whtsapp – Chandrika Daily

ഗ്രൂപ്പുകള്‍ നിങ്ങള്‍ക്ക് ശല്യമായി തോന്നുന്നുണ്ടോ?; പുതിയ ഫീച്ചറുമായി വാട്‌സ് ആപ്പ്

Test User — Tue, 27 Oct 2020 09:54:41 +0000

വാട്‌സ് ആപ്പ് ഉപയോഗിക്കാത്തവര്‍ വളരെ വിരളമായിരിക്കും. പലര്‍ക്കും ചുരുങ്ങിയത് അഞ്ചു ഗ്രൂപ്പുകളെങ്കിലും ഫോണില്‍ കാണും. ബാല്യകാല സുഹൃത്തുക്കള്‍, പഴയ സഹപാഠികള്‍, കുടുംബാംഗങ്ങള്‍, സഹപ്രവര്‍ത്തകര്‍ തുടങ്ങിയവരടങ്ങുന്നതായിരിക്കും മിക്കവരുടേയും ഗ്രൂപ്പുകള്‍.

എന്നാല്‍ ചിലപ്പോഴെങ്കിലും ഈ ഗ്രൂപ്പുകളിലെ മെസേജുകളും വിഡിയോകളും ഫോട്ടോകളും ബുദ്ധിമുട്ടായി മാറാം. ഇതിനുള്ള പരിഹാരം ഗ്രൂപ്പ് മ്യൂട്ട് ചെയ്യുക എന്നതാണ്. എന്നാല്‍ മ്യൂട്ട് ചെയ്യുന്നതിനു ഒരു പരിധിയുണ്ട്. എട്ടു മണിക്കൂര്‍, ഒരാഴ്ച, ഒരു വര്‍ഷം എന്നിങ്ങനെയാണ് നിശബ്ദമാക്കാന്‍ സാധിക്കുന്നതിന്റെ പരിധി.

ഈ പ്രശ്‌നത്തിനു പരിഹാരവുമായിട്ടാണ് വാട്‌സാപ്പിന്റെ പുതിയ ഫീച്ചര്‍ അവതരിപ്പിച്ചിരിക്കുന്നത്. അതായത് ഒരു ഗ്രൂപ്പിനേയോ വ്യക്തികളേയോ എക്കാലത്തേക്കുമായി നിശബ്ദമാക്കാനുള്ള ഫീച്ചര്‍. ഒരു യൂസറുടെ ഇന്‍ഫോയിലോ ഗ്രൂപ്പ് ഇന്‍ഫോയിലോ പോയി മ്യൂട്ട് നോട്ടിഫിക്കേഷന്‍ ക്‌ളിക്ക് ചെയ്താല്‍ മാത്രം മതി.

ഈ ഫോണുകളില്‍ ഇനി വാട്‌സ് ആപ്പ് ലഭിക്കില്ല; കാരണം വ്യക്തമാക്കി അധികൃതര്‍

Test User — Fri, 23 Oct 2020 11:13:45 +0000

കോടിക്കണക്കിന് ഫോണുകളില്‍ വാട്‌സ് ആപ്പ് തങ്ങളുടെ സേവനം നിര്‍ത്താന്‍ ഒരുങ്ങുന്നു. അടുത്തവര്‍ഷം മുതല്‍ ആന്‍ഡ്രോയിഡ് 4.0.3 അല്ലെങ്കില്‍ അതിനുമുകളിലുള്ള ഫോണുകളില്‍ മാത്രമേ വാട്‌സ്ആപ്പ് പ്രവര്‍ത്തിക്കൂ. കൂടാതെ ഐഓഎസ് 9 അല്ലെങ്കില്‍ അതിന്റെ മുകളില്‍ വരുന്ന ഐ ഫോണുകളില്‍ മാത്രമെ ആപ്പ് പ്രവര്‍ത്തിക്കൂ.
ഫീച്ചറുകളും സുരക്ഷയും മെച്ചപ്പെടുത്താന്‍ നിരന്തരമായി വാട്‌സ്ആപ്പ് അപ്‌ഡേറ്റ് ചെയ്യാറുണ്ട്. അതിന്റെ ഭാഗമായി കാലക്രമേണ ചില ഉപയോക്താക്കളുടെ ഫോണുകളില്‍ ആപ്പ് പ്രവര്‍ത്തിക്കാതെ വരും. ഫോണിലെ കാലഹരണപ്പെട്ട സോഫ്റ്റ്‌വെയറോ ഹാര്‍ഡ്‌വെയറോ മൂലമാണ് ഇത് സംഭവിക്കുന്നത്.
അതിനാല്‍ ഐഒഎസ് 9, ആന്റോയിഡ് 4.0.3 എന്നി പതിപ്പുകളേക്കാള്‍ പഴയ ഫോണുകള്‍ ഉപയോഗിക്കുന്നവര്‍ക്ക് അടുത്ത വര്‍ഷം
മുതല്‍ തങ്ങളുടെ ഫോണില്‍ വാട്‌സാപ്പ് ഉപയോഗിക്കാന്‍ കഴിയില്ല. 2021 മുതല്‍ വാട്‌സ്ആപ്പിനെ പിന്തുണയ്ക്കാത്ത ഈ സ്മാര്‍ട്ട് ഫോണുകള്‍ ഇവയാണ്

ആന്‍ഡ്രോയ്ഡ് ഫോണുകള്‍

സാംസങ് ഗാലക്‌സി എസ്2
മോട്ടറോള ഡ്രോയ്ഡ് റേസര്‍
എല്‍.ജി ഒപ്ടിമസ് ബ്ലാക്
എച്ച്.ടി.സി ഡിസയര്‍

ഐ.ഒ.എസ്

ഐഫോണ്‍ 4എസ്
ഐഫോണ്‍ 5
ഐഫോണ്‍ 5സി
ഐഫോണ്‍ 5എസ്‌

വെബിലും ഉപയോക്താക്കളെ ഞെട്ടിക്കാനൊരുങ്ങി വാട്‌സ് ആപ്പ്

Test User — Wed, 21 Oct 2020 14:42:30 +0000

വാട്‌സാപ്പ് വെബ് ഉപയോക്താക്കള്‍ക്കായി വീഡിയോ, ഓഡിയോ കോളിങ് സൗകര്യം അവതരിപ്പിക്കാനൊരുങ്ങുന്നതായി റിപ്പോര്‍ട്ട്.

വാബീറ്റാ ഇന്‍ഫോയാണ് വാട്‌സാപ്പ് ഇങ്ങനെ ഒരു ഫീച്ചര്‍ പരീക്ഷിക്കുന്നുണ്ടെന്ന വിവരം പുറത്തുവിട്ടത്. വാട്‌സാപ്പിന്റെ 2.2043.7 ബീറ്റാ അപ്‌ഡേറ്റിലാണ് വീഡിയോ ഓഡിയോ കോളിങ് സൗകര്യമുള്ളത്. ആഴ്ചകള്‍ക്കുള്ളില്‍ തന്നെ ഈ സൗകര്യം ലഭ്യമാക്കിയേക്കുമെന്നും വാബീറ്റാ ഇന്‍ഫോ പറയുന്നു.

ഒരാളെ വിളിക്കുമ്പോള്‍ കോള്‍ സ്റ്റാറ്റസ് കാണിക്കുന്ന പ്രത്യേക വിന്‍ഡോ പ്രത്യക്ഷപ്പെടും. ഈ ഫീച്ചര്‍ ഉപയോഗിച്ച് ഗ്രൂപ്പ് വീഡിയോ കോള്‍ ചെയ്യാനും ഗ്രൂപ്പ് ഓഡിയോ കോള്‍ ചെയ്യാന്‍ സാധിക്കുമെന്നും വാബീറ്റ ഇന്‍ഫോ പറയുന്നു.

നിലവില്‍ വീഡിയോ കോളുകള്‍ക്കായി മെസഞ്ചര്‍ റൂംസ് ലിങ്ക് വാട്‌സാപ്പ് വെബ്ബില്‍ ഉള്‍പ്പെടുത്തിയിട്ടുണ്ട്. എന്നാല്‍ വാട്‌സാപ്പ് വെബില്‍ വീഡിയോ കോള്‍ സൗകര്യം ഉള്‍പ്പെടുത്തുന്നതോടെ ചിലപ്പോള്‍ മെസഞ്ചര്‍ റൂംസ് ഒഴിവാക്കിയേക്കാം.

ഈ നമ്പറുകളില്‍ നിന്നുള്ള വാട്‌സ് ആപ്പ് ചാറ്റുകളെ സൂക്ഷിക്കുക; ഹണിട്രാപ്പ് തട്ടിപ്പിന്റെ മുന്നറിയിപ്പുമായി പൊലീസ്

Test User — Fri, 16 Oct 2020 18:20:04 +0000

തിരുവനന്തപുരം: സംസ്ഥാനത്ത് ഹണിട്രാപ് സാധ്യതകളെക്കുറിച്ച് മുന്നറിയിപ്പ് നല്‍കി കേരളാ പൊലീസ്. ചാറ്റിലൂടെയും കോളിലൂടെയും കെണിയൊരുക്കി പണം തട്ടുന്നവരെ കുറിച്ചാണ് പൊലീസിന്റെ മുന്നറിയിപ്പ്. നിരവധി പേര്‍ക്ക് വഞ്ചനയില്‍ വന്‍ തുകകള്‍ നഷ്ടമായി. മാനക്കേട് ഭയന്ന് പലരും പരാതിപ്പെടാറുമില്ലെന്ന് പൊലീസ് അറിയിച്ചു.

https://www.facebook.com/keralapolice/posts/3305306889564777

തട്ടിപ്പു സംഘങ്ങള്‍ സൗഹൃദം സ്ഥാപിക്കുകയും ചാറ്റിങ്ങിലൂടെ സ്വകാര്യവിവരങ്ങളും ചിത്രങ്ങളും കൈക്കലാക്കുകയും തുടര്‍ന്ന് ഭീഷണിപ്പെടുത്തി പണം തട്ടുകയുമാണ് ചെയ്യുന്നത്. ലഭ്യമായ പരാതികളില്‍ നിന്നും +44, +122 എന്നീ നമ്പറുകളില്‍ നിന്നുള്ള വാട്‌സ്ആപ് കോളുകളിലൂടെയാണ് തട്ടിപ്പ് നടന്നതെന്ന് വ്യക്തമായിട്ടുണ്ട്.

ലഭ്യമായ പരാതികളില്‍ ഹൈടെക് സെല്ലും സൈബര്‍ സെല്ലും അന്വേഷണം ആരംഭിച്ചിട്ടുണ്ട്. അപരിചിതരുമായി വാട്‌സ്ആപ്പിലൂടെ ചാറ്റിംഗ് നടത്തുമ്പോള്‍ ഇത്തരം കെണിയെക്കുറിച്ചുകൂടി ഓര്‍ക്കണമെന്നും പൊലീസ് മുന്നറിയിപ്പ് നല്‍കി.

2021 മുതല്‍ ഈ ഫോണുകളില്‍ വാട്‌സ് ആപ്പ് പ്രവര്‍ത്തിക്കില്ല

Test User — Fri, 09 Oct 2020 14:52:23 +0000

അടുത്തവര്‍ഷം മുതല്‍ ആന്‍ഡ്രോയിഡ് 4.0.3 അല്ലെങ്കില്‍ അതിനുമുകളിലുള്ള ഫോണുകളില്‍ മാത്രമേ വാട്‌സ്ആപ്പ് പ്രവര്‍ത്തിക്കൂ. കൂടാതെ ഐഓഎസ് 9 അല്ലെങ്കില്‍ അതിന്റെ മുകളില്‍ വരുന്ന ഐ ഫോണുകളില്‍ മാത്രമെ ആപ്പ് പ്രവര്‍ത്തിക്കൂ.

ഫീച്ചറുകളും സുരക്ഷയും മെച്ചപ്പെടുത്താന്‍ നിരന്തരമായി വാട്‌സ്ആപ്പ് അപ്‌ഡേറ്റ് ചെയ്യാറുണ്ട്. അതിന്റെ ഭാഗമായി കാലക്രമേണ ചില ഉപയോക്താക്കളുടെ ഫോണുകളില്‍ ആപ്പ് പ്രവര്‍ത്തിക്കാതെ വരും. ഫോണിലെ കാലഹരണപ്പെട്ട സോഫ്റ്റ്‌വെയറോ ഹാര്‍ഡ്‌വെയറോ മൂലമാണ് ഇത് സംഭവിക്കുന്നത്.

അതിനാല്‍ ഐഒഎസ് 9, ആന്റോയിഡ് 4.0.3 എന്നി പതിപ്പുകളേക്കാള്‍ പഴയ ഫോണുകള്‍ ഉപയോഗിക്കുന്നവര്‍ക്ക് അടുത്ത വര്‍ഷം
മുതല്‍ തങ്ങളുടെ ഫോണില്‍ വാട്‌സാപ്പ് ഉപയോഗിക്കാന്‍ കഴിയില്ല. 2021 മുതല്‍ വാട്‌സ്ആപ്പിനെ പിന്തുണയ്ക്കാത്ത ഈ സ്മാര്‍ട്ട് ഫോണുകള്‍ ഇവയാണ്

ആന്‍ഡ്രോയ്ഡ് ഫോണുകള്‍

സാംസങ് ഗാലക്‌സി എസ്2
മോട്ടറോള ഡ്രോയ്ഡ് റേസര്‍
എല്‍.ജി ഒപ്ടിമസ് ബ്ലാക്
എച്ച്.ടി.സി ഡിസയര്‍

ഐ.ഒ.എസ്

ഐഫോണ്‍ 4എസ്
ഐഫോണ്‍ 5
ഐഫോണ്‍ 5സി
ഐഫോണ്‍ 5എസ്

വാട്‌സ് ആപ്പ് സ്റ്റാറ്റാസിലൂടെ പണം സമ്പാദിക്കാന്‍ അവസരം എന്ന പ്രചരണം വന്‍ തട്ടിപ്പ്; മുന്നറിയിപ്പുമായി കേരള പൊലീസ്

Test User — Thu, 08 Oct 2020 06:08:26 +0000

തിരുവനന്തപുരം: വാട്‌സ് ആപ്പ് സ്റ്റാറ്റസിലൂടെ ദിവസവും 500 രൂപ സമ്പാദിക്കാന്‍ അവസരം എന്ന രീതിയില്‍ നടത്തുന്ന പ്രചരണം തട്ടിപ്പാണെന്ന് കേരള പൊലീസ്. ഇതിനോടകം തന്നെ നിരവധി ആളുകളാണ് ഈ വ്യാജ സന്ദേശം ഷെയര്‍ ചെയ്തിരിക്കുന്നത്.

സ്റ്റാറ്റസിനൊപ്പം നല്‍കിയിരിക്കുന്ന ലിങ്കില്‍ ക്ലിക്ക് ചെയ്താല്‍ ഒറ്റ പേജുള്ള ഒരു വെബ്‌സൈറ്റിലേക്കാണ് പോവുക. അതില്‍ നിങ്ങള്‍ വാട്‌സ്ആപ്പില്‍ ഷെയര്‍ ചെയ്യുന്ന സ്റ്റാറ്റസുകള്‍ 30 ല്‍ കൂടുതല്‍ ആളുകള്‍ കാണാറുണ്ടോ ? എങ്കില്‍ നിങ്ങള്‍ക്കും ഉണ്ടാക്കാം ദിവസേന 500 രൂപ വരെ നേടാം എന്നാണ് നല്‍കിയിരിക്കുന്നത്. പ്രമുഖ ബ്രാന്‍ഡുകളുടെ പരസ്യങ്ങള്‍ വാട്‌സ്ആപ്പില്‍ സ്റ്റാറ്റസായി പോസ്റ്റ് ചെയ്താല്‍ , ഒരു സ്റ്റാറ്റസിന് 10 മുതല്‍ 30 രൂപവരെ ലഭിക്കുമെന്നും വാട്‌സ്ആപ്പിലൂടെ മാത്രം 500 രൂപ നേടാമെന്നുമാണ് വെബ്‌സൈറ്റില്‍ അറിയിച്ചിരിക്കുന്നത്. ഇതില്‍ രജിസ്റ്റര്‍ ചെയ്യുന്നവരുടെ വിവരങ്ങള്‍ ആവശ്യപ്പെടുകയും തുടര്‍ന്ന് ബാങ്കിങ് വിവരങ്ങള്‍ ശേഖരിച്ചു ബാങ്കിംഗ് തട്ടിപ്പുകള്‍ക്കായി ഉപയോഗിക്കാനുമാണ് സാധ്യതയെന്ന് കേരള പൊലീസ് വ്യക്തമാക്കി.

കോവിഡ് കാലത്ത് ഇതിനോടകം തന്നെ നിരവധി ഓണ്‍ലൈന്‍ തട്ടിപ്പുകളാണ് റിപ്പോര്‍ട്ട് ചെയ്യപ്പെടുന്നത്. ഒഎല്‍എക്‌സുമായി ബന്ധപ്പെട്ട തട്ടിപ്പുകളില്‍ നിരവധി പരാതികളാണ് പൊലീസിന് ലഭിച്ചിട്ടുള്ളത്.

https://www.facebook.com/keralapolice/posts/3280563425372457

ഞെട്ടിക്കാന്‍ ഒരുങ്ങി വാട്‌സ് ആപ്പ്; മള്‍ടി ഡിവൈസ് ഫീച്ചര്‍ അവസാന ഘട്ടത്തില്‍

Test User — Tue, 22 Sep 2020 14:13:08 +0000

മള്‍ടി ഡിവൈസ് ഫീച്ചര്‍ അവതരിപ്പിക്കാനൊരുങ്ങി വാട്‌സ് ആപ്പ്. ഇതിന്റെ ബീറ്റാ പരീക്ഷണം വാട്‌സാപ്പ് ആരംഭിച്ചു. ഈ ഫീച്ചര്‍ ഇപ്പോള്‍ അവസാനഘട്ടത്തിലായിരിക്കുമെന്നാണ് വാബീറ്റാ ഇന്‍ഫോ വെബ്‌സൈറ്റ് റിപ്പോര്‍ട്ട് ചെയ്യുന്നത്.

ബീറ്റാ ഉപയോക്താക്കള്‍ക്കിടയിലേക്ക് ഈ ഫീച്ചര്‍ ഉടന്‍ എത്തുമെന്നാണ് റിപ്പോര്‍ട്ടുകള്‍. ചില സ്‌ക്രീന്‍ ഷോട്ടുകളും വാബീറ്റാ ഇന്‍ഫോ പുറത്തുവിട്ടിട്ടുണ്ട്. അതില്‍ ഒന്ന് വാട്‌സാപ്പ് വെബില്‍ ചാറ്റുകള്‍ ഡൗണ്‍ലോഡ് ചെയ്യുന്നതിന്റെ സ്‌ക്രീന്‍ ഷോട്ട് ആണ്. അതായത് വാട്‌സാപ്പ് വെബ് ഉപയോഗിക്കാന്‍ പ്രധാന ഉപകരണമായി ഫോണ്‍ വേണമെന്നില്ല. വാട്‌സാപ്പ് വെബ് സ്വതന്ത്രമായി തന്നെ ഉപയോഗിക്കാന്‍ കഴിയും.

മള്‍ടി ഡിവൈസ് ഫീച്ചര്‍ വഴി ഒരേ സമയം നാല് ഉപകരണങ്ങളില്‍ വാട്‌സാപ്പ് ലോഗിന്‍ ചെയ്യാനാവും. മള്‍ടി ഡിവൈസ് ഫീച്ചര്‍ സജീവമാക്കാന്‍ ടോഗിള്‍ ബട്ടനുണ്ടാവും. മള്‍ടി ഡിവൈസ് ഫീച്ചറിനെ കൂടാതെ വ്യത്യസ്ത വാട്‌സാപ്പ് ചാറ്റുകളില്‍ വ്യത്യസ്ത വാള്‍പേപ്പറുകള്‍ ഉപയോഗിക്കാനുള്ള സൗകര്യവും താമസിയാതെ പുറത്തിറക്കുമെന്നാണ് പുറത്ത് വരുന്ന റിപ്പോര്‍ട്ടുകള്‍. അടുത്തിടെ വാട്‌സാപ്പിന്റെ ഐഓഎസ് പതിപ്പില്‍ ഈ സൗകര്യം പ്രത്യക്ഷപ്പെട്ടിരുന്നു.

വാട്‌സ്ആപ്പിനെ നിശ്ചലമാക്കി ടെക്സ്റ്റ് ബോംബ്; പുതിയ അപ്‌ഡേറ്റുമായി വാട്‌സ്ആപ്പ്

Test User — Tue, 08 Sep 2020 16:57:07 +0000

സ്മാര്‍ട്‌ഫോണുകളെ നിശ്ചലമാക്കുന്ന ടെക്സ്റ്റ് ബോംബുകളെ ചെറുക്കാനുള്ള സുരക്ഷാ അപ്‌ഡേറ്റുമായി വാട്‌സാപ്പ്. അടുത്തിടെ അവതരിപ്പിച്ച അപ്‌ഡേറ്റുകളിലാണ് ഉപയോക്താക്കളുടെ വിവരങ്ങള്‍ ഹാക്കര്‍മാര്‍ ചോര്‍ത്തുന്നത് തടയുന്നതിനായുള്ള പരിഹാരങ്ങളുള്ളത്. ഇക്കൂട്ടത്തില്‍ ടെക്സ്റ്റ് ബോംബ് ചെറുക്കാനുള്ള സംവിധാനവുമുണ്ടെന്ന് വാബീറ്റാ ഇന്‍ഫോ റിപ്പോര്‍ട്ട് ചെയ്യുന്നു.

വാട്‌സാപ്പിന്റെ പുതിയ ഫീച്ചറുകളെ കുറിച്ചും, അപ്‌ഡേറ്റുകളെ കുറിച്ചുമെല്ലാമുള്ള ആധികാരിക വിവരങ്ങള്‍ പങ്കുവെച്ച് ശ്രദ്ധേയമാണ് വാബീറ്റാ ഇന്‍ഫോ എന്ന വെബ്‌സൈറ്റ്. അടുത്തിടെ വാട്‌സാപ്പില്‍ കൊണ്ടുവരാന്‍ ആഗ്രഹിക്കുന്ന പുതിയ ഫീച്ചറുകളും ആശയങ്ങളും പങ്കുവെക്കാന്‍ വാബീറ്റാ ഇന്‍ഫോ ട്വിറ്ററിലൂടെ ഉപയോക്താക്കളോട് ആവശ്യപ്പെട്ടിരുന്നു.

ഒരു കൂട്ടം സ്‌പെഷ്യല്‍ കാരക്ടറുകള്‍ ഉപയോഗിച്ചാണ് ടെക്സ്റ്റ് ബോംബുകള്‍ തയ്യാറാക്കുന്നത്. പ്രത്യേകിച്ച് ക്രമമോ അര്‍ത്ഥമോ ഇല്ലാതെ ക്രമീകരിക്കുന്ന ഈ സ്‌പെഷ്യല്‍ കാരക്ടറുകളുടെ അര്‍ത്ഥം മനസിലാക്കുന്നതില്‍ വാട്‌സാപ്പ് പരാജയപ്പെടുകയും തത്ഫലമായി ഫോണ്‍ ഹാങ് ആവുകയോ പ്രവര്‍ത്തനരഹിതമോ ആവുകയും ചെയ്യും.

പബ്ലിക്ക് ഗ്രൂപ്പുകള്‍ വഴിയാണ് ഇത്തരം ടെക്സ്റ്റ് ബോംബ് ആക്രമണങ്ങള്‍ നടക്കാറ്. ഗ്രൂപ്പുകളില്‍ നുഴഞ്ഞു കയറുന്നവര്‍ അതിലെ അംഗങ്ങള്‍ക്ക് നേരിട്ടോ ഗ്രൂപ്പുകളിലൂടെയോ ടെക്സ്റ്റ് ബോംബ് ഫോര്‍വേഡ് ചെയ്യുന്നു. ഇത് തുറക്കുന്നതോടെ ഫോണ്‍ പ്രവര്‍ത്തിക്കാതാവും.

സന്ദേശങ്ങള്‍ ഡീകോഡ് ചെയ്യുന്നതില്‍ പിശക്; വാട്ട്‌സ്ആപ്പില്‍ വ്യാപക തകരാര്‍

Test User — Mon, 07 Sep 2020 18:23:48 +0000

ഡല്‍ഹി: പ്രത്യേക ക്യാരക്ടറുകള്‍ അടങ്ങിയ സന്ദേശങ്ങള്‍ കാരണം വാട്ട്‌സ്ആപ്പിന് തകരാര്‍ സംഭവിക്കുന്നതായി ലോകമൊട്ടാകെ പരാതി. ചിഹ്നങ്ങളോ അക്ഷരങ്ങളോ അടങ്ങിയ പ്രത്യേക ക്യാരക്ടറുകള്‍ അടങ്ങിയിട്ടുളള നീണ്ട സന്ദേശങ്ങള്‍ ഡീകോഡ് ചെയ്യുന്നതില്‍ വാട്ട്‌സ്ആപ്പിന് വരുന്ന പിശകാണ് ഇതിന് കാരണമെന്നാണ് വിദഗ്ധരുടെ അഭിപ്രായം.

ബ്രസീല്‍ അടക്കമുളള പ്രമുഖ രാജ്യങ്ങളില്‍ നിന്നാണ് വാട്ട്‌സ്ആപ്പിന് എതിരെ പരാതി ഉയര്‍ന്നിരിക്കുന്നത്. വ്യത്യസ്തമായ ക്യാരക്ടറുകള്‍ ഉപയോഗിച്ച് സന്ദേശങ്ങള്‍ അയക്കുന്നത് പതിവാണ്. എന്നാല്‍ ഇത് വ്യാഖ്യാനിക്കുന്നതില്‍ വാട്ട്‌സ്ആപ്പിന് വരുന്ന പിശകാണ് പ്രശ്‌നങ്ങള്‍ക്ക് കാരണം. പലപ്പോഴും സന്ദേശങ്ങള്‍ പൂര്‍ണ അര്‍ത്ഥത്തില്‍ ഉപയോക്താവിന് കൈമാറാനും വാട്ട്‌സ്ആപ്പിന് കഴിയാതെ വരുന്നുണ്ട്. ഇത്തരം പ്രശ്‌നങ്ങള്‍ കാരണം സന്ദേശങ്ങള്‍ കൈമാറാന്‍ കഴിയാതെ വാട്ട്‌സ്ആപ്പ് പ്രവര്‍ത്തനരഹിതമാകുന്ന സ്ഥിതി ഉണ്ടാവുന്നുണ്ടെന്ന് പ്രമുഖ സ്ഥാപനമായ വാബെറ്റെയ്ന്‍ഫോ റിപ്പോര്‍ട്ട് ചെയ്യുന്നു.

ആപ്പ് തുറക്കാന്‍ പോലും കഴിയാത്ത സ്ഥിതിയുണ്ടെന്ന് പരാതിയില്‍ പറയുന്നു. ആപ്പ് തുടര്‍ച്ചയായി ഉപയോക്താവ് തുറക്കാനും ക്ലോസ് ചെയ്യാനും ശ്രമിച്ചാല്‍ കുറെ നേരത്തേയ്ക്ക് പൂര്‍ണമായി പ്രവര്‍ത്തനരഹിതമാകുന്ന അവസ്ഥയും ഉണ്ടെന്ന് റിപ്പോര്‍ട്ടില്‍ പറയുന്നു.

വാട്‌സ്ആപ്പ് ഇനി പുത്തനാവും; വലിയ മാറ്റങ്ങള്‍ക്ക് തയ്യാറെടുക്കുന്നു

Test User — Wed, 23 Oct 2019 07:40:13 +0000

പുത്തന്‍ മാറ്റങ്ങള്‍ക്കൊരുങ്ങി വാട്‌സ്ആപ്പ്.ഗ്രൂപ്പ്സെ പ്രൈവസിറ്റിങ് ഉള്‍പ്പെടെയുള്ള സേവനങ്ങളില്‍ വലിയ മാറ്റങ്ങള്‍ കൊണ്ടുവരാന്‍ വാട്‌സ്ആപ്പ് തയ്യാറെടുക്കുന്നു. ഐഒഎസ്, ആന്‍ഡ്രോയ്ഡ് പ്ലാറ്റ് ഫോമുകളില്‍ മാറ്റങ്ങള്‍ ഉടന്‍ ലഭ്യമാകും. പുതിയ മാറ്റങ്ങളുടെ ഭാഗമായി അയച്ച മെസേജുകള്‍ വേണ്ടെങ്കില്‍ രഹസ്യമായി തന്നെ ഡിലീറ്റ് ചെയ്യാനും അവസരമുണ്ടായിരിക്കും.

ഡാര്‍ക്ക് മോഡ് വാട്‌സാപ്പിലും ഉടന്‍ ലഭ്യമാക്കും. ഹൈഡ് മ്യൂട്ടഡ് സ്റ്റാറ്റസ് എന്ന പുതിയ ഓപ്ഷന്‍ കോണ്‍ടാക്റ്റ് ലിസ്റ്റിലെ എല്ലാ സ്റ്റാറ്റസ് അപ്‌ഡേറ്റുകളും മ്യൂട്ട് ആക്കി ഇടാനും സഹായകരമാകും. കൊണ്‍ടാക്റ്റ് ലിസ്റ്റില്‍ സ്ഥിരം മെസേജ് അയക്കാറുള്ള നമ്പറുകള്‍ പ്രയോറിറ്റി ചെയ്തിടാനും ഇനി മുതല്‍ സാധിക്കും.