മരണപ്പെട്ടതായി തെറ്റിദ്ധരിച്ചാണ് പേരുകള്‍ നീക്കം ചെയ്തതെന്നാണ് അധികൃതരുടെ വിശദീകരണം. ”ഫീല്‍ഡ് വെരിഫിക്കേഷനില്‍ പിഴവുണ്ടായി. ഇരുവരെയും ഉടന്‍ തന്നെ പട്ടികയില്‍ ഉള്‍പ്പെടുത്തും,” എന്ന് പഞ്ചായത് സെക്രട്ടറി വ്യക്തമാക്കി.

”മരിച്ചുപോയെന്ന് പറഞ്ഞ് വെട്ടിക്കളഞ്ഞതെന്തിന് മക്കളേ… ഞാനെന്ത് ചെയ്യാനാ…’ എന്ന് തങ്ക മാധ്യമങ്ങളോട് വികാരാധീനയായി പ്രതികരിച്ചു.

കൂലിപ്പണിക്കാരനായ രമേഷ് കഴിഞ്ഞ തെരഞ്ഞെടുപ്പുകളില്‍ വോട്ട് ചെയ്തിരുന്നതായും, പേരെന്തിനാണ് നീക്കം ചെയ്തതെന്ന് ചോദിച്ച് അപേക്ഷ നല്‍കിയിട്ടുണ്ടെന്നും പറഞ്ഞു.

ഫീല്‍ഡ് പരിശോധനയില്‍ വീഴ്ച പറ്റിയ ബിഎല്‍ഒമാരുടെ അനാസ്ഥയാണിതിന് പിന്നിലെന്ന് പഞ്ചായത്ത് അധികൃതര്‍ സമ്മതിച്ചു. സംഭവം തിരഞ്ഞെടുപ്പ് നടപടികളിലെ ഉത്തരവാദിത്ത കുറവിനെയാണ് വെളിവാക്കുന്നത്.

പ്രമേയം ചൂണ്ടിക്കാട്ടുന്നത്, വോട്ടര്‍ പട്ടികയില്‍ നിന്ന് ആളുകളെ യുക്തിരഹിതമായി ഒഴിവാക്കിയതും, ദേശീയ തലത്തില്‍ ഇതു ലക്ഷ്യമിടുന്നുണ്ടെന്ന സംശയവും രാജ്യവ്യാപകമായി നിലനില്‍ക്കുന്നു എന്നതാണ്. ബിഹാര്‍ എസ്.ഐ.ആര്‍ പ്രക്രിയയുടെ ഭരണഘടനാ സാധുത സുപ്രീംകോടതി പരിഗണനയില്‍ ഉള്ളതിനിടയിലാണ്, കേരളത്തില്‍ ഇത് നടപ്പാക്കുന്നത് ജനവിധി അട്ടിമറിക്കാനുള്ള ഭീഷണിയുണ്ടാക്കുമെന്ന ഭയം ഉയരുന്നത്.

2002-ലെ വോട്ടര്‍ പട്ടികയും 2025-ലെ പട്ടികയും തമ്മില്‍ ഒത്തുനോക്കല്‍ ആരംഭിച്ചിട്ടുണ്ട്. പുതിയ എന്റോള്‍മെന്റുകള്‍, നീക്കം ചെയ്യലുകള്‍, എതിര്‍പ്പുകള്‍ എന്നിവയ്ക്കായി വീടുതോറുമുള്ള പരിശോധന നിര്‍ബന്ധിത ഘടകം. ബൂത്ത് ലെവല്‍ ഓഫിസര്‍മാര്‍ക്ക് (ബി.എല്‍.ഒ) 2002ലെ ലിസ്റ്റുകളും ഏറ്റവും പുതിയ ലിസ്റ്റുകളും നല്‍കും. ബിഹാറിന്റെ അനുഭവത്തിന്റെ അടിസ്ഥാനത്തില്‍, കേരളത്തില്‍ 2002 ലിസ്റ്റിലുള്ള പേരുകള്‍ക്ക് 80% പേര്‍ക്ക് രേഖകള്‍ സമര്‍പ്പിക്കേണ്ടതില്ല.

എസ്.ഐ.ആറില്‍ മൂന്ന് വിഭാഗങ്ങളായി വോട്ടര്‍മാരെ പരിഗണിക്കും. 1987ന് മുമ്പ് ജനിച്ചവര്‍, 1987 നും 2004 നും ഇടയില്‍ ജനിച്ചവര്‍, 2004ന് ശേഷം ജനിച്ചവര്‍ എന്നിങ്ങനെ.

2002 ലെയും 2025 ലെയും വോട്ടര്‍ പട്ടികകള്‍ താരതമ്യം ചെയ്ത് കലക്ടറെ വിവരം അറിയിക്കണമെന്ന് നിര്‍ദ്ദേശിച്ചിട്ടുണ്ട്. ബിഎല്‍ഒമാര്‍ വില്ലേജ് ഓഫീസുകളില്‍ എത്തി നടപടികള്‍ പൂര്‍ത്തീകരിക്കണം. ബിഎല്‍ഒമാര്‍ക്കുള്ള ആദ്യ ഘട്ട പരിശീലനം പൂര്‍ത്തിയായിട്ടുണ്ട്.

കേരളത്തിലെ എസ്‌ഐആര്‍ നടപ്പിലാക്കുന്ന ഉത്തരവ് ഇറങ്ങിയാല്‍ ബിഎല്‍ഒമാര്‍ വീടുകളിലെത്തും. 2002 ലെ പട്ടികയില്‍ പേര്‍ ഇല്ലാത്തവരുടെ തിരിച്ചറിയല്‍ രേഖകളും അഫിഡവിറ്റുകളും നല്‍കേണ്ടതാണ്. ചീഫ് ഇലക്ട്രല്‍ ഓഫീസര്‍ രത്തന്‍ ഖേല്‍ക്കര്‍ കഴിഞ്ഞ ദിവസം അട്ടപ്പാടിയിലെ ചിണ്ടക്കി, ആനവായ് ഊരുകളില്‍ എത്തി എസ്‌ഐആര്‍ നടപടികള്‍ ആരംഭിച്ചിട്ടുണ്ട്. മറ്റ് ജില്ലകളിലും അടുത്ത ദിവസങ്ങളില്‍ നടപടികള്‍ ആരംഭിക്കും.

വോട്ടെടുപ്പില്‍ കൃത്രിമത്വം ആരോപിച്ച് ബിഹാറിലെ വോട്ടെടുപ്പിന് മുന്നോടിയായി രാഹുല്‍ ഗാന്ധിയടക്കമുള്ള കോണ്‍ഗ്രസ് നേതൃത്വം രംഗത്ത് വന്നിരുന്നു. ഈ സാഹചര്യത്തിലാണ് വോട്ടര്‍മാര്‍ക്ക് കൂടുതല്‍ കൃത്യതയോടെ സ്ഥാനാര്‍ഥിയെ മനസിലാക്കാന്‍ സഹായിക്കുമെന്ന് കാണിച്ച് വോട്ടിങ് മെഷീനില്‍ ഫോട്ടോ ഉള്‍പ്പെടുത്താനുള്ള തീരുമാനം.

പരിഷ്‌കരണ നടപടികളില്‍ സുപ്രിംകോടതി നിരീക്ഷണം തുടരും. നടപടികള്‍ പൂര്‍ത്തിയാക്കാന്‍ അനുവദിക്കണമെന്ന് തെരഞ്ഞെടുപ്പ് കമ്മിഷന്‍ ആവശ്യപ്പെട്ടു. സെപ്തംബര്‍ 15ന് ശേഷം പരാതികള്‍ ഉണ്ടാകില്ലെന്നും കമ്മീഷന്‍ സുപ്രിംകോടതിയെ അറിയിച്ചു.

വോട്ടര്‍ പട്ടികയില്‍ പേര് ഉള്‍പ്പെടുത്താന്‍ ഓണ്‍ലൈനായും അപേക്ഷ നല്‍കാമെന്നും നേരിട്ട് അപേക്ഷ നല്‍കണമെന്ന് നിര്‍ബന്ധമില്ലെന്ന് സുപ്രിംകോടതി വ്യക്തമാക്കി. 11 രേഖകളില്‍ ഏതെങ്കിലുമോ, ആധാര്‍ കാര്‍ഡോ സഹിതം അപേക്ഷ നല്‍കാം. രാഷ്ട്രീയ പാര്‍ട്ടികള്‍ പ്രവര്‍ത്തകര്‍ക്ക് നിര്‍ദ്ദേശം നല്‍കണമെന്നും സുപ്രിംകോടതിയുടെ ഇടക്കാല ഉത്തരവ്. രാഷ്ട്രീയ പാര്‍ട്ടികള്‍ സഹകരിക്കുന്നില്ലെന്ന് തെരഞ്ഞെടുപ്പ് കമ്മിഷന്‍ സുപ്രിംകോടതിയെ അറിയിച്ചു.

ഇതര സംസ്ഥാനക്കാരെയും വാര്‍ഡിന് പുറത്തുള്ളവരെയും പട്ടികയില്‍ ഉള്‍പ്പെടുത്തിയതായി ആക്ഷേപമുണ്ട്. ഒറ്റ വാര്‍ഡില്‍ മാത്രം നാനൂറിലധികം വോട്ടുകള്‍ അനധികൃതമായി ചേര്‍ത്തിട്ടുണ്ടെന്നും പരാതിയില്‍ പറയുന്നു.

സംഭവത്തില്‍, വീട്ടമ്മയായ പ്രസന്ന അശോകനെ പിന്തുണച്ച് അയല്‍വാസികളും രംഗത്തെത്തി. കഴിഞ്ഞതവണയും കള്ളവോട്ടുകളെക്കുറിച്ച് പരാതി നല്‍കിയിരുന്നെന്നും പ്രസന്ന പറഞ്ഞു. വോട്ടര്‍ പട്ടികയിലെ ആളുകളെ കണ്ടിട്ടേ ഇല്ലെന്ന് വര്‍ഷങ്ങളായി ക്യാപ്പിറ്റല്‍ വില്ലേജില്‍ താമസിക്കുന്നയാള്‍ പറഞ്ഞു.

എല്ലാ അവകാശവാദങ്ങളും എതിര്‍പ്പുകളും പരിഹരിച്ച ശേഷം, അന്തിമ വോട്ടര്‍ പട്ടിക അസിസ്റ്റന്റ് ഇലക്ട്രല്‍ രജിസ്‌ട്രേഷന്‍ ഓഫീസര്‍ (AERO) 05.05.2025 ന് പ്രസിദ്ധീകരിക്കുകയും എല്ലാ രാഷ്ട്രീയ പാര്‍ട്ടികള്‍ക്കും പകര്‍പ്പ് കൈമാറുകയും ചെയ്തിട്ടുള്ളതാണ്.
1950 ലെ RP ആക്ട് സെക്ഷന്‍ 24 (a) പ്രകാരം, ഇലക്ട്രല്‍ രജിസ്ട്രാര്‍ ഓഫീസറുടെ തീരുമാനത്തിനെതിരെ ജില്ലാ തിരഞ്ഞെടുപ്പ് ഓഫീസര്‍ക്ക് ഇപ്പോള്‍ ആര്‍ക്കും അപ്പീല്‍ നല്‍കാവുന്നതാണെന്നും ജില്ലാ തിരഞ്ഞെടുപ്പ് ഓഫീസറുടെ തീരുമാനത്തില്‍ ആരെങ്കിലും തൃപ്തരല്ലെങ്കില്‍, ചീഫ് ഇലക്ടറല്‍ ഓഫീസര്‍ക്ക് അപ്പീല്‍ നല്‍കാവുന്നതാണെന്നും ചീഫ് ഇലക്ട്രല്‍ ഓഫീസര്‍ അറിയിച്ചു.

2024 ജനുവരി 1 നോ അതിന് മുന്‍പോ 18 വയസ്സ് തികഞ്ഞവരെ മാത്രമേ വോട്ടര്‍ പട്ടികയില്‍ ഉള്‍പ്പെടുത്താന്‍ സാധിക്കുകയുള്ളൂ. വോട്ടര്‍ പട്ടികയില്‍ പേര് ചേര്‍ക്കുന്നതിനും (ഫാറം 4) തിരുത്തലുകള്‍ വരുത്തുന്നതിനും (ഫാറം 6) ഒരു വാര്‍ഡില്‍ നിന്നോ പോളിംഗ് സ്‌റ്റേഷനില്‍ നിന്നോ സ്ഥാനമാറ്റം വരുത്തുന്നതിനും (ഫാറം 7) ലെര.സലൃമഹമ.ഴീ്.ശി എന്ന സൈറ്റില്‍ ഓണ്‍ ലൈനായി അപേക്ഷ സമര്‍പ്പിക്കണം. വോട്ടര്‍ പട്ടികയില്‍ പേര് ചേര്‍ക്കുന്നത് സംബന്ധിച്ചോ പേര് ഒഴിവാക്കുന്നത് സംബന്ധിച്ചോ ഉള്ള ആക്ഷേപങ്ങള്‍ ഫാറം 5 ല്‍ സമര്‍പ്പിക്കണം. അപേക്ഷകളും ആക്ഷേപങ്ങളും സ്വീകരിക്കുന്ന അവസാന തീയതി ജൂണ്‍ 21.

ഇലക്ടറല്‍ രജിസ്‌ട്രേഷന്‍ ഓഫീസര്‍മാര്‍ തുടര്‍ നടപടി സ്വീകരിച്ച് 29ന് അപ് ഡേഷന്‍ പൂര്‍ത്തിയാക്കും. ജൂലൈ ഒന്നിന് അന്തിമ വോട്ടര്‍ പട്ടിക പ്രസിദ്ധീകരിക്കും. വോട്ടര്‍ പട്ടിക പുതുക്കലുമായി ബന്ധപ്പെട്ട് ഇലക്ടറല്‍ രജിസ്‌ട്രേഷന്‍ ഓഫീസര്‍മാരുടെ തീരുമാനത്തിനെതിരെ തദ്ദേശ സ്വയംഭരണ വകുപ്പ് ജില്ലാ ജോയിന്റ് ഡയറക്ടര്‍ക്ക് അപ്പീല്‍ സമര്‍പ്പിക്കാം.

തിരഞ്ഞെടുപ്പ് കമീഷന്റെ പോര്‍ട്ടല്‍ വഴി അപേക്ഷിക്കുന്നവര്‍ voters.eci.gov.inല്‍ പ്രവേശിച്ച് മൊബൈല്‍ നമ്പര്‍ നല്‍കി പുതിയ അക്കൗണ്ട് സൃഷ്ടിച്ച് ലോഗിന്‍ ചെയ്ത് വേണം തുടര്‍നടപടികള്‍ ചെയ്യാന്‍. ഇംഗ്ലീഷിലോ മലയാളത്തിലോ അപേക്ഷ എന്‍ട്രികൾ പൂരിപ്പിക്കാൻ കഴിയും.

ന്യൂ രജിസ്ട്രേഷന്‍ ഫോര്‍ ജനറല്‍ ഇലക്ടേഴ്സ് എന്ന ഒപ്ഷന്‍ തുറന്ന് (പുതുതായി വോട്ട് ചേര്‍ക്കുന്നവര്‍ക്കുള്ള ഫോം) സംസ്ഥാനം, ജില്ല, പാര്‍ലമെന്റ്, നിയമസഭ മണ്ഡലങ്ങള്‍ എന്നിവയുടെ പേര്, വ്യക്തിഗത വിവരങ്ങള്‍, ഇ-മെയില്‍ ഐ.ഡി, ജനനതീയതി, വിലാസം തുടങ്ങിയ വിവരങ്ങള്‍ നല്‍കി പാസ്പോര്‍ട്ട് സൈസ് ഫോട്ടോ കൂടി അപ്ലോഡ് ചെയ്ത് വേണം അപേക്ഷ സമര്‍പ്പിക്കാന്‍. ആധാര്‍ കാര്‍ഡ് ലഭ്യമല്ലെങ്കില്‍ മറ്റ് രേഖകള്‍ അപ്ലോഡ് ചെയ്യണം. തുടര്‍ന്ന് അധികൃതരുടെ പരിശോധനക്ക് ശേഷം പട്ടികയില്‍ പേര് ഉള്‍പ്പെടുത്തി നല്‍കിയിരിക്കുന്ന വിലാസത്തില്‍ തപാല്‍ വഴി വോട്ടര്‍ക്ക് തിരിച്ചറിയല്‍ കാര്‍ഡ് അയക്കും.

വോട്ടര്‍ ഹെല്‍പ് ലൈന്‍ ആപ്പ് വഴിയും വോട്ടര്‍പട്ടികയില്‍ പേര് ചേര്‍ക്കാം. ഗൂഗിള്‍ പ്ലേ സ്റ്റോറില്‍നിന്നോ ആപ്പിള്‍ ആപ് സ്റ്റോറില്‍നിന്നോ വോട്ടര്‍ ഹെല്‍പ് ലൈന്‍ ആപ് ഡൗണ്‍ലോഡ് ചെയ്ത് ഫോണില്‍വരുന്ന ഒ.ടി.പി രജിസ്ട്രഷന്‍ ഉപയോഗിച്ച് ലോഗിന്‍ രജിസ്‌ട്രേഷന്‍ നടത്താം. തുടര്‍ന്ന് വ്യക്തിഗത വിവരങ്ങള്‍, ഫോണ്‍, ഇ മെയില്‍ ഐഡി, ജനനത്തീയതി, വിലാസം, പാസ്‌പോര്‍ട്ട് സൈസ് ഫോട്ടോ തുടങ്ങിയവ അപലോഡ് ചെയ്ത് വോട്ടറായി പേര് രജിസ്റ്റര്‍ ചെയ്യാം.

ബൂത്ത് ലെവല്‍ ഓഫീസര്‍മാര്‍ (ബി.എല്‍.ഒ) വഴി വോട്ടര്‍പട്ടികയില്‍ പേര് ചേര്‍ക്കുന്നതിനായി അതത് ബി.എല്‍.ഒമാരെ സമീപിച്ച് രേഖകള്‍ സഹിതം നേരിട്ട് അപേക്ഷ നല്‍കുണം. തിരഞ്ഞെടുപ്പ് കമ്മിഷന്റെ voters.eci.gov.in എന്ന വെബ് പോര്‍ട്ടലില്‍ പരിശോധിച്ചാല്‍ അതാത് മണ്ഡലങ്ങളിലെ ബൂത്ത് ലെവല്‍ ഓഫീസര്‍മാരുടെ വിവരങ്ങള്‍ ലഭിക്കും. ഇതിനകം അപേക്ഷ നൽകിയവർ വീണ്ടും നൽകേണ്ടതില്ല. അപേക്ഷ സംബന്ധിച്ച സ്ഥിതിവിവരം ഓൺലൈൻ ആയോ അതത് താലൂക്ക് ഓഫിസുകളിലെ തിരഞ്ഞെടുപ്പ് വിഭാഗം, ബി.എൽ.ഒ എന്നിവിടങ്ങളിൽനിന്നോ അറിയാവുന്നതാണ്.