കഴിവതും പച്ചക്കറികള്‍ ആണ് രോഗിക്ക് ഉത്തമം. കാര്‍ബോ ഹൈഡ്രേറ്റ് കൂടുതലായ അരി, ഗോതമ്പ് പോലുള്ള ധാന്യങ്ങള്‍ ഭക്ഷണത്തില്‍നിന്ന് ഒഴിവാക്കുക. പകരം ചാമ പോലുള്ള ധാന്യങ്ങള്‍ ഉള്‍പെടുത്തുക. മലയാളിക്ക് ചോറ് പ്രിയമായതിനാല്‍ ഉച്ചക്ക് അല്‍പം കഴിക്കാം. അപ്പോഴും കറികള്‍ കൂടുതലാക്കാന്‍ ശ്രമിക്കണം. കാബേജ്, ബീറ്റ് റൂട്ട്, കാരറ്റ് പോലുള്ള കറികളാണ് നല്ലത്. മാംസഭക്ഷണം കഴിവതും ഒഴിവാക്കണം. ബീഫ്, ആട് പോലുള്ളവയില്‍ കൊഴുപ്പിന്റെ അംശം കൂടുതലായതിനാല്‍ ഷുഗര്‍ ലവലും കൂടുതലാകാനിടയുണ്ട്. പക്ഷിമാംസങ്ങള്‍ കഴിക്കുന്നതില്‍ തെറ്റില്ല.
വ്യായാമം എന്നാല്‍ശരീരത്തെ സജീവമാക്കി നിലനിര്‍ത്തലാണ്. അതിനായി നടത്തവും ഇരുന്നും എണീറ്റും കൈകളും കാലുകളും ചടുലമായി ചലിപ്പിച്ചും വ്യായാമം ചെയ്യാം. എന്നാല്‍ഷുഗര്‍ ലവല്‍ കൂടുതലുള്ള സമയം നടത്തമരുത്. അമിതവ്യായാമം ആ സമയതത് രോഗിയെ തളര്‍ത്തും. ശരീരശൈലീരോഗമായതിനാല്‍ കഴിവതും അതുമായി ഒത്തുപോകാനായിരിക്കണം ശ്രമം. അമിതമായ ഉല്‍കണ്ഠ പ്രമേഹത്തിന്റെ കാഠിന്യം കൂട്ടും.

ജോലി ചെയ്തുകൊണ്ടിരിക്കാം. എന്നാല്‍ ക്ഷീണം വരുമ്പോള്‍ വിശ്രമിക്കണം. ദിവസവും കഴിവതും ഷുഗര്‍ ലവല്‍ അളക്കാന്‍ ശ്രദ്ധിക്കണം. ഇതിനായി 1000 രൂപയുടെ ഷുഗര്‍ അളക്കുന്ന ഉപകരണം വിപണിയില്‍ ലഭിക്കും. വിരലില്‍നിന്ന് അല്‍പം രക്തമെടുത്ത് സ്വയം പരിശോധിക്കാവുന്നതേ ഉള്ളൂ. ലാബിലേക്കുള്ള ഓട്ടം കുറയ്ക്കാം.
പ്രമേഹരോഗികള്‍ കൊളസ്‌ട്രോള്‍ നിയന്തിക്കാനും ശ്രദ്ധിക്കണം. കണ്ണ്, ഹൃദയം, വൃക്ക, കരള്‍ തുടങ്ങി സകല അവയവങ്ങളെയും രക്തം അതുവഴി പോകുന്നതുകൊണ്ട് ,ബാധിക്കുമെന്നതിനാല്‍ ശ്രദ്ധയാവശ്യമാണ്. ദീര്‍ഘകാലം മരുന്ന് കഴിച്ച് പ്രമേഹത്തെ നിയന്തിക്കാമെന്നര്‍ത്ഥം. മറ്റ് അസുഖങ്ങളില്ലെങ്കില്‍ ഇതൊരു കാര്യമായ രോഗമായി കരുതേണ്ടതുമില്ല.

( വിവരങ്ങള്‍ക്ക് കടപ്പാട്: ഡോ. ജയരാജ്, ഗവ. മെഡിക്കല്‍ കോളജ് ഹോസ്പിറ്റല്‍ ,പാലക്കാട്)

നടക്കുക.. നടന്നു കൊണ്ടേയിരിക്കുക. ചെറിയദൂരത്തിന് സ്‌കൂട്ടര്‍, കാര്‍, ബസ് ഉപയോഗിക്കാതിരിക്കുക. നടത്തം നിങ്ങളുടെ ആയുസ് വര്‍ധിപ്പിക്കും. കാലുകള്‍ക്ക് വേണ്ടത്ര വ്യായാമം ലഭിക്കാനും കാലിലെ പേശികള്‍ ആരോഗ്യമുള്ളതാണെന്ന് ഉറപ്പുവരുത്താനും ദിവസവും കുറഞ്ഞത് 30-40 മിനിറ്റെങ്കിലും നടക്കുക. നിങ്ങളുടെ കാലുകള്‍ സജീവവും ശക്തവുമാക്കുക.അങ്ങനെ എന്നും നിലനിര്‍ത്തുക.അതിനു നടത്തം ജീവിതത്തിന്റെ ഭാഗമാക്കുക.ഓരോ ദിവസവും നമ്മള്‍വാര്‍ദ്ധക്യത്തിലേക്ക് നടന്നടുക്കുകയാണ്. നമ്മുടെ കാലുകള്‍ സജീവവും ശക്തവുമായിരിക്കാന്‍ എല്ലാദിവസവും നടക്കുക. ആരോഗ്യമുള്ള ജീവിതത്തിന് ഏറ്റവും അനിവാര്യമായതായി നമ്മുടെ കാലിലെ പേശികള്‍ശക്തിപ്പെടുത്തേണ്ടതിന്റെ പ്രാധാന്യം പറയുന്നു. രണ്ടാഴ്ചത്തേക്ക് നിങ്ങളുടെ കാലുകള്‍ ചലിപ്പിച്ചില്ലെങ്കില്‍, നിങ്ങളുടെ കാലിന്റെ യഥാര്‍ത്ഥ ശക്തി 10 വര്‍ഷം കുറയും.ഡന്‍മാര്‍ക്കിലെ കോപ്പന്‍ഹേഗന്‍ യൂണിവേഴ്‌സിറ്റി നടത്തിയ പഠനത്തില്‍ വൃദ്ധരും ചെറുപ്പക്കാരും രണ്ടാഴ്ചത്തേക്ക് നിഷ്‌ക്രിയമായി തുടരുകയാണെങ്കില്‍ അവരുടെ കാലിന്റെ പേശിയുടെമൂന്നിലൊന്ന് നഷ്ടപ്പെടുമെന്ന് കണ്ടെത്തി. ഇത് 20-30 വര്‍ഷത്തെ വാര്‍ദ്ധക്യത്തിന് തുല്യമാണ് .കാലിലെ പേശികള്‍ ദുര്‍ബലമായാല്‍ അവ പുനരുദ്ധരിക്കാന്‍ വ്യായാമം ചെയ്താലും വളരെയധികം സമയമെടുക്കും. അതിനാല്‍, നടത്തം പോലുള്ള പതിവ് വ്യായാമം വളരെ പ്രധാനമാണ്.

നമ്മുടെ ശരീര ഭാരം മുഴുവന്‍ കാലുകള്‍ വഹിക്കുന്നു.നമ്മുടെ രണ്ട് കാലുകളും 50ശതമാനം രക്തക്കുഴലുകളും 50തമാനം രക്തവുംമനുഷ്യശരീരത്തില്‍ വഹിക്കുന്നു. ശരീരത്തെ ബന്ധിപ്പിക്കുന്ന ഏറ്റവും വലിയ രക്തചംക്രമണ ശൃംഖലയാണിത്.
കാലുകള്‍ ഒരുതരം തൂണുകളാണ്.അത് മനുഷ്യശരീരത്തിന്റെ മുഴുവന്‍ ഭാരവും വഹിക്കുന്നു. വ്യക്തിയുടെ 50% എല്ലുകളും 50% പേശികളും രണ്ട് കാലുകളിലുമാണ്. മനുഷ്യശരീരത്തിലെ ഏറ്റവും വലുതും ശക്തവുമായ സന്ധികളും എല്ലുകളും കാലുകളിലാണ്. ഒരു ദിവസം ഒരാള്‍ 10000 അടിയെങ്കിലും നടക്കുമ്പോള്‍ ശക്തമായ എല്ലുകള്‍, ശക്തമായ പേശികള്‍, വഴങ്ങുന്ന സന്ധികള്‍ എന്നിവയുടെ ഇരുമ്പ് ത്രികോണം ശരീരം സൃഷ്ടിക്കുന്നു.അവ അനായസേന മനുഷ്യശരീരം പ്രായമേറിയാലും വഹിക്കുന്നു. ഒരു വ്യക്തി ചെറുപ്പമായിരിക്കുമ്പോള്‍, അവന്റെ തുടകള്‍ 800 കിലോഗ്രാം ഭാരമുള്ള ഒരു ചെറിയ കാര്‍ ഉയര്‍ത്താന്‍ ശക്തമാണ്.അതിനാല്‍ എല്ലാ ദിവസവും നടക്കുക.കാലുകള്‍ മാത്രം ആരോഗ്യമുള്ളപ്പോള്‍, രക്തപ്രവാഹത്തിന്റെ സമൃദ്ധമായ ഒഴുക്ക് സുഗമമായി പോകുന്നു. അതിനാല്‍, ശക്തമായ കാല്‍ പേശികളുള്ള ആളുകള്‍ക്ക് തീര്‍ച്ചയായും ശക്തമായ ഹൃദയമുണ്ടാകും.
ഒരാളുടെ പ്രായം കാല്‍ മുതല്‍ മുകളിലേക്ക് തുടങ്ങുന്നു. ഒരു വ്യക്തി പ്രായമാകുമ്പോള്‍, യുവത്വത്തില്‍ നിന്ന് വ്യത്യസ്തമായി, തലച്ചോറിനും കാലുകള്‍ക്കുമിടയില്‍ നടക്കുന്ന..കമാന്‍ഡുകളുടെ കൈമാറ്റത്തിന്റെ കൃത്യതയും വേഗതയും കുറയുന്നു.

കൂടാതെ, അസ്ഥി മജ്ജ കാല്‍സ്യം എന്ന് നമ്മള്‍ വിളിക്കപ്പെടുന്നവ കാലക്രമേണ നഷ്ടപ്പെടും, ഇത് പ്രായമായവരെ ഒടിവുകളിലേക്ക് നയിക്കുന്നു.
പ്രായമായവരില്‍ ഉണ്ടാകുന്ന ഒടിവുകള്‍ സൃഷ്ടിക്കുന്ന സങ്കീര്‍ണതകളുടെ തുടര്‍ച്ചയായി ബ്രെയിന്‍ ത്രോംബോസിസ് പോലുള്ള-അപകടകരമായ രോഗങ്ങളിലേക്ക് നയിച്ചേക്കാം. പ്രായമായ രോഗികളില്‍ 15%വും-സാധാരണയായി ഒടിവുണ്ടായി ഒരു വര്‍ഷത്തിനുള്ളില്‍ മരിക്കുന്നുവെന്ന് കണക്ക്. 60 വയസ്സിനു ശേഷവും കാലുകള്‍ക്ക് വ്യായാമം ചെയ്യുന്നത് വളരെ വൈകില്ല. നമ്മുടെ കാലുകള്‍ ക്രമേണ..പ്രായമാകുകയാണെങ്കിലും, നമ്മുടെ കാലുകള്‍ക്ക് വ്യായാമം നല്‍കുന്നത്.ആജീവനാന്ത ജോലിയാണ്. ഇതുവഴി കാലുകള്‍ ശക്തിപ്പെടുത്തുന്നതിലൂടെ ഒരാള്‍ക്ക് കൂടുതല്‍ വാര്‍ദ്ധക്യം തടയാനോ കുറയ്ക്കാനോ കഴിയും. ചെറിയദൂരം കാലുകള്‍ക്ക് വിട്ടു നല്‍കുക. 40 വയസ്സിനു മുകളില്‍ പ്രായമുള്ള നിങ്ങളുടെ സുഹൃത്തുക്കളുമായും കുടുംബവുമായും ഈ സുപ്രധാന വിവരങ്ങള്‍ ഷെയര്‍ ചെയ്യുക.
(വിവരങ്ങള്‍ക്ക് കടപ്പാട്: പ്രിവന്‍ഷന്‍ മാഗസിന്‍)

ഫോണില്‍ കൃത്യമായ ഇടവേളകളില്‍ അലാറം സെറ്റ് ചെയ്യുന്നതിലൂടെ നടത്തം കൃത്യമായി ക്രമീകരിക്കാം. ഭക്ഷണത്തിന് ശേഷം കുറച്ച് സമയം നടക്കുന്നതിനായി മാറ്റിവെക്കുന്നതും നല്ലതാണ്. സംഗീതം കേട്ടുകൊണ്ടോ ഔദ്യോഗിക ഫോണ്‍ വിളിച്ചുകൊണ്ടോ നടക്കുന്നത് കൂടുതല്‍ ചുവട് വെക്കുന്നതിന് ഇടയാക്കും. അറിയാതെതന്നെ കൂടുതല്‍ സമയം വ്യായാമത്തിന് ലഭിക്കുകയും ചെയ്യും. തുടര്‍ച്ചയായി ഇരുന്ന് ജോലിചെയ്യേണ്ടിവരുന്നവരാണ് ഈ കാലത്ത് കൂടുതല്‍ പ്രയാസം നേരിടുന്നത്. ഒരേ പൊസിഷനില്‍ ദീര്‍ഘനേരം ജോലിചെയ്തുവരുന്നവരില്‍ നിരവധി ആരോഗ്യപ്രശ്‌നങ്ങളാണുണ്ടാകുന്നത്. ഇതൊഴിവാക്കാന്‍ ഓരോ 30മിനിറ്റ് കൂടുമ്പോഴും എഴുന്നേറ്റ് മൂന്ന് മിനിറ്റുനേരം നിവര്‍ന്നുനില്‍ക്കണമെന്ന് ആരോഗ്യവിദഗ്ധര്‍ പറയുന്നു. കൂടുതല്‍ സമയം ഇരുന്ന് ജോലിചെയ്യുന്നവര്‍ കൃത്യമായ ഇടവേളകളില്‍ കുറച്ചുദൂരം നടക്കുന്നതും ആരോഗ്യരക്ഷയ്ക്ക് നല്ലതാണ്.

പ്രായമേറുന്നതിനനുസരിച്ച് നേരെ നില്‍ക്കുന്നതിനുള്ള കഴിവിലും പേശികളുടെ കരുത്തിലും ശരീര ശക്തിയിലും കാര്യമായ വ്യതിയാനങ്ങളുണ്ടാകാറുണ്ട്. ഇവക്ക് സമയോചിത പരിഗണന നല്‍കിയില്ലെങ്കില്‍ പിന്നീട് ഭാഗികമായോ പൂര്‍ണമായോ ഉള്ള തളര്‍ച്ചയ്ക്ക് കാരണമാവാം.

ഹൃദ്രോഗത്തിന് കാരണമാകാവുന്ന പുകവലി, പ്രമേഹം, പൊണ്ണത്തടി, ശരീരം അനങ്ങാതെയുള്ള ഇരിപ്പ് തുടങ്ങിയവ നടത്തത്തിന്റെ വേഗത കുറക്കാന്‍ കാരണമാവാറുണ്ടെന്ന് ഗവേഷകര്‍ ചൂണ്ടിക്കാട്ടുന്നു.

ഹൃദ്യോഗം ഇല്ലാത്ത 60 വയസ്സിനു മുകളിലുള്ളവരില്‍ നടത്തിയ പഠനത്തില്‍ സ്വീഡനിലെ കരോലിന്‍സ്‌ക യൂണിവേഴ്‌സിറ്റിയിലെ എമറാള്‍ഡ് ജി ഹെയ്‌ലാന്റിന്റെ നേതൃത്വത്തിലുള്ള ഗവേഷകരാണ് പുതിയ കണ്ടെത്തല്‍ നടത്തിയിരിക്കുന്നത്. ശരീര ചലനം, ആല്‍ക്കഹോള്‍ ഉപയോഗം, ബോഡി മാസ് ഇന്‍ഡക്‌സ്, ചിന്തിക്കാനും തീരുമാനമെടുക്കാനുമുള്ള ശേഷി എന്നിവ പരിഗണിച്ചായിരുന്നു പഠനം. ഇതിനു പുറമെ ഇവരുടെ രക്തത്തിലെ സി റിയാക്ടീവ് പ്രോട്ടീനും (സി.ആര്‍.പി) പരിശോധനാ വിധേയമാക്കി. കൂടിയ സി.ആര്‍.പി ഹൃദ്രോഗ സാധ്യത വര്‍ധിപ്പിക്കുന്നു. വൃദ്ധരില്‍ ഹൃദ്രോഗമുണ്ടാക്കുന്ന ഏറ്റവും വലിയ കാരണമാണ് കൂടിയ സി.ആര്‍.പി