക്കെ നടന്ന ഇഷ്‌റത്ത് ജഹാന്‍ വ്യാജ ഏറ്റുമുട്ടല്‍ കേസ് അട്ടിമറിക്കാന്‍ ശ്രമിച്ചതിന് ഐ.എ.എസ് ഓഫീസറായ എ.കെ ശര്‍മയെ സി.ബി.എ ചോദ്യം ചെയ്തിരുന്നു.

ബാങ്കുകളില്‍ കോടിക്കണക്കിന് രൂപ ബാധ്യത വരുത്തി വിജയ് മല്ല്യ രാജ്യം വിട്ട സംഭവത്തില്‍ ബി.ജെ.പി പ്രതിരോധത്തിലാണ്. രാജ്യം വിടുന്നതിനു മുമ്പ് കേന്ദ്ര ധനമന്ത്രി അരുണ്‍ ജെയ്റ്റ്‌ലിയുമായി കൂടിക്കാഴ്ച നടത്തിയെന്ന് വിജയ് മല്ല്യ ലണ്ടനില്‍ പറഞ്ഞിരുന്നു. എയര്‍പോര്‍ട്ടുകളില്‍ വെച്ച് മല്ല്യയെ അറസ്റ്റ് ചെയ്യാനുള്ള ലുക്കൗട്ട് നോട്ടീസ് പുറപ്പെടുവിച്ചിരുന്നെങ്കിലും സി.ബി.ഐ ഇത് ദുര്‍ബലപ്പെടുത്തിയതാണ് രക്ഷപ്പെടലിലേക്ക് നയിച്ചത്. അറസ്റ്റ് ചെയ്യുക എന്ന ഭാഗം തിരുത്തി നിരീക്ഷിക്കുക എന്നാക്കി മാറ്റുകയായിരുന്നു.

Mallya’s Great Escape was aided by the CBI quietly changing the “Detain” notice for him, to “Inform”. The CBI reports directly to the PM. It is inconceivable that the CBI, in such a high profile, controversial case, would change a lookout notice without the approval of the PM.

— Rahul Gandhi (@RahulGandhi) September 14, 2018

മല്യ രക്ഷപെടാന്‍ കാരണമായത് ലുക്ക് ഔട്ട് നോട്ടീസിലെ ‘ഡീറ്റെയിന്‍’ എന്നതു മാറ്റി നിസാരമായ ‘ഇന്‍ഫോം’ എന്ന നോട്ടീസ് ആക്കി തിരുത്തി സി.ബി.ഐ സഹായിച്ചതാണ്. സി.ബി.ഐ ഈ വിവരം പ്രധാനമന്ത്രിക്കു നല്‍കിയിട്ടുണ്ടായിരുന്നു. സി.ബി.ഐയുടെ പരിധിക്കുപുറത്തുള്ള കാര്യമാണിത്, രാഹുല്‍ ആരോപിച്ചു. വിവാദവും പ്രമാദവുമായ ഒരു കേസിലെ ലുക്ക് ഔട്ട് നോട്ടീസില്‍ തിരുത്തല്‍ പ്രധാനമന്ത്രിയുടെ അറിവില്ലാതെ നടക്കില്ലെന്നും രാഹുല്‍ വ്യക്തമാക്കി.

ലുക്ക് ഔട്ട് നോട്ടീസിലെ “തടഞ്ഞുവയ്ക്കണം” എന്ന വാക്ക് സിബിഐ “റിപ്പോര്‍ട്ട് ചെയ്യണം” എന്നാക്കി തിരുത്തിയെന്നാണ് രാഹുല്‍ വ്യക്തമാക്കിയത്. ഇത് പ്രധാനമന്ത്രി അറിവോടെയാണെന്നും രാഹുല്‍ ആരോപിക്കുന്നു.

I learn from my sources that the Lookout Notice issued by CBI for Mallya was modified from “Block Departure” to “Report Departure” on October 24, 2015 on orders from someone in MoF. Who?

— Subramanian Swamy (@Swamy39) 12 September 2018

വിജയ് മല്യ നാടുവിടുമ്പോള്‍ രാജ്യസഭ എം.പിയായിരുന്നു. അദ്ദേഹത്തിനെതിരെ സിബിഐയുടെ ലുക്ക്ഔട്ട് നോട്ടീസ് നിലവിലുണ്ടായിരുന്നു. എന്നാല്‍ 2016 മാര്‍ച്ച് രണ്ടിന് ഡല്‍ഹി വിമാനത്താവളത്തില്‍ ജെറ്റ് എയര്‍വേസ് വിമാനത്തില്‍ കയറാനെത്തിയ സമയത്ത് മല്യയുടെ പേരിലുള്ള ലുക്ക് ഔട്ട് നോട്ടീസ് ഭേദഗതി ചെയ്ത നിലയിലായിരുന്നു ഉണ്ടായിരുന്നതെന്ന് സുബ്രഹ്മണ്യന്‍ സ്വാമി ആരോപിച്ചു.

മല്യയെ തടയണമെന്ന് വ്യക്തമായി നോട്ടീസ് എങ്ങനെ റിപ്പോര്‍ട്ട് ചെയ്യണമെന്ന രീതിയിലേക്ക് മാറിയെന്നതില്‍ ദുരൂഹതയുണ്ടെന്നും അദ്ദേഹം തുറന്നടിച്ചു.

ജെയ്റ്റ്‌ലി കള്ളം പറയുകയാണെന്നും പാര്‍ലമെന്റിനകത്ത് വെച്ച് ഇരുവരും കൂടിക്കാഴ്ച നടത്തിയതിന് കോണ്‍ഗ്രസ് നേതാവ് പി.എല്‍.പുനിയ സാക്ഷിയാണെന്നും രാഹുല്‍ വാര്‍ത്താ സമ്മേളനത്തില്‍ ആരോപിച്ചു.

തുടര്‍ന്ന് മല്യയെ ജെയ്റ്റ്‌ലി കണ്ടതിന് താന്‍ സാക്ഷിയാണെന്ന് കോണ്‍ഗ്രസ് നേതാവും എം.പിയുമായ പി.എല്‍ പുനിയ വാര്‍ത്താസമ്മേളനത്തില്‍ വ്യക്തമാക്കി. ആ കൂടിക്കാഴ്ച പതിനഞ്ചു മിനിറ്റ് നീണ്ടുനിന്നുവെന്നും അദ്ദേഹം പറഞ്ഞു.

2016 മാര്‍ച്ച് മാസം പാര്‍ലമെന്റ് സെന്‍ട്രല്‍ ഹാളിലെ ഒരു മൂലയില്‍ വിജയ് മല്യയും അരുണ്‍ ജെയ്റ്റ്ലിയും കൂടിക്കാഴ്ച നടത്തുന്നത് ഞാന്‍ കണ്ടതാണ്. കൂടിക്കാഴ്ച ഏഴു മിനിറ്റോളം നീണ്ടുനിന്നിരുന്നു. ഇരുവരും അവിടെയുള്ള ബെഞ്ചിലിരുന്നാണ് സംസാരിച്ചത്. ജെയ്റ്റ്ലിയുടെ അടുത്തേക്ക് മല്യ വരികയായിരുന്നുവെന്നും പുനിയ പറഞ്ഞു.
മല്യ ലണ്ടനിലേക്ക് കടക്കുന്നതിന് രണ്ടു ദിവസം മുമ്പായിരുന്നു കൂടിക്കാഴ്ചയെന്നും സിസിടിവി ദൃശ്യങ്ങള്‍ പരിശോധിക്കാമെന്നും പുനിയ കൂട്ടിച്ചേര്‍ത്തു. എന്നാല്‍ 2014-നു ശേഷം മല്യക്ക് തന്നെ കാണാന്‍ അനുവാദം നല്‍കിയിട്ടില്ലെന്നാണ് അരുണ്‍ ജെയ്റ്റ്ലി കഴിഞ്ഞ ദിവസം പറഞ്ഞത്.

രാജ്യത്തിന്റെ ധനമന്ത്രിയായ അരുണ്‍ ജെയ്റ്റ്ലി കുറ്റവാളിയായ ഒരാളോട് എന്തിനാണ് ബന്ധം പുലര്‍ത്തിയതെന്നും എന്താണ് ആ ചര്‍ച്ചയില്‍ സംഭവിച്ചതെന്നും ജനങ്ങളോട് വിശദീകരിക്കണമെന്നും രാഹുല്‍ ആവശ്യപ്പെട്ടു.

സാമ്പത്തിക കുറ്റകൃത്യം നടത്തി രാജ്യം വിടുന്നവരുടെ സ്വത്തുവകകള്‍ കണ്ടുകെട്ടാന്‍ അധികാരം നല്‍കുന്ന പുതിയ ഓര്‍ഡിനന്‍സിലൂടെ മല്യയുടെ സ്വത്തുക്കള്‍ അന്വേഷണ ഏജന്‍സികള്‍ പിടിച്ചെടുത്തിരുന്നു. ഇതിനു പിന്നാലെയാണ് സ്വത്തുക്കള്‍ നഷ്ടമാകാതിരിക്കാന്‍ ഇന്ത്യയിലേക്ക് തിരിച്ചുവരാന്‍ മല്യ തീരുമാനിച്ചത്. പുതിയ ഓര്‍ഡിനന്‍സ് പ്രകാരം പിടിച്ചെടുത്ത സ്വത്തുക്കള്‍ കണ്ടുകെട്ടാന്‍ കോടതി തീരുമാനിക്കുകയാണെങ്കില്‍ പിന്നീട് ഇതൊരിക്കലും ഉടമസ്ഥന് തിരികെ ലഭിക്കില്ല.

വിവിധ ബാങ്കുകളില്‍ നിന്ന് 9,990.07 കോടി രൂപയാണ് പലിശയടക്കം മല്യ തിരിച്ചടക്കാനുള്ളത്. 13,500 കോടി രൂപ വിലമതിക്കുന്ന സ്വത്തുക്കള്‍ നിലവില്‍ എന്‍ഫോഴ്‌സ്‌മെന്റ് ഡയറക്ടറേറ്റ് പിടിച്ചെടുത്തിട്ടുണ്ട്.

पहले ललित फिर माल्या
अब नीरव भी हुआ फरार
कहाँ है ‘न खाऊँगा, न खाने दूँगा’ कहने वाला देश का चौकीदार?

साहेब की खामोशी का राज़ जानने को जनता बेकरार
उनकी चुप्पी चीख चीख कर बताए
वो किसके हैं वफादार#ModiRobsIndia

— Office of RG (@OfficeOfRG) February 19, 2018

‘നാ ഖാവൂംഗ, നാ ഖാനെ ദൂംഗ (തിന്നില്ല തീറ്റിപ്പിക്കുകയുമില്ല എന്ന വാക്യത്തിന് എന്തുപറ്റി) എന്ന് ചോദിച്ചായിരുന്നു രാഹുലിന്റെ പരിഹാസം.

ഒരിക്കല്‍ അഴിമതിരഹിത ഇന്ത്യക്ക് വാഗ്ദാനം ചെയ്ത പ്രധാനമന്ത്രി ഇപ്പോള്‍ അഴിമതി സുലഭമാക്കുകയും അഴിമതിക്കാരെ സംരക്ഷിക്കുകയും സംരക്ഷിക്കുകയും ചെയ്യുകയാണെന്ന് രാഹുല്‍ തുറന്നടിച്ചു.
ആദ്യം ലളിതിന്, പിന്നെ മല്യക്ക് ആയിരുന്നു, ഇപ്പോള്‍ അഴിമതിയുടെ സ്ലിപ്പ് നീരബിനും നല്‍കി. “ഞാന്‍ തിന്നില്ല, തീറ്റിപ്പിക്കുകയുമില്ല” എന്നു പറഞ്ഞ നമ്മുടെ കാവല്‍ക്കാരന്‍ എവിടെപ്പോയി, മോദി മുദ്രാവാക്യത്തെ പരിഹസിച്ച് രാഹുല്‍ ഗാന്ധി കുറിച്ചു.

സാഹബിന്റെ മൗനത്തിന് പിന്നിലെ കാരണം അറിയാന്‍ ജനം ആഗ്രഹിക്കുന്നു, രാഹുല്‍ ട്വീറ്റ് ചെയ്തു. മോദിയുടെ മൗനം വാസ്തവം വിളിച്ചു പറയുകയാണെന്നും കോണ്‍ഗ്രസ് അധ്യക്ഷന്‍ തന്റെ ട്വിറ്ററില്‍ കുറിച്ചു.