ഈ മാസം ഒന്നിന് കേസ് ക്രൈംബ്രാഞ്ചിന് കൈമാറിയിരുന്നു. ക്രൈംബ്രാഞ്ച് എസ്പി പി.ബാലകൃഷ്ണനാണ് അന്വേഷണ ചുമതല. കണ്ണൂര്‍ സിറ്റി പൊലീസിലെ പ്രത്യേക സംഘമാണ് കേസ് അന്വേഷിച്ചിരുന്നത്. കേസില്‍ സമഗ്രമായ അന്വേഷണം ആവശ്യമായി വന്നതിനെ തുടര്‍ന്നാണ് ക്രൈംബ്രാഞ്ചിന് കേസ് കൈമാറിയത്.

അന്വേഷണത്തിന്റെ ആദ്യഘട്ടമായാണ് വിയ്യൂരിലെ അതീവ സുരക്ഷ ജയിലിലെത്തി ഗോവിന്ദച്ചാമിയെ ചോദ്യം ചെയ്തത്. എന്നാല്‍ നേരത്തെയുണ്ടായിരുന്ന അന്വേഷണ സംഘത്തോട് പറഞ്ഞിരുന്ന അതേകാര്യങ്ങള്‍ തന്നെയാണ് ക്രൈം ബ്രാഞ്ച് അന്വേഷണ സംഘത്തോടും ഗോവിന്ദച്ചാമി ആവര്‍ത്തിച്ചത്.

അതേസമയം ഗോവിന്ദച്ചാമി പറഞ്ഞകാര്യങ്ങള്‍ അന്വേഷണ സംഘം പൂര്‍ണമായി വിശ്വാസത്തിലെടുത്തിട്ടില്ല. ജയില്‍ ചാടുന്നതിനായി സെല്‍ മുറിക്കാന്‍ ഉപയോഗിച്ച ആയുധത്തില്‍ സംശയമുണ്ട്. മറ്റേതെങ്കിലും ആയുധം ഉപയോഗിച്ചിട്ടുണ്ടോയെന്ന കാര്യത്തില്‍ വ്യക്തത വരേണ്ടതുണ്ട്. ഇതില്‍ വിശദമായ അന്വേഷണം ക്രൈംബ്രാഞ്ചിന്റെ ഭാഗത്ത് നിന്നുണ്ടാകും.

തൃശൂര്‍: ടിപി ചന്ദ്രശേഖരന്‍ വധക്കേസില്‍ ജയില്‍ ശിക്ഷയില്‍ കഴിയുന്ന പ്രതി ഷാഫിയുടെ കൈയില്‍ വീണ്ടും മൊബൈല്‍ ഫോണ്‍. തൃശൂര്‍ വിയ്യൂര്‍ സെന്‍ട്രല്‍ ജയിലില്‍ പുലര്‍ച്ചെ നാടകീയമായി നടത്തിയ റെയ്ഡിലാണ് ഷാഫിയുടെ പക്കല്‍ നിന്ന് രണ്ട് മൊബൈല്‍ ഫോണ്‍ പിടികൂടിയത്. രണ്ടും സ്മാര്‍ട്ട് ഫോണാണ്. തൃശൂര്‍ പൊലീസ് കമ്മീഷണര്‍ യതീഷ് ചന്ദ്രയുടെ നേതൃത്വത്തിലുള്ള അന്വേഷണത്തിലാണ് മൊബൈല്‍ ഫോണുകള്‍ കണ്ടെടുത്തത്. ഇതിനു മുമ്പും രണ്ടു വട്ടം ജയിലില്‍ ഫോണ്‍ ഉപയോഗിച്ചതിന് ഷാഫിയെ പിടികൂടിയിട്ടുണ്ട്.

വിയ്യൂര്‍ ജയിലില്‍ ഫോണ്‍ ഉപയോഗിക്കുന്നുണ്ടെന്ന രഹസ്യ വിവരത്തിന്റെ അടിസ്ഥാനത്തില്‍ തൃശൂര്‍ പൊലീസ് കമ്മീഷണര്‍ യതീഷ് ചന്ദ്രയുടെ നേതൃത്വത്തില്‍ പുലര്‍ച്ചെ ജയിലിലെത്തി പരിശോധന നടത്തുകയായിരുന്നു. നാലു ഫോണുകളാണ് പിടികൂടിയത്. രണ്ടെണ്ണം ഷാഫിയുടെ പക്കല്‍ നിന്നായിരുന്നു.