കോഴിക്കോട്: സി.പി.എം നേതാവ് വി.എസ് അച്യുതാനന്ദന്റെ തെരഞ്ഞെടുപ്പ് പ്രചാരണ ഷെഡ്യൂളില്‍ വടകരയും പൊന്നാനിയും ഇല്ല. മലപ്പുറത്തും കോഴിക്കോടും വി.എസ് പങ്കെടുക്കുന്ന തെരഞ്ഞെടുപ്പ് പ്രചാരണ പട്ടികയിലാണ് ഈ രണ്ട് മണ്ഡലങ്ങളെയും ഉള്‍പ്പെടുത്താത്തത്. പൊന്നാനിയില്‍ മത്സരിക്കുന്ന പി.വി അന്‍വറിനെതിരെയും വടകരയിലെ കെ.കെ രമയെ അനുകൂലിച്ചും നേരത്തെ വി.എസ് രംഗത്തു വന്നിരുന്നു.

നിയമലംഘനങ്ങളുമായി ബന്ധപ്പെട്ട് ഉയര്‍ന്ന ആരോപണങ്ങളിലടക്കം അന്‍വറിനെതിരെ നേരത്തെ വി.എസ് കടുത്ത നിലപാടെടുത്തിരുന്നു. നെയ്യാറ്റിന്‍കര ഉപതെരഞ്ഞെടുപ്പ് പോളിംഗ് ദിവസം ടി.പി ചന്ദ്രശേഖരന്റെ വീട്ടില്‍ പോയി കെ.കെ രമയെ വി.എസ് ആശ്വസിപ്പിച്ചതും കേരള രാഷ്ട്രീയം വലിയ തോതില്‍ ചര്‍ച്ച ചെയ്തിരുന്നു. ഈ സാഹചര്യങ്ങളെ മുന്‍നിര്‍ത്തി വി.എസിന് ഈ രണ്ട് മണ്ഡലങ്ങളിലും പ്രചാരണ പരിപാടികളില്‍ പങ്കെടുക്കാന്‍ കഴിഞ്ഞേക്കില്ല. പങ്കെടുത്താല്‍ വി.എസിന്റെ നിലപാടു മാറ്റത്തെ വ്യാപകമായി വിമര്‍ശിക്കപ്പെടും. പങ്കെടുത്തില്ലെങ്കില്‍ അതു പാര്‍ട്ടിയെ പ്രതികൂലമായി ബാധിക്കുകയും ചെയ്യും.

ടി.പി ചന്ദ്രശേഖരന്‍ വധക്കേസില്‍ ഇന്നും ആരോപണ നിഴലില്‍ നില്‍ക്കുന്ന അന്നത്തെ കണ്ണൂര്‍ ജില്ലാ സെക്രട്ടറി പി.ജയരാജനാണ് ഇപ്പോള്‍ വടകരയിലെ സ്ഥാനാര്‍ഥി. സി.പി.എമ്മിനെ സംബന്ധിച്ച അഭിമാന പോരാട്ടം നടക്കുന്ന മണ്ഡലം കൂടിയായ വടകരയില്‍ വി.എസ് പങ്കെടുത്തില്ലെങ്കില്‍ പാര്‍ട്ടിയെ അത് വലിയ തോതില്‍ ക്ഷീണിപ്പിക്കും. വി.എസ് പ്രചാരണത്തിന് എത്തുന്നതോടെ ടി.പി ചന്ദ്രശേഖരന്‍ വധക്കേസ് സജീവ ചര്‍ച്ചയാകുമെന്നതും സി.പി.എം പേടിക്കുന്നുണ്ട്.

പൊന്നാനിയില്‍ അന്‍വറിന്റെ തെരഞ്ഞെടുപ്പ് പ്രചാരണത്തില്‍ നിന്നു വി.എസ് വിട്ടു നിന്നാലും അതു പാര്‍ട്ടിയെ ദോഷകരമായി ബാധിക്കും. പങ്കെടുത്താല്‍ വി.എസ് എന്തു പറയുമെന്നതും പാര്‍്ട്ടിക്ക് കുരുക്കാവും.

കേസ് അവസാനിപ്പിച്ചതുകൊണ്ടുള്ള റിപ്പോര്‍ട്ട് അംഗീകരിക്കണമെന്ന് സര്‍ക്കാര്‍ അഭിഭാഷകന്‍ കോടതിയില്‍ ആവശ്യപ്പെട്ടു. അന്വേഷണം വര്‍ഷങ്ങള്‍ക്ക് മുമ്പ് അവസാനിപ്പിച്ചതാണ്. കേസില്‍ ഇനി ഒരു അന്വേഷണവും ആവശ്യമില്ല. റൗഫ് പണം നല്‍കിയത് കുഞ്ഞാലിക്കുട്ടിക്ക് വേണ്ടിയാണെന്ന് തെളിവില്ല. കോടതിയുടെ മേല്‍നോട്ടത്തിലാണ് അന്വഷണം നടത്തിയതെന്നും സര്‍ക്കാര്‍ വ്യക്തമാക്കി.

ഭരണമാറ്റം കേസ് അന്വേഷണത്തെ ബാധിച്ചിട്ടില്ല. അന്വേഷണ സംഘത്തിന് മേല്‍ ഒരു സമ്മര്‍ദ്ദവും ഉണ്ടായിട്ടില്ലെന്നും സര്‍ക്കാര്‍ അഭിഭാഷകന്‍ കോടതിയില്‍ വ്യക്തമാക്കി. ഐസ്‌ക്രീം പാര്‍ലര്‍ പെണ്‍വാണിഭ കേസിനെ തുടര്‍ന്ന് പി കെ കുഞ്ഞാലിക്കുട്ടി മന്ത്രി പദവിയില്‍ നിന്നും രാജിവെച്ചിരുന്നു.

കഴിഞ്ഞ അഞ്ചു തവണയായി സരോജിനി ധനസഹായത്തിനായി പറവൂര്‍ വില്ലേജ് ഓഫിസിന്റെയും കാനറ ബാങ്ക് ശാഖയുടെയും കയറി ഇറങ്ങുകയായിരുന്നു. ഇന്നലെ ബാങ്കിലെത്തി അന്വേഷിച്ചപ്പോള്‍ തുക എത്തിയില്ലെന്നായിരുന്നു മറുപടിയെന്ന് സരോജിനി പറഞ്ഞു.

പോസ്റ്റിന്റെ പൂര്‍ണ്ണരൂപം:

ധനസഹായത്തിന് ചാരിറ്റിയുടെ സ്വഭാവം മാത്രമല്ല ചിലപ്പോള്‍ സമരത്തിന്റെ സ്വഭാവവും ഉണ്ടാവും. വി.എസിന്റെ സഹോദര പത്‌നിക് സര്‍ക്കാര്‍ നിഷേധിച്ച ധനസഹായം യൂത്ത് ലീഗ് കൈമാറിയത് ഒരു സമരമാണ്. പ്രഖ്യാപനങ്ങള്‍ പാഴ് വാക്കുകളാക്കിയ മുഖ്യമന്ത്രി പിണറായി വിജയനോടുള്ള സമരം….

ഭരണപരിഷ്‌കാര കമ്മീഷന്‍ ചെയര്‍മാന്‍ സ്ഥാനം കിട്ടിയപ്പോള്‍ ജനങ്ങളെ മറന്ന വി.എസിനോടുള്ള സമരം…

പ്രളയത്തിന്റെ പേരില്‍ ഊരു തെണ്ടുന്ന മന്ത്രിമാരോടുള്ള സമരം…

പ്രളയം പറഞ്ഞ് പിരിച്ചെടുത്ത തുക അനര്‍ഹര്‍ക്ക് വിതരണം ചെയ്ത ഭരണ കൂടത്തോടുള്ള സമരം….

സാധാരണ, ചിത്രങ്ങള്‍ സംസാരിക്കാറില്ല. പക്ഷേ ഈ ചിത്രത്തിന് സംസാരിക്കാനാവും. അധികാരത്തിന്റെ മത്തില്‍ ബധിരരായവരുടെ കര്‍ണ്ണങ്ങളില്‍ അതു തുളച്ചു കയറും.

പാലക്കാട്ടെ ഒരു പബ്ലിക് പ്രോസിക്യൂട്ടറും സഹകരണ ബാങ്ക് ജീവനക്കാരനും പണവുമായി യുവതിയുടെ ബന്ധുക്കളെ ഇന്നലെ സമീപിച്ചിരിക്കുകയാണ്. രണ്ടരക്കോടി രൂപയാണ് ഇവര്‍ വാഗ്ദാനം ചെയ്തത്. എന്നാല്‍ ഇടനിലക്കാരുമായി ചര്‍ച്ച നടത്താന്‍ യുവതിയുടെ സുഹൃത്തുക്കള്‍ തയ്യാറായിട്ടില്ല. പാര്‍ട്ടിയുടെ പ്രാദേശികസംഘവും ഒത്തുതീര്‍പ്പിനായി ശ്രമം നടത്തിയിരുന്നു.

പ്രശ്‌നം പാര്‍ട്ടിക്കുള്ളില്‍ ഒതുക്കാനാണ് പാര്‍ട്ടിയുടെ ശ്രമം. യുവതി പൊലീസില്‍ പരാതി നല്‍കിയാല്‍ എം.എല്‍.എയുടെ അറസ്റ്റ് ഉള്‍പ്പെടെ ഉണ്ടാവുന്നതിന് കാരണവുമാകാം. ഇത് മുന്നില്‍ കണ്ടുകൊണ്ടാണ് ഏതു വിധേനയും കേസ് ഒതുക്കിത്തീര്‍ക്കാന്‍ സി.പി.എം ശ്രമിച്ചുകൊണ്ടിരിക്കുന്നത്.

ഇതിനിടെ, സ്ത്രീകള്‍ക്കെതിരെയുള്ള കേസായതിനാല്‍ ശക്തമായ നടപടിയുണ്ടാവുമെന്ന് വി.എസും പറഞ്ഞു. ശശിക്കെതിരെ നടപടിയുണ്ടാകുമെന്ന് സംസ്ഥാന നേതൃത്വവും യുവതിക്ക് ഉറപ്പു നല്‍കിയിട്ടുണ്ട്. അതേസമയം, വിഷയത്തില്‍ മാധ്യമങ്ങളോട് പ്രതികരിക്കരുതെന്നാണ് പാര്‍ട്ടിയുടെ നിര്‍ദ്ദേശം.

നാളെ നടക്കുന്ന സി.പി.എം സംസ്ഥാന സെക്രട്ടേറിയറ്റ് യോഗത്തില്‍ നടപടി സംബന്ധിച്ച് തീരുമാനമുണ്ടാകുമെന്നാണ് സൂചന. സംഭവത്തില്‍ ഗൂഢാലോചനയുണ്ടെന്ന എം.എല്‍.എയുടെ വാദവും പാര്‍ട്ടി ഗൗരവമായി എടുത്തിട്ടുണ്ട്. പാലക്കാട്ടെ വിഭാഗീയതയുടെ ഭാഗമായാണ് പരാതി എന്നും ആരോപണമുയര്‍ന്നിട്ടുണ്ട്.

കേന്ദ്ര കമ്മിറ്റി അംഗീകരിച്ച കരട് രേഖയില്‍ കോണ്‍ഗ്രസുമായി സഖ്യമോ തെരഞ്ഞെടുപ്പ് ധാരണയോ പാടില്ലെന്നാണ് നിലപാട്. പാര്‍ട്ടി അംഗങ്ങള്‍ക്ക് ഭേദഗതി നിര്‍ദേശിക്കാനുള്ള അധികാരമുണ്ട്. എന്നാല്‍ ഇക്കാര്യത്തില്‍ അന്തിമ തീരുമാനം എടുക്കേണ്ടത് പാര്‍ട്ടി കോണ്‍ഗ്രസാണെന്നും അദ്ദേഹം കൂട്ടിച്ചേര്‍ത്തു. കേന്ദ്ര കമ്മിറ്റി അംഗീകരിച്ചത് രാഷ്ട്രീയ രേഖയുടെ കരട് മാത്രമാണ്. യോഗത്തിനുള്ളില്‍ നടന്ന കാര്യങ്ങള്‍ പുറത്തുപറയാനാകില്ലെന്നും യെച്ചൂരി മാധ്യമങ്ങളോട് പറഞ്ഞു.

ദേശീയതയുടെ പേരില്‍ ബി.ജെ.പി ഹിന്ദുത്വം അടിച്ചേല്‍പിക്കാനാണ് ശ്രമിക്കുന്നത്. ത്രിപുരയില്‍ സിപിഎം നേരിടാന്‍ പോകുന്നത് വാട്ടര്‍ലൂ ആണ്. ഉള്‍പാര്‍ട്ടി രാഷ്ട്രീയത്തെ ബഹുമാനിക്കുന്നുവെന്നും അദ്ദേഹം കൂട്ടിച്ചേര്‍ത്തു.

വര്‍ഗീയതയെ നേരിടാന്‍ കോണ്‍ഗ്രസ് അടക്കമുള്ള മതേതരകക്ഷികളുമായി സഹകരിക്കണമെന്ന നിലപാടാണ് സീതാറാം യെച്ചൂരിയുടേത്. ഈ രേഖയും കാരാട്ടിന്റെ രേഖയും വീണ്ടും കേന്ദ്രകമ്മിറ്റിയില്‍ അവതരിപ്പിച്ചു. സമവായമില്ലെങ്കില്‍ പിബിയില്‍ ന്യൂനപക്ഷമായെങ്കിലും ഈ രേഖയും കാരാട്ടിന്റെ രേഖയ്‌ക്കൊപ്പം ഹൈദാരാബാദിലെ പാര്‍ട്ടി കോണ്‍ഗ്രസില്‍ അവതരിപ്പിക്കണമെന്നാണ് യെച്ചൂരിയെ പിന്തുണയ്ക്കുന്ന ബംഗാള്‍ ഘടകത്തിന്റെ ആവശ്യം. എന്നാല്‍ കോണ്‍ഗ്രസുമായി സഹകരിക്കേണ്ട ആവശ്യമേയില്ലെന്നും രണ്ട് രേഖകള്‍ പാര്‍ട്ടി കോണ്‍ഗ്രസിന് അയക്കുന്ന കീഴ് വഴക്കം സിപിഎമ്മിനില്ലെന്നും കാരാട്ട് പക്ഷം ചൂണ്ടിക്കാട്ടുന്നു. ഇരുരേഖകളും കേന്ദ്രകമ്മിറ്റിയില്‍ വോട്ടിനിടീക്കാനാണ് കാരാട്ട് പക്ഷത്തിന്റെ നീക്കം. മണിക്ക് സര്‍ക്കാര്‍ അടക്കം മറ്റ് സംസ്ഥാനങ്ങളില്‍ നിന്നുള്ള മുതിര്‍ന്ന നേതാക്കള്‍ സ്വീകരിക്കുന്ന നിലപാട് യോഗത്തില്‍ ഏറെ നിര്‍ണായകമാവും. ബുദ്ധദേവ് ഭട്ടാചാര്യയെ യച്ചൂരി ഫോണില്‍ വിളിച്ചു പിന്തുണക്കുള്ള നീക്കം ശക്തമാക്കി. കാരാട്ട് വിരോധിയായ ബുദ്ധദേവ് ഭട്ടാചാര്യയെ യോഗത്തിനെത്തിച്ച് പിന്തുണ വര്‍ദ്ധിപ്പിക്കാനാണ് യെച്ചൂരിയുടെ ശ്രമം. അതിനിടെ വി.എസിന്റേയും കത്ത് കേന്ദ്രകമ്മിറ്റിക്കെത്തി.

മൂന്നാറില്‍ വെങ്കട്ടരാമന്റെ പ്രവര്‍ത്തനം ചെറിയ കാര്യമല്ല. 2006-ല്‍ കൈയേറ്റം തിരിച്ചു പിടിക്കാനുള്ള സര്‍ക്കാരിന്റെ ശ്രമങ്ങള്‍ പല കാരണങ്ങള്‍ കൊണ്ട് മുടങ്ങിപ്പോവുകയായിരുന്നെന്നും വി.എസ് കൂട്ടിച്ചേര്‍ത്തു.

അതേസമയം, വി.എസിനെ കാണാനായത് ജീവിതത്തിലെ മറക്കാനാവാത്ത അനുഭവമാണെന്ന് ശ്രീറാം വെങ്കട്ടരാമന്‍ പറഞ്ഞു. കോളേജ് കാലം മുതലുള്ള ആഗ്രഹമാണ് നിറവേറിയതെന്നും വെങ്കട്ടരാമന്‍ പറഞ്ഞു.

മതേതരബദല്‍ ആണ് ഇപ്പോള്‍ വേണ്ടത്. പാര്‍ട്ടി കാലാനുസൃതമായ നിലപാടെടുക്കണമെന്നും വി.എസ് പറഞ്ഞു. പാര്‍ട്ടിയുടെ രൂപീകരണം മുതലുള്ള അംഗമെന്ന നിലയിലാണ് ഇത് ആവശ്യപ്പെടുന്നതെന്നും വിഎസ് പറഞ്ഞു. ഇന്ത്യ നേരിടുന്നത് വര്‍ഗ്ഗീയ ഫാസിസ്റ്റുകളുടെ ഭീഷണിയാണ്. ഇതു നേരിടുന്നതിന് പ്രഥമപരിഗണന നല്‍കണം. ജനവിശ്വാസം വീണ്ടെടുത്ത് വ്യത്യസ്തമായ പാര്‍ട്ടിയെന്ന് തെളിയിക്കണമെന്നും കേന്ദ്രകമ്മിറ്റി യോഗത്തില്‍ നടത്തിയ ചര്‍ച്ചയില്‍ അദ്ദേഹം ആവശ്യപ്പെട്ടു.

കോണ്‍ഗ്രസ്സുമായുള്ള സഖ്യം ആവശ്യമാണെന്ന യെച്ചൂരിയുടെ നിലപാട് നേരത്തെ പി.ബി തള്ളിയിരുന്നു. എന്നാല്‍ സഖ്യം ആവശ്യമാണെന്നതില്‍ ഉറച്ചുനില്‍ക്കുകയാണ് യെച്ചൂരി. കോണ്‍ഗ്രസ്സുമായുള്ള സഖ്യം അടഞ്ഞ അധ്യായമല്ലെന്നും, ഇക്കാര്യത്തില്‍ അവസാന തീരുമാനം എടുക്കേണ്ടത് കേന്ദ്രകമ്മിറ്റിയാണെന്നും അദ്ദേഹം പറഞ്ഞു. വിഷയം കേന്ദ്രകമ്മിറ്റിയില്‍ ചര്‍ച്ച ചെയ്ത് തീരുമാനിക്കട്ടെയെന്നും അദ്ദേഹം കൂട്ടിച്ചേര്‍ത്തു. നാളെ ചേരുന്ന കേന്ദ്രകമ്മിറ്റി യോഗത്തില്‍ ഇക്കാര്യം ചര്‍ച്ച ചെയ്യുമെന്നാണ് വിവരം.