കഴിഞ്ഞ ദിവസം ഗാംഗുലി ബംഗാള്‍ ഗവര്‍ണര്‍ ജഗ്ദീപ് ധന്‍കറിനെ രാജ്ഭവനിലെത്തി സന്ദര്‍ശിച്ചതിനെ തുടര്‍ന്നാണ് അദ്ദേഹം ബിജെപിയില്‍ ചേരുമെന്ന അഭ്യൂഹം ശക്തമായത്. ബംഗാളിലെ പ്രാദേശിക മാധ്യമങ്ങളാണ് ഇക്കാര്യം റിപ്പോര്‍ട്ട് ചെയ്തത്. അതേസമയം നേരത്തെയും ഗാംഗുലി ബിജെപിയിലെത്തുമെന്ന വാര്‍ത്തകളുണ്ടായിരുന്നു. അപ്പോഴെല്ലാം അദ്ദേഹം അത് നിരസിക്കുകയായിരുന്നു. ലോക്‌സഭാ തെരഞ്ഞെടുപ്പില്‍ ബിജെപി നേട്ടം കൊയ്ത സാഹചര്യത്തില്‍ ഗാംഗുലി തീരുമാനം മാറ്റിയോ എന്നാണ് രാഷ്ട്രീയ നിരീക്ഷകര്‍ ഉറ്റുനോക്കുന്നത്.

നിയമസഭാ തെരഞ്ഞെടുപ്പ് അടുത്തുവരുമ്പോള്‍ ബംഗാള്‍ രാഷ്ട്രീയം ആകെ കലങ്ങി മറിയുകയാണ്. പ്രമുഖരായ തൃണമൂല്‍ നേതാക്കളെയെല്ലാം ബിജെപി പാളയത്തിലെത്തിക്കാനുള്ള നീക്കത്തിലാണ് അമിത് ഷാ. മമതയുടെ വിശ്വസ്തരുമായി അമിത് ഷാ ശക്തമായ വിലപേശല്‍ നടത്തുന്നതായാണ് വിവരം. നിരവധി തൃണമൂല്‍ നേതാക്കളാണ് ഇതിനകം ബിജെപിയിലെത്തിയത്. അതിനിടെ മുസ് ലിം വോട്ടുബാങ്ക് ലക്ഷ്യമിട്ട് ഉവൈസി കൂടി എത്തുന്നതോടെ ബംഗാള്‍ രാഷ്ട്രീയം എന്താകുമെന്ന കാര്യത്തില്‍ വലിയ അനിശ്ചിതത്വമാണ് നിലനില്‍ക്കുന്നത്.

‘ബിജെപിക്ക് ധൈര്യമുണ്ടെങ്കില്‍ അവര്‍ എന്നെ അറസ്റ്റു ചെയ്യട്ടെ. തെരഞ്ഞെടുപ്പില്‍ ജയിലിലിരുന്ന് ഞാന്‍ തൃണമൂല്‍ കോണ്‍ഗ്രസിന്റെ ജയം ഉറപ്പുവരുത്തും’ – ബാങ്കുരയില്‍ സംഘടിപ്പിച്ച റാലിയില്‍ മമത പറഞ്ഞു. ബിജെപി തൃണമൂല്‍ എംഎല്‍എമാരെ ചാക്കിട്ടു പിടിക്കാന്‍ ശ്രമിക്കുകയാണ് എന്നും അവര്‍ കുറ്റപ്പെടുത്തി.

ബംഗാളില്‍ അധികാരം ലക്ഷ്യമിട്ട് ബിജെപി പ്രവര്‍ത്തനം തുടങ്ങിയ സാഹചര്യത്തിലാണ് മമതയുടെ വിമര്‍ശനങ്ങള്‍. കോവിഡ് മഹാമാരിക്കിടെ കേന്ദ്രസര്‍ക്കാര്‍ സംസ്ഥാനത്തിന് ഒരു സാമ്പത്തിക സഹായവും നല്‍കിയില്ലെന്ന് ചൊവ്വാഴ്ച അവര്‍ കുറ്റപ്പെടുത്തിയിരുന്നു.

കോവിഡ് ചികിത്സയ്ക്കായി 4500 കോടി രൂപയാണ് സംസ്ഥാന സര്‍ക്കാര്‍ ചെലവഴിച്ചത്. ചെലവഴിച്ച ഓരോ പൈസക്കും താന്‍ ഉത്തരവാദിയാണ്. അത് പൊതുജനങ്ങളുടെ പണമാണ്. സംസ്ഥാനത്തിന് പരിമിതികളുണ്ട്. കേന്ദ്രം സഹായം തന്നില്ലെന്ന് മാത്രമല്ല, തങ്ങളുടെ പ്രവര്‍ത്തനങ്ങള്‍ക്ക് തടയിടുകയും ചെയ്തു- അവര്‍ ആരോപിച്ചു.

അമിത് ഷാ അടക്കമുള്ള ബിജെപി നേതാക്കളുടെ ഇടയ്ക്കിടെയുള്ള സംസ്ഥാന സന്ദര്‍ശനത്തെ അവര്‍ വിമര്‍ശിച്ചു. ഇവിടെ രാഷ്ട്രീയം കളിക്കാനാണ് അവര്‍ വരുന്നത്. പഞ്ചനക്ഷത്ര ഹോട്ടലില്‍നിന്ന് ഭക്ഷണം കഴിച്ചിട്ട് (അമിത് ഷാ) ബാക്കി കഴിക്കാന്‍ ഗോത്രവിഭാഗക്കാരുടെ വീടുകളില്‍ എത്തുകയാണ്’ – അവര്‍ കുറ്റപ്പെടുത്തി.

ഇന്ത്യയുടെ മറ്റു ഭാഗങ്ങളില്‍ നിന്നുള്ളവരെ തൃണമൂല്‍ സര്‍ക്കാര്‍ സ്വാഗതം ചെയ്യുന്നില്ല എന്നും ബംഗ്ലാദേശികളെ ഇരുകൈയും നീട്ടി സ്വീകരിക്കുകയാണ് എന്നും കഴിഞ്ഞ ദിവസം ബിജെപി ആരോപിച്ചിരുന്നു. ഇതിനെതിരെയാണ് മമതയുടെ പ്രതികരണം. പോസ്റ്റ ബസാറില്‍ ജഗതാത്രി പൂജ പരിപാടി ഉദ്ഘാടനം ചെയ്തു സംസാരിക്കുകയായിരുന്നു അവര്‍.

‘നമ്മുടെ സംസ്ഥാനത്ത് പുറത്തു നിന്നുള്ള ചില ഗുണ്ടകള്‍ നിങ്ങളെ ഭീകരരാക്കും. അവര്‍ക്കെതിരെ ഒരുമിച്ചു നിന്ന് പൊരുതണം. നിങ്ങള്‍ക്കൊപ്പം ഞാനുണ്ടാകുമെന്ന് വാഗ്ദാനം ചെയ്യുന്നു. നമ്മള്‍ സമാധാനത്തിലാണ് വിശ്വസിക്കുന്നത്. എന്നാല്‍ ചിലര്‍ വരുന്നത് മറ്റുള്ളവരെ ഭീകരരാക്കാന്‍ വേണ്ടിയാണ്. അവരെ ഇവിടെ സൈര്യവിഹാരം നടത്താന്‍ അനുവദിച്ചു കൂടാ’ – അവര്‍ പറഞ്ഞു.

അതേസമയം, സംസ്ഥാനത്ത് ബിജെപിയുടെ വളര്‍ച്ച കണ്ടുള്ള മമതയുടെ ഇച്ഛാഭംഗമാണ് ഈ പ്രസ്താവന എന്ന് ബിജെപി ദേശീയ ജനറല്‍ സെക്രട്ടറി കൈലാഷ് വിജയവാര്‍ഗിയ പറഞ്ഞു.

നേരത്തെ, ബിജെപി ദേശീയ അധ്യക്ഷന്‍ ജെപി നദ്ദയും ഇതേ കാര്യം ഉന്നയിച്ചിരുന്നു. ഇതോടെ സംസ്ഥാന തെരഞ്ഞെടുപ്പില്‍ പൗരത്വ ഭേദഗതി നിയമം ചൂടേറിയ പ്രചാരണ വിഷയമാകുമെന്ന് ഉറപ്പായി. തദ്ദേശീയര്‍ക്കിടയില്‍ ബംഗാളി കുടിയേറ്റ തൊഴിലാളികള്‍ക്കെതിരെ വികാരമുണ്ടാക്കാനാണ് പാര്‍ട്ടി ലക്ഷ്യമിടുന്നത്. ബംഗ്ലാദേശിനോട് ചേര്‍ന്നു കിടക്കുന്ന അതിര്‍ത്തി പ്രദേശങ്ങളില്‍ ഈ പ്രചാരണം വോട്ടാക്കി മാറ്റാം എന്നാണ് ബിജെപിയുടെ കണക്കു കൂട്ടല്‍.

സംസ്ഥാനത്തെ തൃണമൂല്‍ സര്‍ക്കാറിനെയും അമിത് ഷാ നിശിതമായി വിമര്‍ശിച്ചു. പത്തു വര്‍ഷമായി സംസ്ഥാനത്തെ ജനങ്ങളുടെ പ്രതീക്ഷയ്‌ക്കൊത്ത് ഉയരാന്‍ തൃണമൂല്‍ കോണ്‍ഗ്രസിനും മുഖ്യമന്ത്രിക്കും കഴിഞ്ഞില്ല. അവരുടെ വാഗ്ദാനങ്ങള്‍ സാക്ഷാത്കരിക്കപ്പെട്ടിട്ടില്ല. പ്രതീക്ഷകള്‍ ഭരണകക്ഷിക്കെതിരെയുള്ള ദേഷ്യമായി മാറിയിരിക്കുകയാണ്- ഷാ ആരോപിച്ചു.

തെരഞ്ഞെടുപ്പിന് മുമ്പോടിയായുള്ള ദ്വിദിന സന്ദര്‍ശനത്തിനാണ് അമിത് ഷാ സംസ്ഥാനത്തെത്തിയത്. ബിജെപി ദേശീയ ജനറല്‍ സെക്രട്ടറി കൈലാഷ് വിജയവര്‍ഗിയ, ദേശീയ ഉപാധ്യക്ഷന്‍ മുകുള്‍ റോയ്, പാര്‍ട്ടി അധ്യക്ഷന്‍ ദിലീപ് ഘോഷ് എന്നിവര്‍ ഷാക്ക് ഒപ്പമുണ്ട്. ഏപ്രില്‍-മെയ് മാസത്തിലായിരിക്കും സംസ്ഥാന നിയമസഭാ തെരഞ്ഞെടുപ്പ്.

കേരളം, പശ്ചിമബംഗാള്‍, തമിഴ്‌നാട്, അസം എന്നീ സംസ്ഥാനങ്ങളില്‍ അടുത്തവര്‍ഷം തെരഞ്ഞെടുപ്പ് നടക്കാനിരിക്കുന്നതിനാല്‍ സിപിഎമ്മിന്റെ തയ്യാറെടുപ്പ് പിബി യോഗത്തില്‍ ആരംഭിച്ചു. തെരഞ്ഞെടുപ്പ് സമീപനരേഖ തയ്യാറാക്കി കേന്ദ്രകമ്മിറ്റിയോഗത്തില്‍ അവതരിപ്പിക്കാനാണ് തീരുമാനം. സംസ്ഥാന ഘടകങ്ങള്‍ പ്രത്യേക റിപ്പോര്‍ട്ട് സമര്‍പ്പിക്കും. പിബിയുടെ കരടുരേഖയും സംസ്ഥാനങ്ങളുടെ റിപ്പോര്‍ട്ടും കേന്ദ്രകമ്മിറ്റി വിശദമായി ചര്‍ച്ച ചെയ്ത ശേഷം തീരുമാനമുണ്ടാകും.

ഒന്നിച്ചു മത്സരിക്കാന്‍ ധാരണയായതിന്റെ അടിസ്ഥാനത്തില്‍ ബംഗാളില്‍ ഇടതുമുന്നണി-കോണ്‍ഗ്രസ് നേതാക്കള്‍ മൂന്നുമാസം മുമ്പ് യോഗം ചേര്‍ന്ന് പൊതുമിനിമം പരിപാടി തയ്യാറാക്കാന്‍ തീരുമാനിച്ചിരുന്നു. ജൂണ്‍ 29-ന് ഇന്ധന വിലവര്‍ധനവിനെതിരെയുള്ള പ്രക്ഷോഭത്തിലും കോണ്‍ഗ്രസും ഇടതുപാര്‍ട്ടികളും കൈകോര്‍ത്തു.

കഴിഞ്ഞ നിയമസഭാ തെരഞ്ഞെടുപ്പില്‍ കോണ്‍ഗ്രസുമായി ധാരണയിലാണ് സിപിഎം മത്സരിച്ചതെങ്കിലും ഫലമുണ്ടായില്ല. ഈ സഖ്യം പിന്നീട് സിപിഎം കേന്ദ്രകമ്മിറ്റി തള്ളുകയും ചെയ്തു. എന്നാല്‍ ബിജെപിയെ തോല്‍പ്പിക്കാനുള്ള പാര്‍ട്ടി കോണ്‍ഗ്രസ് പ്രഖ്യാപനത്തെ തുടര്‍ന്ന് ലോക്‌സഭാ തെരഞ്ഞെടുപ്പില്‍ ഇരുപാര്‍ട്ടികളും ധാരണയ്ക്കു ശ്രമിച്ചു. പക്ഷേ സീറ്റുകളെച്ചൊല്ലിയുള്ള തര്‍ക്കത്തില്‍ സഖ്യം യാഥാര്‍ത്ഥ്യമായില്ല.

’12 വര്‍ഷമായി ഞങ്ങള്‍ ബിജെപിയെ പിന്തുണയ്ക്കുന്നു. എന്നാല്‍ ഞങ്ങളുടെ ആവശ്യങ്ങളും ഉറപ്പുകളും പാലിക്കപ്പെട്ടില്ല. വാഗ്ദാനങ്ങള്‍ യാഥാര്‍ത്ഥ്യമായില്ല. 2021ലെ നിയമസഭാ തെരഞ്ഞെടുപ്പില്‍ മമത ബാനര്‍ജിയെ പിന്തുണയ്ക്കുമെന്ന് ഞാന്‍ പ്രഖ്യാപിക്കുന്നു. എന്‍ഡിഎയെ ഒരുകാലത്തും ഇനി പിന്തുണയ്ക്കില്ല’ – കൊല്‍ക്കത്തയില്‍ വിളിച്ചു ചേര്‍ത്ത പത്ര സമ്മേളനത്തില്‍ അദ്ദേഹം വ്യക്തമാക്കി.

പ്രത്യേക ഗൂര്‍ഖാലാന്‍ഡിനു വേണ്ടി പ്രക്ഷോഭം ചെയ്യുന്ന കക്ഷിയാണ് ജെജിഎം. ഗുരുങ്ങിനെതിരെ യുഎപിഎ അടക്കം 150 ഓളം കേസുകളുണ്ട്. എന്നാല്‍ സാല്‍ട്ട് ലേക്കിലെ ഗൂര്‍ഖ ഭവനില്‍ നടത്തിയ പത്ര സമ്മേളനത്തില്‍ പൊലീസ് ഹാജരായിരുന്നിട്ടും അദ്ദേഹത്തെ അറസ്റ്റു ചെയ്തില്ല.

2017ലെ ഡാര്‍ജിലിങ് പ്രക്ഷോഭത്തിന് ശേഷം ആദ്യമായാണ് ഗുരുങ് പൊതുവേദിയില്‍ പ്രത്യക്ഷപ്പെടുന്നത്. അറസ്റ്റ് ഒഴിവാക്കാന്‍ ഇതുവരെ ഒളിവില്‍ കഴിയുകയായിരുന്നു അദ്ദേഹം. പൊലീസ് പ്രത്യേക സിഐഡികളും ഇദ്ദേഹത്തിനായി പലയിടങ്ങളില്‍ വല വീശിയിരുന്നു എങ്കിലും അദ്ദേഹം രക്ഷപ്പെടുകയായിരുന്നു.

പ്രത്യേക ഗൂര്‍ഖാലാന്‍ഡ് ആവശ്യം ഉന്നയിച്ച് 2017 ജൂലൈ-സെപ്തംബര്‍ കാലയളവില്‍ 104 ദിവസം ബന്ദ് ആചരിച്ചിരുന്നു. ഇതിനിടെയുണ്ടായിരുന്ന സംഘര്‍ഷത്തില്‍ രണ്ട് പൊലീസുകാര്‍ അടക്കം 13 പേരാണ് കൊല്ലപ്പെട്ടിരുന്നത്.

ഡാര്‍ജിലിങ് അടക്കമുള്ള പ്രദേശങ്ങളില്‍ വന്‍ സ്വാധീനമുള്ള കക്ഷിയാണ് ജെജിഎം. 2011ലെ നിയമസഭാ തെരഞ്ഞെടുപ്പില്‍ ഡാര്‍ജിലിങ് ഹില്‍സിലെ മൂന്ന് മണ്ഡലങ്ങളിലാണ് പാര്‍ട്ടി ജയിച്ചിരുന്നത്.

മുന്‍വൈരം മറന്ന് മമതബാനര്‍ജിയുടെ തൃണമൂല്‍ കോണ്‍ഗ്രസിനും ബിജെപിക്കും എതിരെ ഒന്നിക്കുകയാണ് ഇരുപക്ഷവും. മൂന്നാം ബദല്‍ എന്ന രീതിയിലാണ് സഖ്യം പ്രവര്‍ത്തിക്കുക. ആശയക്കുഴപ്പങ്ങള്‍ ഒഴിവാക്കാനായാണ് തുടക്കത്തില്‍ തന്നെ ഇരുകക്ഷികളും ചര്‍ച്ചകള്‍ ആരംഭിക്കുന്നത്.

2016ല്‍ കോണ്‍ഗ്രസും ഇടതുകക്ഷികളും സീറ്റു വിഭജന ചര്‍ച്ചകളുമായി മുമ്പോട്ടു പോയെങ്കിലും ഫലപ്രാപ്തിയില്‍ എത്തിയിരുന്നില്ല. 2019ലെ ലോക്‌സഭാ തെരഞ്ഞെടുപ്പിലും ആശയക്കുഴപ്പങ്ങള്‍ സഖ്യസാധ്യത തകര്‍ത്തു.

സഖ്യവുമായി ബന്ധപ്പെട്ട് ഇരുകക്ഷികളും ഏകോപന സമിതി രൂപീകരിച്ചിട്ടുണ്ട്. പ്രദീപ് ഭട്ടാചാര്യ എംപിയാണ് ഇതിന്റെ ചെയര്‍മാന്‍. ചര്‍ച്ചകള്‍ എത്രയും വേഗം ആരംഭിക്കണമെന്ന് ഈയിടെ ഇടതുമുന്നണി ചെയര്‍മാന്‍ ബിമന്‍ ബോസ് അധിര്‍ രഞ്ജന്‍ ചൗധരിയോട് ആവശ്യപ്പെട്ടിരുന്നു.

2019ലെ ലോക്‌സഭാ തെരഞ്ഞെടുപ്പില്‍ രണ്ടു സീറ്റാണ് കോണ്‍ഗ്രസ് നേടിയിരുന്നത്. സിപിഎമ്മിന് സീറ്റൊന്നും ലഭിച്ചില്ല. തൃണമൂല്‍ കോണ്‍ഗ്രസ് 22 ഇടത്തും ബിജെപി 18 ഇടത്തം വിജയം കണ്ടു.