ഭാര്യ ഉമ്മു ഹബീബ,മക്കള്‍ ഹസ്ബി,ഷമ്മാസ്,ആയിശ,ദയാന്‍

മയ്യിത് നിസ്കാരം ഉച്ചക്ക് 1.15 ന് കൊടുവള്ളി ടൗണ്‍ ജുമാമസ്ജിദില്‍ (കാട്ടില്‍ പള്ളിയില്‍).

പ്രവര്‍ത്തനത്തിന്റെ രണ്ടാം ഘട്ടം ഇന്നലെ ഊട്ടി മൈസൂര്‍ ദേശിയ പാതയിലായിരുന്നു. ശുചീകരണ പ്രവര്‍ത്തനങ്ങള്‍ക്ക് മുസ്ലിം ലീഗ് ജില്ലാ ജനറല്‍ സെക്രട്ടറി വി.കെ.ഹനീഫ, എം.എസ് ഫൈസല്‍ എന്നിവര്‍ മേല്‍ നോട്ടം വഹിച്ചു.

മുസ്‌ലിം ലീഗ് അഖിലേന്ത്യാ ജനറൽ സെക്രട്ടറി പി. കെ കുഞ്ഞാലിക്കുട്ടി മുഖ്യ പ്രഭാഷണം നടത്തും. ദേശീയ ഓർഗനൈസിങ് സെക്രട്ടറി ഇ.ടി മുഹമ്മദ്‌ ബഷീർ, സീനിയർ വൈസ് പ്രസിഡന്റ്‌ എം.പി അബ്ദു സമദ് സമദാനി സംസ്ഥാന ജനറൽ സെക്രട്ടറി പി.എം.എ സലാം, നിയമസഭ പാർട്ടി ഡെപ്യൂട്ടി ലീഡർ ഡോ. എം.കെ മുനീർ എന്നിവർ പ്രസംഗിക്കും. ഡോ. എസ്.എസ് ലാൽ, സുലൈമാൻ മേൽപ്പത്തൂർ വിഷയാവതരണം നടത്തും. മുസ്‌ലിം ലീഗ് ദേശീയ – സംസ്ഥാന നേതാക്കൾ, എം.എൽ.എമാർ പരിപാടിക്ക് അഭിവാദ്യങ്ങൾ നേരും.

വയനാട്ടിൽ ഉരുൾപൊട്ടൽ മേഖലയിൽ മുസ്‌ലിം യൂത്ത് ലീഗ് വൈറ്റ് ഗാർഡ് അംഗങ്ങൾ നടത്തിയ രക്ഷാപ്രവർത്തനം സമാനതകളില്ലാത്തതായിരുന്നുവെന്ന് മുസ്‌ലിം ലീഗ് സംസ്ഥാന പ്രസിഡണ്ട് സയ്യിദ് മുനവ്വറലി ശിഹാബ് തങ്ങളും ജനറൽ സെക്രട്ടറി പി കെ ഫിറോസും പറഞ്ഞു. മരണപ്പെട്ടവരുടെ മൃതദേഹങ്ങൾ കണ്ടെത്താനും അവയുടെ സംസ്കാരത്തിന് നേതൃത്വം നൽകാനും മണ്ണിനടിയിൽ കുടുങ്ങിയവരെ രക്ഷപ്പെടുത്താനും വൈറ്റ് ഗാർഡ് അംഗങ്ങൾ മുൻപന്തിയിൽ നിന്നു. ദുരന്ത മണ്ണിലെ ഇവരുടെ സേവന പ്രവർത്തനങ്ങൾ ദേശീയ മാധ്യമങ്ങൾ വരെ വലിയ പ്രാധാന്യത്തോടെ റിപ്പോർട്ട് ചെയ്തിരുന്നു. പ്രകൃതി ദുരന്തങ്ങളിലും കൊവിഡ്, നിപ്പ തുടങ്ങിയവ ഉണ്ടായപ്പോഴും വൈറ്റ് ഗാർഡിൻ്റെ സേവനം കേരളം കണ്ടറിഞ്ഞതാണ്.

വൈറ്റ് സംഗമത്തിൽ സംസ്ഥാനത്തെ മുഴുവൻ ജില്ലകളിൽ നിന്നുള്ള വൈറ്റ് ഗാർഡ് അംഗങ്ങളും പങ്കെടുക്കും.

വയനാട്ടിൽ ഉരുൾപൊട്ടൽ മേഖലയിൽ മുസ്‌ലിം യൂത്ത് ലീഗ് വൈറ്റ് ഗാർഡ് അംഗങ്ങൾ നടത്തിയ രക്ഷാപ്രവർത്തനം സമാനതകളില്ലാത്തതായിരുന്നു. മരണപ്പെട്ടവരുടെ മൃതദേഹങ്ങൾ കണ്ടെത്താനും അവയുടെ സംസ്കാരത്തിന് നേതൃത്വം നൽകാനും മണ്ണിനടിയിൽ കുടുങ്ങിയവരെ രക്ഷപ്പെടുത്താനും വൈറ്റ് ഗാർഡ് അംഗങ്ങൾ മുൻപന്തിയിൽ നിന്നു. ദുരന്ത മണ്ണിലെ ഇവരുടെ സേവന പ്രവർത്തനങ്ങൾ ദേശീയ മാധ്യമങ്ങൾ വരെ വലിയ പ്രാധാന്യത്തോടെ റിപ്പോർട്ട് ചെയ്തിരുന്നു. പ്രകൃതി ദുരന്തങ്ങളിലും കൊവിഡ്, നിപ്പ തുടങ്ങിയവ ഉണ്ടായപ്പോഴും വൈറ്റ് ഗാർഡിൻ്റെ സേവനം കേരളം കണ്ടറിഞ്ഞതാണ്.

സപ്തംബർ 11 ന് നടക്കുന്ന വൈറ്റ് സംഗമത്തിൽ സംസ്ഥാനത്തെ മുഴുവൻ ജില്ലകളിൽ നിന്നുള്ള വൈറ്റ് ഗാർഡ് അംഗങ്ങളും പങ്കെടുക്കും. മുസ്‌ലിം ലീഗ് ദേശീയ – സംസ്ഥാന നേതാക്കളും മറ്റു പ്രമുഖരും പങ്കെടുക്കുന്ന പരിപാടിയിൽ സംബന്ധിക്കും. വൈറ്റ് ഗാർഡ് അംഗങ്ങളെ കൃത്യമായി പങ്കെടുപ്പിക്കുന്നതിന് കീഴ്ഘടകങ്ങൾ ശ്രദ്ധിക്കണമെന്ന് നേതാക്കൾ അറിയിച്ചു.

സി.എച്ച് അബ്ബാസിന്റെ ഫേസ്ബുക്ക് പോസ്റ്റിന്റെ പൂര്‍ണരൂപം

നാട്ടിൽ പോവാണ്…..

വയനാട്ടുകാർ ചുരം ഇറങ്ങുന്നതിനെ നാട്ടിൽ പോവാ എന്നാണ് പറയാറുള്ളത്.
നാട്ടിൽ നിന്ന് വരുമ്പോൾ തേങ്ങ, ഈന്ത്, ചക്ക എന്നിവ കൊണ്ട് വരും, നാട്ടിൽ പോവുമ്പോൾ ചുരുങ്ങിയത് മൂന്ന് തരം ചായപ്പൊടി പാക്ക് എങ്കിലും കൊണ്ടുപോവും,

ഞങ്ങളും നാട്ടിൽ പോവാണ് കയ്യിൽ ചായപ്പൊടി വെച്ച് തരാൻ ആരുമില്ല
ഞങ്ങൾ നിങ്ങൾക്കായി കോണ്ടു വന്നത് ഞങ്ങളുടെ ജീവിതത്തിന്റെ 18രാപകലുകളാണ്,ഞങ്ങളുടെ ആരോഗ്യം, പലതും ഉപേക്ഷിച്ച് നിങ്ങൾക് വേണ്ടി മാത്രം നൽകിയ സമയങ്ങളാണ്, വയനാടിന് പുറത്തേക്ക് ഒരു ചിന്തയില്ലാത്ത ദിവസങ്ങളാണ് നാട്ടിലേക് മടങ്ങുമ്പോൾ കയ്യിൽ ചായ പൊടി വെച്ച് തരാൻ നിങ്ങളില്ലെങ്കിലും നിങ്ങളുടെ നാടിന്റെ പ്രാർത്ഥന ഞങ്ങൾ കോണ്ടു പോവാണ്.
അതിലേറെ വയനാടിന്റെ സ്നേഹം അനുഭവിച്ചറിഞ് മടങ്ങുകയാണ്.

ചൂരൽ മല നിവാസികളേ…

നിങ്ങളുടെ നാട് ഈ ഇളം പച്ച കുപ്പായത്തിനെ അളവറ്റ് സ്നേഹിച്ചിരിക്കുന്നു.
ചായ മക്കാനിയിലും, ബാർബർ ഷോപ്പിലും, ഓട്ടോയിലും, ഒരു സ്റ്റേഷനറി കടയിൽ പോലും ഞങ്ങളുടെ ക്യാഷ് വേണ്ടാത്തവരായിരിക്കുന്നു.

സാധനം വാങ്ങിയിട്ട് ബില്ലടക്കാൻ നേരത്ത് വൈറ്റ് ഗാർഡിന് free എന്ന് പറയാൻ മാത്രം ഞങ്ങൾ നിങ്ങളോട് ചേരാൻ ശ്രമിച്ചിരിക്കുന്നു.

അത് തന്നെയാണ് ഞങ്ങൾ നാട്ടിൽ നിന്ന് കൊണ്ടു വന്നത്.

സീതമ്മ കുണ്ടിന്റെ നീരൊഴുക്കിൽ കുളിച്ചും, വെള്ളാർമലയുടെ തണലിൽ കഴിഞ്ഞും, ശിഹാബ് ഫൈസിയുടെ പിന്നിൽ നമസ്കരിച്ചും,മാരിയമ്മൻ മൂർത്തിയെ ആരാധിച്ചും, ചൂരൽ മല ഇടവകയിലെ നല്ല നസ്രാണി ആയും,
ഉണ്ണിമാഷിന്റെ കഥകേട്ടും വെള്ളർമല സ്കൂളിന്റെ ഗ്രൗണ്ടിൽ പന്ത് തട്ടിയും നിങ്ങൾ കഴിഞ്ഞ പരസ്പര സ്നേഹ നാട് ഇന്ന് മേപ്പാടി പഞ്ചായത്തിന്റെ സ്നേഹ വീട്ടിലേക് മാറ്റിയിരിക്കുന്നു.

ഭൂമിക്ക് മുകളിലെ ഞങ്ങൾക് നിങ്ങളെ തിരിച്ചറിയാൻ കഴിയാതെ പോയതുള്ളു നിങ്ങളുട ലോകത്ത് നിങ്ങൾ നിങ്ങളുടെ മുണ്ടക്കൈ യെ വീണ്ടെടുക്കക കൊണ്ടും കൊടുത്തും സ്നേഹിച്ചും കഴിഞ്ഞ ഇനിയില്ലാത്ത മുണ്ടക്കൈ ഇവിടം പുനർജനികട്ടെ…..

ഈ വീടിന്റെ ഗൃഹനാഥനാണ് ഈ പൂക്കൾക് താഴെ ഇവരാണ് ഇവിടുത്തെ ആദ്യത്തെ അഥിതി.

മലവും മണ്ണും കലർന്ന ചളി കൂമ്പാരത്തിൽ നിന്ന് നെറ്റി ചുളിയാതെ വാരി പുണർന്നതാണ് നിങ്ങളെ..

മണ്ണിൽ വെച്ച് വലത്തോട്ട് തിരിച്ച് കിടത്തി മണ്ണുറുള വെക്കാൻ നിങ്ങളുടെ വെള്ള പുടവമാറ്റുമ്പോൾ കഴുത്തിനു മീതെ നിങ്ങളില്ലായിരുന്നു പക്ഷേ പതറിയില്ല..

സ്നേഹ വീട്ടിൽ നിത്യ നിദ്രക് നിങ്ങളെ ഒരുക്കുന്നതിൽ പാകപിഴവുണ്ടങ്കിൽ മാപ്പ്…..

ഇനിയുള്ള നിങ്ങളുടെ വസന്തകാലത്തേക് ഇതാ ഞങ്ങളുടെ കുറച്ച് പൂക്കൾ…..

തമ്മിൽ കാണാത്ത നമ്മൾ പരസ്പരം അറിയാൻ കിനാവിൽ വരണം..
പിന്നെ നാഥന്റെ സ്വർഗത്തിലും പടച്ചോൻ നമ്മളെ സ്വീകരിക്കട്ടെ….. ആമീൻ…

ഇത്തരത്തിൽ ഞങ്ങളെ പ്രാപ്ത്തമാക്കിയ Sayyid Munavvar Ali Shihab Thangal
PK Firos
Faisal bafaqui Thangal
തുടങ്ങിയവർക്കും പ്രസ്ഥാനത്തിനും നന്ദി….

‘എല്ലാം സന്നദ്ധപ്രവര്‍ത്തകരെയും കൂട്ടിച്ചേര്‍ത്ത് ഈ മിഷന്‍ പൂര്‍ത്തീകരിക്കാനാണ് സര്‍ക്കാര്‍ ലക്ഷ്യമിടുന്നത്. ഇതില്‍ രാഷ്ട്രീയമില്ല. ബെയ്‌ലി പാലത്തിനകത്തേക്ക് ഭക്ഷണം കൊടുക്കേണ്ട കാര്യത്തില്‍ സര്‍ക്കാറിന് ഉറപ്പുവരുത്തണം. പുറത്ത് സന്നദ്ധപ്രവര്‍ത്തകര്‍ എത്ര ഭക്ഷണം വേണമെങ്കിലും കൊടുത്തോട്ടേ. വാഹനങ്ങള്‍ അകത്തേക്ക് കൊണ്ടുവന്ന് ഷൂട്ടിങ്ങും ഭക്ഷണം കൊടുക്കലും കുറച്ച് അവസാനിപ്പിക്കുന്നത് നല്ലതാണ്’ മന്ത്രി പറഞ്ഞു. ലോകത്തിന് മാതൃകയാകും വിധം പുനരധിവാസത്തിന് കേരള മോഡല്‍ രൂപപ്പെടുത്തുമെന്നും തിരച്ചിലിന് സാധ്യമായതെല്ലാം ചെയ്യുമെന്നും മന്ത്രി കൂട്ടിച്ചേര്‍ത്തു.

വൈറ്റ് ഗാര്‍ഡ് മേപ്പാടി കള്ളാടിയില്‍ ഒരുക്കിയ ഊട്ടുപുര കഴിഞ്ഞദിവസം പൊലീസ് പൂട്ടിച്ചത് വലിയ വിവാദമായിരുന്നു. ഇതിന് പിന്നാലെ ഇന്നലെ രക്ഷാപ്രവര്‍ത്തകര്‍ക്ക് ഭക്ഷണം ലഭിക്കാത്ത സാഹചര്യമടക്കം ഉണ്ടായി. സര്‍ക്കാര്‍ തീരുമാനത്തിനെതിരെ രക്ഷാപ്രവര്‍ത്തകരും യൂത്ത് ലീഗ്, കോണ്‍ഗ്രസ് നേതാക്കളും രൂക്ഷവിമര്‍ശനവുമായി രംഗത്തെത്തുകയും സോഷ്യല്‍മീഡിയയിലടക്കം വ്യാപക പ്രതിഷേധമുയരുകയും ചെയ്തിരുന്നു.

വിവാദം കനത്തതോടെ ഊട്ടുപുര നിര്‍ത്തിവെപ്പിച്ച പൊലീസ് നടപടിക്കെതിരെ രംഗത്തുവന്ന മന്ത്രി മുഹമ്മദ് റിയാസ്, വൈറ്റ്ഗാര്‍ഡിന് ഭക്ഷണശാല തുടരാമെന്നും വ്യക്തമാക്കിയിരുന്നു. യൂത്ത് ലീഗ് ഊട്ടുപുര തടഞ്ഞ പൊലീസ് നടപടി പരിശോധിക്കണമെന്ന് മന്ത്രി പറഞ്ഞു. പൊലീസിന്റേത് അനാവശ്യ നടപടിയാണെന്ന അഭിപ്രായവും പരാതിയുമുണ്ടെന്നും പൊലീസ് സമീപനം ഉന്നത ഉദ്യോഗസ്ഥരുടെ ശ്രദ്ധയില്‍പെടുത്തിയിട്ടുണ്ടെന്നും അവര്‍ പരിശോധിക്കണമെന്നും മന്ത്രി വ്യക്തമാക്കിയിരുന്നു.

ഇടത് സംഘടനകൾ വരെ ഭക്ഷണം കഴിച്ച സംവിധാനം പെട്ടെന്ന് നിർത്തിയതോടെ പ്രദേശത്ത് വലിയ പ്രതിസന്ധി രൂപപ്പെടുകയും ചെയ്തിരുന്നു. ഭക്ഷണം ലഭിക്കാതെ നിരവധി രക്ഷാപ്രവർത്തകരാണ് പരാതിയുമായി രംഗത്തെത്തിയത്. കിട്ടിയ ഭക്ഷണം ഡേറ്റ് കഴിഞ്ഞതാണെന്നും പരാതി ഉയർന്നു.

ഇതോടെ ഇന്ന് സ്ഥലത്തെത്തിയ നിരവധി പേർ ഭക്ഷണം കിട്ടാതെ പ്രയാസപ്പെടുകയാണെന്ന് മാധ്യമങ്ങൾ റിപ്പോർട്ട് ചെയ്തു. വളരെ വൈകിയാണ് പലർക്കും പ്രഭാത ഭക്ഷണം കിട്ടിയത്. യൂത്ത് ലീഗിന്റെ സംവിധാനം നിർത്തിച്ചെങ്കിലും ഇത്രയും പേർക്ക് പകരം ഭക്ഷണ സംവിധാനം ഏർപ്പെടുത്താൻ സർക്കാർ ഇതുവരെ യാതൊന്നും ചെയ്തിട്ടില്ല എന്നാണ് രക്ഷാപ്രവർത്തകർ പറയുന്നത്.

പാചകപ്പുരയിലും യൂത്ത് ലീഗ് വൈറ്റ് ഗാര്‍ഡ് പ്രവര്‍ത്തകരാണ് ഉണ്ടായിരുന്നത്. രക്ഷാ പ്രവര്‍ത്തനത്തിന് എത്തുന്നവര്‍ക്ക് പാഴ്സലായിട്ടാണ് ഭക്ഷണം എത്തിച്ചിരുന്നത്. ഇന്ന് ഭക്ഷണം എത്തിച്ചപ്പോള്‍ പോലീസ് തടയുകയായിരുന്നു. കഴിഞ്ഞ ദിവസങ്ങളില്‍ പൊലീസ് സേനയിലുള്ളവര്‍ ഉള്‍പ്പെടെ ഇവിടെനിന്നാണ് ഭക്ഷണം കഴിച്ചിരുന്നത്.

നിങ്ങളുടെ സേവനം ഇവിടെ ആവശ്യമില്ലെന്നും നിങ്ങളുടെ ഭക്ഷണം കിട്ടിയില്ലെങ്കില്‍ ഇവിടെ ഒരു ചുക്കുമില്ലെന്നും ഡി.ഐ.ജി തോംസണ്‍ ജോസ് പറഞ്ഞതായി യൂത്ത് ലീഗ് പ്രവര്‍ത്തകര്‍ വ്യക്തമാക്കി. ഇനി ഭക്ഷണവിതരണം ചെയ്താല്‍ നിയമപരമായി നടപടിയെടുക്കുമെന്നും ഡി.ഐ.ജി പറഞ്ഞു. ദുരിതാശ്വാസ പ്രവര്‍ത്തകര്‍, പൊലീസ് സേനാ അംഗങ്ങള്‍, മാധ്യമപ്രവര്‍ത്തകര്‍, ആംബുലന്‍സ് ഡ്രൈവര്‍മാര്‍, ദുരന്തത്തില്‍ അകപ്പെട്ടവരുടെ ബന്ധുക്കള്‍, പോലീസ് – ആരോഗ്യവകുപ്പ്, റവന്യൂ വകുപ്പിലെ ഉദ്യോഗസ്ഥര്‍ തുടങ്ങിയവരാണ് ഇവിടെനിന്ന് ഭക്ഷണം കഴിച്ചിരുന്നത്. നാളെ മുതല്‍ ഇവരുടെയെല്ലാം അന്നം മുടക്കിയിരിക്കുകയാണ് സര്‍ക്കാര്‍.

വൈറ്റ് ഗാര്‍ഡ് സംസ്ഥാന ക്യാപ്റ്റന്‍മാരുടെ സ്ഥാനാരോഹണത്തിന്റെ ഭാഗമായി യൂണിഫോം ക്യാപ് സംസ്ഥാന പ്രസിഡന്റ് പാണക്കാട് സയ്യിദ് മുനവ്വറലി ശിഹാബ് തങ്ങള്‍ കൈമാറി. നെയിം ബോര്‍ഡ് സംസ്ഥാന ജനറല്‍ സെക്രട്ടറി പികെ ഫിറോസും, ബാഡ്ജ് സംസ്ഥാന വൈസ് പ്രസിഡന്റും വൈറ്റ് ഗാര്‍ഡ് കോ-ഓര്‍ഡിനേറ്ററുമായ ഫൈസല്‍ ബാഫഖി തങ്ങളും കൈമാറി. പുതിയ ക്യാപ്റ്റന്‍ സിറാജ് പറമ്പില്‍ വൈസ് ക്യാപ്റ്റന്മാരായ ഷഫീഖ് കടമേരി, സയീദ് പന്നിയൂര്‍ എന്നിവര്‍ ഏറ്റുവാങ്ങി. നിപ, കോവിഡ്, വെള്ളപ്പൊക്കം ഉള്‍പ്പെടെയുള്ള ഒട്ടേറെ ദുരന്തങ്ങളുടെ മുഖത്ത് സേവനസന്നദ്ധതയോടെ നിലയുറപ്പിച്ച് ജനങളുടെ പ്രശംസ നേടിയ സന്നദ്ധ വിഭാഗമാണ് വൈറ്റ് ഗാര്‍ഡ്. മുസ്ലിം യൂത്ത് സംസ്ഥാന ട്രഷറര്‍ പി. ഇസ്മായില്‍, വൈസ് പ്രസിഡന്റ് അഷ്റഫ് എടനീര്‍, സെക്രട്ടറി ടി.പി.എം ജിഷാന്‍, ജില്ല കോര്‍ഡിനേറ്റര്‍മാരായ ഗുലാം ഹസ്സന്‍ ആലംഗീര്‍, എ. സിജിത്ത് ഖാന്‍, അലി മംഗര, നൗഫല്‍ കളത്തില്‍, പി.എ ശിഹാബ്, മുന്‍ ക്യാപ്റ്റന്‍ ഷഫീഖ് വാച്ചാല്‍, വൈസ് ക്യാപ്റ്റന്‍ കെ.കെ ബദറുദ്ദീന്‍ പ്രസംഗിച്ചു. ജില്ലാ ക്യാപ്റ്റന്മാര്‍, വൈസ് ക്യാപ്റ്റന്മാര്‍, മണ്ഡലം ക്യാപ്റ്റന്മാര്‍ പങ്കെടുത്തു.