മോദി സര്‍ക്കാരിന്റെ പൗരത്വ കരി നിയമങ്ങള്‍ക്കെതിരായ ജനകീയ പ്രക്ഷോഭകാലത്ത് സമരം ചെയ്യുന്നവര്‍ക്കെതിരെ ‘ഗോലി മാരോ സാലോംകോ’, (വെടിവച്ച് കൊല്ലിനെടാ അവറ്റകളെയൊക്കെ) എന്ന് ഹിന്ദുത്വ ആള്‍ക്കൂട്ടത്തോട് ആഹ്വാനം ചെയ്ത കൊടും വര്‍ഗീയവാദി അനുരാഗ് ഠാക്കൂറിനെ തന്റെ ആത്മാര്‍ത്ഥ മിത്രമായി പരിചയപ്പെടുത്തുന്നയാളാണ് എം ബി രാജേഷെന്ന് കേരളം മറന്നിട്ടില്ല. അക്കാര്യത്തിലന്ന് സ്വന്തം അനുഭാവികള്‍ക്കിടയില്‍ നിന്ന് പോലും ഏറ്റുവാങ്ങേണ്ടിവന്ന വിമര്‍ശനങ്ങളുടെ ജാള്യത തീര്‍ക്കാനവസരം നോക്കി നടക്കുകയാണ് അദ്ദേഹമെന്ന് സംശയിക്കണം എന്നും കോണ്‍ഗ്രസ് നേതാവ് ചൂണ്ടിക്കാട്ടുന്നു.

ബിഹാര്‍ വിവാദത്തില്‍ കോണ്‍ഗ്രസ് ഡിജിറ്റല്‍ മീഡിയ സെല്‍ ചെയര്‍മാന്‍ സ്ഥാനത്ത് നിന്ന് താന്‍ ഇതുവരെ മാറിയിട്ടോ മാറ്റപ്പെട്ടിട്ടോ ഇല്ല. ഇക്കാര്യത്തില്‍ ടൈറ്റില്‍ കാര്‍ഡുകളിറക്കുന്ന ചില ചാനലുകളുടെ ഉന്നം എളുപ്പത്തില്‍ മനസ്സിലാക്കാനാവും, എന്നാല്‍ എം ബി രാജേഷും ശിവന്‍കുട്ടിയുമടങ്ങുന്ന മന്ത്രിപ്പട ഇതില്‍ അമിതാവേശം കാണിച്ച് ഇളിഭ്യരാവണ്ടെന്നും വിടി ബല്‍റാം പോസ്റ്റില്‍ പറയുന്നു.

സോഷ്യല്‍ മീഡിയവഴി ബല്‍റാം തെറിക്കൂട്ടത്തെ വളര്‍ത്തിയെടുത്തെന്നും ബിഹാറില്‍ തക്കം നോക്കിയിരുന്ന ബിജെപിക്ക് മനഃപൂര്‍വം ആയുധം കൊടുത്തെന്നുമായിരുന്നു എം ബി രാജേഷ് കഴിഞ്ഞ ദിവസം ഉന്നയിച്ച വിമര്‍ശനം. കേരളത്തിലെ സാഹിത്യകാരന്‍മാരെ, എ.കെ.ജിയെ അപമാനിച്ച വ്യക്തിയാണ്. സാമൂഹ്യ മാധ്യമങ്ങളെ അന്തസുള്ള രാഷ്ട്രീയ വിമര്‍ശനത്തിന് ഉപയോഗിക്കാത്തയാളാണ് വിടി ബല്‍റാം എന്നും മന്ത്രി എംബി രാജേഷ് ഫെയ്‌സ്ബുക്കില്‍ കുറിച്ചിരുന്നു.

വിടി ബല്‍റാമിന്റെ പോസ്റ്റ് പൂര്‍ണരൂപം-

സംസ്ഥാനത്തെ തദ്ദേശ സ്വയംഭരണ വകുപ്പ് മന്ത്രിയും എന്റെ നാട്ടിലെ നിലവിലെ എംഎൽഎയുമായ എം ബി രാജേഷിന്റെ ഫേസ്ബുക്ക് കുറിപ്പ് ഇന്നലെ കണ്ടു. അദ്ദേഹത്തിന്റെ മനസ്സിന്റെ വിശാലതയും സഹിഷ്ണുതയുടെ പരപ്പും ആത്മവിശ്വാസത്തിന്റെ ആഴവും സ്നേഹത്തിന്റെ ഊഷ്മളതയുമൊക്കെ ആ വാക്കുകളിൽ നല്ലോണം തെളിയുന്നുണ്ട്.ആദ്യം തന്നെ കൃത്യമായി ഒരു കാര്യം പറയട്ടെ, കെപിസിസി വൈസ് പ്രസിഡണ്ട് എന്ന നിലയിൽ എന്നിലേൽപ്പിക്കപ്പെട്ട നിരവധി സംഘടനാപരമായ ചുമതലകളിലൊന്നാണ് സാമൂഹ്യ മാധ്യമ വിഭാഗ (DMC) ത്തിന്റേത്. എന്നാൽ ആ ചുമതലയിൽ തുടർന്നുകൊണ്ട് അതിനായി കൂടുതൽ സമയം കണ്ടെത്താൻ കഴിയുന്നില്ല എന്ന വ്യക്തിപരമായ പരിമിതി ഞാൻ മാസങ്ങളായി നേതൃത്വത്തെ അറിയിച്ചിട്ടുണ്ട്. എന്നിരുന്നാലും DMC ചെയർമാൻ സ്ഥാനത്ത് നിന്ന് വി.ടി. ബൽറാം എന്ന ഈ ഞാൻ ഇതുവരെ മാറിയിട്ടോ മാറ്റപ്പെട്ടിട്ടോ ഇല്ല. ഇക്കാര്യത്തിൽ ടൈറ്റിൽ കാർഡുകളിറക്കുന്ന ചില ചാനലുകളുടെ ഉന്നം എളുപ്പത്തിൽ മനസ്സിലാക്കാനാവും, എന്നാൽ എം ബി രാജേഷും ശിവൻകുട്ടിയുമടങ്ങുന്ന മന്ത്രിപ്പട ഇതിൽ അമിതാവേശം കാണിച്ച് ഇളിഭ്യരാവണ്ട. വിവാദമായ X പോസ്റ്റുമായി ബന്ധപ്പെട്ട് എന്നെ പ്രതിക്കൂട്ടിൽ നിർത്തുന്ന സമീപനം കോൺഗ്രസ് നേതൃത്വത്തിൽ ആർക്കും ഇല്ല. X പ്ലാറ്റ്ഫോം കൈകാര്യം ചെയ്യുന്ന ടീമിന്റെ ഭാഗത്തുനിന്ന് ഒരു പിഴവു വന്നതായി ശ്രദ്ധയിൽപ്പെട്ടപ്പോൾ അനുചിതമായ ആ പോസ്റ്റ് തിരുത്തിക്കുക എന്ന നിലയിലുള്ള സംഘടനാപരമായ ഇടപെടലാണ് എന്റെ ഭാഗത്തു നിന്നുണ്ടായതെന്ന് കോൺഗ്രസ് പാർട്ടി നേതൃത്വത്തിന് നന്നായറിയാം. വരാനിരിക്കുന്ന തെരഞ്ഞെടുപ്പുകളുടേയും കെപിസിസി പുന:സംഘടനയുടേയുമൊക്കെ പശ്ചാത്തലത്തിൽ സാമൂഹിക മാധ്യമ വിഭാഗത്തിലും ആവശ്യമായ അഴിച്ചുപണികൾ ഉദ്ദേശിക്കുന്നുണ്ട്. അത് വേറെ കാര്യം. അതിൽ മാധ്യമങ്ങളെ അറിയിക്കേണ്ട വല്ലതുമുണ്ടെങ്കിൽ ഉചിതമായ സമയത്ത് പാർട്ടി തന്നെ അറിയിക്കും.ഇവിടെ എന്താണ് മന്ത്രി എം.ബി. രാജേഷിന്റെ യഥാർത്ഥ പ്രശ്നം എന്നതിന് ഒരു വിശദീകരണം ആവശ്യമുണ്ടെന്ന് തോന്നുന്നില്ല. മോദി സർക്കാരിന്റെ പൗരത്വ കരി നിയമങ്ങൾക്കെതിരായ ജനകീയ പ്രക്ഷോഭകാലത്ത് സമരം ചെയ്യുന്നവർക്കെതിരെ “ഗോലി മാരോ സാലോംകോ”, (വെടിവച്ച് കൊല്ലിനെടാ അവറ്റകളെയൊക്കെ) എന്ന് ഹിന്ദുത്വ ആൾക്കൂട്ടത്തോട് ആഹ്വാനം ചെയ്ത കൊടും വർഗീയവാദി അനുരാഗ് ഠാക്കൂറിനെ തന്റെ ആത്മാർത്ഥ മിത്രമായി പരിചയപ്പെടുത്തുന്നയാളാണ് എം ബി രാജേഷെന്ന് കേരളം മറന്നിട്ടില്ല. അക്കാര്യത്തിലന്ന് സ്വന്തം അനുഭാവികൾക്കിടയിൽ നിന്ന് പോലും ഏറ്റുവാങ്ങേണ്ടിവന്ന വിമർശനങ്ങളുടെ ജാള്യത തീർക്കാനവസരം നോക്കി നടക്കുകയാണ് അദ്ദേഹമെന്ന് സ്വാഭാവികമായും തോന്നിപ്പോവുന്നു.

ഏറെക്കാലമായി കെ.പി.സി.സി നേതൃത്വവുമായി ഇടഞ്ഞുനിന്ന തോമസ് തൃക്കാക്കര ഉപതെരഞ്ഞടുപ്പുവേളയില്‍ നടന്ന എല്‍.ഡി.എഫ് തെരഞ്ഞെടുപ്പ് കണ്‍വെന്‍ഷനില്‍ പങ്കെടുത്തിരുന്നു. വിലക്ക് മറികടന്ന് സി.പി.എം പാര്‍ട്ടി കോണ്‍ഗ്രസിന്റെ ഭാഗമായി സംഘടിപ്പിച്ച സെമിനാറിലും കെ.വി തോമസ് പങ്കെടുത്തിരുന്നു. ഇതിന് പിന്നാലെയാണ് പാര്‍ട്ടിവിരുദ്ധ പ്രവര്‍ത്തനം നടത്തിയെന്ന് കാട്ടി അദ്ദേഹത്തെ കോണ്‍ഗ്രസ് പുറത്താക്കിയത്. പിന്നാലെ സി.പി.എമ്മുമായി ചേരുകയായിരുന്നു.

പ്രത്യേക പ്രതിനിധി പദവി ചോദിച്ച് വാങ്ങിയതല്ലെന്നാണ് പ്രഫ. കെ.വി. തോമസ് മാധ്യമങ്ങളോട് പ്രതികരിച്ചത്. ‘പ്രധാനമന്ത്രി അടക്കമുള്ളവരുമായുള്ള ബന്ധം സംസ്ഥാനത്തിന്റെ വികസനത്തിനായി ഉപയോഗിക്കും. ഇടത് മുന്നണിക്കൊപ്പമാണ് നില്‍ക്കുന്നത്. ഇടത് കാഴ്ചപ്പാടുള്ള ആളാണ് താന്‍. സി.പി.എം ജനറല്‍ സെക്രട്ടറി സീതാറാം യെച്ചൂരി അടക്കമുള്ള നേതാക്കളുമായി നേരത്തെ തന്നെ ബന്ധമുണ്ടായിരുന്നു. ഡല്‍ഹിയില്‍ പോകുമ്പോള്‍ കോണ്‍ഗ്രസ് നേതാക്കളെ കാണാറുണ്ട്’ കെ.വി തോമസ് പറഞ്ഞു.

അര്‍ഹതയുള്ളവരെ വഞ്ചിച്ച് പാര്‍ട്ടി നോമിനിയെ തിരഞ്ഞെടുത്ത സ്‌ക്രൂട്ടിനി കമ്മിറ്റി അംഗങ്ങള്‍ക്കെതിരെ ക്രിമിനല്‍ കേസെടുക്കണമെന്നും അദ്ദേഹം ആവശ്യപ്പെട്ടു. മുഖ്യമന്ത്രിയുടെ പ്രൈവറ്റ് സെക്രട്ടറി കെ.കെ രാഗേഷിന്റെ ഭാര്യ പ്രിയാ വര്‍ഗീസിന്റെ നിയമനത്തില്‍ ഇടപെട്ടതിലൂടെ കോടതി വലിയ തട്ടിപ്പാണ് തടഞ്ഞിരിക്കുന്നതെന്നും ബല്‍റാം പറഞ്ഞു.

‘പാര്‍ട്ടി തമ്പ്രാക്കളുടെ ഓരോ തോന്ന്യാസത്തിനും എറാന്‍മൂളി, അവയെ ന്യായീകരിക്കാന്‍ പരിഹാസ്യമായ വാദമുഖങ്ങള്‍ നിരത്തി, അടിമജീവിതം നയിക്കുക എന്നതല്ലാതെ നിങ്ങള്‍ക്കൊക്കെ വേറെ എന്തെങ്കിലുമൊരു അസ്തിത്വം ബാക്കിയുണ്ടോ യുവ സഖാക്കളേ?’- ബല്‍റാം ഫേസ്ബുക്കില്‍ ചോദിച്ചു.

പോസ്റ്റിന്റെ പൂര്‍ണ്ണരൂപം:

സിപിഎമ്മില്‍ ആര്‍ജ്ജവമുള്ള യുവ നേതാക്കള്‍ ആരെങ്കിലുമുണ്ടെങ്കില്‍, ശക്തമായി പ്രതിഷേധിച്ചില്ലെങ്കിലും ഒരു നേരിയ മുരള്‍ച്ചയെങ്കിലും കേള്‍പ്പിക്കേണ്ട സന്ദര്‍ഭമാണിത്.
കൊടും അഴിമതിക്കാരനെന്ന് നിങ്ങള്‍ തന്നെ മുദ്രകുത്തിയ, വീട്ടില്‍ കള്ളപ്പണമെണ്ണാന്‍ യന്ത്രം സൂക്ഷിച്ചിട്ടുണ്ടെന്ന് നിങ്ങളാല്‍ അധിക്ഷേപിക്കപ്പെട്ട ഒരു വ്യക്തിയുടെ പേരില്‍ മാത്രം നിലനില്‍ക്കുന്ന, ചില സ്ഥാപിത താത്പര്യങ്ങളല്ലാതെ മറ്റ് കാര്യമായ രാഷ്ട്രീയമൊന്നും അവകാശപ്പെടാനില്ലാത്ത ഒരു പാര്‍ട്ടിയെ കേവലം നാല് വോട്ട് കിട്ടുമെന്ന പ്രതീക്ഷയില്‍ ഇന്നു നിങ്ങളുടെ നേതാക്കള്‍ രണ്ടു കയ്യും നീട്ടി സ്വീകരിക്കുമ്പോള്‍ നിങ്ങള്‍ക്ക് അല്‍പ്പം പോലും ലജ്ജ തോന്നുന്നില്ലേ?
നിങ്ങള്‍ ഇന്നലെകളില്‍ ധാര്‍മ്മികതയുടെ പേരില്‍ നടത്തിയെന്നവകാശപ്പെടുന്ന സമരങ്ങള്‍ വെറും ഫോട്ടോ ഓപ് മാത്രമല്ലായിരുന്നുവെങ്കില്‍,
അന്ന് നടത്തിയ അഴിമതി വിരുദ്ധ വാചാടോപങ്ങളോട് തരിമ്പെങ്കിലും ആത്മാര്‍ത്ഥത നിങ്ങള്‍ക്കുണ്ടെങ്കില്‍ നിങ്ങളുടെ വിയോജിപ്പിന്റെ ശബ്ദത്തിനായി കേരളമിതാ കാതോര്‍ക്കുന്നു.
പാര്‍ട്ടി തമ്പ്രാക്കളുടെ ഓരോ തോന്ന്യാസത്തിനും എറാന്‍മൂളി, അവയെ ന്യായീകരിക്കാന്‍ പരിഹാസ്യമായ വാദമുഖങ്ങള്‍ നിരത്തി, അടിമജീവിതം നയിക്കുക എന്നതല്ലാതെ നിങ്ങള്‍ക്കൊക്കെ വേറെ എന്തെങ്കിലുമൊരു അസ്തിത്വം ബാക്കിയുണ്ടോ യുവ സഖാക്കളേ?

https://www.facebook.com/vtbalram/posts/10158040486124139

ബല്‍റാമാണ് മാര്‍ച്ച് ഉദ്ഘാടനം ചെയ്തത്. അതിനിടയില്‍ പൊലീസും പ്രവര്‍ത്തകരും തമ്മില്‍ സംഘര്‍ഷമുണ്ടാവുകയായിരുന്നു. സംഘര്‍ഷത്തില്‍ നിരവധി പേര്‍ക്ക് ഗുരുതരമായി പരിക്കേറ്റു. പരിക്കേറ്റവരെ ആശുപത്രിയിലേക്ക് മാറ്റി.

മന്ത്രി കെ.ടി. ജലീലിനെ ചോദ്യം ചെയ്യുന്ന കൊച്ചിയിലെ എന്‍ഐഎ ഓഫീസിലേക്ക് യൂത്ത്‌കോണ്‍ഗ്രസ്, യുവമോര്‍ച്ച സംഘടനകളുടെ പ്രതിഷേധ മാര്‍ച്ചുമുണ്ടായി. മന്ത്രി രാജിവയ്ക്കണമെന്ന് ആവശ്യപ്പെട്ടായിരുന്നു യുവജനസംഘടനകളുടെ പ്രതിഷേധം.

യൂത്ത്‌കോണ്‍ഗ്രസ് പ്രവര്‍ത്തകരാണ് പ്രതിഷേധവുമായി ആദ്യം എന്‍ഐഎ ഓഫീസിലേക്ക് എത്തിയത്. യൂത്ത്‌കോണ്‍ഗ്രസിന്റെ മാര്‍ച്ച് പോലീസ് എന്‍ഐഎ ഓഫീസിനു മുന്നില്‍ പോലീസ് തടഞ്ഞു. ഇതോടെ പ്രവര്‍ത്തകരും പോലീസും തമ്മില്‍ ഉന്തും തള്ളുമുണ്ടായി. പിന്നീട് പ്രവര്‍ത്തകരെ പോലീസ് അറസ്റ്റു ചെയ്തു നീക്കി.

യൂത്ത്‌കോണ്‍ഗ്രസിന്റെ പ്രതിഷേധത്തിനു പിന്നാലെയാണ് യുവമോര്‍ച്ച പ്രതിഷേധവുമായി എന്‍ഐഎ ഓഫീസിലേക്ക് എത്തിയത്. ഇതും പോലീസ് തടഞ്ഞു. ഇതോടെ യുവമോര്‍ച്ച പ്രവര്‍ത്തകരും പോലീസും തമ്മില്‍ വാക്കേറ്റമുണ്ടായി.

ഇന്ന് രാവിലെയാണ് മന്ത്രി കെ.ടി. ജലീല്‍ ചോദ്യം ചെയ്യലിനായി എന്‍ഐഎ ഓഫീസിലെത്തിയത്. കൊച്ചിയിലെ എന്‍ഐഎ ഓഫീസിലാണ് മന്ത്രിയെ ചോദ്യം ചെയ്യുന്നത്. പുലര്‍ച്ചെ ആറോടെ സ്വകാര്യ കാറിലാണ് ജലീല്‍ എത്തിയത്. കഴിഞ്ഞ ദിവസം ലഭിച്ച നോട്ടീസിന്റെ അടിസ്ഥാനത്തിലാണ് മന്ത്രി എന്‍ഐഎ ഓഫീസില്‍ എത്തിയിരിക്കുന്നത്.

സ്വര്‍ണം അല്ലെങ്കില്‍ ഏതെങ്കിലും ഹവാല ഇടപാടുകള്‍ മതഗ്രന്ഥത്തിന്റെ മറവില്‍ നടന്നിട്ടുണ്ടോയെന്നതാണ് പരിശോധനാ വിഷയമെന്നാണ് റിപ്പോര്‍ട്ട്. ആദ്യം ഇഡി മന്ത്രിയുടെ മൊഴിയെടുത്ത ഘട്ടത്തിലും ഇതുസംബന്ധിച്ച അറിവുണ്ടായിട്ടില്ലെന്ന നിലപാടാണ് മന്ത്രി സ്വീകരിച്ചത്.

നേരത്തെ നടത്തിയ വാര്‍ത്താസമ്മേളനത്തിലാണ് മുഖ്യമന്ത്രി പിണറായി വിജയന്‍ ബ്രൂവറി, ഡിസ്റ്റിലറി അനുമതി റദ്ദാക്കി വിവരം അറിയിച്ചത്. പുതിയ അനുമതി കൂടുതല്‍ പരിശോധനകള്‍ക്കുശേഷം മാത്രമേ നല്‍കാനാകുവെന്നു മുഖ്യമന്ത്രി വ്യക്തമാക്കി. ഇപ്പോള്‍ അനുവദിച്ചതില്‍ യാതൊരു വീഴ്ച്ചയുമില്ല. വിവാദം ഒഴിവാക്കുന്നതിനാണു തീരുമാനമെടുത്തത്. നാടിന്റെ പൊതുവായ കാര്യങ്ങള്‍ക്ക് ഒരുമിച്ചു നില്‍ക്കുന്നതിനു ചില വിട്ടുവീഴ്ചകള്‍ ആവശ്യമെന്നും മുഖ്യമന്ത്രി പറഞ്ഞിരുന്നു. അഴിമതിക്കുള്ള നീക്കം കയ്യോടെ പിടികൂടിയപ്പോള്‍ മുഖ്യമന്ത്രിയും ഭരണപക്ഷവും തലയൂരുകയായിരുന്നുവെന്ന് ബല്‍റാം പറഞ്ഞു.

ബലറാമിന്റെ ഫേയ്‌സ്ബുക്ക് പോസ്റ്റില്‍ നിന്നും..

“അത് പിന്നെ…
പ്രളയത്തിന് ശേഷം കേരളം ഒറ്റക്കെട്ടായി നിൽക്കേണ്ട സാഹചര്യത്തിൽ ഇങ്ങനെ പേഴ്സ് ശ്രദ്ധയില്ലാതെ റോഡിൽ ഇടാൻ പാടുമോ സഹോദരാ?
നാളെ മക്കള് ചോദിച്ചാൽ എന്ത് പറയും?”

ബല്‍റാമുമായുള്ള വ്യക്തിപരമായ ചാറ്റിങ്ങിനെ ഒരു ഭാഗം മാത്രം എടുത്തുകാണിച്ച്, ബല്‍റാം തന്നെ തെറിവിളിച്ചു എന്ന രീതിയില്‍ അശോകന്‍ ഫേസ്ബുക്കില്‍ കുറിപ്പിടുകയായിരുന്നു. ഇടത് അനുകൂല മാധ്യമങ്ങള്‍ വന്‍ പ്രാധാന്യത്തോടെ ഇത് പ്രസിദ്ധീകരിക്കുകയും ചെയ്തു. എന്നാല്‍, യഥാര്‍ത്ഥത്തില്‍ സംഭവിച്ചത് എന്താണെന്ന് സ്‌ക്രീന്‍ ഷോട്ടുകള്‍ സഹിതം ബല്‍റാം വിശദീകരിച്ചതോടെ അശോകന്‍ ചെരുവിലിന്റെ കള്ളക്കളി വെളിച്ചത്തായി. എന്നാല്‍, തുടര്‍ന്നും സി.പി.എം സൈബര്‍ അണികള്‍ ബല്‍റാമിനെതിരെ വ്യക്തിഹത്യ നടത്തുകയാണ്.

ബല്‍റാമിന്റെ ഫെയ്‌സ്ബുക്ക് പോസ്റ്റുകളിലൊന്നിനോടുള്ള പ്രതികരണമായി അയാളെ വിമര്‍ശിച്ചുകൊണ്ട് പോസ്റ്റ് ചെയ്ത കമന്റില്‍ ഒരാള്‍ ബല്‍റാമിനെ ‘നീ’ എന്നും അധിക്ഷേപകരമായ വാക്കുകളും ഉപയോഗിച്ചിരുന്നു. ആ കമന്റ് അശോകന്‍ ചെരുവില്‍ ലൈക്ക് ചെയ്തത് പേഴ്‌സണല്‍ ചാറ്റില്‍ ബല്‍റാം ചോദ്യം ചെയ്തപ്പോഴാണ്‌ അതില്‍ തെറ്റില്ലെന്നും 95 മാര്‍ക്ക് നല്‍കുന്നുവെന്നും അശോകന്‍ ചെരുവില്‍ പറഞ്ഞത്.

ഇതേത്തുടര്‍ന്ന് അശോകന്‍, ‘എ പ്ലസ്’ മാര്‍ക്ക് നല്‍കിയ വാചകങ്ങള്‍ ഉപയോഗിച്ച് ബല്‍റാം അദ്ദേഹത്തെ തന്നെ അഭിസംബോധന ചെയ്ത് ചാറ്റ് അവസാനിപ്പിച്ചു. എന്നാല്‍, ഈ ഭാഗത്തിന്റെ മാത്രം സ്‌ക്രീന്‍ ഷോട്ടുമായി അശോകന്‍ ചെരുവില്‍, ബല്‍റാം തന്നെ അധിക്ഷേപിച്ചെന്ന വിധത്തില്‍ ഫേസ്ബുക്കില്‍ പോസ്റ്റിടുകയായിരുന്നു.

ഇതിനെക്കുറിച്ച് ബല്‍റാം പിന്നീട് വ്യക്തമാക്കി.

‘എന്റെ വാളില്‍ സര്‍ക്കാര്‍ സ്‌കൂള്‍ അധ്യാപകനായ ഒരാള്‍ വന്ന് ”പുന്നാര മോനേ’, ‘എമ്പോക്കി’ എന്നൊക്കെപ്പറഞ്ഞ് അധിക്ഷേപം നടത്തിയ കമന്റ് ഇദ്ദേഹം ലൈക് ചെയ്തപ്പോള്‍ അതിലെ ഔചിത്യമാണ് ദീര്‍ഘകാലമായി ഫേസ്ബുക്ക് ഫ്രണ്ടായ ഇദ്ദേഹത്തോട് ചാറ്റ് ബോക്‌സില്‍ ചോദിച്ചത്. ലൈക് എന്നത് പൂര്‍ണ്ണ പിന്തുണയാണ് എന്നാണല്ലോ ഫേസ്ബുക്കിലെ സിപിഎമ്മുകാരുടെ വാദം. വ്യക്തിബന്ധം വച്ചുള്ള എന്റെ ചോദ്യത്തിന് ഈ സാംസ്‌ക്കാരിക നായകന്‍ നല്‍കിയ മറുപടിയാണ് ഞാനീ ഇടുന്ന യഥാര്‍ത്ഥ സ്‌ക്രീന്‍ ഷോട്ടില്‍ ഉള്ളത്. ‘നീ’ എന്നതൊഴിച്ചാല്‍ ആ സര്‍ക്കാര്‍ സ്‌കൂള്‍ അധ്യാപകന്‍ പറഞ്ഞതില്‍ ഒരു തെറ്റും ഇല്ലാത്രേ. ആ കമന്റിന് ഇയാള്‍ 95 മാര്‍ക്കും എ പ്ലസ് ഗ്രേഡും നല്‍കുമത്രേ. സാംസ്‌ക്കാരിക നായകന് പരിഹാസം പൊട്ടിയൊലിക്കുകയാണ്”.

നേരത്തെ, ബല്‍റാമിനെ പ്രശംസിച്ച് അശോകന്‍ ചെരുവില്‍ മംഗളം പത്രത്തില്‍ ഒരു ലേഖനം എഴുതിയിരുന്നു. ‘ജനപ്രതിനിധിയുടെ ജാതിയും മതവും’ എന്ന ലേഖനം ശ്രദ്ധയില്‍പെട്ട ബല്‍റാം അദ്ദേഹത്തെ ബന്ധപ്പെട്ടിരുന്നു. എന്നാല്‍ എം.എല്‍.എയും യുവ കോണ്‍ഗ്രസ് നേതാക്കളില്‍ പ്രമുഖനുമായ ബല്‍റാമിനെ തരംതാഴ്ത്തുന്നതിനാണ് അശോകന്‍ ചെരുവിലിനെപ്പോലുള്ള സാംസ്‌ക്കാരിക പ്രവര്‍ത്തകര്‍ ഇപ്പോള്‍ ശ്രമിച്ചുവരുന്നത്. അതിന് സി.പി.എം സൈബര്‍ പോരാളികളും പിന്തുണക്കുന്നു. സി.പി.എമ്മിന്റെ നേതൃത്വത്തിലുള്ള പുരോഗമന കലാസാഹിത്യ സംഘത്തിന്റെ പ്രസിഡണ്ടാണ് അശോകന്‍ ചെരുവില്‍.

കേരള സാഹിത്യ അക്കാദമി അവാര്‍ഡടക്കം നിരവധി പുരസ്‌കാരങ്ങള്‍ നേടിയിട്ടുള്ള അശോകന്‍ ചെരുവില്‍ മലയാളത്തിലെ മുന്‍നിര എഴുത്തുകാരിലൊരാളാണ്. എന്നാല്‍, ഇദ്ദേഹത്തിന്റെ അന്ധമായ സി.പി.എം പക്ഷപാതിത്വവും ന്യായീകരണവും വിമര്‍ശന വിധേയമാകാറുണ്ട്. കഴിഞ്ഞ ദിവസം ശ്രീനാരായണ ഗുരു ജയന്തി ദിനത്തില്‍ ഗുരുവിനെപ്പറ്റി അശോകന്‍ ചെരുവില്‍ ദേശാഭിമാനിയില്‍ ലേഖനമെഴുതിയിരുന്നു. എന്നാല്‍, പിണറായി വിജയനെ മഹത്വവല്‍ക്കരിക്കാനാണ് ലേഖനത്തിന്റെ സിംഹഭാഗവും അദ്ദേഹം ഉപയോഗപ്പെടുത്തിയത്.

കഴിഞ്ഞ ദിവസം കൊല്ലത്ത് മന്ത്രിസഭയുടെ രണ്ടാം വാര്‍ഷികത്തിന്റെ ഭാഗമായി ഇടതമുന്നണി ജില്ലാ കമ്മിറ്റി നടത്തിയ രാഷ്ട്രീയ വിശദീകരണ യോഗം ഉദ്ഘാടനം ചെയ്യുമ്പോഴായിരുന്നു മാധ്യമപ്രവര്‍ത്തകര്‍ക്കെതിരെ മുഖ്യമന്ത്രിയുടെ ‘ചെണ്ട’ പരാമര്‍ശം ഉണ്ടായത്. കോട്ടയത്ത് കെവിന്റെ കൊലപാതകക്കേസില്‍ എസ്.ഐക്കു പറ്റിയതു ഗുരുതര വീഴ്ചയാണെന്ന് മുഖ്യമന്ത്രി പറഞ്ഞു. പക്ഷേ സംഭവം രാഷ്ട്രീയവല്‍ക്കരിക്കാനാണു ശ്രമം. ചാനല്‍ ലേഖകനോ ലേഖികക്കോ വിരോധം തീര്‍ക്കാന്‍ വഴിയില്‍ കെട്ടിയ ചെണ്ടയല്ല കേരളത്തിന്റെ മുഖ്യമന്ത്രിയും ഇടതു സര്‍ക്കാരും. അങ്ങനെ ഭയപ്പെട്ടു പോകുകയുമില്ല–എന്നുമായിരുന്നു പിണറായിയുടെ പ്രസംഗം. ഇതിനെയാണ് ബല്‍റാം ചിത്രമിട്ട് ട്രോളിയത്.

തൃശൂര്‍ പൂരത്തില്‍ ഇലഞ്ഞിത്തറ മേളം നടക്കുമ്പോള്‍ പെരുവനം കുട്ടന്‍മാരാരെ പിണറായി വിജയന്‍ അനുമോദിക്കുന്ന ചിത്രമെടുത്താണ് ബല്‍റാം പോസ്റ്റ് ചെയ്തത്. ചിത്രത്തിനു താഴെ പിണറായിയേയും ചെണ്ടയേയും ചേര്‍ത്തുകൊണ്ട് കമന്റുകള്‍ വന്നു നിറയുന്നുമുണ്ട്.

ദീപക് ശങ്കരനാരായണന്റേത് 31% ഇന്ത്യക്കാരെ തോക്കെടുത്ത് വെടിവച്ച് കൊല്ലാനുള്ള ആഹ്വാനമാണെങ്കില്‍ ഇത് ദീപാ നിശാന്തിനെ കൊന്ന് ചോര കുടിക്കാനുള്ള ആഹ്വാനം തന്നെയാണ്. ഒരേ മാനദണ്ഡം വച്ച് ബിജെപി ഐടി സെല്‍ നേതാവ് ബിജു നായര്‍ക്കും കമന്റിട്ട രമേഷ് കുമാര്‍ നായര്‍ക്കുമെതിരെ ഐപിസി വകുപ്പുകള്‍ വച്ച് ക്രിമിനല്‍ കേസെടുക്കാന്‍ പിണറായി വിജയന്‍ ലോകനാഥ് ബെഹ്‌റ പോലീസ് തയ്യാറാകണമെന്ന് ബല്‍റാം പറഞ്ഞു.

പോസ്റ്റിന്റെ പൂര്‍ണ്ണരൂപം:

ദീപക് ശങ്കരനാരായണന്റേത് 31% ഇന്ത്യക്കാരെ തോക്കെടുത്ത് വെടിവച്ച് കൊല്ലാനുള്ള ആഹ്വാനമാണെങ്കില്‍ ഇത് ദീപാ നിശാന്തിനെ കൊന്ന് ചോര കുടിക്കാനുള്ള ആഹ്വാനം തന്നെയാണ്.

ഒരേ മാനദണ്ഡം വച്ച് ബിജെപി ഐടി സെല്‍ നേതാവ് ബിജു നായര്‍ക്കും കമന്റിട്ട രമേഷ് കുമാര്‍ നായര്‍ക്കുമെതിരെ ഐപിസി വകുപ്പുകള്‍ വച്ച് ക്രിമിനല്‍ കേസെടുക്കാന്‍ പിണറായി വിജയന്‍ ലോകനാഥ് ബെഹ്‌റ പോലീസ് തയ്യാറാകണം.

മുസ്ലിം സ്ത്രീകളെ റേപ്പ് ചെയ്യണമെന്നാഹ്വാനം ചെയ്ത ആര്‍എസ്എസുകാരനെതിരെ മാധ്യമ പ്രവര്‍ത്തക ഷാഹിന പോലീസില്‍ നല്‍കിയ പരാതിയിലും നാളിതുവരെ ഒരു നടപടിയും സ്വീകരിച്ചിട്ടില്ല.

സ്ഥിരം ഇരട്ടത്താപ്പിനിടയില്‍ വല്ലപ്പോഴുമെങ്കിലും കൊട്ടിഘോഷിക്കപ്പെട്ട ആ പഴയ ഇരട്ടച്ചങ്ക് ഒന്ന് കാണിച്ചു കൊടുക്കണം മിസ്റ്റര്‍ പിണറായി വിജയന്‍.

ദേശീയ അധ്യക്ഷനെ തെരഞ്ഞെടുക്കുന്നതിനായി വിവിധ സംസ്ഥാനങ്ങളില്‍ നിന്നായി ഇരുപതോളം പേരെയാണ് അഭിമുഖത്തിന് ക്ഷണിച്ചിട്ടുള്ളത്. കോണ്‍ഗ്രസ്സിന്റെ യുവജനസംഘടനകളില്‍ അഖിലേന്ത്യാ, സംസ്ഥാന തലങ്ങളില്‍ കഴിവ് തെളിയിച്ചവരെയാണ് അഭിമുഖ പരീക്ഷക്ക് ക്ഷണിച്ചിട്ടുള്ളത്.