നേരത്തേയും പുടിന്‍ സമാനമായ രീതിയിലുള്ള പരാമര്‍ശങ്ങള്‍ നടത്തിയിരുന്നു. സാമൂഹിക മാധ്യമങ്ങളില്‍ ഇടെപടാന്‍ തനിക്ക് വലിയ താല്‍പര്യമില്ലെന്ന് പുടിന്‍ പറഞ്ഞിരുന്നു. കുര്‍ചതോവ് ന്യൂക്ലിയര്‍ റിസര്‍ച് ഇന്‍സ്റ്റിറ്റിയൂട്ട് മേധാവി മിഖായില്‍ കൊവല്‍ചക്, ഇക്കാലത്ത് എല്ലാവരുടെ പോക്കറ്റിലും സ്മാര്‍ട്‌ഫോണ്‍ ഉണ്ടാകുമെന്ന പരാമര്‍ശം നടത്തിയിരുന്നു. ഇതിനു മറുപടിയായാണ് പുടിന്റെ സ്മാര്‍ട്ട് ഫോണ്‍ ഉപയോഗിക്കാറില്ലെന്ന സത്യം പുറത്തുപറഞ്ഞത്. താന്‍ ഇന്റര്‍നെറ്റും വളരെ അപൂര്‍വമായെ ഉപയോഗിക്കാറുള്ളൂവെന്ന് കഴിഞ്ഞ വര്‍ഷം സ്‌കൂള്‍ കുട്ടികളുമായുള്ള ഒരു സംവാദത്തിനിടെ പുടിന്‍ പറഞ്ഞിരുന്നു. പ്രസിഡന്റ് ഇന്റര്‍നെറ്റ് വിരളമായി ഉപോഗിക്കാറുള്ളൂ വെന്ന് പറയുമ്പോഴും പ്രധാനമന്ത്രി സാമൂഹ്യമാധ്യമങ്ങളില്‍ ആക്റ്റീവാണെന്നതാണ് ശ്രദ്ധേയമായ കാര്യം.

ഇരകൂട്ടരും തമ്മിലുള്ള സംഘര്‍ഷത്തില്‍ 196 പോലീസ് ഉദ്യോഗസ്ഥര്‍ക്ക് പരിക്കേറ്റിട്ടുണ്ടെന്നാണ് ഔദ്യോഗിക റിപ്പോര്‍ട്ട്. 83 പ്രതിഷേധക്കാരെ അറസ്റ്റു ചെയ്തിട്ടുണ്ടെന്നും 19 പേര്‍ കസ്റ്റഡിയിലുണ്ടെന്നും പോലീസ് അറിയിച്ചു. പോലീസ് ഉദ്യോഗസ്ഥര്‍ക്കു പുറമെ നിരവധി പ്രതിഷേധക്കാര്‍ക്കും പരിക്കേറ്റിട്ടുണ്ടെന്നാണ് വിവരം. ഉച്ചകോടി ആരംഭിച്ച ഇന്നലെ പ്രതിഷേധക്കാര്‍ തെരുവില്‍ തീയിട്ടു. പോലീസ് തടഞ്ഞ പ്രതിഷേധക്കാര്‍ കടകള്‍ കത്തിച്ചും വാഹനങ്ങള്‍ റോഡില്‍ കൂട്ടിയിട്ടും കത്തിക്കുകയായിരുന്നു. ഇവരെ പിരിച്ചുവിടാന്‍ പോലീസ് കണ്ണീര്‍വാതകവും ജലപീരങ്കിയും പ്രയോഗിച്ചു.

എല്ലാ തരത്തിലുമുള്ള സമാധാനപരമായ പ്രതിഷേധപ്രകടനങ്ങള്‍ മനസ്സിലാക്കാന്‍ കഴിയുമെന്നും എന്നാല്‍ അക്രമാസക്തമായ പ്രതിഷേധങ്ങള്‍ ജനങ്ങളുടെ ജീവന്‍ അപകടപ്പെടുത്തുമെന്നും ജെര്‍മന്‍ ചാന്‍സ്‌ലര്‍ ആംഗേല മെര്‍ക്കര്‍ പറഞ്ഞു. പ്രതിഷേധക്കാരെ പ്രതിരോധിച്ച് ഉച്ചകോടി സുഗമമമായി നടപ്പിലാക്കാന്‍ ശ്രമിക്കുന്ന സുരക്ഷാ ഉദ്യോഗസ്ഥരെ രാഷ്ട്രതലവന്‍മാര്‍ പ്രശംസിച്ചു. തങ്ങള്‍ക്ക് പ്രതിഷേധക്കാരെ കാണാന്‍ കഴിഞ്ഞിട്ടില്ലെന്നും അവര്‍ വ്യക്തമാക്കി. അതിനിടെ, യു.എസ് പ്രസിഡന്റ് ഡൊണാള്‍ഡ് ട്രംപും റഷ്യന്‍ പ്രസിഡന്റ് വഌഡ്മിര്‍ പുടിനും തമ്മില്‍ കൂടിക്കാഴ്ച്ച നടത്തി. 2016-ലെ അമേരിക്കന്‍ തെരഞ്ഞെടുപ്പില്‍ റഷ്യയുടെ ഇടപെടലുണ്ടായിട്ടുണ്ടെന്ന വെളിപ്പെടുത്തലുകളെക്കുറിച്ചും കൂടിക്കാഴ്ച്ചയില്‍ ചര്‍ച്ച ചെയ്തു. സിറിയന്‍ യുദ്ധമുള്‍പ്പെടെ നിരവധി വിഷയങ്ങളില്‍ ചര്‍ച്ച ഉണ്ടായെന്ന് ഔദ്യോഗികമായി അറിയിപ്പ് ലഭിച്ചു. സിറിയയില്‍ വെടിനിര്‍ത്തലിന് ഇരുരാജ്യങ്ങളും ധാരണയായിട്ടുണ്ട്.

ഹാംബര്‍ഗില്‍ വെള്ളിയാഴ്ച്ച നടന്ന 20രാഷ്ട്രങ്ങള്‍ പങ്കെടുക്കുന്ന ജി20 ഉച്ചകോടിയിലാണ് വെടിനിര്‍ത്തല്‍ ധാരണ. ഞായറാഴ്ച്ച പ്രാദേശികസമയം ഒന്‍പതിന് വെടിനിര്‍ത്തല്‍ പ്രാബല്യത്തില്‍ വരുമെന്ന് റഷ്യന്‍ വിദേശകാര്യമന്ത്രി സെര്‍ജി ലാവ്‌റോവിനെ ഉദ്ധരിച്ച് ടാസ് ന്യൂസ് ഏജന്‍സി റിപ്പോര്‍ട്ട് ചെയ്യുന്നു. വെടിനിര്‍ത്തല്‍ പ്രാവര്‍ത്തികമാകുന്നുണ്ടോയെന്ന് എല്ലാ സംഘങ്ങളും നിരീക്ഷണവിധേയമാക്കണമെന്ന് അദ്ദേഹം അഭ്യര്‍ത്ഥിച്ചു. എന്നാല്‍ വെടിനിര്‍ത്തല്‍ സിറിയയുടെ ഏതെല്ലാം ഭാഗങ്ങളില്‍ നടപ്പിലാക്കണമെന്നതിനെക്കുറിച്ച് വ്യക്തമല്ല. അതേസമയം, നേരത്തെ അമേരിക്കയും റഷ്യയും തമ്മില്‍ നടന്ന ചര്‍ച്ചയില്‍ ജോര്‍ദ്ദാന്‍ അതിര്‍ത്തി പ്രദേശമായ ദേരയിലും ഇസ്രായേല്‍ അതിര്‍ത്തിയിലും വെടിനിര്‍ത്തല്‍ നടപ്പാക്കണമെന്ന് ആവശ്യമുയര്‍ന്നിരുന്നു.

ജോര്‍ദ്ദാന്‍ നേരത്തെതന്നെ ഈ ദൗത്യത്തില്‍ പങ്കുകാരാണെന്ന് യു.എസ് സ്റ്റേറ്റ് സെക്രട്ടറി റെക്‌സ് ടില്ലേര്‍സണ്‍ പറഞ്ഞു. യു.എസും റഷ്യയും തമ്മില്‍ ആദ്യമായാണ് ഇത്തരത്തില്‍ സംയുക്ത നീക്കം നടത്തുന്നത്. ഭാവിയില്‍ നടത്തുന്ന തുടര്‍ചര്‍ച്ചകളില്‍ സിറിയയില്‍ സംയുക്തമായി കൂടുതല്‍ നീക്കം നടത്താനാവുമെന്ന് പ്രതീക്ഷിക്കുന്നുവെന്നും അദ്ദേഹം കൂട്ടിച്ചേര്‍ത്തു.