നിലവില്‍ ജപ്പാനിലെ സോഫ്റ്റ് ബാങ്ക് ആയിരുന്നു ഫഌപ്കാര്‍ട്ടിലെ വലിയ നിക്ഷേപകര്‍. ബെംഗളൂരു ആസ്ഥാനമായ കമ്പനിയുടെ 23 ശതമാനം ഓഹരികളാണ് സോഫ്റ്റ് ബാങ്കിന്റെ കൈവശമുണ്ടായിരുന്നത്. കമ്പനിയുടെ സ്ഥാപകരായ സച്ചിന്‍ ബന്‍സാലും ബിന്നി ബന്‍സാലും ഇതോടെ കമ്പനിയില്‍ നിന്ന് പുറത്തായി. ആമസോണില്‍ നിന്ന് രാജിവെച്ചാണ് ഇരുവരും ഫഌപ്കാര്‍ട്ട് തുടങ്ങിയത്.

വാള്‍മാര്‍ട്ടിന്റെ ചരിത്രത്തിലെ ഏറ്റവും വലിയ ഏറ്റെടുക്കലായാണ് ബിസിനസ് ലോകം ഇതിനെ വിശേഷിപ്പിക്കുന്നത്. ഇ കൊമേഴ്‌സ് രംഗത്തെ ഏറ്റവും വലിയ ഏറ്റെടുക്കലും ഇത് തന്നെയാണ്. ആഗോള വ്യവസായ ഭീമന്‍മാരായ ആമസോണും വാള്‍മാര്‍ട്ടും തമ്മിലുള്ള മത്സരമാണ് ഇനി ഇന്ത്യന്‍ ബിസിനസ് ലോകം കാണാനിരിക്കുന്നത്.