wateraccident – Chandrika Daily

തൃശൂര്‍ പുത്തൂരിനടുത്ത് കൈനൂർ ചിറയിൽ നാല് വിദ്യാർത്ഥികൾ മുങ്ങിമരിച്ചു

webdesk15 — Mon, 16 Oct 2023 11:03:56 +0000

തൃശൂര്‍ പുത്തൂരിനടുത്ത് കൈനൂർ ചിറയിൽ നാല് വിദ്യാർത്ഥികൾ മുങ്ങിമരിച്ചു. അബി ജോണ്‍, അര്‍ജുന്‍ അലോഷ്യസ്, നിവേദ് കൃഷ്ണ, സിയാദ് ഹുസൈന്‍ എന്നിവരാണ് മരിച്ചത്. അബി ജോൺ സെന്റ് എൽത്തുരത്ത് സെന്റ് അലോഷ്യസ് കോളേജിലെ ഡിഗ്രി വിദ്യാർത്ഥിയും മറ്റുള്ളവർ തൃശൂർ സെന്റ് തോമസ് കോളേജിലെ ബിരുദ വിദ്യാർത്ഥികളുമാണ്. ഇന്ന് ഉച്ചയ്ക്ക് രണ്ടര മണിയോടെയാണ് അപകടമുണ്ടായതെന്ന് എന്നാണ് പൊലീസ് പറഞ്ഞു.മൃതദേഹങ്ങള്‍ തൃശൂർ ജില്ലാ ആശുപത്രിയിലേക്ക് മാറ്റി.

തൃശൂരിൽ വെള്ളക്കെട്ടിൽ വീണ് രണ്ടര വയസ്സുകാരി മുങ്ങിമരിച്ചു

webdesk15 — Fri, 07 Jul 2023 07:10:33 +0000

തൃശൂർ പുന്നയൂർക്കുളത്ത് രണ്ടര വയസ്സുകാരി വീടിനോട് ചേർന്നുള്ള തോട്ടിലെ വെള്ളക്കെട്ടിൽ വീണ് മരിച്ചു.ചമ്മന്നൂർ പാലയ്ക്കൽ വീട്ടിൽ സനീഷ് – വിശ്വനി ദമ്പതികളുടെ മകൾ അതിഥിയാണ് അപകടത്തിൽ പെട്ടത്

ആര്യനാട് കുളത്തിൽ കുളിക്കാനിറങ്ങിയ വിദ്യാർത്ഥി മുങ്ങിമരിച്ചു

webdesk15 — Thu, 06 Jul 2023 10:53:02 +0000

തിരുവനന്തപുരം ആര്യനാട് മലയടിയിൽ കുളത്തിൽ കുളിക്കാനിറങ്ങിയ വിദ്യാർത്ഥി മുങ്ങിമരിച്ചു.വിതുര ഹയർ സെക്കൻഡറി സ്കൂളിലെ 10-ാം ക്ലാസ് വിദ്യാർത്ഥി മലയടി നിരപ്പിൽ വീട്ടിൽ അക്ഷയ്(15) ആണ് മരിച്ചത്.രാവിലെ വീട്ടിൽ നിന്ന് കുളിക്കാനിറങ്ങിയ മകനെ കാണാത്തതിനെത്തുടർന്ന് അന്വേഷിച്ചു ചെന്ന അമ്മയാണ് മകൻ വെള്ളത്തിൽ മുങ്ങികിടക്കുന്നത് കണ്ടത്. ഉടൻ വിതുര താലൂക്ക് ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല.

പെരുന്നാളിന് ബന്ധുവീട്ടിൽ പോയ സഹോദരന്മാർ പള്ളിക്കുളത്തിൽ മുങ്ങിമരിച്ചു

webdesk15 — Sat, 01 Jul 2023 11:00:10 +0000

കാസർഗോഡ് കുമ്പളയിൽ സഹോദരന്മാർ പള്ളിക്കുളത്തിൽ മുങ്ങിമരിച്ചു.മഞ്ചേശ്വരം സ്വദേശി ഖാദർ- നസീമ ദമ്പതികളുടെ മക്കളായ നവാൽ റഹ്‌മാൻ (21), നാസിൽ (17) എന്നിവരാണ് മരിച്ചത്.മൊഗ്രാൽ കൊപ്പളം വലിയ ജുമ മസ്ജിദ് കുളത്തിലാണ് കുളിക്കുന്നതിനിടെ സഹോദരങ്ങൾ അപകടത്തിൽ പെട്ടത്.ബലി പെരുന്നാളിനോട് അനുബന്ധിച്ച് മൊഗ്രാലിൽ ബന്ധു വീട്ടിലെത്തിയതായിരുന്നു ഇവർ.

കണ്ണൂരിൽ വിദ്യാർത്ഥി കുളത്തിൽ മുങ്ങി മരിച്ചു

webdesk15 — Sat, 24 Jun 2023 01:23:09 +0000

കണ്ണൂർ മമ്പറത്തിനടുത്ത് കുളിക്കുന്നതിനിടെ വിദ്യാർത്ഥി കുളത്തിൽ മുങ്ങി മരിച്ചു.പൊയനാട്ടെ പതിനൊന്ന് വയസ്സുകാരൻ അമീൻ ആണ് മരിച്ചത് ഇന്നലെ വൈകീട്ട് വീട്ടിനടുത്തെ കുളത്തിൽ ആണ് അപകടം.പാതിരിയാട് കോട്ടയം രാജാസ് ഹൈസ്കൂൾ ആറാം ക്ലാസ്സ് വിദ്യാർഥിയാണ്.

വയനാട്ടിൽ വിനോദയാത്രക്കിടെ ഒഴുക്കില്‍പ്പെട്ട് ചികിത്സയിലായിരുന്ന വിദ്യാർത്ഥി മരിച്ചു

webdesk15 — Tue, 06 Jun 2023 06:06:59 +0000

വിനോദയാത്രക്കിടെ വയനാട്ടിൽ ഒഴുക്കില്‍പ്പെട്ട് ചികിത്സയിലായിരുന്ന വിദ്യാർത്ഥി മരിച്ചു. ഇരിങ്ങാലക്കുട തുറവന്‍കുന്ന് ചുങ്കത്ത് വീട്ടില്‍ ജോസിന്റെ മകന്‍ ഡോണ്‍ ഡ്രേഷ്യസ് (15) ആണ് മരിച്ചത്. ഇക്കഴിഞ്ഞ 31ന് വയനാട്ടിലെ ചൂരമലയിലെ കാട്ടപ്പാടി പുഴയിലായിരുന്നു അപകടം.കഴിഞ്ഞ ദിവസം രാത്രിയാണ് ഡോണിന് മസ്തിഷ്ക മരണം സ്ഥിരീകരിച്ചത് കാല്‍ തെന്നി ഡോണും മറ്റ് രണ്ടും പേരും പെട്ടന്ന് പുഴയിലെ കുഴിയിലേക്ക് വീഴുകയായിരുന്നു. തുടർന്ന് നാട്ടുകാരാണ് രക്ഷപ്പെടുത്തി ആശുപത്രിയിലെത്തിച്ചത്.