ജില്ല തെരഞ്ഞെടുപ്പ് ഓഫീസര്‍മാരുടെ കൈയ്യില്‍ 2024 ലോക്‌സഭ തെരഞ്ഞെടുപ്പിന്റെ സി.സി.ടി.വി ദൃശ്യങ്ങള്‍ ഇല്ലെന്നും അവര്‍ അത് നശിപ്പിച്ചെന്നും വ്യക്തമാക്കി ഡല്‍ഹി ഹൈകോടതിയില്‍ തെരഞ്ഞെടുപ്പ് കമീഷന്‍ നല്‍കിയ സത്യവാങ്മൂലം പരാമര്‍ശിക്കുന്ന മാധ്യമറിപ്പോര്‍ട്ട് രാഹുല്‍ പങ്കുവെച്ചു.

വിവിധ സംസ്ഥാനങ്ങളില്‍ റിപ്പോര്‍ട്ട് ചെയ്യപ്പെട്ട ക്രമക്കേടുകള്‍ ‘ഒരുവ്യക്തി, ഒരുവോട്ട്’ തത്വത്തിന്റെ ലംഘനമാണെന്നും വോട്ടുകൊള്ളക്ക് ഉദാഹരണമാണെന്നും കോണ്‍ഗ്രസ് ആരോപിച്ചിരുന്നു.

ബിഹാറില്‍ ആദ്യഘട്ട വോട്ടിംഗ് ആരംഭിക്കാനിരിക്കെ, നവംബര്‍ 5ന് രാഹുല്‍ ഗാന്ധി നടത്തിയ വാര്‍ത്തസമ്മേളനത്തില്‍ 2024ലെ ഹരിയാന നിയമസഭാ തെരഞ്ഞെടുപ്പില്‍ ബി.ജെ.പി ജയിച്ചത് വോട്ട് അട്ടിമറിയിലൂടെയാണെന്ന് ചൂണ്ടിക്കാട്ടിയിരുന്നു.

ഹരിയാനയിലെ വോട്ടര്‍പ്പട്ടികയിലെ രണ്ടു കോടി വോട്ടര്‍മാരില്‍ 25 ലക്ഷത്തിലേറെയും വ്യാജ വോട്ടര്‍മാരാണെന്നും 5.21 ലക്ഷം ഇരട്ട വോട്ടുകളാണെന്നും രാഹുല്‍ ഗാന്ധി വ്യക്തമാക്കിയിരുന്നു. 93174 വോട്ടുകള്‍ വ്യാജവിലാസങ്ങളിലാണെന്നും 19.26 ലക്ഷം ബള്‍ക്ക് വോട്ടുകളാണ് നടന്നതെന്നും അദ്ദേഹം പറഞ്ഞിരുന്നു.

മധ്യപ്രദേശിലും ഛത്തീസ്ഗഡിലും മഹാരാഷ്ട്രയിലും വോട്ടുമോഷണത്തിലൂടെയാണ് ബി.ജെ.പി ജയിച്ചതെന്നും തെരഞ്ഞെടുപ്പ് കമീഷനും ബി.ജെ.പിയും ചേര്‍ന്നാണ് തട്ടിപ്പ് ആസൂത്രണം ചെയ്തതെന്നും രാഹുല്‍ ആരോപിച്ചു. ഒരു സ്ത്രീയുടെ ഫോട്ടോ തന്നെ 223 വോട്ടര്‍മാരുടേതായി ഉപയോഗിച്ചു. 1.24 ലക്ഷം വോട്ടുകളില്‍ വ്യാജ ഫോട്ടോയാണ്. ബ്രസീലിയന്‍ മോഡലിന്റെ ചിത്രം വരെ ഇത്തരത്തില്‍ ഉപയോഗിച്ചു. വ്യാജ വോട്ടുകള്‍ തിരിച്ചറിയാന്‍ കമീഷന്‍ പ്രത്യേക സോഫ്റ്റ്വെയര്‍ സംവിധാനമുണ്ടങ്കിലും ഉപയോഗിച്ചിട്ടില്ലെന്നും രാഹുല്‍ ഗാന്ധി ചൂണ്ടിക്കാട്ടിയിരുന്നു.

ഒരു സംസ്ഥാനം തന്നെ തട്ടിയെടുത്ത ഏറ്റവും വലിയ വോട്ട് കൊള്ളക്കാണ് ഹരിയാന അസംബ്ലി തെരഞ്ഞെടുപ്പ് സാക്ഷ്യം വഹിച്ചതെന്ന് രാഹുല്‍ ഗാന്ധി പറഞ്ഞു. ബ്രസീലിയന്‍ മോഡലിന്റെ പേരില്‍ 22 വോട്ട് നടന്നെന്നും ഹരിയാനയില്‍ 25 ലക്ഷം കള്ള വോട്ടുകള്‍ നടന്നതായും രാഹുല്‍ ഗാന്ധി പറഞ്ഞു.

പേര് അറിയാത്ത മോഡലിന്റെ ചിത്രത്തില്‍ പലപേരുകളിലായി പത്ത് ബൂത്തുകളില്‍ 22 തവണ വോട്ട് രേഖപ്പെടുത്തിയതായി രാഹുല്‍ തെളിവ് സഹിതം വെളിപ്പെടുത്തി. സീമ, സരസ്വതി, ലക്ഷ്മി തുടങ്ങി വിവിധ പേരുകളിലായി ഒരേ ചിത്രത്തിലാണ് ഇവര്‍ വോട്ട് രേഖപ്പെടുത്തിയത്.

19 ലക്ഷത്തിലധികം ബള്‍ക് വോട്ടുകളാണ് സംസ്ഥാനത്ത് രേഖപ്പെടുത്തിയതെന്നും 93,000ത്തില്‍ ഏറെ തെറ്റായ വിവരങ്ങളും കണ്ടെത്തിയതായും രാഹുല്‍ ചൂണ്ടിക്കാട്ടി.

മറ്റൊരു സ്ത്രീയുടെ പേരില്‍ 100ല്‍ ഏറെ കള്ളവോട്ടുകള്‍ കണ്ടെത്തിയെന്നും അഞ്ച് ലക്ഷത്തിലധികം ഡൂപ്ലിക്കേറ്റ് വോട്ടുകള്‍ ഉണ്ടെന്നും രാഹുല്‍ വ്യക്തമാക്കി.

ബിഹാറിലെ ഒന്നാം ഘട്ട തെരഞ്ഞെടുപ്പ് വ്യാഴാഴ്ച നടക്കുകയാണ്.

അതേസമയം 3.5 ലക്ഷം വോട്ടുകള്‍ വോട്ടര്‍ പട്ടികയില്‍ നിന്നും വെട്ടിയതായും അത് മുഴുവനും കോണ്‍ഗ്രസിന്റെയും ഇന്‍ഡ്യ മുന്നണിയുടെയും വോട്ടുകളായിരുന്നെന്നും രാഹുല്‍ ചൂണ്ടിക്കാട്ടി. ഹരിയാനയിലെ വിവിധ മണ്ഡലങ്ങളില്‍ നിന്നുള്ള വോട്ടര്‍മാരുടെ വീഡിയോ സന്ദേശം കൂടി രാഹുല്‍ പങ്കുവെച്ചു.

ഉത്സവത്തിന് മുന്നോടിയായി വീട് ശുചീകരിക്കുന്നതിനിടെ തങ്ങളുടെ ജോലിക്കാര്‍ അത് പുറത്തേക്ക് വലിച്ചെറിഞ്ഞ് കത്തിച്ചതാണെന്ന് ഗുട്ടേദാര്‍ മാധ്യമപ്രവര്‍ത്തകരോട് വിശദീകരണം നല്‍കി.

ഗുട്ടേദാര്‍, അദ്ദേഹത്തിന്റെ മക്കള്‍, ഒരു ചാര്‍ട്ടേഡ് അക്കൗണ്ടന്റ് എന്നിവരുമായി ബന്ധപ്പെട്ട നിരവധി സ്ഥലങ്ങളില്‍ വെള്ളിയാഴ്ച എസ്‌ഐടി റെയ്ഡ് നടത്തിയിരുന്നു. രാഹുല്‍ ഗാന്ധിയുടെ ‘വോട്ട് ചോരി’ ആരോപണത്തെ കുറിച്ച്് അന്വേഷിക്കാനാണ് എസ്‌ഐടി രൂപവത്കരിച്ചത്. 2023 ലെ കര്‍ണാടക നിയമസഭാ തെരഞ്ഞെടുപ്പില്‍ ആലന്ദ് നിയോജകമണ്ഡലത്തില്‍ ‘വോട്ട് മോഷണം’ നടന്നതായി രാഹുല്‍ ഗാന്ധി ആരോപിച്ചിരുന്നു. ഇതുമായി ബന്ധപ്പെട്ടാണ് റെയ്ഡ് നടന്നത്.

ശുചീകരണ തൊഴിലാളികള്‍ കുളത്തില്‍ പൊങ്ങിക്കിടക്കുന്ന ഒരു പ്ലാസ്റ്റിക് ബാഗ് കണ്ടുവെനും അത് എടുത്ത് തുറന്നുനോക്കിയപ്പോള്‍ 500റോളം വോട്ടര്‍ ഐ.ഡി കാര്‍ഡുകള്‍ കണ്ടെത്തിയെന്നും പ്രാദേശിക റിപ്പോര്‍ട്ടുകള്‍ പറയുന്നു. കാര്‍ഡുകളുടെ ആധികാരികത ഉദ്യോഗസ്ഥര്‍ സ്ഥിരീകരിച്ചു.

വോട്ടര്‍മാര്‍ക്ക് വിതരണം ചെയ്യുന്നതിന് മുമ്പു തന്നെ ഈ കാര്‍ഡുകള്‍ അപ്രത്യക്ഷമായിരിക്കാമെന്ന് ഗ്രാമവാസികള്‍ കരുതുന്നു. കണ്ടെടുത്ത എല്ലാ കാര്‍ഡുകളും ഇപ്പോള്‍ പ്രദേശിക ഭരണകൂടത്തിന്റെ പക്കലാണുള്ളത്.

ഇത്രയധികം വോട്ടര്‍ കാര്‍ഡുകള്‍ എങ്ങനെയാണ് കുളത്തില്‍ എത്തിയതെന്ന് കണ്ടെത്താന്‍ ഛത്തര്‍പൂര്‍ ജില്ലാ ഭരണകൂടം പ്രാഥമിക അന്വേഷണം ആരംഭിച്ചു.

ഓരോരുത്തര്‍ക്കും വോട്ടവകാശമുണ്ടോയെന്ന് ഓണ്‍ലൈനായി പരിശോധിക്കണമെന്ന് വോട്ടര്‍മാരോട് കമ്മീഷന്‍ നിര്‍ദേശിച്ചിട്ടുണ്ട്. ബിഹാറിലെ മുഖ്യ തെരഞ്ഞെടുപ്പ് ഓഫീസറാണ് ഇക്കാര്യം അറിയിച്ചത്. 7.42 കോടി വോട്ടര്‍മാരാണ് പട്ടികയില്‍ ഇടംപിടിച്ചിരിക്കുന്നത്. ജില്ലയും മണ്ഡലവും തിരിച്ചുള്ള വോട്ടര്‍പട്ടികയാണ് പുറത്തുവിട്ടിരിക്കുന്നത്. കഴിഞ്ഞമാസം പ്രസിദ്ധീകരിച്ച കരട് വോട്ടര്‍ പട്ടികയില്‍ 65 ലക്ഷം പേരെ ഒഴിവാക്കിയത് വിവാദമായിരുന്നു. ചില മണ്ഡലങ്ങളില്‍ മുസ്‌ലിംകളെ പട്ടികയില്‍ നിന്നൊഴിവാക്കുന്നുണ്ടെന്ന വിമര്‍ശനങ്ങള്‍ ഉയരുകയും നിരവധി സംഘടനകള്‍ സുപ്രിംകോടതിയെ സമീപിക്കുകയും ചെയ്തിരുന്നു.

ബിജെപി എംഎല്‍എ പവന്‍ കുമാര്‍ ജയ്‌സ്വാളിന്റെ പേഴ്‌സണല്‍ സ്റ്റാഫിന്റെ പേരിലാണ് വോട്ട് വെട്ടാന്‍ അപേക്ഷ നല്‍കിയത്. ബിജെപിയുടെ ലെറ്റര്‍ ഹെഡില്‍ ബിഹാര്‍ സിഇഒയ്ക്ക് അയച്ച കത്തുകളും പുറത്തുവന്നു. പട്‌നയിലെ ബിജെപി സംസ്ഥാന കമ്മിറ്റിയുടെ പേരിലും അപേക്ഷ നല്‍കി.

”മറ്റൊരു ഹൈഡ്രജന്‍ ബോംബ് ഉടന്‍ പുറത്തുവരും, അതിലൂടെ എല്ലാം വെളിപ്പെടും,” എന്ന് രാഹുല്‍ പറഞ്ഞു. കള്ളവോട്ടിനായി ഉപയോഗിച്ച ഫോണ്‍ നമ്പറുകളുടെ വിവരങ്ങളാണ് കമ്മീഷനോട് ആവശ്യപ്പെട്ടതെന്നും അദ്ദേഹം കൂട്ടിച്ചേര്‍ത്തു.

മുമ്പത്തെ വാര്‍ത്താസമ്മേളനങ്ങളില്‍ വോട്ടര്‍ പട്ടികയില്‍ പേരുകള്‍ കൂട്ടിച്ചേര്‍ക്കലും നീക്കലും സംഘടിതമായി നടന്നുവെന്നാരോപിച്ച രാഹുല്‍, ഇപ്പോള്‍ ഉന്നത ഭരണകേന്ദ്രങ്ങളെയാണ് ലക്ഷ്യമിടുന്നതെന്നാണ് കോണ്‍ഗ്രസ് വൃത്തങ്ങളുടെ സൂചന. റെക്കോര്‍ഡ് ചെയ്ത ശബ്ദശകലങ്ങള്‍ ഉള്‍പ്പെടെ ശക്തമായ തെളിവുകള്‍ പുറത്തുവിടാനാണ് രാഹുല്‍ ഒരുങ്ങുന്നതെന്നും പറയുന്നു.

കോണ്‍ഗ്രസ് നേതാവ് രാഹുല്‍ ഗാന്ധി തിരഞ്ഞെടുപ്പ് കമ്മിഷനെതിരെ ഉന്നയിച്ച പുതിയ ആരോപണങ്ങള്‍ കേവലം രാഷ്ട്രീയ പ്രസ്താവനയായി തള്ളിക്കളയാവുന്നതല്ല. രാജ്യത്തെ യുവാക്കള്‍ക്ക് തിരഞ്ഞെടുപ്പുകള്‍ എങ്ങനെയാണ് അട്ടിമറിക്കപ്പെടുന്നതെന്ന് കാണിച്ചുകൊടുക്കുന്നതിലെ മറ്റൊരു നാഴികക്കല്ലാണെന്ന് പറഞ്ഞാണ് രാഹുല്‍ വാര്‍ത്താ സമ്മേളനം അവതരിപ്പിച്ചത്. കര്‍ണാടകയിലെ അലന്ദ് മണ്ഡലത്തെ ഉദാഹരിച്ചാണ് ലോക്സഭാ പ്രതിപക്ഷ നേതാവ് ഇക്കുറി ആരോപണമുന്നയിച്ചത്. അതിനൊപ്പം തിരഞ്ഞെടുപ്പ് കമ്മിഷന്റെ ഉള്ളില്‍ നിന്ന് തങ്ങള്‍ക്ക് സഹായം ലഭിച്ചു തുടങ്ങിയിട്ടുണ്ടെന്നും രാഹുല്‍ വെളിപ്പെടുത്തി. കോണ്‍ഗ്രസിന് മേല്‍ക്കൈ ഉള്ള ബൂത്തുകളിലാണ് വോട്ടര്‍പ്പട്ടികയില്‍ നിന്ന് പേര് നീക്കം ചെയ്യാനുള്ള ശ്രമങ്ങള്‍ നടന്നതെന്ന് രാഹുല്‍ ആരോപിച്ചു. കോണ്‍ഗ്രസിന് സ്വാധീനമുള്ള ബൂത്തുകളിലെ വോട്ടര്‍ പട്ടികയില്‍നിന്ന് ദലിത്, പിന്നോക്ക വിഭാഗങ്ങളില്‍പ്പെട്ട വോട്ടര്‍മാരുടെ പേരുകള്‍ വ്യാപകമായി നീക്കം ചെയ്യപ്പെടുന്നു എന്നതാണ് പ്രധാന ആരോപണം. ഇത് യാദൃച്ഛികമല്ലെന്നും കൃത്യമായ രാഷ്ട്രീയ ലക്ഷ്യങ്ങളോടെയാണെന്നും അദ്ദേഹം സമര്‍ത്ഥിക്കുന്നു. കര്‍ണാടകയിലെ അലന്ദ് മണ്ഡലത്തിലെ ‘ഗോദാഭായ്’ എന്ന സ്ത്രീയുടെ പേര് വോട്ടര്‍ പട്ടികയില്‍നിന്ന് അപ്രത്യക്ഷമായ സംഭവം ഉദാഹരണമായി അദ്ദേഹം ഉയര്‍ത്തിക്കാട്ടുന്നു. സ്വന്തം പൗരത്വം തെളിയിക്കാന്‍ രേഖകളില്ലാതെ, വോട്ടവകാശം പോലും നിഷേധിക്കപ്പെട്ട് നിസ്സഹായയായി നില്‍ക്കുന്ന ഒരു സ്ത്രിയുടെ ചിത്രം, ഈ ആരോപണത്തിന്റെ ഗൗരവം വര്‍ധിപ്പിക്കുന്നു.

ഒരു പ്രത്യേക വിഭാഗത്തെയോ രാഷ്ട്രിയ പാര്‍ട്ടിയെ അനുകൂലിക്കുന്നവരെയോ തിരഞ്ഞുപിടിച്ച് വോട്ടര്‍ പട്ടിക യില്‍നിന്ന് പുറത്താക്കുന്നത് ജനാധിപത്യത്തിന്റെ ആത്മാ വിനേല്‍ക്കുന്ന മുറിവാണ്. ഓരോ പൗരനും ലഭിക്കുന്ന ഏറ്റ വും വലിയ അവകാശങ്ങളിലൊന്നാണ് സമ്മതിദാനാവകാ ശം. അത് കവര്‍ന്നെടുക്കാന്‍ ആസൂത്രിതമായ ശ്രമം നടക്കുന്നുവെങ്കില്‍, അതിന് തിരഞ്ഞെടുപ്പ് കമ്മിഷന്റെ ഭാഗത്തു നിന്ന് മൗനാനുവാദം ലഭിക്കുന്നുവെങ്കില്‍, രാജ്യം അപകടകരമായ ഒരു സാഹചര്യത്തിലേക്കാണ് പോകുന്നത്. മുന്‍ കാലങ്ങളില്‍ ടി.എന്‍ ശേഷനെപ്പോലുള്ളവര്‍ കണിശമായ നിലപാടുകളിലൂടെയും ധിരമായ നടപടികളിലൂടെയും തിരഞ്ഞെടുപ്പ് കമ്മീഷന്റെ വിശ്വാസ്യത വാനോളം ഉയര്‍ത്തി യിരുന്നു. ഭരണകുടത്തിന്റെ ചട്ടുകമായി മാറാതെ, സ്വതന്ത്ര മായി തിരുമാനങ്ങളെടുക്കാനുള്ള കമ്മീഷന്റെ കഴിവിലാണ് ജനം വിശ്വസിച്ചിരുന്നത്. ആ വിശ്വാസ്യതക്കാണ് ഇപ്പോള്‍ കോട്ടം തട്ടുന്നത്.

വോട്ടര്‍ പട്ടികയിലെ ക്രമക്കേടുകള്‍ സംബന്ധിച്ച ആരോപണങ്ങള്‍ ഇതാദ്യമായല്ല ഉയരുന്നത്. എന്നാല്‍, ഒരു ദേശീയ പാര്‍ട്ടിയുടെ പ്രധാന നേതാവ് ഉദാഹരണങ്ങള്‍ സഹിതം ഈ വിഷയം വിണ്ടും പൊതുസമൂഹത്തിന് മുന്നില്‍ അവതരിപ്പിക്കുമ്പോള്‍ തിരഞ്ഞെടുപ്പ് കമ്മീഷന് കണ്ണടച്ചിരിക്കാനാവില്ല. ആരോപണങ്ങള്‍ ശരിയാണോ എന്ന് പരിശോധിക്കാന്‍ സുതാര്യവും നിഷ്പക്ഷവുമായ ഒരന്വേഷണം അനിവാര്യമാണ്. ഓരോ പരാതിയും ഗൗരവത്തോടെയെടുത്ത് പരിഹാരം കാണാനും വോട്ടര്‍ പട്ടികയുടെ ശുദ്ധീകരണം രാഷ്ട്രീയ പ്രേരിതമാകുന്നില്ലെന്ന് ഉറപ്പുവരുത്താനും കമ്മിഷന് ഭരണഘടനാപരമായ ഉത്തരവാദിത്തമുണ്ട്.

ജനാധിപത്യത്തില്‍ സംശയങ്ങള്‍ക്ക് സ്ഥാനമുണ്ടാകരുത്, പ്രത്യേകിച്ച് തിരഞ്ഞെടുപ്പ് പ്രക്രിയയില്‍. ഒരു വോട്ട് പോലും അന്യായമായി നഷ്ടപ്പെടുന്നത് ഒരു ജനതയുടെ തോല്‍വിയാണ്. കക്ഷിരാഷ്ട്രീയത്തിനപ്പുറം, ജനാധിപത്യ മൂല്യങ്ങള്‍ സംരക്ഷിക്കാന്‍ ഓരോ പൗരനും ബാധ്യസ്ഥനാണ്. തിരഞ്ഞെടുപ്പ് കമ്മിഷന്‍ അതിന്റെ യശസ്സും വിശ്വാസ്യതയും വീണ്ടെടുക്കാന്‍ സ്വയം മുന്നോട്ട് വരണം. ആരോപണങ്ങളെ രാഷ്ട്രീയമായി പ്രതിരോധിക്കുന്നതിന് പകരം, വസ്തുതകള്‍ നിരത്തി പൊതുസമൂഹത്തെ സത്യാവസ്ഥ ബോധ്യപ്പെടുത്തുകയാണ് വേണ്ടത്. അല്ലെങ്കില്‍, ജനാധിപത്യത്തിന്റെ കാവല്‍ക്കാര്‍ തന്നെ അതിന്റെ ഘാതകരായി ചരിത്രത്തില്‍ രേഖപ്പെടുത്തപ്പെടും.