westbengalelection – Chandrika Daily

ബംഗാളില്‍ തൃണമൂല്‍ തരംഗം; ബിജെപി വളരെ പിന്നിൽ

webdesk15 — Wed, 12 Jul 2023 03:41:36 +0000

ബംഗാൾ പഞ്ചായത്ത് തെരഞ്ഞെടുപ്പിൽ വലിയ മുന്നേറ്റം തുടർന്ന് ഭരണകക്ഷിയായ തൃണമൂൽ കോൺഗ്രസ്. ഫലം പുറത്ത് വന്ന 28,985 സീറ്റുകളിൽ പാർട്ടി ജയിച്ചു. 1,540 ഇടത്ത് ലീഡ് ചെയ്യുന്നു. ബിജെപി സീറ്റുകളിൽ വളരെ പിറകിലാണ് 7,764 സീറ്റുകളിലാണ് ബിജെപി ഇത് വരെ ജയിച്ചത്.2,409 സീറ്റുകളിൽ സിപിഎമ്മും കോൺഗ്രസ് 2,022 സീറ്റുകളിലും ജയിച്ചു.. 77 ജില്ലാ പഞ്ചായത്ത് സീറ്റുകളിൽ തൃണമൂൽ സ്ഥാനാർത്ഥികൾ വിജയം ഉറപ്പിച്ചു.. 63,229 ഗ്രാമപഞ്ചായത്ത് സീറ്റുകലേക്കും 9,730 പഞ്ചായത്ത് സമിതി സീറ്റുകളിലെക്കും 928 ജില്ല പരിഷത് സീറ്റുകളിലേക്കുമാണ് തെരഞ്ഞെടുപ്പ് നടന്നത് .ഇന്ന് വൈകീട്ടോടെ മുഴുവൻ സ്ഥലങ്ങളിലെയും വോട്ടെണ്ണൽ പൂർത്തിയാകും.

പശ്ചിമ ബംഗാളിൽ തൃണമൂല്‍ കോണ്‍ഗ്രസിന് ലീഡ് : വോട്ടെണ്ണൽ കേന്ദ്രത്തിന് നേരെ ബോംബേറ്

webdesk15 — Tue, 11 Jul 2023 08:30:14 +0000

പശ്ചിമ ബംഗാളിലെ പഞ്ചായത്ത് തെരഞ്ഞെടുപ്പിലെ വോട്ടെണ്ണല്‍ പുരോഗമിക്കുമ്പോള്‍ 9108 വാർഡിൽ തൃണമൂല്‍ കോണ്‍ഗ്രസ് ലീഡ് ചെയ്യുന്നു. സിപിഎം 343 , കോൺഗ്രസ് 146, ബിജെപി 371 മറ്റുള്ളവർ 136 എന്നിങ്ങനെയാണ് ലീഡ് നില. പശ്ചിമ ബംഗാൾ പഞ്ചായത്ത് തെരഞ്ഞെടുപ്പിൽ വോട്ടെണ്ണൽ ദിനത്തിലും സംഘർഷമുണ്ടായി . ഡയമണ്ട് ഹാര്‍ബറിലെ വോട്ടെണ്ണല്‍ ബൂത്തിന് നേരെ ആക്രമികൾ ബോംബെറിഞ്ഞു., തൃണമൂല്‍ പ്രവര്‍ത്തകരാണ് ബോംബേറ് നടത്തിയതെന്ന് സിപിഎം പ്രവര്‍ത്തകര്‍ ആരോപിച്ചു.

ബംഗാളില്‍ റീപോളിംഗ് പുരോഗമിക്കുന്നു ; ഒറ്റപ്പെട്ടയിടങ്ങളില്‍ സംഘര്‍ഷം

webdesk15 — Mon, 10 Jul 2023 06:53:25 +0000

പശ്ചിമബംഗാള്‍ പഞ്ചായത്ത് റീ പോളിംഗ് പുരോഗമിക്കുന്നതിനിടെ ഒറ്റപ്പെട്ടയിടങ്ങളിൽ സംഘര്‍ഷങ്ങൾ റിപ്പോർട്ട് ചെയ്തു.ബിജെപിക്കാർ തങ്ങളുടെ പ്രവര്‍ത്തകനെ ക്രൂരമായി മര്‍ദ്ദിച്ചെന്നാരോപിച്ച് തൃണമൂല്‍ കോണ്‍ഗ്രസ് രംഗത്തെത്തി. താലുക്ക് പ്രസിഡന്റ് ചഞ്ചല്‍ ഖന്നയെ ആക്രമിക്കുകയും അദ്ദേഹത്തിന്റെ വാഹനം അഗ്നിക്കിരയാക്കിയെന്നുമാണ് തൃണമൂല്‍ ആരോപണം.സംസ്ഥാനത്തെ 679 ബൂത്തിലാണ് ഇന്ന് റീപോളിംഗ് നടക്കുന്നത്. ശനിയാഴ്ച്ച നടന്ന ത്രിതല പഞ്ചായത്ത് തെരഞ്ഞെടുപ്പില്‍ അക്രമങ്ങളാണ് അരങ്ങേറിയത്. സംഘർഷങ്ങളിലും ആക്രമണങ്ങളിലും 18 പേര്‍ കൊല്ലപ്പെടുകയും ചെയ്തതതോടെയാണ് റിപോളിംഗ് പ്രഖ്യാപിച്ചത്. അക്രമ സംഭവങ്ങള്‍ വിലയിരുത്തിയ ശേഷമാണ് സംസ്ഥാന തെരഞ്ഞെടുപ്പ് കമ്മീഷന്‍ റീ പോളിംഗ് പ്രഖ്യാപിച്ചത്. വ്യാപക ആക്രമണം നടന്ന മുര്‍ഷിദാബാദിലെ 175 ബൂത്തുകളിലാണ് റീപോളിംഗ് നടക്കുന്നത്.

തെരഞ്ഞെടുപ്പ് അക്രമം; ബംഗാളില്‍ എട്ട് പേർ കൊല്ലപ്പെട്ടെന്ന് റിപ്പോര്‍ട്ട്; തെരഞ്ഞെടുപ്പ് അസാധുവാക്കണമെന്നും ഹര്‍ജി

webdesk15 — Sat, 08 Jul 2023 07:04:47 +0000

പഞ്ചായത്ത് തെരഞ്ഞെടുപ്പിന്റെ വോട്ടെടുപ്പിനിടയിലും പശ്ചിമ ബംഗാളില്‍ വ്യാപക അക്രമങ്ങൾ തുടരുന്നു. സംസ്ഥാനത്തിന്റെ വിവിധ ഭാഗങ്ങളിലുണ്ടായ ആക്രമണത്തില്‍ എട്ട് പേര്‍ കൊല്ലപ്പെട്ടതായി പ്രാദേശിക മാധ്യമങ്ങൾ റിപ്പോര്‍ട്ട് ചെയ്തു. അക്രമസംഭവങ്ങളെത്തുടര്‍ന്ന് പഞ്ചായത്ത് തിരഞ്ഞെടുപ്പ് അസാധുവാക്കണമെന്നാവശ്യപ്പെട്ട് കൊല്‍ക്കത്ത ഹൈക്കോടതി ചീഫ് ജസ്റ്റിസിന് ഇമെയില്‍ വഴി ഹര്‍ജി ലഭിച്ചെന്ന് ഒരു ദേശീയ മാധ്യമം റിപ്പോർട്ട് ചെയ്തു. തെരഞ്ഞെടുപ്പിൽ 9 മണിവരെ 10.26 ശതമാനം പോളിംഗ് രേഖപ്പെടുത്തിയാതായി തെരഞ്ഞെടുപ്പ് കമ്മീഷൻ അറിയിച്ചു.

22 ജില്ലാ പരിഷത്തുകളിലും 9,730 പഞ്ചായത്ത് സമിതികളിലും 63,229 ഗ്രാമപഞ്ചായത്ത് സീറ്റുകളിലുമായി ഏകദേശം 928 സീറ്റുകളിലേക്കാണ് തെരഞ്ഞെടുപ്പ് നടക്കുന്നത്.കേന്ദ്ര സേനയുടെ നിരീക്ഷണത്തിലാണ് ഗ്രാമസഭകളിലേക്ക് പ്രതിനിധികളെ തിരഞ്ഞെടുക്കുന്നതിനുള്ള തിരഞ്ഞെടുപ്പ് നടക്കുന്നത്. ബംഗാളിൽ 65,000 കേന്ദ്ര പോലീസുകാരെയും 70,000 സംസ്ഥാന പോലീസുകാരെയും വിന്യസിച്ചിട്ടുണ്ട്.

ബംഗാളിൽ തെരഞ്ഞെടുപ്പിനിടെ വ്യാപക അക്രമം; രണ്ട് തൃണമൂൽ പ്രവർത്തകർ കൊല്ലപ്പെട്ടു

webdesk15 — Sat, 08 Jul 2023 03:37:56 +0000

പശ്ചിമ ബംഗാളിൽ ത്രിതല പഞ്ചായത്ത് തെരഞ്ഞെടുപ്പ് പുരോഗമിക്കുന്നതിനിടെ വ്യാപക അക്രമം.രണ്ട് തൃണമൂൽ പ്രവർത്തകർ കൊല്ലപ്പെട്ടു.ഇന്ന് രാവിലെ മുർഷിദാബാദിലെ ബെൽദംഗയിൽ ഒരു ടി.എം.സി പ്രവർത്തകൻ വെടിയേറ്റും,കൂച്ച്‌ബിഹാറിലെ തുഫാൻഗുഞ്ചിൽ മറ്റൊരു പ്രവർത്തകൻ കുത്തേറ്റുമാണ് മരിച്ചത്.ഇന്നലെയും രണ്ട് പ്രവർത്തകർ കൊല്ലപ്പെട്ടിരുന്നു.ജൂൺ എട്ടിന് തിരഞ്ഞെടുപ്പ് പ്രഖ്യാപിച്ച ദിവസം മുതൽ ബംഗാളിൽ വ്യാപക അക്രമങ്ങളാണ് റിപ്പോർട്ട് ചെയ്യപ്പെട്ടത്. ഒരു കൗമാരക്കാരൻ ഉൾപ്പെടെ ഒരു ഡസനോളം പേർ മരിച്ചു.