കിങ് ഫിഷറിന്റെ ബാങ്ക് അക്കൗണ്ടില്‍ നിന്ന് വന്‍ തുക വിദേശത്തേക്ക് കടത്തിയതായി കള്ളപ്പണം വെളുപ്പിക്കല്‍ നിരോധന നിയമപ്രകാരം കണ്ടെത്തിയെന്ന് ഇഡി അറിയിച്ചു.

വിജയ് മല്യയെ വിദേശത്ത് നിന്നും തിരികെ എത്തിക്കാനുള്ള രഹസ്യ നടപടികള്‍ പുരോഗമിക്കുകയാണെന്ന് കേന്ദ്ര സര്‍ക്കാര്‍ സുപ്രീംകോടതിയെ അറിയിച്ചിരുന്നു.

സ്വത്തുവകകള്‍ സംബന്ധിച്ച് കൃത്യമായ വിവരം കൈമാറാത്തതും കോടതിയലക്ഷ്യ നടപടിക്ക് കാരണമായി. കുറ്റക്കാരനെന്ന് കണ്ടെത്തിയ ഉത്തരവ് പുനഃപരിശോധിക്കേണ്ട സാഹചര്യമില്ലെന്ന് ജസ്റ്റിസ് യു.യു. ലളിത് അധ്യക്ഷനായ ബെഞ്ച് നിരീക്ഷിച്ചു. 2017ലാണ് മല്യയെ കുറ്റക്കാരനായി കണ്ടെത്തിയത്. ബാങ്കുകളുടെ കൂട്ടായ്മ നല്‍കിയ ഹര്‍ജിയിലായിരുന്നു നടപടി. ശിക്ഷ പ്രഖ്യാപിക്കുന്നതുമായി ബന്ധപ്പെട്ട് വിജയ് മല്യ നേരില്‍ ഹാജരാകണമെന്നും ഉത്തരവിട്ടു. ഇതിനിടെയാണ് കോടതി നടപടിക്കെതിരെ വിജയ് മല്യ പുനഃപരിശോധനാഹര്‍ജി സമര്‍പ്പിച്ചത്.

കള്ളപ്പണം വെളുപ്പിക്കല്‍ നിരോധന നിയമപ്രകാരമാണ് നടപടി. ഈ നിയമപ്രകാരം പിടികിട്ടാപ്പുള്ളിയായി പ്രഖ്യാപിക്കുന്ന ആദ്യത്തെ വ്യവസായ പ്രമുഖനാണ് വിജയ് മല്യ. സാമ്പത്തിക തട്ടിപ്പ് നടത്തി രാജ്യംവിട്ടതിന് ശേഷം ജാമ്യമില്ലാ വാറണ്ട് ലഭിച്ചിട്ടും കോടതിയില്‍ ഹാജരാവാത്ത ആളുകളെയാണ് ഈ നിയമപ്രകാരം പിടികിട്ടാപ്പുള്ളികളായി പ്രഖ്യാപിക്കുന്നത്.

ന്യൂഡല്‍ഹി: മദ്യരാജാവ് വിജയ് മല്യ ആഗസ്റ്റ് 27ന് നേരിട്ട് ഹാജരാവണമെന്ന് സാമ്പത്തിക കുറ്റകൃത്യങ്ങള്‍ക്കായുള്ള പ്രത്യേക കോടതി.
കോടതി ഉത്തരവ് ലംഘിക്കുന്ന പക്ഷം മല്യയുടെ 12,500 കോടി രൂപയുടെ ആസ്തികള്‍ കണ്ടു കെട്ടാന്‍ കോടതി എന്‍ഫോഴ്‌സ്‌മെന്റ് ഡയരക്ടറേറ്റിന് നിര്‍ദേശം നല്‍കി. പിടികിട്ടാപ്പുള്ളിയായ സാമ്പത്തിക കുറ്റവാളിയായി വിജയ് മല്യയെ പ്രഖ്യാപിക്കണമെന്നാവശ്യപ്പെട്ട് എന്‍ഫോഴ്‌സ്‌മെന്റെ് ഡയറകടറേറ്റ്(ഇ.ഡി) സമര്‍പ്പിച്ച ഹരജിയിലാണ് കോടതി സമന്‍സ്.
മല്യയെ പിടികിട്ടാപ്പുള്ളിയായ സാമ്പത്തിക കുറ്റവാളിയായി പ്രഖ്യാപിക്കണമെന്നും 12,500 കോടി രൂപ വില വരുന്ന സ്വത്തുവകകള്‍ കണ്ടുകെട്ടണമെന്നും ആവശ്യപ്പെട്ട് എന്‍ഫോഴ്‌സ്‌മെന്റെ് ഡയറക്ടറേറ്റ് കഴിഞ്ഞ ആഴ്ചയാണ് മുംബൈ പ്രത്യേക കോടതി മുമ്പാകെ അപേക്ഷ സമര്‍പ്പിച്ചത്. ഒളിച്ചോടിയ സാമ്പത്തിക കുറ്റവാളി ഓര്‍ഡിനന്‍സ് പ്രകാരമാണ് ഇ.ഡി കോടതിയെ സമീപിച്ചത്. മെയ് 27ലെ ഓര്‍ഡിനന്‍സ് അനുസരിച്ച് ബാങ്കിനെ കബളിപ്പിച്ച് രാജ്യം വിടുന്ന സാമ്പത്തിക കുറ്റവാളികളുടെ സ്വത്തുവകകള്‍ കണ്ടുകെട്ടാന്‍ ബന്ധപ്പെട്ട അധികൃതര്‍ക്ക് അധികാരമുണ്ട്.
രാജ്യത്തെ വിവിധ ബാങ്കുകളുടെ കണ്‍സോര്‍ഷ്യത്തില്‍ നിന്നും 9,000 കോടി രൂപയുടെ വായ്പയെടുത്ത് തിരിച്ചടവ് മുടങ്ങിയ മല്യ 2016 മാര്‍ച്ച് രണ്ടിനാണ് ഇന്ത്യയില്‍ നി്ന്നും മുങ്ങിയത്. നിലവില്‍ ലണ്ടനിലെ ആഡംബര വീട്ടില്‍ കഴിയുന്ന മല്യക്കെതിരെ നേരത്തെ വിവിധ കോടതികള്‍ സമന്‍സ് അയച്ചിട്ടുണ്ട്. #ോ
അതേ സമയം എന്‍ഫോഴ്‌സ്‌മെന്റ്ുമായി ഒത്തു തീര്‍പ്പ് ചര്‍ച്ചകള്‍ നടത്തിയിട്ടില്ലെന്ന് വിജയ് മല്യ. വിജയ് മല്യയുടെ ആവശ്യം എന്‍ഫോഴ്‌സ്‌മെന്റ് തള്ളിയതായുള്ള റിപ്പോര്‍ട്ടുകള്‍ പുറത്തു വന്നതിന് പിന്നാലെയാണ് മല്യയുടെ വിശദീകരണം.
ഇ.ഡി പിടിച്ചെടുത്ത തന്റെ സ്വത്തുവകകള്‍ മടക്കി നല്‍കുകയാണെങ്കില്‍ ബാധ്യതകള്‍ തീര്‍ക്കാനൊരുക്കമാണെന്ന് മല്യ ഇ.ഡിയെ അറിയിച്ചതായാണ് വാര്‍ത്തകള്‍ പുറത്തു വന്നിരുന്നത്. കേസ് ഒത്തു തീര്‍ക്കാന്‍ സ്വത്തുക്കള്‍ വില്‍ക്കാന്‍ അനുവദിക്കണമെന്ന് മല്യ ആവശ്യപ്പെട്ടതായി ഇ.ഡി ഉദ്യോഗസ്ഥനെ ഉദ്ദരിച്ച് ദേശീയ മാധ്യമങ്ങള്‍ റിപ്പോര്‍ട്ട് ചെയ്തിരുന്നു.
താന്‍ ഒത്തു തീര്‍പ്പിന് ശ്രമിച്ചെന്ന് പറയുന്ന മാധ്യമങ്ങള്‍ ഇ.ഡിയുടെ കുറ്റപത്രം വായിക്കണമെന്ന് മല്യ ആവശ്യപ്പെട്ടു.

ന്യൂഡല്‍ഹി: പൊതുമേഖലാ ബാങ്കുകളില്‍നിന്ന് വായ്പയെടുത്ത് തിരിച്ചടക്കാതെ മുങ്ങിയ മദ്യരാജാവ് വിജയ് മല്യയെ പുതിയ നിയമപ്രകാരം പിടികിട്ടാപുള്ളിയായി പ്രഖ്യാപിക്കണമെന്നാവശ്യപ്പെട്ട് എന്‍ഫോഴ്‌സ്‌മെന്റ് ഡയരക്ടറേറ്റ്. മുംബൈ കോടതിയില്‍ നല്‍കിയ സത്യവാങ്മൂലത്തോടൊപ്പമാണ് ഇ.ഡി ഇത്തരമൊരു ആവശ്യം ഉന്നയിച്ചത്.
ബാങ്കുകളില്‍നിന്ന് വായ്പയെടുത്ത് മുങ്ങുന്നവരെ സാമ്പത്തിക കുറ്റവാളികളായി പ്രഖ്യാപിക്കുന്നതിനും ഇവരുടെ സ്വത്തുക്കള്‍ കണ്ടുകെട്ടുന്നതിനും വ്യവസ്ഥ ചെയ്യുന്ന പുതിയ നിയമം പാര്‍ലമെന്റ് പാസാക്കിയിരുന്നു. ഇതിന്റെ അടിസ്ഥാനത്തിലാണ് എന്‍ഫോഴ്‌സ്‌മെന്റിന്റെ ആവശ്യം. ബാങ്കുകള്‍ക്കും വിമാനത്താവള അതോറിറ്റികള്‍ക്കും നല്‍കിയ ചെക്കുകള്‍ പണമില്ലാതെ മടങ്ങിയ നിരവധി കേസുകളില്‍ മല്യയെ നേരത്തെ രാജ്യത്തെ വിവിധ കോടതികള്‍ പിടികിട്ടാപ്പുള്ളിയായി പ്രഖ്യാപിച്ചിരുന്നു.
എന്നാല്‍ ഇത്തരം കേസുകളില്‍ കുറ്റമാരോപിക്കപ്പെടുന്നയാളുടെ സ്വത്തുക്കള്‍ കണ്ടുകെട്ടണമെങ്കില്‍ കോടതിയുടെ പ്രത്യേക അനുമതി വേണം. പാര്‍ലമെന്റ് പാസാക്കിയ പുതിയ നിയമം അനുസരിച്ച് സാമ്പത്തിക തട്ടിപ്പ് കേസുകളില്‍ പിടികിട്ടാപ്പുള്ളിയായി പ്രഖ്യാപിക്കുന്നയാളുടെ സ്വത്ത് കണ്ടുകെട്ടുന്നതിന് കോടതിയുടെ പ്രത്യേക ഉത്തരവിന്റെ ആവശ്യമില്ല. മല്യയുടേയും അദ്ദേഹത്തിന്റെ ഉടമസ്ഥതയിലുള്ള കമ്പനികളുടേയും 12,500 കോടി രൂപ വിലവരുന്ന സ്ഥാവര ജംഗമ സ്വത്തുക്കള്‍ അടിയന്തരമായി കണ്ടുകെട്ടുന്നതിനു വേണ്ടിയാണ് എന്‍ഫോഴ്‌സ്‌മെന്റ് പുതിയ നിയമപ്രകാരം മല്യയെ സാമ്പത്തിക പിടികിട്ടാപ്പുള്ളിയായി പ്രഖ്യാപിക്കണമെന്നാവശ്യപ്പെട്ട് കോടതിയെ സമീപിച്ചത്.

വിജയ് മല്യയുടെ ആസ്തികള്‍ ആഗോളതലത്തില്‍ മരവിപ്പിച്ച ഉത്തരവ് റദ്ദാക്കാനും കോടതി തയ്യാറായില്ല. നേരത്തേ, സി.ബി.ഐ സമര്‍പ്പിച്ച തെളിവുകള്‍ സ്വീകാര്യമെന്ന് ലണ്ടന്‍ കോടതി വ്യക്തമാക്കിയിരുന്നു. മല്യയെ ഇന്ത്യക്ക് കൈമാറുന്നതുമായി ബന്ധപ്പെട്ട കേസ് ജൂലൈ 11ന് കോടതി വീണ്ടും പരിഗണിക്കും. വിവിധ ബാങ്കുകളില്‍ നിന്ന് വായ്പയെടുത്ത 9,000 കോടി രൂപ തിരിച്ചടക്കാതെ രാജ്യം വിട്ട മല്യയെ കൈമാറണമെന്നാണ് ഇന്ത്യയുടെ ആവശ്യം.

ജൂലൈ 11 വരെ മല്യയുടെ ജാമ്യം നീട്ടിയിട്ടുണ്ട്. മല്യയെ കൈമാറണമെന്ന ആവശ്യം നിരസിച്ചതിന് പിന്നാലെ ഇന്ത്യന്‍ അധികൃതര്‍ നല്‍കിയ അപ്പീലാണ് വെസ്റ്റ് മിന്‍സ്റ്റര്‍ മജിസ്‌ട്രേറ്റ് കോടതി പരിഗണിക്കുന്നത്. 2016 മാര്‍ച്ചിലാണ് വിജയ് മല്യ ഇന്ത്യ വിട്ടത്. വ്യവസായിയെന്ന നിലയില്‍ മല്യയുടെ വിശ്വാസ്യത നഷ്ടപ്പെട്ടുവെന്നും അദ്ദേഹത്തെ ഇന്ത്യക്ക് കൈമാറുന്നതിന് യാതൊരു തടസവുമില്ലെന്നും ഇന്ത്യന്‍ അധികൃതര്‍ കോടതിയെ അറിയിച്ചിട്ടുണ്ട്.