കേസ് കെട്ടിച്ചമച്ചതാണെന്നും സിനിമയില്‍ അവസരം നല്‍കാത്തതിലുള്ള വൈരാഗ്യമാണ് പിന്നിലെന്നും വിജയ് ബാബു പൊലീസിന് മൊഴി നല്‍കി. ഉഭയകക്ഷി സമ്മതപ്രകാരമുള്ള ലൈംഗികബന്ധമായിരുന്നു. ഒളിവില്‍ പോകാന്‍ തനിക്ക് ആരുടേയും സഹായം ലഭിച്ചിട്ടില്ലെന്നും മൊഴിയുണ്ട്. ഇന്ന് വരെ വിജയ് ബാബുവിന്റെ അറസ്റ്റ് ഹൈക്കോടതി തടഞ്ഞിട്ടുണ്ട്.

മുന്‍കൂര്‍ ജാമ്യാപേക്ഷ ഇന്ന് പരിഗണിക്കും. 39 ദിവസത്തെ ഒളിവ് ജീവിതത്തിനൊടുവില്‍ ഇന്നലെ രാവിലെ ഒമ്പതരയോടെയാണ് വിജയ് ബാബു കൊച്ചിയിലെത്തിയത്. കോടതി നിര്‍ദേശപ്രകാരം അന്വേഷണ ഉദ്യോഗസ്ഥന് മുന്നില്‍ കീഴടങ്ങുകയായിരുന്നു. എറണാകുളം അസി.കമ്മിഷണര്‍ വൈ. നിസാമുദ്ദിന്റെ നേതൃത്വത്തിലായിരുന്നു ചോദ്യം ചെയ്യല്‍. ഏപ്രില്‍ 26നാണ് സിനിമയില്‍ അവസരം വാഗ്ദാനം ചെയ്ത് വിജയ് ബാബു പീഡിപ്പിച്ചെന്ന് നടി ഫേസ്ബുക്ക് കുറിപ്പിലൂടെ വെളിപ്പെടുത്തിയത്. സിറ്റി പൊലീസ് കമ്മിഷണര്‍ക്ക് നല്‍കിയ പരാതിയില്‍ ഇതിനിടെ എറണാകുളം സൗത്ത് പൊലീസ് കേസെടുക്കുകയായിരുന്നു.

നടി പരാതി നല്‍കിയതിന് പിന്നാലെ വിജയ്ബാബു വിദേശത്തേക്ക് കടന്നിരുന്നു.എന്നൊടപ്പം നിന്ന സുഹ്യത്തുക്കള്‍ക്കും കുടംബത്തിനും നന്ദിയെന്ന് അദ്ദേഹം പറഞ്ഞു.എന്നാല്‍ മറ്റു ചോദ്യങ്ങള്‍ക്ക്് മറുപടി പറയാന്‍ അദ്ദേഹം തയ്യാറായില്ല.

സത്യം കോടതിയില്‍ തെളിയിക്കും,കോടതിയില്‍ വിശ്വസമുണ്ടെന്നും പോലീസുമായി സഹകരിക്കുമെന്നും അദ്ദേഹം വ്യക്തമാക്കി.ഇടക്കാല മുന്‍കൂര്‍ജാമ്യം അനുവദിച്ചതിന് പിന്നാലെയാണ് അദ്ദേഹം ഒരു മാസത്തിന് ശേഷം മടങ്ങിയെത്തുന്നത്.അറസറ്റില്‍ നിന്നും വിലക്കിയിട്ടുണ്ട്.വ്യാഴ്ച വരെയാണ് നിലവില്‍ അറസറ്റ് തടഞ്ഞിരിക്കുന്നത്.