ടൂറിസം, സാഹസിക ക്യാമ്പുകള്‍, തീര്‍ത്ഥാടനം, ഗംഗ ആരംഭിക്കുന്നിടത്ത് പ്ലാസ്റ്റിക് മാലിന്യങ്ങളുടെ മോശം പരിപാലനം എന്നിവയുടെ പ്രത്യാഘാതങ്ങളാണ് ഇതിന് കാരണമെന്ന് ഡെറാഡൂണിലെ ഡൂണ്‍ സര്‍വകലാശാലയിലെ പരിസ്ഥിതി ശാസ്ത്ര-പ്രകൃതിവിഭവ പ്രഫസര്‍ സുരേന്ദ്ര സുതാര്‍ പറഞ്ഞു.

ജലത്തിന്റെയും അവശിഷ്ടത്തിന്റെയും 228 സാമ്പിളുകളില്‍ ഓരോന്നിലും ബാഗുകള്‍, റാപ്പറുകള്‍, പാക്കിങ്ങിനുപയോഗിക്കുന്ന വസ്തുക്കള്‍, സിന്തറ്റിക് തുണിത്തരങ്ങള്‍ എന്നിവയില്‍ നിന്നുള്ള മൈക്രോപ്ലാസ്റ്റിക് നാരുകള്‍, ഫിലിമുകള്‍, ശകലങ്ങള്‍ തുടങ്ങിയവ കണ്ടെത്തിയതായി ഡെറാഡൂണിലെ ഗവേഷകര്‍ രേഖപ്പെടുത്തി.

ജലത്തിലെ ശരാശരി മൈക്രോപ്ലാസ്റ്റിക് സാന്ദ്രത ദേവപ്രയാഗില്‍ ലിറ്ററിന് 325 കണികകളും ഋഷികേശില്‍ 822 കണികകളും ഹരിദ്വാറില്‍ ലിറ്ററിന് 1,300 കണികകളുമാണ്. മൂന്ന് പട്ടണങ്ങള്‍ക്കിടയിലുള്ള 19 സ്ഥലങ്ങളില്‍ നിന്നുള്ള എല്ലാ ജല സാമ്പിളുകളിലും മൈക്രോപ്ലാസ്റ്റിക് സാന്ദ്രത ലിറ്ററിന് 175 കണികകളില്‍ കൂടുതലാണ്. ദേവപ്രയാഗിന് സമീപമുള്ള ആദ്യ രണ്ട് സൈറ്റുകളില്‍ മാത്രം 150ന് താഴെയുള്ള വിഭാഗത്തിലാണ്. എന്നാല്‍, മറ്റെല്ലാ സൈറ്റുകളിലും അപകടകരമായ വിഭാഗത്തില്‍ 1,200 കവിഞ്ഞു.

വെള്ളത്തിലെ മൈക്രോപ്ലാസ്റ്റിക്‌സിന്റെ തരങ്ങളില്‍ പോളിത്തിലീന്‍, പോളിമൈഡ്, പോളിസ്‌റ്റൈറൈന്‍, പോളി വിനൈല്‍ ക്ലോറൈഡ്, പോളിത്തിലീന്‍ ടെറെഫ്താലേറ്റ്, പോളിപ്രൊഫൈലിന്‍, പോളികാര്‍ബണേറ്റ് എന്നിവ ലാബ് വിശകലനത്തില്‍ കണ്ടെത്തി.

ഈ മാസം ആദ്യം, യു.എസിലെ ന്യൂ മെക്‌സിക്കോ സര്‍വകലാശാലയിലെ പരിസ്ഥിതി ആരോഗ്യ ശാസ്ത്രജ്ഞനായ മാത്യു കാമ്പനും സഹപ്രവര്‍ത്തകരും നടത്തിയ പഠനത്തില്‍ മൈക്രോപ്ലാസ്റ്റിക്കുകളും നാനോപ്ലാസ്റ്റിക്കുകളും വൃക്കകളിലോ കരളിലോ ഉള്ളതിനേക്കാള്‍ ഉയര്‍ന്ന അളവില്‍ തലച്ചോറില്‍ അടിഞ്ഞുകൂടുന്നതായി കണ്ടെത്തിയിരുന്നു.

തലസ്ഥാനത്തെ അജൈവമാലിന്യങ്ങള്‍ നീക്കം ചെയ്യാന്‍ സര്‍ക്കാര്‍ കരാര്‍ നല്‍കിയ സണേജ് ഇക്കോ സിസ്റ്റംസ് എന്ന കമ്പനിക്കെതിരെയാണ് നടപടി. മാലിന്യനീക്കത്തിന് ചെലവായ തുക ഇവരില്‍ നിന്ന് ഈടാക്കാനും നിര്‍ദേശമുണ്ട്. സംസ്ഥാനത്ത് അജൈവ മാലിന്യങ്ങള്‍ കൈകാര്യം ചെയ്യുന്നതിന് സര്‍ക്കാര്‍ സ്വകാര്യ കമ്പനികള്‍ക്ക് കരാര്‍ നല്‍കിയിരുന്നു. അതിൽപ്പെട്ട കമ്പനിയാണ് സൺ ഏജ്. തിരുവനന്തപുരം ആർസിസിയിലെ മാലിന്യങ്ങൾ കൈകാര്യം ചെയ്തിരുന്നത് സൺ ഏജ് ആയിരുന്നു. ഇവർ മറ്റൊരു ഏജൻസിക്ക് ഉപകരാർ നൽകുകയായിരുന്നു.

ഈ ഏജൻസിയാണ് തമിഴ്‌നാട്ടിലെ തിരുനെൽവേലിയിൽ മാലിന്യം തള്ളിയത്. 16 ടൺ മാലിന്യമാണ് തിരുനെൽവേലിയിൽ തള്ളിയത്. തമിഴ്‌നാട് ഈ വിഷയം ഉന്നയിച്ചതോടെ സർക്കാർ അടിയന്തരമായി ഇടപെട്ട് മാലിന്യം മാറ്റിയിരുന്നു. തുടർന്നാണ് കമ്പനിയുടെ കരാർ റദ്ദാക്കാൻ തീരുമാനിച്ചത്.

തമ്പാനൂരിലെ തുരങ്കം വൃത്തിയാക്കുന്നതിനായി മെയ് മാസം നല്‍കിയ കത്തിനോട് മുഖം തിരിക്കുന്ന നിലപാടാണ് റെയില്‍വേ സ്വീകരിച്ചത്. അഡീഷണല്‍ ചീഫ് സെക്രട്ടറി വിളിച്ചു ചേര്‍ത്ത യോഗത്തിന്റെ മിനിറ്റ്‌സ് പുറത്തായതോടെയാണ് സത്യം പുറത്തുവന്നത് . റെയില്‍വേ തിരുവനന്തപുരം ഡിവിഷനിലെ മാലിന്യ നീക്കം യോഗത്തില്‍ ചര്‍ച്ചയായില്ല. റെയില്‍വേയുടെ സീനിയര്‍ ഉദ്യോഗസ്ഥര്‍ വരാത്തതിനാലാണ്ചര്‍ച്ച ചെയ്യാന്‍ കഴിയാതിരുന്നത്. ഇക്കാര്യം മിനുറ്റ്‌സിലും വിമര്‍ശനമായി രേഖപ്പെടുത്തിയിരുന്നു.

തിരുവനന്തപുരം ഡിവിഷനില്‍ ശരിയായ മാലിന്യം നീക്കം നടക്കുന്നില്ലെന്നും യോഗത്തില്‍ കുറ്റപ്പെടുത്തല്‍ ഉയര്‍ന്നിരുന്നു. മാലിന്യ നീക്കത്തില്‍ ഡിവിഷനില്‍ പുരോഗതി ഉണ്ടാകുന്നില്ലെന്നും സര്‍ക്കാര്‍ വിമര്‍ശിച്ചിരുന്നു. റെയില്‍വേ പരിധിയില്‍ ഉള്ള ടണലിലെ മാലിന്യം നീക്കം ചെയ്യണമെന്ന ജില്ലാ ഭരണകൂടത്തിന്റെ ആവശ്യത്തോട് റെയില്‍വേ മുഖം തിരിച്ചെന്നും വിമര്‍ശനമുയര്‍ന്നിരുന്നു. ആമയിഴഞ്ചാന്‍ കനാലിലെ മാലിന്യക്കൂനയില്‍ പെട്ട് ശുചീകരണത്തൊഴിലാളിയായ ജോയ് മരിച്ച പശ്ചാത്തലത്തിലാണ് മാലിന്യനീക്കത്തില്‍ ഇപ്പോള്‍ ചര്‍ച്ചകളുയരുന്നത്.

ദൃശ്യങ്ങൾ പ്രചരിച്ചതോടെ സുധാകരനെ കൊണ്ട് പഞ്ചായത്ത് 1000 രൂപ പിഴയടപ്പിച്ചു. എന്നാൽ 10,000 രൂപ മെമ്പറിൽ നിന്ന് പിഴ ഈടാക്കണമെന്നാണ് ആവശ്യം ഉയരുന്നത്. യൂത്ത് കോൺ​ഗ്രസ് സംഭവത്തിൽ പൊലീസിന് പരാതി നൽകി. സംസ്ഥാന സർക്കാരും സിപിഐഎമ്മും മാലിന്യ സംസ്കരണവുമായി ബന്ധപ്പെട്ട് ബോധവത്കരണം തുടരുമ്പോഴാണ് സിപിഎം പഞ്ചായത്തം​ഗം തന്നെ മാലിന്യം പൊതുസ്ഥലത്ത് നിക്ഷേപിക്കുന്നത്.

പുതിയ നിയമ പ്രകാരം ഈ കുറ്റത്തിന്റെ പരമാവധി ശിക്ഷ ഒരു വർഷം വരെ തടവും 50,000 രൂപയുമാണ്. പിഴയടച്ചില്ലെങ്കിൽ പൊതുനികുതി കുടിശ്ശിക പോലെ ഈടാക്കും. തദ്ദേശ സ്ഥാപന സെക്രട്ടറിമാർക്കാണ് ചിഴചുമത്താനുള്ള അധികാരം. ഓർഡിനൻസ് പ്രകാരം യൂസർ ഫീ നൽകുന്നതിൽ വീഴ്ച വരുത്തിയാൽ, പ്രതിമാസം അമ്പത് ശതമാനം പിഴയോടു കൂടി പൊതുനികുതി കുടിശ്ശികയായി ഈടാക്കും. യൂസർ ഫീ അടയ്ക്കാത്ത വ്യക്തിക്ക് അത് അടയ്ക്കുന്നതുവരെ തദ്ദേശ സ്ഥാപനത്തിൽ നിന്നുള്ള സേവനം നിരസിക്കാം. അതേ സമയം തദ്ദേശ സ്ഥാപനത്തിന് സർക്കാർ മാർഗ്ഗ നിർദ്ദേശങ്ങൾക്കനുസൃതമായി ഉചിതമെന്ന് തോന്നുന്ന വിഭാഗങ്ങളെ യൂസർ ഫീയിൽ നിന്നും ഒഴിവാക്കാം.

മാലിന്യ സംസ്‌കരണ ലംഘനങ്ങളുമായി ബന്ധപ്പെട്ട പിഴത്തുക, മാലിന്യ സംസ്‌ക്കരണ പ്രവർത്തനങ്ങൾക്കായി ലഭിച്ച സിഎസ്ആർ സംഭാവനകൾ, സ്‌പോൺസർഷിപ്പ് തുകകൾ, മറ്റേതെങ്കിലും സംഭാവനകൾ, സർക്കാർ നിർദ്ദേശിക്കുന്ന മറ്റേതെങ്കിലും തുകകൾ എന്നിവ പ്രത്യേക ഫണ്ടിലേക്ക് നിക്ഷേപിക്കണം. മാലിന്യ സംസ്‌കരണവുമായി ബന്ധപ്പെട്ട സർക്കാർ ഉത്തരവുകൾ നടപ്പിലാക്കാത്ത തദ്ദേശ സ്ഥാപനങ്ങൾക്ക് സർക്കാർ പിഴ ചുമത്തും. സംസ്ഥാനത്ത് 100ൽ കൂടുതൽ ആളുകൾ ഒത്തുചേരുന്ന പരിപാടികൾ മൂന്ന് ദിവസം മുൻപെങ്കിലും ഗ്രാമ പഞ്ചായത്തിൽ അറിയിക്കണം. മാലിന്യ സംസ്‌ക്കരണവുമായി ബന്ധപ്പെട്ട് ഏതെങ്കിലും കുറ്റം നടന്നതായി സെക്രട്ടറിയെ രേഖാമൂലം അറിയിക്കുന്നവർക്ക് പാരിതോഷികം നൽകും.

മാലിന്യ സംസ്‌കരണ കേന്ദ്രങ്ങൾ പ്രോത്സാഹിപ്പിക്കുന്നതിന്റെ ഭാഗമായി ഇത്തരം കേന്ദ്രങ്ങളുടെ സമീപത്ത് താമസിക്കുന്ന ജനങ്ങൾക്ക് കെട്ടിട നികുതി ഒഴിവാക്കൽ, ഇളവുകൾ, ക്ഷേമ പദ്ധതികൾ ലഭ്യമാക്കൽ മുതലായ പ്രോത്സാഹനങ്ങൾ തദ്ദേശ സ്ഥാപനത്തിന് നൽകാമെന്ന് ഓർഡിനൻസിൽ വ്യവസ്ഥയുണ്ട്.

ഇവരുടെ വാഹനത്തില്‍ കൊണ്ടു വന്ന മാലിന്യം, കൊച്ചി കോര്‍പ്പറേഷനിലെ ചമ്പോക്കടവ് പാലത്തിന് സമീപം തള്ളുകയായിരുന്നു. ഇത് കൗണ്‍സിലറുടെയും, നൈറ്റ് സ്‌ക്വാഡിന്റെയും, ആരോഗ്യവിഭാഗം ഉദ്യോഗസ്ഥരുടെയും നേതൃത്വത്തില്‍ പിടികൂടി.

മേയറുടെ നിര്‍ദ്ദേശപ്രകാരം, മാലിന്യ നിക്ഷേപം നടത്തിയ ഏജന്‍സിക്കെതിരെ ഹെല്‍ത്ത് ഓഫീസര്‍ രണ്ടുലക്ഷം രൂപ പിഴ ചുമത്തി. കൂടാതെ നിക്ഷേപിച്ച മാലിന്യം വേര്‍തിരിച്ച് ശേഖരിച്ച് കൊണ്ട് പോകുന്നതിനും നിര്‍ദ്ദേശം നല്‍കി. മാലിന്യം നിക്ഷേപിക്കുന്നവര്‍ക്കെതിരെ കര്‍ശന നടപടി സ്വീകരിക്കുമെന്ന് മേയര്‍ അറിയിച്ചു.

ഭരണസമിതി മാലിന്യസംസ്‌കരണം കൃത്യമായി നടത്തുന്നില്ലെന്ന് ആരോപിച്ച് എല്‍.ഡി.എഫ് പ്രവര്‍ത്തകര്‍ സമരം നടത്തിയിരുന്നു. ഇതിനു പിന്നാലെയാണ് ചാക്കുകളില്‍ എത്തിച്ച മാലിന്യം പഞ്ചായത്ത് പ്രസിഡന്റിന്റെ ഓഫീസിനു മുന്നില്‍ വിതറിയത്. ഇതോടെ നേരിയ സംഘര്‍ഷത്തിലേക്ക് കടന്നെങ്കിലും പൊലീസെത്തി സ്ഥിതി ശാന്തമാക്കി.

അതേസമയം, പഞ്ചായത്ത് ഓഫീസിലെ ജീവനക്കാരന്‍ സമരക്കാര്‍ക്ക് നേരെ മാലിന്യം വലിച്ചെറിഞ്ഞെന്നും ഇതില്‍ പ്രകോപിതരായ പ്രവര്‍ത്തകരാണ് ഓഫീസിന് മുന്നില്‍ മാലിന്യം വിതറിയതെന്നുമാണ് എല്‍.ഡി.എഫിന്റെ വിശദീകരണം.

ക്യാമ്പസ് വാസികളുടെ പരാതികളുടെ അടിസ്ഥാനത്തില്‍ പഞ്ചായത്ത് പ്രസിഡന്റ് ടി. വിജിത്ത്, സ്ഥിരംസമിതി അധ്യക്ഷരായ എം. സുലൈമാന്‍, പിയൂഷ് അണ്ടിശ്ശേരി എന്നിവരുടെ നേതൃത്വത്തില്‍ നടന്ന പരിശോധനയില്‍ പത്തോളം സ്ഥലങ്ങളിലാണ് മാലിന്യക്കൂന കണ്ടെത്തിയത്. ഇതുസംബന്ധിച്ച് കേസുമെടുത്തു.

കൂടാതെ പരിശോധനാസമയത്ത് സര്‍വകലാശാലാ ജീവനക്കാരന്‍ മാലിന്യം തള്ളുന്നത് കൈയോടെ പിടിക്കുകയും ചെയ്തു. സര്‍വകലാശാലാ ക്വാര്‍ട്ടേഴ്സുകളില്‍ താമസിക്കുന്നവര്‍ക്ക് അജൈവ മാലിന്യങ്ങള്‍ സംസ്‌കരിക്കാന്‍ സംവിധാനമില്ലാത്തതു കൊണ്ടാണ് ക്യാമ്പസില്‍ മാലിന്യം തള്ളേണ്ടിവരുന്നതെന്നും ഇതു വലിയ പ്രതിസന്ധിയാണെന്നും സര്‍വകലാശാലാ ജീവനക്കാര്‍ പഞ്ചായത്തധികൃതരെ അറിയിച്ചു.

പഞ്ചായത്തും സര്‍വകലാശാലാ ജീവനക്കാരും നിരന്തരം ആവശ്യപ്പെട്ടിട്ടും സര്‍വകലാശാല ഇക്കാര്യത്തില്‍ നടപടികളൊന്നും സ്വീകരിച്ചിട്ടില്ല. ഭക്ഷ്യവിഷബാധയെത്തുടര്‍ന്ന് ലേഡീസ് ഹോസ്റ്റല്‍ കാന്റീനില്‍ പരിശോധന നടത്തിയപ്പോഴും മാലിന്യം അലക്ഷ്യമായി കൈകാര്യംചെയ്യുന്നതു കണ്ടെത്തിയിരുന്നു. അഴുക്കുജലം തുറന്ന ഓടയിലൂടെ ഒഴുക്കിവിടുകയാണെന്നും കണ്ടെത്തിയതാണ്.