”നിങ്ങള്‍ക്ക് ഇഷ്ടമുള്ള ഒരു കളിയുടെ നിയമാവലി എഴുതുക” എന്ന ചോദ്യത്തിനുള്ള മറുപടിയായി അഹാന്‍ സ്പൂണ്‍-നാരങ്ങ കളി തെരഞ്ഞെടുത്തു. ആറു നിയമങ്ങളാണ് അവന്‍ എഴുതിയത്. അവസാനത്തേതായ ”ജയിച്ചവര്‍ തോറ്റവരെ കളിയാക്കരുത്” എന്നത് തന്നെയാണ് എല്ലാവരുടെയും ശ്രദ്ധ പിടിച്ചുപറ്റിയത്.

അഹാന്റെ അമ്മയും മാധ്യമപ്രവര്‍ത്തകയുമായ നിമ്യ നാരായണനാണ് ഉത്തരക്കടലാസ് ആദ്യം സമൂഹമാധ്യമത്തില്‍ പങ്കുവെച്ചത്. പിന്നീട് വിദ്യാഭ്യാസ മന്ത്രി വി. ശിവന്‍കുട്ടിയും അത് ഷെയര്‍ ചെയ്ത് അഹാനെ അഭിനന്ദിച്ചു.

അഹാന്റെ നിയമങ്ങള്‍:

ഒരു സമയം അഞ്ച് പേര്‍ക്ക് മത്സരിക്കാം

എല്ലാവരും വായില്‍ സ്പൂണ്‍ വെക്കണം

നാരങ്ങ സ്പൂണിന് മുകളില്‍ വെക്കണം

അടയാളപ്പെടുത്തിയ വരിയില്‍ നിന്നാണ് കളി തുടങ്ങേണ്ടത്

നാരങ്ങ നിലത്ത് വീണാല്‍ വീണ്ടും എടുത്തു വെച്ച് മുന്നോട്ട് പോകണം

വരി തെറ്റിയാല്‍ കളിയില്‍ നിന്ന് പുറത്താകും

ജയിച്ചവര്‍ തോറ്റവരെ കളിയാക്കരുത്

നിമ്യ നാരായണന്റെ കുറിപ്പ്:
”അവസാനത്തെ നിയമാവലിയാണ് ഹൈലൈറ്റ്. ജയിച്ചവര്‍ തോറ്റവരെ കളിയാക്കരുത് എന്ന് എഴുതിയതിന് പിന്നില്‍ മറ്റുള്ളവര്‍ക്ക് വേദനിക്കും എന്ന തിരിച്ചറിവാണ്. അതാണ് എനിക്ക് ഏറ്റവും സന്തോഷം നല്‍കിയത്.”

മന്ത്രിയുടെ കുറിപ്പ്:
”’ജയിച്ചവര്‍ തോറ്റവരെ കളിയാക്കരുത്’ ജീവിതത്തിലെ മികച്ച സന്ദേശം ഉത്തരക്കടലാസില്‍ പകര്‍ത്തിയ മൂന്നാം ക്ലാസുകാരന് അഭിവാദ്യങ്ങള്‍. നമ്മുടെ പൊതുവിദ്യാലയങ്ങള്‍ ഇങ്ങിനെയാണ് മുന്നേറുന്നത്.”

500, 200, 100 എന്നിവയുടെ ഒന്നിലധികം നോട്ടുകളാണ് ഉത്തരപ്പേപ്പറുകള്‍ക്കകത്ത് ഉണ്ടായിരുന്നത്. ‘ഒരു അധ്യാപകന്‍ അയച്ച ചിത്രമാണിത്. ഒരു ബോര്‍ഡ് പരീക്ഷയുടെ ഉത്തരക്കടലാസുകള്‍ക്കുള്ളിലാണ് പാസ് ആകാനുള്ള മാര്‍ക്ക് നല്‍കണമെന്ന അഭ്യര്‍ത്ഥനക്കൊപ്പം വിദ്യാര്‍ത്ഥികള്‍ നോട്ടുകള്‍ ഒളിപ്പിച്ചു വെച്ചത്. നമ്മുടെ വിദ്യാര്‍ഥികളെയും അധ്യാപകരെയും മുഴുവന്‍ വിദ്യാഭ്യാസ സമ്പ്രദായത്തെയും കുറിച്ച് ധാരാളം കാര്യങ്ങള്‍ ഈ സംഭവം വ്യക്തമാക്കുന്നുണ്ട്’, അരുണ്‍ ബോത്ര എക്‌സില്‍ കുറിച്ചു. ഏതു വിഷയത്തിന്റെ പരീക്ഷയിലാണ് ഇങ്ങനെ സംഭവിച്ചത് എന്നോ എവിടെ നടന്നതാണെന്നോ അദ്ദേഹം കുറിപ്പില്‍ വ്യക്തമാക്കിയിട്ടില്ല.

https://twitter.com/arunbothra/status/1693466340647129290?ref_src=twsrc%5Etfw%7Ctwcamp%5Etweetembed%7Ctwterm%5E1693466340647129290%7Ctwgr%5Ebc1136fd1963cc044b73dfaafbd026fb7daa407a%7Ctwcon%5Es1_&ref_url=https%3A%2F%2Fmalayalam.news18.com%2Fnews%2Fbuzz%2Fips-officer-shares-post-on-students-bribery-to-teachers-to-pass-exam-goes-viral-vps-gh-621380.html

നിരവധി പേരാണ് അരുണ്‍ ബോത്രയുടെ പോസ്റ്റിനു താഴെ കമന്റുമായി രംഗത്തെത്തുന്നത്. ‘ഇത് പതിറ്റാണ്ടുകളായി നടക്കുന്ന കാര്യമാണ്. ചില വിദ്യാര്‍ഥികള്‍ ഉത്തരപ്പേപ്പറുകള്‍ക്കുള്ളില്‍ പണം തിരുകി വെയ്ക്കാറുണ്ട്. പാസായാല്‍ ധാരാളം പണം നല്‍കാമെന്നു പറഞ്ഞ് ചിലര്‍ ഫോണ്‍ നമ്പറുകളും ഉത്തരപ്പേപ്പറുകളില്‍ ചേര്‍ക്കാറുണ്ട്’ എന്നാണ് ഒരാള്‍ കുറിച്ചത്. ‘ഇത് രാജ്യത്തിന്റെ മുഴുവന്‍ സംസ്‌കാരത്തെയും ജനാധിപത്യ സംവിധാനങ്ങളെയും കുറിച്ച് പലതും വിളിച്ചു പറയുന്നുണ്ട്’, എന്ന് മറ്റൊരാള്‍ കൂട്ടിച്ചേര്‍ത്തു.